Ka Nupepa Kuokoa, Volume LXI, Number 22, 1 June 1922 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KUU LEI ALOHA HE KANE

JOHN K. KEKAHUNA

UA HALA

 

            Ua haalele mai kuu kane aloha @a'u ame ka leialoha a maua, i na hora o ka auwina la o ke ahiahi Poalima i ka hapalua o ka hora eha @ ka la 28 o Aperila 1922.

            Ua hanauia kuu kane aloha ma Hawaii, Puna, mai ka puhaka mai o kona mama aloha i haalele mua mai i keia ola honua ana, o ia hoi o Kaehukai, ame kona papa aloha e noho mai la no i Puna me kona mau pokii aloha, oia o Kekahuna, he elua wale no o kona mau hanaumua i ike i ka hanu hope o ko laua pokii aloha, oia o Mrs. Mele Kamoku ame Kaimiola Kekahuna.

            Aloha wale au i kuu kane heleloa ke noho mai la ka makuakane ame na pokii i ka aina me ka ike ole i kona helehelena; aloha kuu kane kuu makua o keia aina malihini.

            Ua hanauia kuu lei poina ole, i ka la 17, o Maraki, 1880, nolaila ua piha i kuu kane aloha na makahiki he 42 ame na la keu, ua nalo ua pau ka lohe hou ana i kona leo aloha!

            Ua piha ia'u me kuu kane heleloa na makahiki he 20, a oi ua piliia e maua na wahi apau o ke kaona nei, ua auia no hoi na kai aloha o Hawaii, aloha ia mau wahi apau a maua i pili ai ame ka lei hookahi wale no a maua, auwe kuu minamina i kuu makua aloha ia'u.

            No kuu kane heleloa, he kane aloha ia'u kana wahine, he aloha i ka lei a maua, he mea nui ka mana lei iaia, pel apu no hoi ka ohana e kipa mai ana i ko maua home, aole ana leo i na makamaka apau e kipa mai ana, he puuwaihamama oia, aole koe kekahi mea, aole paha e loaa hou aku ana ia'u kekahi kane elike me kona ano.

            Ke haawi aku nei au ka wahinekanemake ame ka maua leialoha i ko maua hoomaikai i ka ahahui a kuu kane aloha i komo ai, o ia hoi k@ ahahui kokua Manawalea Poola i ko lakou lawe ana i na hoolilo apau ma ko lakou aoao, a peia pu no hoi i ko'u poe hoahanau o ka ahahui Kokua Manawalea Wahine Poola, i ko lakou ku kiai ana ame ka hele pu ana me a'u i ka huakai hele loa o kuu kane aloha a pela pu no hoi me o'u mau kaikunane.

            Ke haawi hou aku nei no au ame ka'u leialoha i ko maua hoomaikai no na hoaloha apau i lawe mai i ka lakou mau makana pua no ka hoowehiwehi ana i ke kina wailua o kuu mea aloha he kane, e oluolu mai oukou apau e lawe aku i ka maua hoomaikai, a na ko kakou Makua ma ka lani, e kiai ia oukou apau, a peia pu hoi me a'u ka wahine kanemake ame kuu leialoha makuakane ole, a e ola no hoi kakou apau ma ka inoa hiwahiwa o kana keiki o Iesu Kristo, Amene.

            Ke haawi pu nei no maua i ko maua hoomaikai no ka maua kaikamahine i ko laua hoomanawanui ana mai me a'u i ka manawa e waiho ana kuu kane aloha iloko o ka nawaliwali, aole laua i kaniuhu i ko laua makuakane, ahiki i kona haalele ana mai ia makou, ko maua welina.

            O maua iho no me ka naau luuluu a kaumaha,

MRS. EVA K. KEKAHUNA,

MISS V. K. KEKAHUNA,

 

PAA AE I KA HOPUIA E NA

MAKAIKIU.

 

            Ma ka Poaha o ka pule aku la i hala i paa ae ai o H. Nakagawa i ka hopuia e na makaikiu malalo o ka noho poo ana a McDuffie, a noho ana i ke puhi no ka hoomano i ke kuai rama.

