Ka Nupepa Kuokoa, Volume LXI, Number 22, 1 June 1922 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

UA UPOʻI IHO LA NA LIHILIHI

MAKA O KUU MEA ALOHA

HE KANE UA HALA.

            Kohala-Nui, e Kohala-ikiʻ, e Kohala-loko, e Kohala-waho, e Kohala Ua Nui, e Kohala Makani

Apaapaa, e Pili âme Kalaliikiola, @ na puu haeelua, o ke ku no a ka puu i kahi hookahi. Malaila no oia i hookumuia mai ai, a moe iho la @ malaila, auwe kuu liliha ia oe @.

            F Mr. Lunahooponopono @ ka Nupepa Kuokoa, Solomon Ha@haro; e @ oe a nui:-Me na mako i @ i ka wa@aka, @ ka lim@ @aalulu nei @ e kaka@ ak@ nei @oe no ke @ ana  @ no ia i kou oluolu piha, in a he wahi rumi Awale kekahi o ka kaua hiwahi@, a no'u ka hoi ia wahi rumi, @ kekahi o ka kaua hiwahi@, a noʻu ka hoi ia wahi rumi, no kau puolo waimaka nunu. o kealoha kane, a nau hoi ia e uwila aku ma ka hikina a malamalama aku i ka piko olu o Lehua, I ike mai ai na keiki, na moopuna lehulehu ka luhi hoi a maua me kuu kane. Na makamaka, na hoaloha ame ka lehulehu apau, o kuu kane heleloa.

            Auwe luuluu wale hoi Hanalei i ka Uu Nui, i pakika i pahee i ka limu o Maunakepa, kep ake aloha, eha iho la au, i ka eha lima ole a ke aloha. Minamina wale au ia oe, e: a naue hookahi aku la ma ke aia Polikuaakane, waiho iho la ia'u kona hoapili, a hoa kaanapu hoi o ke aloha iloko o keia mau makahiki he kanaha-kumamaono.

            Walohia wale au, ke ike aku i na wahi a ʻmaua e polo ai, a e hana pu ai a ke nana ae au mao a maanei, aole oia, ua huhu paha ia'u, a huna aku la i na maka peʻa ma ke kua. Auwe kuu menemene ia oe e:

            Elike me ka hekili kuʻipamalo iloko o ka Malama o Ikuwa ka Pokaoeleele, e hoopili pu ana i kuu hanu. a e wawahi ana hoi i na pani hao o kuu puuwai a okaoka liilii a pela iho ia no na lima menemene ole o ka make, i lalau mai ai i ka hanu ola iloko o kuu kano, aʻu i aloha nui ai, a kaili ae: la i kona aho hope loa ma keia ola honua ana. a waiho iho la i kona kino puanuanu na'u e kumakena aku ma keia aoao o ka Muliwai Elele o ka make, a ko iho la ka mea i palapala ia: O ke kanaka i hanauia e ka wahine, he hapa konal mau la, a ua piha i na popilikia he nui. Puka mai no ia me he pua la, a ua okiia, a holo aku no ia me he aka ia. aole loa oia e mau.

            Me mea oiaio, he mau pule aku mamua, ua olelo mai oia ia'u, u ja eha o kona umauma he olelo nae, i hoomaopopo ole ia aku ai. Eia ka ke hokokoke mai nei na lima o ke aloha ole, o ka anela luku, a ko iho la, ka ke Kaula, e hoi no ka lepo i ka lepo; o ka Uhane i ka Mea Nana i hana mai.

            Ua hanauia kuu kane aloha ma ka puu kaulana o Kalahikiola e kona mau makua; na Kawailau (w) ame Jeo Hook; a ua hoohalaia hoi eia na la o keia ola honua ana iloko. o ka hauoli; ame na inea, a ma kona manawa i pauaho mai la, i keia ola honua ana ua piha iaia na makahiki ho 80 a oi, aka ke nana aku ma kona kulana, in a aole i loaa iho la keia huaoiwa ia ana, o kona ola, e loaa hou aku ana no iaia he mau makahiki lehulehu i koe. aka aole hoi e hihi, aole o kakou kuleana ma ia mahele o ka Makua wale no. Nolaila, e hoonani in ka inoa o ka Makua ma na lani kiekie loa, he malu hoi ma ka honua nei, he aloha i na kanaka

