Ka Nupepa Kuokoa, Volume LXI, Number 22, 1 Iune 1922 — LOAA AKU KA PAHUHAO I AIHUE IA AI [ARTICLE]
LOAA AKU KA PAHUHAO I AIHUE IA AI
O ka pahuhao waiho dala i aihueia ai a i laweia ai hoi mai ka hale aku o ke Tsuboya Tea Garden a na Kepani e kokahi mau kanaka powa elima i paa na maka i ka uhiia ma ka auwina la o ka Poaono o ka pule aku la i hala ma. ke kapakai o ke Kaikuono o Hanauma ma kela huli hikina o ka mokupuni o Oahu i loaa aku ai i kekahi mau Pukiki ekolu o ka holo ana e lawai'a ilaila, a hoihoiia mai i ka halewai. Ma ka manawa oka powa ia ana o ka hale Tsuboya a na Kepani e ku nei ma ke alanui Kuakini he nui na dala e waiho ana maloko o ka pahuhao. Ma ka manawa nae o ka loaa ana aku o kela pahuhao o na mea wale no e waiho ana maloko he mau pepa aohe i huliia. Eia ka hana o ka huli ana aku i ka poe nn lakou i aihue i kela pahuhao me na dala maloko iloko o na lima o ka oihaua makaikiu ame na kulanakauhale, a ua manaolanaia he la no e hiki mai ana e loaa aku ana no ka poe na lakou i aihue i kela pahuhao.