            Ma ke kakahiaka o ka Poaha nei, ua hookolokoloia ae o Dan Kekaulike maloko o ka Aha Apana, imua o Lunakanawai A. D. Larnach no ka ona. A oiai ma ka panina pau o ka ninaninauia ana o Dan Kekaulike in a ua hewa a hewa ole paha oia, ua ninau mai la ka lunakanawai iaia penei:

            "Nohea i loaa ai kou okolehao@" wahi a ka lunakanawai o ka ninau ana aku mahope o ka ae ana aku o Kekaulike i kona hewa maoli ma ia hana ana ana.

            I kela wa i meha pu iho ai oloko o kela aha; ikeia aku la na a-i o kela ame keia mea e koloua ae ana ke haka pono la na maka, oiai na pepeiao e hoolono ana ma na noho mamua loa e o-i ae ana, a in a no ka haule o kekahi kuikele, he mea oiaio loa, e lohe wale ia ana no ia ma kela a ma keia paia o ua aha hookolokolo nei.

            Oiai na mea apau e hoolono ana, aia hoi, ke onioni ia na wawae ame ka pauku kino holookoa o Kekaulike, a i ka hala ana o kekahi manawa pokole, ua aea ae la oia iluna, a kaulona pono aku la kana nana ana maluna o Wm T. Rawlins, kona loio.

            "Mai maka'u oe i ka hoike ana aku i ka lunakanawai," wahi a Rawlins o ka pane ana aku, me ka hoomau ana mai hoi. "Ua makemake ka lunakanawai e hoike aku oe iaia i kahi i loaa ai o kou rama, i hiki ai @aia ke hele ilaila i wahi mea inu nona, i pumehana aku kahi opu o na ahiahi puanuanu."

            Ikeia aku la ka eueu ae o na lehelehe o Kekaulike, eia nae aohe l@he aku o ke anaina e noho ana maloko i kana mau mea o ka namunamu ana ae, koe wale no kekahi hapa uuku ame kona loio, Mr. Rawlins.

            "Olelo mai nei oia, he mea inu maikai loa ka kela ana i inu ai," wahi a Rawlins o ka olelo ana aku i ka Lunakanawai.

            He manawa pokole mahope iho, aia hoi, ua hookahahaia ke anaina holookoa, me ka puiwa hikilele pu, i ka wa i poha mai ai o ka leo halulu o ka lunakanawai me keia mau olelo.

            "Mai hoike oe i keia anaina i kau mau meahuna apau loa, aka, e hele oe imua o Makaikiu McDuffie a hoike aku iaia ia mea, a iaia wale no oe e hoike ai, a oia wale no ke kanaka i hiki ke nalo na mea huna apau loa.

            "Mawaho ae o keia, ke kau aku nei au i ka hoopa'i maluna ou, he umi-kumamakolu mahina hoomalu a mai hana hou aku elike pela."

            Mahope koke iho o kela olelo hooholo a ka lunakanawai, aia hoi ua ikeia aku la o Kekaulike e hooko ana i na mea a ka lunakanawai i a'o aku ai iaia, ma o ke alakai ana i kekahi mau makaikiu ekolu no Palama, kahi i loaa ai kana rama. O Kekaulike ka mea o ke komo mua ana i ko lakou wa i hoea aku ai ma kela hale me ke kuai ana i kekahi omole okolehao, me kekahi dala i ma-kaia, i loaa aku iaia mai na makai aku; a i ke komo ana aku o na makai, e paa an@ o Mr. Nakagawa i ua dala nei o ka paa iho la no ia a noho ana i Kuapapanui, eia nae, ua bela ae no oia iaia iho he $250.00.

 

NA ANOAI O KOLOA.

 

            Ulumahiehie, a piha hauoli ke anaina hoolaulea, a hoeueu a na keiki o Koloa i haawi ae ai i ko lakou mau hoahanau, mai Waimea ame Lihue mai, maloko o ka Hall o Koloa, ma ka po o ka la 6 i hala.

