Ka Nupepa Kuokoa, Volume LXI, Number 21, 25 Mei 1922 — Haalele Mai o R. W. Andrews i Keia Ola Ana [ARTICLE]

Haalele Mai o R. W. Andrews i Keia Ola Ana

Ma ka hora 9:15 a. m. o ka Poalima o ka pule aku la i hala i lele loa ae ai ke aho hope loa o Robcrt W. Andrews, ka mea nana i malama ka hale ame ka moolelo o na Keiki a na Mikanelo maloko o ka Hale Misiona kahiko mii ke alanui Moi, i ke 84 o kona mau makahiki, mahope o kona hoopaaia ana maloko o kona home no kekahi mau mahina lehulehu i hala aku nei, a elua pule mamua o ka lele loa ana ae o kona aho ua hiki no ka iaia ke holoholo maloko iho o ka hale. Ua haalele iho oia he wahine ame hookahi keiki oia o C. B. Andrews. Ma ke Sabati iho nei maloko o Kaukeano i malamaia ai 'kona anaina hoolewa. Ua hanauia o R. W. Andrews ma Honolulu nei ma ka la 8 o lune, 1837, he keikikane na Rev. Lorrin Andrews ame Mary W. Andrews, kekahi o na kumu mikanele, ka eha o ka poe i pae mai ai i Hawaii nei. Ua noho hana oia, ma ke ano he haumana a'o hana maloko o ka hale hana mikini Weston, oia hoi ka Honolulu Iron ,Works i keia manawa. Mai ka 1882 ahiki i ka 188!j> maloko oia o Kaleponi i noho ai a ma ia hope mai ua hoi hou mai oia i Hawaii nei a lilo i kumupoo no ke kula a'o hana lima ma Lihue, Kauai. I ka 1892 ame 1893 ua noho 'hana oia me ka mahiko o Ewa. I ka 1894 ua'hookohuia oia; i hope lunakope ma ke keena kakau kope malalo o Thos. G. Thrum.