            Eia au e Kahailane e, kuu moopuna i ka ohu halii mai iluna o ka ohia. o ia wahi a kakou e haulani ai: me ko tutu, iuka ikai, eia au la ua maewaewa, ua manoino wale paha o Itaita ia oe, e ia la, ua paweo mai la na maka, a huna aku la i ke aouli, a pau hoi kou ike ana aku iaia, no ka wa mau loa, luuluu wale au e; Nani Maunaloa molale i ka malie, O Mauna Kea @ ke pookela o Hawaii, nana i kahiko ke kapahau o poliehu, Ikukua e ka ohu iluna o Waiau.

            Au mai Lilinoe me he opua la @ ka malie

            Me he ipo la na pohaku o Hanalei,

            I ka hookokoke a ka ua Kipuupuu iluna o ka laau,

            Nanakee ka maka o ke Koolau,

            I ka ula puapua i ka nahele Oulu,

            Helu na manea a Kaholoiwai i ke kula o Puupam

            Nana aku o na pae puu o Kaala,

            Ala mai na leo awahia a ka Puulena,

            Me na kauna olelo a pili me Ka@ahikiola,

            E wa ana i ka uke o Ihuanu,

            Ka noho kaaheo mai a ke Koolauwahine,

            Ua pili pono laua me ka leo o Kauhola,

            Ua kakia kuinao a ke akamai,

            Aohe hana a ka ua me ka makani,

            Ua noho aloha laua me Keawehala,

            Hala ole ke ike a ka make i ka nani,

            I ka maikai o ka pua,

            Li ka io i ke anu o Kaukini,

            Ua komo apuepue i ka Neki o Pokahi,

            Akahi au a ike ia Kamaloumi,

            E Kila põe ana i ke alo o Makaukiu,

            Ua Kueaia ka loa me ka ni ka lauia o hamakua,

            He payee he pakika i ke one o Hilo,

            Ahu kinohinohi i ke one o Punahoa,

            Me he papa konanae la ka ua Kanilehua,

            I ka halii mai i na lehua o Ponilei,

            Lea Kaena a Hopoe i ke kai,

            I ka miki Kaalewaluna ia e ke akamai,

            A like no a like me Waiakea,

            Ua noho alii wale i ka la o Kukii,

            Ua i@i maamu i ka papa o Malama,

            I ke kakai mao ole a na ki Akaumu,

            E kiliopu ana i ke one o Kahualoa,

            Loaa iho nei ka noho ana,

            Ke kakali ana i ke aloha o ka hiki mai,

            Eia hoi-ua aloha a- Auwe au e-

            Eia au e Kauluhaimalama e, kuu moopuna a makua hoi o kuu mau la kanikoo, oia la, ua koo mai la na limaʻo ko Itaita ia oe, ame na kualua ana, a luhi hoi a maua me kuu kane, o na la hapauea, ua inaina paha ia olua, no ka olua haalele iaia, eia ua haalele la, ua kaena ae la na maka lilo @ ke kua, pau mai la ko olua lohe hou ana i kona leo, a pau ou no hoi me ka olua mau hana e hana pu ai.Auwe ka mea ehaeha a ka noonoo e!

            E, Kawailau e, kuu luhi hoi me kuu kane, eia o Itaita la, ua hookoo mai la, i ka pili aloha a olua, a huna aku la i na maka aloha ole , i ka pae opua, puapuai mai la na hoomanao poina ole ia'u no ko Kahuhanai, ame kona iini mau iloko o kona puuwai, e lilo ana oe i mea nana e hoohauoli aku i kona mau la palupalu, eia ka ua poo wale  ia mau upu ana. Auwe manaonao wale hoi au e.

            Eia au e Henry Kalani, kuu keiki kuu luhi me kuu kane, o na la heu ole; eia la, ua papale mai la kona mau lima ia oe, ua piha inaina loa pal@a ia oe, i kou hookuli i kana olelo; a eia ua hookuli la; ua nanakee mai la ia oe, a papani iho la kona mau lehelehe, puai leo ole mai, a pau iho la kana hana ma keia ao. Aloha wale kuu kane heleloa e!