            Ua hoomaka na hana, ma ka hora 7:30 malalo o ka noho lunahoomalu ana, a ka hoahanau Mr. Jas. K. Kula, waheia na hana me keia mau himeni, elike me ka papa hoonohonoho:

            Lipolipo ka wai o Eleile, Koloa G. Club; Haiolelo, Rev. S. K. Kaulili, haiolelo, W. O. Crowell, himeni, Koloa G. Club, himeni hou, Waimea Glee Club, haiolelo hou, Mr. W. C. Achi Jr., ame A. G. Kaulukou, me ka himeni pakahi J. S. Chandler, Peter Kamano, himeni Pake, Joe Aka.

            Hoomaha hapalua hora, no ka ai ana i na meaai ono, ihana noeau ia, e na hoahanau o ka Uanoe o Koloa, meaono ono loa helu ekahi, wai lemi momona helu ekolu, palaoa lawalua ka ehu, me ka puaa hame, he nui maoli ka ono o keia mau mea apau i hoomakaukauia, ua ai a kena, ua inu a lawa.

            Hoomaka hou na hana ma ka himeni mai ke Koloa Glee Club mai. Himeni, Waimea Glee Club, haiolelo Simeona Kaialau, haiolelo hou, K. Montgomery, me Jim Cooke, himeni palua, Hamauku ame Kamano, haiolelo, W. O. Crowell, Rev. S. K. Kaulili, Jas. K. Kula, a hookuuia na hana me ka himeni Hawaii Ponoi, ma ka hora 11:30, a hoi aku la kela ame keia me na manao hauoli, no keia mau hana maikai i malamaia.

            Na hoahanau o Lihue, i hoea ae ma keia po, Mr. W. C. Achi Jr., Mr. A. G. Kaulukou, ame Kalei Montgomery, na hoahanau mai o Waimea, Mr. W. O. Crowell ame kana ohana, Mr. ame Mrs. Jim Cook, Mr. ame Mrs. J. K. Kupuniai, ame na lala he nui a lehulehu, i hoea ae ma keia po.

            Ma ka la 3 o keia mahina ae, ma Waimea ke anaina hoeueu, a hoolaulea, a na keiki o ka Uanoe no ka hui pu ana me na keiki o ka Waiulailiahi, malalo o ke kono a ka hoahanau, Mr. Simeona Kaialau.

            Ma ka la 13 mai, ua weheia ae la he ahamele ma Koloa, malalo o ke alakai ana a Kauka Walakaha uki he ku i ka maikai na mele mai Koloa Band mai, e alakaiia ana e Mr. Henry Blake, na himeni ono no hoi mai ke Koloa Glee Club mai. e alakaiia ana e Mr. George @ Hoopii, ame na hana hoomakeaka, p@ no hoi, mai @e Koloa Dram@@ Club mai, ame keia himeni Lei @@ kihana, i meleia mai e Mr. M. Hamauku, Peter Kamano, ame G. K. Hoopii, auwe no hoi ka manene e o na pomaikai apau e loaa ana, ma keia mau hana maikai, no ke k@k@lu ana no ia i Hall hou, ma ke kahua o ka luakini o Koloa nei.

            Me ka Lunahooponopono ka mahalo a nui. O ia mau no,

PETER KAMANO,

 

NA HIHIA OKIMARE I APONOIA MA KA AHA.

 

            Ma ka noho ana o ka aha a ka Lunakanawai John R. De@ha e hoolohe i na hihia okimaroe o keia malalo nei na hihia i aponoia na hoopii ma ka Poakahi nei: Ka hoopii a Mrs. Lily Keahi e hookaawaleia oia mai a Lino Keahi mai no ka pepehi mau; ka hoopii a Mrh. Gabina O@o Illustricimo mai a Domicio Illustricimo mai no ka pepehi mau; ka hoopii a Mrs. Rosie Marcello de la Cruz mai a Pedro de la Cruz mai no ka malama ole i ke ola; ame ka hoopii a Mrs. Mary Warren e ku-e ana ia Ernest N. Warren no ka malama ole i ke ola.

