Ka Nupepa Kuokoa, Volume LXI, Number 21, 25 Mei 1922 — Hopuia he Elua Kepani no ka Hoopae Waiona Loaa Pono Aku na Omole Waina o Hilo Maloko o na Paiki i na Luna Oihana Federala HOOKOIA NA MANAO O KA HOOHUOIIA ANA Hoole Nae Kela Mau Kepani no ko Laua Hewa-Kuhikuhi no Ha'i na Paiki [ARTICLE]

Hopuia he Elua Kepani no ka Hoopae Waiona

Loaa Pono Aku na Omole Waina o Hilo Maloko o na Paiki i na Luna Oihana Federala

HOOKOIA NA MANAO O KA HOOHUOIIA ANA

Hoole Nae Kela Mau Kepani no ko Laua Hewa-Kuhi-kuhi no Ha'i na Paiki

/ Mahope iho o ke ku aua mai o ka mokuahi Mauna Kea mai Hilo mai, ma ke kakahiaka o ka' Poalua iho nei, a oiai hoi e halihali ana i kekahi mau paiki eha a hookau aku maluna o ke kaa, otomobile, i paa ao ai he elua mau Kepani hana oluna o kela mokuahi i ka hopuia, e na luna oihana hookapu waiona. Aole e kala kahiko i loaa ai na manao hoohuoi i na luna oihana hookapu "waiona, no ka hookomoia mai o ka waina ame ka okolehao i Honolulu nei, mai Hilo mai, eia nae he hana paakiki loa ka ikeia ana o kela hana, mamuli o ka nele i na ike maopopo ma ko lakou aoao. Ma ke kakahiaka nae o kela Poalu%, mahope iho o ka pau ana o na ohua i ka lele iuka nei, ua ikeia aku la kela ma,u Kepani elua i ka hapai ana mai i kekahi mau paiki eha mailuna mai o ka Mauna Kea, a lawo ae la no ka/hi e ku ana o kekahi kaa otomobile ma ka aoao mauka o ke alanui. Aia hoi na luna oihana hooko i ke ka'nawai hookapu walona e hakilo mai ana, ma kahi kokoke i kela kaa, a mamua o ka haalele ana iho 0 ke kaa i kona wahi e ku ana, no ka halihali ana aku i na paiki, no kahi e maluhia ai na waiwai oioko, ua 'hoea mai la kela mau luna oihana, a hopu ak'u la i na paiki, a i ka wa i weheia ae ai i loaa aku ai ho kanaha mau omole kuaka oloko 1 piha i k& waina o Hilo, o ka pāa iho ]a no ia o na Kōpani i ka hopuia. Ua hoole ae nae kela mau Kepani no ko laua pili i ka hewa, me ka olelo ana, aole o laua na ona no laua kela mau paiki, aka he mea laua i hoounaia aku no ka halihali ana i na paiki. o na ohua, a hookau iluna o ke kaa, aole nae e lilo ia mau olelo pale ma ko laua aoao i kumu e hookuuia aku ai. He kuene ka hana a kela mau Kepani elua noluna o ka Mauna Kea, o keia nae ka manawa .mua loa i paa ai kekahi mau mea i hoao e hoopao malu i ka waina mai Hilo mai, oiai nae he nui ka waina i hoomaopopoia i komo mau mai i keia kulanakauhale mai Hilo mai, iloko o na mahina eono ae nei i hala. ++*