            Nou kekahi halia aloha e Kauanoe e; eia au la e kuewa hele nei i ke ala me ka waimaka, e hiaa moe ole hei hoi o ko'u po; no na hoomanao ana ae i na la e pili aloha ana olua me ko makuakane hookama, a hoa kaana pu hoi, iloko o na hoohauoli ana, ame na mea nunui ame na mea liilii, alua mea oiaio, eia la; ua hookoo mai la ia pili aloha a olua. Aloha wale ia mau la, a pau iho la kou ike hou ana aku iaia, a pela pu no hoi me na kaikuaana, ʻame na pokii aloha o maua, na keikiʻ na moopuna lehulehu; no ke kaana pu ana iho me aʻu ika ukana o ke kaumaha ame ka walohia, no ka kakou mea aloha. i niau palanehe iho nei, a haalele iho la i Puna na hoaloha.

            Ke ano o kona ola ana, he kanakai piha ma na ano maikai apau, he puuwai hamama, i ka poe apau e kipa mai ana i ko maua home nei; a he umauma lahalaha a lima akau, ame ka lima hema, o na hana kokua, o kela ano keia ano, a ua lilo no hoi kana mau hana maikai, apau i hana mai ai, i kiahoomanao poina ole, no ke koena aku o koʻu mau la ma keia ili honua.

Pela pu hoi kaʻu mau hoomai kai palena ole i ka makua Rev. Wm. Kamau ame au mau kaikamahina o ka pono, Mrs. McDougal ame Mrs. Ne, I ke anaina hoomaikai ana, maluna ona, no kana huakai heleloa, no ke kali ana i ka leo o ka pu a ka anela no ka hoala hou ana mai i ka poe apau ma na ilina; a pela hoi me na kaikuaana, na kaikaina, na makamaka ame na hoaloha o maua me kuu kane heleloa, a pela pu no hoi me na wehi pua i hookauia iho ai maluna on a ame kona haleua. E oluolu oukou e lawe aku i ka'u mau hoomaikai palena ole maluna pakahi o oukou apau loa, me ka manao maikai, a na ka Haku ka Makua Kahikolu Kiekie loa e hoomama ae a e holoi ae i koʻu mau waimaka o ke kaumaha ame ka luuluu ame kuu ohana apau.

            Me oe pu kekahi e Mr. Lunahooponopono âme na keiki limahei o kou papapa'i no kou ahonui ana mai i kaʻu mau waimaka o ke kaumaka ame ka luluu ame kuu ohana apau.

            Me oe pu kekahi e Mr. Lunahooponopono âme na keiki limahei o kou papapaʻi no kou ahonui ana mai i kaʻi puolo waimaka nunui o ke aloha kane.

            Owau iho me ka luuluu, na keiki na moopuna ame ka ohana apau.

MRS. K. W.  HOOK SR,

            Ma ka ulu ana o na mala kulin a Cooke ma. He 40 eka i paa i ke kulina a ua kokoke na e ooka hua. He nui wale aku na eka aina i like me keia i kanuia e Cooke ma, a e ulu aku ana ke kulina a na kanaka Hawaii maluna o ia mau aina i keia makahiki ae.

HUAKAI MAKAIKAI NO KAUPO, MAUI.

            Me. Solomon Hanohano, Aloha oe:- E Oluolu oe e hookomo iho ma kau nupepa ke Kuokoa, i ka moolelo o ko Kenneth Emory, Mea huli o na mean kahiko o ka Hale Hoikeike o Pauahi Bihopa, ame koʻu hele ana aku nei i Kaupo, no ka huli aua i na mea e pili ana i ka heiau, hale pili Hawaii ame kekahi mau mea kahiko e ae, no ka pomaikai o ka Museum no na hana hoonaauao, a i mea hoi e ike mai ai na kino makammaka o Kaupo, ame Nuu, a pele no hoi ka poe heluhelu e ike mai ai kekahi mau mea ano nui i loaa ia maua.

            Poakahi, Mei 1, i ka hora ewalu o keia ahiahi au ame Keneki Emory i haalele iho ai ia Honolulu nei, maluna o ke Kilauea no Kaupo,, Maui. I ka moku no i kaawale mai ai mai ka uwapo mai, o ko maua hele aku la no ia imu@ o ka oneki. Malaila hoohala manawa iho la maua ma ke kamailio ana i wa maua wahi apana hana me ka pa konane iho o ka mahina amo na miliona hoku e hoonani ana i ka lewa lani.