            Ma ka hihia hoi o Manuel Ferreira e ku-e ana ia Caroline Ferreira ua kauohaia aku o Ferreira e uku i $75 i ka mahina no ka uku malama ola o ka wahine, me ka uku pu i ka uku loio o ka wahine he $50.

 

HOOLOHEIA KA HIHIA O BEN LAUAHI IMUA O KE KOMISINA

 

(Mai ka aoao Ekahi mai)

 

            Wahi hou a Ulii, ua nalowale aku o Lauahi maloko o kekahi alanui ololi ma ke Alanui Pauahi, me kona kauoha ana aku iaia, e hoi pololei no ka halewai.

            Mahope iho o ka ninauia ana o Ulii e ke komisina, ua kiiia aku la o Wong Chow no ka hoike ana mai i kana mau mea apau i ike ai no kela mea, a ma kana mau mea i hoike ae ai, ua kaokoa loa mai ka na hoike mua o ka hoike ana ae. Wahi ana, aohe he mea e ae kekahi me ia o ka hoi ana mai ma kela huakai mawaho ae o Ben Lauahi, me ka hoole pu ana ae aole ana opiuma elike me ka mea a na hoike mua o ka hoike ana ae.

            O Lauahi ka mea hope loa o ka ninaninauia ana ae e ke komisina. Ua ae ae oia he mea oiaio ua kau pu aku oia me Mrs. Poaha maluna o ka otomobile, i ukali pu ia e Ulii. Ua hoike ae oia aohe ana opiuma, aka, i kona hoea ana ma ke Alanui Pauahi, ua olelo aku la o Wang Chow iaia, he manaoio kona ua ike oia i kekahi Pake malama opiuma. Ua hahai aku oia mahope o ka Pake no kekahi wahi pokole, me kona huli hoi koke ana mai a hoihoi loa oia ia Ulii no ka halewai. Ua hoike pu ae oia aole oia i hoao e kipe ia Mrs. Poaha me ke dala.

            O ka poe na lakou i lawelawe kela mau hana ninaninau, oia no ka Hope Makai Nui Julius Asch, ka Loio Kalana W. H. Heen, David Trask, lunahoomalu o ke komisina, David Kalauokalani, kakauolelo ame na komisina John O'Connor ame Palmer Wood.

 

NUI NA HANA PILIWAIWAI O

KEIA MAU LA E NEE NEI

 

(Mai ka aoao Ekahi mai)

 

aku ana ia ke dala e waiho ana iluna o ke pakaukau, aka, i keia wa aole oe e ike ana i kekahi keneka e waiho mai ana, ka hoike kupono loa hoi ma ka aoao o ke aupuni.

            I keia wa e nee nei, eia ka poe piliwaiwai ke kuai nei i na pihipihi ma kekahi aoao o ke kulanakauhale, a o ka piliwaiwai ana ma kekahi aoao o ke kulanakauhale. I kekahi halekuai liilii ma Kakaako ka poe piliwaiwai e kuai ai i ka lakou mau pihipihi a o kahi e piliwaiwai ai, iuka o Kalihi. O na banako piliwaiwai apau loa e makaala loa ana lakou i ka poe a lakou e hoolilo ai i keia ana pihipihi, in a lakou e ike he malihini oe iaia, alaila, he mea oiaio aole e loaa ana ia oe kekahi pihipihi.

            "Me na pihipihi wale no ka poe piliwaiwai e paani nei i keia wa, me ka ae ole ia o ke dala maoli, a o ka mea e laki ana, e hoihoi aua oia i na pihipihi i loaa iaia i ka banako, a na ka banako e uku mai iaia, elike me ka nui o kana mau pihipihi."

 

O keia kekahi o na

 

KII HOOMAKEAKEA

e ike mau ia nei me na

waihooluu like ole

maloko o kekahi mau

aoao eha o ka Nup@a

Kakahiaka SABATI

 

THE HONOLULU

ADVERTISER

E lawe i keia Nupepa na kau mau

keiki

5 KENEKA NO KE KOPE

 

$3.00 no ka Makahiki

$1.50 no Eono Mahina

 

NA AUI O AALA PAKA.

