Ka Nupepa Kuokoa, Volume LXI, Number 21, 25 May 1922 — Nuhou Kuloko [ARTICLE]

Nuhou Kuloko

He kuai hoemi 0 na i'o hipa ke malamaia ana ma ka hale kuai bipi Metropolitan ma keia Poaono iho. He paina luau ka ka Ahahui Malu Phoenii ma ka po Poaono nei ma ko lakou home ma ke kihi 0 na Ala* nui Papu ame Beretania, no ka hoohauoli ana i na lala ame na hoaloha. E nana ae i ka hoolaha a ka Baiiey Groceteria ma kekaui wahi 0 keia pepa, a e loaa no ka ike ia oe, aia malaila e loaa ai ia oe kekahimau meaai emi loa i like ole me ko na wahi e ae. Ma keia Poakahi iho e hoolohoia ai ka hihia 0 Mr. Tru»low, kekahi 0 na lunanui 0 ka Pcople's Bank o Hilo, maloko o ka Aha Kaapuni Ekahi, e noho lunakanawaiia nei e Luna.kana.wai Bank*. He 90 po« piliwaiwai i huluiia ae 1 ka halewai i ka Poaono aku nei i hala, he poe hoi na lakou i hoopu 'ipu 'i ao i ka waihona 0 ke. aupuni, mamuli 0 na dala bela a hoopai i ukuia ae e lakou. « ■ I kulike ai me na hoiko i loaa mai i keia kulanakauhale, ua hoea mai i ke kuikahi ana mawaena o ka poe hookuonoono 0 Waiakea, me ka hui mahiko no ke ano o ka nee ana aku 0 na hana no keia mua aku. " » Eia na lala 0 ka Ahahui Malu 0 na Keiki o ka Ululaau, ke hoomakaukau mai nei i ka paikau ana no ke nui e malamaia ana e ia ahahui ma ka wa e weheia ai 0 ka lakou hoikeike fea ma keia pule ae. No ka malama ana i kekahi anaina hoomanao no na hoa i hala ua makemakeia na lala apau o ka Ahahui Pa Ilina 0 Kalaepohaku e akoakoa ae ma ka pa iliha ma ka hora 8:30 a. m. 0 kā Poalua, Mei 36, ka la kau pua. O ka poe e makemake ana e laWo i ka Nupepa Advertiser, o ka la Sabati wale no, me na kii hoakaaka, ua hiki no ke hoouna mai i na kauoha, he ekolu dala ka uku no ka makahiki holookoa, a he dala me ka hapalua no ka eono mahina. % E ukali aku ana mahope 0 na kapuai 0 ke komite kuwaena Teritore Rcpubalika i haawi ae ai kā papa loio Hawaii i na kakoo ana mo ka lokhi, i ka inoa © Mr. O. P. Soares 1 lunakanawai no ka aha apana 0 Honolulu nei ma kahi o ka Lunakanawai Lightfoot. Ma ka noho ae o ke komisina kula ma ka Poalua nei i haawi ae ai kela komisina i na kakoo ana i ka mea a ke kumupoo o ke Kula McKinley i hana aku ai, ma ka hoopau ana i ka haumana nana i hoeha aku i kana kumu, ma kekahi manawa ae nei i hala. E noho ana ka halawai a na lala 0 ko Kalapu Bepubalika o ka Mahele 15, Apana 5, ma ka Winston block, ma ke ahiahi o ka la 1 o lune no ka wae ana i ka lakou mau elele 1 ka Aha Elele Bepubalika a. no ka wae ana i mau lunanui no ia kalapu no keia makahiki e nee aku nei. E malama ana ka Ahahui Pa Ilina 0 Kalaepohaku i kekahi halawai ma kahi 0 Dan Maunakea ma keia Sabati iho, Mei 28, ma ka hora 2:30 p.m. no kekahi mau kumuhana i manaoia e uoike aku, a ua makemakeia na lala apau 0 ia ahahui e akoakoa ae ma ia wahi a ma ia manawa. E noho ae ana ka halawai a ka Ahahui Pailina 0 Pv)uomao, Moanalua, ma ka auwina la o keia Sabati~iho, maloko o ka halekula, no ka noonoo ana i kekahi mau kumuhana ano nui, i'pili aku i ka pono 0 ka ahahui pailina, nolaila, ua makemakeia ka poe apau i kuleana i ka pailina e hoea ae ma ia halawai. • Ma ka Poalua ae nei ka La Kau* pua, he ka'ihuaka'i ke malamaia ana ma ka hapalua o ka hora eiwa 0 kela kakahiaka mailalo mai 0 Aala Paka, ma ke alanui Moi, ahiki 1 ke- alanui Eikeke, alaila pii aku ma ia alanui a hoea i ke alanui Beritania, a iho ilalo a hoea i ke alanui Papu, a pii aku so ka ilina o Nuuanu, kahi e malamaia ai na hana hoomanao no kela la.