            He po kalaelae keia; malie ka moana; he wahi makani hu'ihu'i e pa ma ana, e puehu ae ana ia hunakai liilii ma o a maanei, i ka ihu hao o ke Kilauea, e hah@u aku ana iluna o ka ohuku alo. Pau ka maua keaka ana no kahi apaua hana, huli ae la maua a nana mai iuka o ka Aina. Uluwehiwehi o Honolulu i ka nani o na kukui mai Alewa ahiki i Kaimuki.

            Haalelele makou ia Kaimanahila, a no ka ikaika mai la ka puehu ana o na hunakai ame ka hu'ihu'i pu. Hoi aku la maua iloko o ka rumi; hoomaikai mua ae la i ke Akua, a haule iho la e hiamoe. Na ka halulu o ka heleuma ame ke kani o ke oeoe o ka moku, i hoala ae i ko maua hiamoe maikai, i ke ku ana o ke kilauea i Lahaina. O ka hora elua ia o ka po. Aole i loihi i Lahaina o ka peku hou no ia o ke ku'ehao o ke Kilauea, a lilo hou iho la maua i ka hana nanea oluolu a ka hiamoe.

            Poalua, Mei, 3. Pa ala mua o Keneki Emory i keia kakahiaka, a hoala mai la oia iaʻu. Ala ae la au, a hele aku la iwaho o ka oneki, e holo ana makou mawaho pono o na kapakahakai o Kahakuloa ia manawa. Hala o Kahakuloa ihope, o Waihee mai. Ma keia hele ana aku, he ike wale ia aku no o kahului ame Wailuku ame ke Panniwai o Iao, E hoopuniia ana e ka ohu o ke kakahiaka nui.

            He uʻi ka aina ke nana aku oe, uliuli i ke ko maikai ahiki iuka. I ka hora ehiku pili ana ke kilauea i ka uwapo o Kahului, a lele aku la maua iuka a hele holoholo makaikai aku la loko o ke toana. He toana nui no o Kahului. Hiki maua i ka haleaina, kauoha aku la i meaai na maua. E ai ana no maua komo ana o Jonathan Aiau o Waialua ame kekahi hoa Hawaii mai ke Kilauea mai no. Aloha mai la laua ia maua, a ninau mai la mahea la ka maua alahele. Ua olelo aku maua no Kaupo, a olelo mai o Aiau no Waimea ka laua alahele.

            Loaa mai ak laua meaai, ai like iho la makou me ke keaka ana. Aole i pau ka makou ai ana, kani ana ke oeoe mua o ka moku, ahaalele koke no makou i ka haleaina no ka uwapo. Haalele ke Kilauea ia Kahului i ka hora ewalu. Kau pu mai me maua o Fred Murphy, he hoaloha no Keneki Emory, e holo ana i Hana. Mai nei aku ahiki i Hana he loa maoli no, he ekolu hora o ka moku e holo ai alaila hiki i Hana

            hi o qekiufl, iw cmfwyp shrd aooo

            He mau wahi maikai no kekahi o keia huli aku a ma kekahi mau wahi nui ka halakahiki. O kahi mua ano nui a makou i hiki aku ai, mawaho o na kapakahakai o keia mau wahi, o ia no o Paia, Haiku, Pauwela, Huelo, Keanae ame Nahiku. Hala mai o Nahiku a mahope mai hele mai ana ke Kuene a olelo mai, e hoomakaukau na wahi ukana, no ka mea kokoke loa i Hana.

            Hele aku la au iwaho o ka oneki, a he mea oiaio, e waiho mai ana o Hana me ka puu kaulana o Kauiki e ku mai ana kohu papu no keawa. He mea  oiaio no ka wa kahiko, he papu o Kauiki i kaulana iloko o ka moolelo Hawaii.

            I ke kokoke loa ana aku i ka uwapo, ike aku la au i ka poe kamaaina Hawaii e hoopuni ana i ke akule, a au oleloia mai ia maua mahope iho, he elima mano ka nui o ka iʻa i puni ia la. O ka hora umi-kumamakahi ia ku ke Kilauea i Hana.

