Ka Nupepa Kuokoa, Volume LXI, Number 21, 25 Mei 1922 — E A'oia ka Poe Kolohe e Pono Ai [ARTICLE]

E A'oia ka Poe Kolohe e Pono Ai

Aole i loaa i na kaikamahine opio ame na wahine opio ka maluhia ame ka palekana e hele ai maloko o keia kulanakauhale i ka po, elike me na mea oiaio, i ikeia ma ka po o ka Poaono aku nei i hala, i ka manawa i hoaoia aku ai he eliia mau kaikamahine, e limanui e kekahi poe kanaka opio eha; 0 ka mea wale no nana i hoopakele ae i kela mau kaikamahine, mai ka lilo ana i luahi no na hana hoopoino a kela poe, o ia ka hoea ana mai o na kokua iloko o ka manawa kupoho; a o ke kumu no hoi i paa ai lakou i ka hopuia, a noho ana i ka halewai. Ua lilo na kaa otomobile i kumu hoowalewale na kekahi poe kolohe, e hoomalimali ai i na kaikamahine opio, e hele 1 ka holokaa, X)iai nae, o ko lakou makemake maoli, a o ka iini no hoi ia iloko o ka hapanui o ka poe kolohe, o ia no ka hoopaino a hoohaumia ana aku i na kaikamahine opio. Ma kela po Poaono, e kau ana kela poe eha maluna o ko lakou kaa otomobile, a i ka ike ana aku i na kaikamahine «lua, e hele ana ma ke alanui, ua hoopaaia iho la ka holo o ke kaa otomobile, me ka lele ana aku o kela poe ilalo, a koi aku la i na kaikamahine e hele pu mai me lakou i ka holokaa. Ua hooleia mai ko lakou makemake, no ia kumu a i wahi hoi, e hookoia ai ka manao kolohe iloko o lakou, ua hopu okoa ia aku la kela mau kaikamahine ma ke ano limanui, a hoaoia mai la, e hookau iluna o ke kaa otomobile; ina paha no ka holopono o ka hana a keia poe kolohe, he keu aku ka nui o ka poino e loaa i na kaikamahine opio. He ehia o na kaikamahine ame na wahine opi©, o keia ano i lilo i luahi no na hana hoopoino aka poe kolohe? He ehia hoi poe i hoolilo i ko lakou manawa o ka po, ma kela hana limanui i na kaikamahine opio? He manawa loihi ae nei i hala, ua nui na hoohalahala i waihoia ae imua o ka oihana makai, no na hana o keia ano, mai na Kepani. mai, a mai kekahi mau lahui okoa ae, e' noho ana ma keia kulanakauhale; mamuli o ia mau hoohalahala, i ha'o ai ka lohe hou ia o na hana limanui, eia hoi keia ke oili hou mai nei; nolaila ua ili mai ke ko'iko'i aole wale no ma ka aoao o ka oihana makai, ka makaala ana i ka poe o kela ano, aka maluna pu kekahi 0 na makaainana. Ua makemake kakou, e loaa ka maluhia, ame ka palekana 1 na kaikamahine opio ame na wahine opio, o ka hele ana ma na alanui, i na manawa apau oke ao ame ka po; ua hoohauoliia mai no hoi ko kakou mau-manao, mamuli o ka ike ole ia ana o na hana limanui, a mau hana hoopoino, ma ka aoao o ka poe kolohe; i wahi nae e loaa aku ai he mau haawina a'o kupono loa, i ka poe i paa ae i ka hopuia, ame "ka poe e ae, i ike ole ia ka lakou mau hana i keia manawa, e kauia aku na hoopa'i ko'iko'i maluna o lakou, ke ahewaia e pono ai. E lilo pu nae keia hana limanui, i hookauia aku maluna 0 kela mau kaikamahine, i kumu e makaala ai ka lehulehu 1 na manawa apau i ko lakou wa e hele ai ma ka po, mai hele hookahi, a elua paha, aka e hele puuluulu, a ina no ka loaa ole o na hoa kupono e hele ai, a e huli hoi ai no na home, he oi aku ka palekana, o ka hoolimalima ana i kekahi kaa, aole o ka hele iloko o ka nanea, o lilo auanei i luahi, no na hana pauaka a ka poe i hoolilo ia lakou iho, i mau meapaahana, no na hana ku i ka hoohilahila ame ka hoohaahaa, i ka inoa maikai o keia kulanakauhale, ame kona mau makaainana. He hana paakiki ma ka aoao o ka oihana makai, ka hakilo ana i ka poe kolohe o kela ano, oiai ma na wahi mehameha a poulipuli, e hoohalua ai kela poe; aka nae ina e lawe,&tta ka lehulehu i na kulana makaala ma ko lakou aoao, alaila e kau ana ka weli maluna o ka poe kolohe, a e konoia aku ana lakou, e haalele aku i ka hana hakihaki a hoohuli i ko lakou noonoo, ma kekahi mau hana m,aopopo loa, e pomaikai ai lakou, a e komo ole ai hoi iloko o kekahi pilikia. E huluiia ka poe o keia ano e pono ai, mai keia kulanakauhale aku, no ka mea aole o kakou makemake, e lilo na h&na a kekahi puulu kakaikahi, o ka poe kolohe, i kumu e alakoia aku af kakou iloko o na hana e hoohaahaa ana i ka inoa maikai o keia kulanakauhale ame kona mau makaainana.