Ka Nupepa Kuokoa, Volume LXI, Number 21, 25 May 1922 — MAKEMAKE E HOONAAUAO I NA WAHINE KOHO BALOKA. [ARTICLE]

MAKEMAKE E HOONAAUAO I NA WAHINE KOHO BALOKA.

Ma keia ahiahi Poaha, e malama ae ana ka Ahahui o na Wahine Koho Baloka, he halawai, maloko o ka Hale Waiho buke, ka Librarj of Hawaii, no ka hoonaauao ana i na wahine, maluna o ke kumuhana, kukulu i na kalapu kalaiaina. He malihini loa na hana kalaiaina i na wahine, aka nae, i wahi no lakou e ike ai, a e loaa ai ka naauao i na hana a na kalapu kalaiaina, pela iho la i makemakeia ai na wahine iapau e hoea ae ma kela halawai. O Mr. Fred D. Lowrey ame ka Meia John H. Wileon, na mea na laua e haawi mai ana i kekahi mau haiolelo, maluna o ke kumuhana, ke kukulu ana i na kalapu kalaiaina. 0 Mr. Lowre7, ka mea e hoakaka mai ana i na ano apau i pili aku i ka aoao kalaiaina BepubaliKa, e laa ke kukulu ana i na kalapu kalaiaina ma kela ame keia mahele koho, pela na lala o ke kalapu, na lulu, na lunanui, ame na hana e lawelaw"eia ana e kela mau kalapu. E hoakaka pu mai ana oia, i na ano o ka waiho ana i na inoa, no na lunanui o ke kalapu, pela ke ano o ke koho ana ia lakou, a pela no hoime ka wae ame ke koho ana i na elele, e hele ae ai maloko o ka ahaelele, ame ka lakou mau hana. Ma ka aoao hoi o ka Aoao Demokarata, o ka Meia Wilaon, ka mea nana e hoakaka mai ana i na lawelawe hana ana a kela aoao kalaiaina, mai ke kukulu ana i na kalapu, ahiki aku i ke kohoia ana o na lunanui, na lakou e hookele i na hana o na kalapu, a pela hoi na hana o na kalapu, a pela hoi na hana, i ka wa e hoea mai ai ka wa hoouka kalaiaina. O na wahine, i manao, e komo kino aku iloko o na hooikaika ana, no keia kau koho baloka ae e hoea mai ona, he mea pono ia lakou k. 1 hoea ae ma keia halawai i loaa aku ai ia lakou, na hoonaauao ana, no na mea pono e hana ai, ke hoea mai i ka wa kalaiainaO ka iini ame ka makemake iloko o ka Ahahui o na Wahine Koho Baloka, o ia no ka loaa aku o kn makaukau i na wahine apau, me ka ole" ma Āo lakou aoao kalaiaina, no ko ano o ke kalaiaina a oiai he halawai kela i makemakeia no na wahine, aka nae ua koiia no 1« lehulehu apau e hele ae, a o hoonnauao ia lakou iho, me na hana apau i pili aku i na aoao kalaiaina kuloko.