            Hiki maua i ka uwapo, hui iho la me Francis Marciel, kaikaina ponoi o Joseph Marciel ko maua hoaloha e noho aku ai i kaupo Hele aku la o Keneki Emory e nana kaa no maua. Noho iho ia au e nana i ka ukana o maua, a nana ae la i ke kulana o keia aina. O ka puu o Kauiki aia koke no mahope iho o ka uwapo, he mau haneri kapuai wale no ka mamao. He elua a i ole ekolu haneri kapuai paha ke kiekie mai ka ilikai ae. He kulana kilakila maoli no ko keia puu ke nana aku. Aia iluna o keia puu he mau pukniahi kahiko. He wahi taona maikai no o Hana, uliuli ka aina i ke ko. E paa mai ana ka noe iuka ame ka ua liilii, a o ia no paha ka mea i oleloia ai, noenoe Uakea o Hana, hoapili o ka malualua.

            Aole no i loihi hoi mai ana o Keneki Emory me ke kalaiwakaa, a halihali aku la i na wahi ukana iluna o ke kaa. Pau na wahi ukana iluna o ke kaa, Pau na wahi ukana iluna o ke kaa, o ko maua kau aku la no ia a haalele iho la i ka uwapo me ke aloha ana ia Fred Murphy ame Francis Marciel.

            Ia makou e holo nei i ke alanui o kahaone no ia, ike aku la au i na kane ame na wahine e hana ana i ka upena akule, a e hooponopono ana i na waa. He nui maoli no na kanaka Hawaii i kaʻu ike aku. Hiki makou i ke taona maoli ku iki malaila a hele o Keneki Emory e kelepona i na makamaka, no ko maua hiki ana mai. Hoi mai a holo hou no.

            Iloko o ka manawa pokole, ua hala mai la ihope kahi taona o Hana, a komo aku la makou iloko o na malako, mauka a makai o ke alanui. I ke kaa e holo nei, ua hiki makou i kahi o ka puu makai o ke alanui, a ua olelo mai kahi kamaaina o ka puu ia o ka Iwi o Pele.

            Eia ke kaa ke holo nei iluna a ilalo, e kikeekee ana i o a ianei, iloko o ka laau, a e holo ana maluna o na uwapo. Ouka, he uliuli ka aina i ka laau ame ka mauu, he nui ka bipi ma kekahi mau wahi, aka, o kahakai he aa pele wale no ano like me Kona. Nui maoli na kahawai ma keia mau wahi, aka, ua maloo ka nui o ka ua ole paha.

            O ke kukui, ka hala âme ka  ohia na laau nui. Hiki mai i Kipahulu, ike i ka mahiko mauka o ke alanui ame na halehana o na limahana. Ike aku i  ak poe hana e oki ko ana, na kaa huki ko e hoi mai ana i ka halewili. I kela ame keia manawa e maalo ae ana makou mawaho o kekahi mau kauhale Hawaii, e mahiai ana kekahi, e kuʻi poi ana kekahi, a e ulana moena ana kekahi mau makuahine Hawaii. O ia holo no ia o ke kaa a ku ana, a o kuikuiula ka inoa o keia wahi. Maanei pau ka holo ana o ke kaa, he alanui lio wale aku no ahiki i Kaupo. pau ko maua ukana i ka hoohikihiki ilalo huli hoi hou no ke kaa no Hana.

            I ko makou hiki ana aku, e ku mai ana he elua hoki ua nakinaki ia i na kumulaau, a olelo mai o Keneki no maua keia mau hoki na Joseph Marciel i hoouna mai.

            Aole i loihi maua maanei, hiki mai ana o Keawe Poouwahi, ka mea i hoounaia mai no ke kii ana mai ia maua. Hookau na oke ukana a maua maluna o na hoki ame ka lio o Keawe. Hiki mai makou i Kuikuiula i ka hora umi-kumamalua o ke awakea, a ua hala iki mahope o keia manawa, o ko makou haalele no ia i keia wahi. Ua kaumaha no na holoholona a he naue malie wale no ka hele ana imua. O keia hele ana aku he pali wali no iluna ma kekahi mau wahi, ua kokoke no paha e kaukani kapuai ke kiekie a ke nana aku oe ilalo aohe kau mea o ka mamao, a ma kekahi wahi, ma ka lihi pali oe e hele ai, a no ka haulo aohe nao ai i ka papaa.