 

            Mr. Solomon Hanohano, Aloha kuua:- E ae mai i kow@ ma kahi kaawale o kau hiwahiwa, no ka manawa. Ua halawai kou meakakaku me Mr. Sam Kahookaamoku, he moopuna oia na Kiaaina e noho ana ma Pukihae, Honolii, Hilo, Hawaii, a he kupa no ka aina, nona na makahiki he 105 e ola mai nei o Kiaaina i keia wa; a oia kekahi mea paa o ka moolelo o ke alii Kamehameha ia au i hala.

            Ua laweia aku kana mau keiki e hoike i na wahi kaulana a ke alii Kamehameha ia au i hala.

            Kahi i hanau ai o ke Alii Kamehameha, ma Maumau ia wahi, Kohala, Hawaii, ia wahi no ka pohaku kaha kanaka, ame ka imu e kupeleia ai ka mano a nui, o ia hoi he mano hanaiia keia, a nui, a momona me kona ikaika, a ua ike, a lohe mau in a hana a ka mano maluna o na lahui like ole o keia ola ana o ka ai i ke kanaka.

            O ke Alii Kamehameha hoa ia e hakaka ai, ke nui ae wa mano nei, i hanaiia ai. Ua kukuluia iho la ke Alii Kamehameha he heiau, o Mookini e ku nei, kahi e kiiia ai ka pohaku i ke kahawai o Pololu, no keia heiau o Mookini, a i ka paa ana, ua hele hou aku ke Alii Kamehameha iuka o Kawaihae, a kukulu hou i keia heiau o Puuokohola, a i ka paa ana o ia heiau, ua hoi mai a kukulu i keia heiau o Puulaulaia, ia wahi no e ku ana he kumu ohia nui, eia no ke ulu nei, a e ku nei i keia wa; ke hele oe e makaikai ia wahi, a ua hoolilo oia i keia kumu ohia nui o kona pahuhae ia e ku nei o Hamakua ka aina.

            Ua hoi hou ke alii Kamehameha a noho i ka heiau o Mookini, no ka nana ana i na kuhikuhipuuone, a kilokilo e noho ana me ia, ua hoouna mai la ke Alii Kamehameha i kona kukini mama i ka holo, oia Mr. Mokuoa, nana e nana i na makaainana o na i Kukaiau, a i ka ike ana o Mr. Mokuoa e lukuia ana na makaainana o ke Alii Kamehameha, i ka nui o keia pilikia e luku ia nei e ke Alii Keoua; ua haalele aku ke Alii Kamehameha i ka heiau Mookini, a ua holo mai oia e alualu ia ke Alii Keoua, ua hoomau aku ke Alii Kamehameha e alualu mahope on a a i ka manao ana o ke Alii Kamehameha e pa ana i ka pohaku i maaia aku ai i ke Alii Keoua, ua hala hu ka pohaku ana i nou aku ai me ka maa, a i koi ia ma kekahi olelo ana.

            Ua ku aku he pohaku n@i, ua puka pu iaia e waiho la i kahawai o Papaaloa, a he puka nui ko keia pohaku e waiho ana ia au i hala, a mamuli o ka ulu ana ae o keia pohaku, ua uuku loa kona puka ke nana aku i keia pohaku e waiho nei a kapaia ka inoa o keia kahawai o Pohakupuka e heaia nei i keia wa.

            Ua nui keia aui o Aala Paka nei. Hookoloia aku i ka nui manu o Honolii. He mea pono i ka ahaolelo ame ke aupuni ka aina o na ululaau e malama ia keia kumu ohia nui e ulu nei@

GEO. POOLOA,

Aala Paka, Honolulu.

 

            Aia ka pele ma Hawaii, ke hoohana hou mai la i kana hana kupaianaha, i kulike ai me na hoike i loaa mai i keia kulanakauhale.

 

LOAA AKU NA IPUHAO PUHI

RAMA ILOKO O KA PA PUAA.