            E pii ana oe iluna a e iho ana ilalo, pau mai hou ia pali, manao iho oe ua pau loa ka pali, aka,aia wale no oe i ka hoomaka ana Nui no hoi ke kahawai ame na awawa ma keia mau wahi. Nui ka hala ame ka hau ulu ma kahakai

            I ko makou pii ana mai i kekahi pali, ua halawai iho la makou me kekahi mau mea mai Kaupo mai, o ko makou hiki no ia i ka honua palahala, a ma keia wahi he ike wale ia aku no kauhale o kaupo i ka waiho mai. Aka, ke nana aku oe he mamao okoa aku no i koe.

            Ua aui ae ka la makai, hiki makou i mokulau, a olelo mai la kahi kamaaina, ua kokoke kakou i kauhale. He nui na moku akoʻakoʻa pohaku o keia wahi, a o keia paha ke kumu i kapaia ai keia wahi o Mokulau. He mau wahi hale ame ka halepule e ku mai ana. O Kapunahoa he wahi pana kaulana keia, he kohu wahi awapae no na waa, a o Kanemalohemo mai, aia wale no keia wahi i Mokulau.

            Mauka iho o Kanemalohemo he heiau nui, kokoke loa i ke alanui. He mau heiau hou ae no kekahi e waiho mai ana mauka aku o keia wahi. Me keia wahi aku, he ike aku oe i kauhale mauka o ke alanui ma o a iuka aku. Hiki makou i ka halekula, huli pii iuka. Eia makou ke naue malie nei, aia ko'u nana ana ma o a maanei o keia aina. He aina uliuli maoli no o Kaupo, a pela no hoi me Hana. Mohala ka nanaina, a oluolu no hoi ka noho ana, no ka mea he pa mau mai no ka makani.

            He maikai na makalae ke nana aku, kupono i na lawaiʻa pili aina. o Kaupo holookoa apau he huli pono ia HAwaii Komohana. Nana aku oe mauka, e ku kilakila mai ana ke kuahiwi o Haleakala ame ke Kaupo Gap me na wailele liilii he nui.

            O ka 4:30 p. m., ia hiki ana makou i kale o Mr. Joseph Marciel, a hele mai la o Mr. Joseph Marciel e ike ia maua me ka haawi pu ana mai i ke aloha lululima ua hauoli loa iho la au i ka lele ana iho iluna o ka aina honua paa, no ka mea, ua hele a opili i keia hele ana mai o ke ala loa, a o kekahi no hoi, aole i ano maamaa i ke kau hoki.

            Ua hooponopono iho la i na wahi ukana o maua, ahiki ana no ka pana o Joseph Marciel, a lululima iho la me ia. Ua ano ahiahi loa iho hiki ana o Joseph Marcial, ko maua hoaloha ame ka makamaka o ka hiki ana mai ia Kaupo, mai ka hana mai.

            He ohaoha ke ano o keia makamaka Hawaii, he hoaloha oiaio. Komo no o Joseph Marciel iloko o ka pa-hale, o kona hele mai la no e ike ia maua a lululima iho la me keia makamaka puuwai lokomaikai o Kaupo. Pau keia, noho wale iho la no makou e hoohala manawa. Makaukau na meaai kani ana ka hele ai a Mrs. Joseph Marciel me ka pane pu ana mai i ka nuhou hauoli, e hoi mai kakou e ai.

            Ia makou e ai nei, o keaka pu kekahi i na mea kahiko o kakou o na Hawaii. I kaʻu hoolohe aku, ua paa moolelo kahiko maoli no o Joseph Marciel, a he nanea maoli ka ai i ka lohe i keia mau mea hou.

            Pau ka ai ana, ua hoi mai maua i ko maua hale, ua hoomakaukau mua ia kahi moe e Mrs. Joseph Marciel. Ua mala ko maua mau kino i ka hana a ka hoki, a ua maluhiluhi loa no hoi, nolaila ua hoi koke aku no maua iloko o ka rumi, moe iho la i kahi moe, a o ka lilo aku la no ia me ka ipo hoonanea he hiamoe.

            Poakolu, Mei 3. Ua ala mua au i keia kakahiaka nui, a hoala aku la i koʻu hoa. I koʻu hemo ana mai iwaho e hauhoa ana o Joseph Marciel i na lio, me na noho no ka hoomakaukau ana no ka makou alahele makaikai i na heiau ma ia la. Pau ka ai kakahiaka ana, hoomaha liilii.