 

            Maloko o kekahi pa puaa ma kahi kokoke i ka helema'i ma Kalihi-kai, i loaa aku ai i na akena hookapu waiona kekahi ipuhao puhi rama o 40 galani, 100 galani rama i hoawaawaia ame ekolu galani lemuhao, a ma ka oleloia, he Kepani o S. Oshiro ka on a nona ia waiwai, ua paa ae oia i ka hopuia a hoopiiia ae no ke ku-e i ke kanawai hookapu waiona. Ma ke awakea o ka Poakahi iho nei keia paa ana o Oshiro ame na mea paahana ana i ka hopuia.

            Ma ia po iho he Kepani o M. Tomagawa ka i paa ae i ka hopuia

 

E Hoahu me ka Banako Holomua !

O ka

The Liberty Bank of Honolulu,

LIMITED.

 

He Banako ia i lawa pono me na loina

hana holomua o keia au nee mua.

 

Ka Makaukau, ke Kamaaina ma ka Hana, ka Hilinaiia

Ana, @e Nui o na Loaa e Komo Nei, ame ka Lawelaweia

o na Hana me ka Makaukau Maoli.

E Hoahu i Kau Mau Wahi Hunehune Liilii,

a e Nana Aku o na La Ua.

 

E nee aku ana makou no ko makou kahua hou ma ke kihi o na Alanui Maunakea ame Moi ma ka mahina o Iulai e hoea mai ana. I keia wa eia no makou ke lawelawe nei i ka makou mau hana ma ko makou keena kuikawa, ma ke Alanui Moi, mawaena o na Alanui Maunakea ame Kamika, he hookahi kuea me ka hapa mai ka Makeke Kuai I'a mai.

 

E HOAHU MAI ME MAKOU

The Liberty Bank of Honolulu,

LIMITED.

KUMUWAIWAI $200,000.00.

 

O ka Poe i Holopono ma ka Hoahu Ana

Akahele ka Lakou Hoahu Ana

            He nui ka poe i hoomaka e hoahu, a ua haule pahu nae me ka nee ole aku miua. O ko lakou hoomaka ana e Hoahu Liilii, aole ia he mea nana e hoolilo ia lakou i poe holomua ma ia hana. He hoomaka mua wale ana no ia.

            He alahele maikai nae ia a lakou i hoomaka ai, aka, o kekeahi mea ano nui loa, o ia no ka hoomau ana me ka pauaho ole ma ia alahele o ka hoomakaulii, me ka hoahu mau ana i kekahi hunahuna liilii no ka hoomahuahua ana ae i ka huina mua i hoahuia.

            O ka papa kuhikuhi hoahu holomua loa i ka makou hoomaopopo ana iloko o keia manawa loihi, a makou i lawelawe ai i keia hana, o ia no ka hooholo ana i ka nui o ka mea e hoahu ai i ka pule a mahina paha. Alaila, hoomau i ka hoahu ana ma ia huiha. He ano paakiki no i kinohi, aka, he hiki wale no nae oiai kela manao hoomakaulii e pii mahuahua ae ana i kela ame keia wa.

            Aole anei e hiki ia makou ke hoikeike aku ia oe i ke alahele e lilo ai oe i mea hoahu holomua@

            He 4% ukupanee a makou e uku nei no na hoahu liilii apau o ka makahiki.

            Hauoli loa makou i ka lawe ana mai i kau mau hoahu ana, in a no he uuku ia.

Chinese-American Bank

KIHI O NA ALANUI MOI AME NUUANU.

P.O. Box 2000. Honolulu, Hawaii. Kelepona 6119.

 

e Colburn ame kona mau kanaka, ma kekahi hale ma ke alanui halema'i Pupulo. Hookahi ipuhao puhi rama i loaa aku ma kona wahi, 100 galani i hoawaawaia ame hookahi kakini galani okolehao.

            Eha mau paiki @@@@ me kekahi mau omole waina mai Hilo mai i paa i ka hopuia e na kanaka hooko kanawai hookapu waiona ma ke kakahiaka Poakahi nei ma kekahi aoao mai o ka Uwapo 14 ma ke alanui Moiwahine kokoke i ka Uwapo Dilinahama, a elua mau Kepani i paa ae i ka hopuia no laua na inoa o Niso Yamamoto ame T. Okamoto, he mau luina noluna o ka mokuahi Mauna Kea, no ke ku-e i ke kanawai waiona. Ma ka olelo a na Kepani ma ko laua manawa i paa ai i ka hopuia no kekahi mau ohua oko aku o ka Mauna Kea ka ia mau paiki lole.