            I ka hora 130 a. m., Haalele au, Keneki Emory ame Joseph i ka hale maluna o na lio, no kai o na heiau. He elua mile ka loihi alaila hiki ilaila.

            Hiki makou i ka halekula, a mahope iho o ia, ka hale o ke kaikuana o Joseph Marciel, a e mahiai ana oia. Hele mai la oia a ike ia maua, kamailio liilii iho la makou. Maanei no makou i nakinaki ai i na lio, a helewawae aku la i kahi o ka heiau, aole no i loihi loa mai keia wahi aku.

            Hiki makou ilaila, Hoomaka ka ua liilii. Nana iho la i keia heiau, i hana a na kupuna o kakou i hana ai. Pau ka nana ana i keia heiau hele hou mai makou iuka iki, mai, a he heiau okoa no ia. Aole nae keia he heiau nui, he iki mai ia

            Maanei olelo mai o Joseph Marciel, e hele makou iuka mai i kahi o kekahi o na kupa a kamaaina o Kaupo, ma ka inoa o Simeona Maihui, a ninau iaia i na inoa o keia mau heiau, ame na mea e pili ana ia laua. Hiki makou i kaʻ hale, hoolauna aku ia o Joseph MArciel ia maua ia maihui, ame ka haʻi pu ana aku i aku i ka maua hana i hiki mai ai, a ninau aku la oia i na inoa o keia mau heiau ame na mea e pili ana i keia heiau.

(Aole i pau)

Ka pila

GRAFONOLA COLUMBIA

Maopopo ka wa e pau ai

Na ka mea hoopaanona iho e makaala ia ea nou. Ua hiki ia oe ke hulahula ahiki i ka huaolelo ope loa.

Uku Liilii ke Makemakeia

Thayer Piano Co.,

LIMITED.

148-150 Alanui Hokele

 

HALE UWI WAIU

-o-

MAPULEHU

PUKOO, MOLOKAI

E Hooholo Ana I ka

MOKUKUNA GESOLINA

LELEIONA

Mawaina o na Awa o Honolulu me Molokai

Geo. P. Cooke,

ONA.

Poe Lawe Hau me Waiu

 

HENUHOU HAUOLI I LOAA MAI

no na lealea like ole a na Ahahui Malu o na

KEIKI O NA ULULAAU

e weheia ana ma keia Poaono iho ma ka hora 7 o ke ahiahi.

            Hele mai e ike ia JANSEN, Ka Hookalakupua, ame kana mau hana mana i ike mua ole ia.

            Ka Hale Hulahula Poepoe o Niniu Poahi

E Hele Mai e Ike i na Laeula Kau Lio

âme na

Hoikeikei i Ike Mua Ole ia ma Keia Kulanakauhale

            E haawi wale ia ana kekahi mau makana malaila, nolaila, hele mai,malia o oe kekahi mea e loaa ana o ia mau makana.

            Mai Poina i Kahi e Weheia Ana o Keia Mau Lealea

AALA PAKA

 

O Kela âme Keia Hunahuna o ka "Red Crown" ua Huipu me ka Ea.

NO KA IKAIKA

"O ke gesoline o ke ano maikai" he 100% ka ikaika. Ua hoomaemaeia ia i hoopukaia ae ai ke ea me ka pau pono loa. O kela ame keia hunahuna ona, ua hoohuiia maloko o ke Carburetor mai ka 12 a i ka 16 manawa ka nui o ke ea no ka IKAIKA. Me ka "Red Crown" e loaa koke ana ia oe ka makaukau no ka holo ana - ka hikiwawe - ka oi aku o na mile e holo ai -  me ka mau o ka loaa o ka mana hoonee.

E hooholo i kou kaa me ka "Red Crown" Aole me kekahi aila e ae, alaila aole oe e hoopilikiaia ana me na hooponopono ana me ke carburetor. He kulike kona ano maikai ma kela ame keia wahi a ma kela ame keia manawa au e kuai ai.

E hoopiha ma kahi o ka hoailona RED CROWN - Ma ka Halekuai Aila ame na Halekaa oo ame kekahi poe kuai aila e ae.

Board of Lubrication Engineers

STANDARD OIL COMPANY

(California)

KE GESOLINA KAULANA