 

NEW PALAMA THEATER

 

Hoikeike ao: 5, 10, 20 K@n@ka; Po. 10, 15, 20, 30 Keneka

 

LIBERTY THEATER

 

Ukukomo: 25, 40 Keneka; Noho i hookaawaleia,60c.

 

EMPIRE THEATER

 

Ukukomo: 15, 25, 40 Keneka; Ukuia ka auhau kaua.

 

STRAND THEATER

 

Ukukomo: 15, 25, 40 Keneka; ukuia ka auhau kau

 

KE ANO PU HOU O 9 POKA

$12.95 Genuine German

25 CAL

32 Cal. $13.95 MAUSER

Emi iho malalo o ke kumukuai o ka wa kaua. Kupono i na poka standard. Kupono ke lawe-moo lolii iloko o ka pakeke- he palekana ma na ano apau. No ka pu Luger kaulana 30 cal. $21.95. Pu Paa Lima pale iwaho 32 cal. $16.95. He ano pu hou wale no ka makou- hoopaaia no ka maikai.

MAI HOOUNA MAI I DALA

UKU AE I KA LAWELEKA KE LOAA AKU. Ke hoopaaia nei kona maikai, a i ole e hoihoi hou ia aku no ke dala.

8.45. 25 Cal. PU KILA BOLU O KA OIHANA KOA- 32 Cal., $10.45. Na pu a na aliikoa, 3 ano, 25 cal., $10.50. PU TRENCH O KA OIHANA KOA- 32 Cal. 10 poka, komo wale he pahu poka, like me ka oukou "malaila" $11.65.

HOLSTERS Ili 25 ame 32 Cal…………….50c

Maikai No ka PU LUGER…………$1.00

UNIVERSAL SALES CO.

141 Broadway Desh 611 New York City

6505- Mei 25; Iune 1, 8, 15.

 

Ua Ike no Oe i Kahi e Koe Nui Ai

Kau Dala Maluna o na Meaai?

 

Waiu Kalima, Federala, (Kini nunui), no ke kakini………$1.20

Pia Hapuu Hawaii, 6 Puolo……………………………… 1.00

Kopa Holoi Keokeo Crystal, 21 Auka i ka ……………… 1.00

Kopa Holoi Keokeo (Chunk), 10 Auka i ka …………….    .45

Kopa Holoi, Auka o 16 Oz., 20 no ka…………………….1.00

Waiu Kalima Alpine, kini nunui, no ke kakini ……………1.25

Waiubata Kaleponi, no ka paona………………………….   .45

Waiubata Nu Kilani, no ka paona………………………….. .45

Kope Ono o Kona, 1 Puolo………………………………    .30

Waiu Kalima Alpine, kini liilii, no ke kakini……………..     .60

Kini Puaa me ke Pine (kini liilii) 6 kini i ka ……………..      .25

Kini Puaa me ke Pine (kini nunui) no ke kini…………….      .10

KUIKE KA RULA

BAILEY'S GROCETERIA

Alanui Moiwahine, Kihi o ka Makeke Aala.

 

O NA HAWAII

i makemake i ka pomaikai o ke Kanawai

Hoopulapula o Molokai, e hoolako

 

ia lakou iho no ka holomua ma ka loaa

ana ia lakou o na Lako Mahiai me Hanai

Holoholona ma keia hui kamaaina.

 

Ke malama nei makou i na Lako Hana

Maikai Loa, pela hoi me ke PENA

SHERWIN-WILLIAMS, ka mikini

Umi Waiu DE LEVAL ame na lako

pill i ka home o na ano apau.

 

Maloko o ko makou Keena o na Lako

Paani e loaa no he ahua o na pu liilii

ame na raifela maikai.

 

E. O. Hall & Son, Ltd.