Ka Nupepa Kuokoa, Volume LXI, Number 21, 25 Mei 1922 — HULI HOI MAI KA WAAPA LAWAI'A PALMYRA. [ARTICLE]

HULI HOI MAI KA WAAPA LAWAI'A PALMYRA.

Ma ka hora 12:30 o ka auwina la Sabati iho nei ke ku ana mai o ka waapa lawai 'a Kepani nui '' Palmyra " »mai ka mokupuni Palmyra mai, a i kulike me John L. Padgett, ke poo o na enekinia o Puuloa o ka hoike ana ae o kekahi poe o lakou o ka holo pu ana oia o Lorrin A. Thurston, ka peresidena o ka Nupepa AdvertiBer ame kekahi poe e iho ua noho aku no lakou maluna o ka mokupuni Palmyra a maloko hoi o ka hale i kukuluia al o Heory Cooper he mau makahiki lehulehu i hala he kowa mainao o 960 mile ma ka hema aku nei o Honolulū. Mai ka haaole ana iho o ka waapa lawai'a Palmyra ia Honolulu nei ahiki i ke ku hou ana mai ma ke Sabati iho nei ua piha iaia na la he 15 ame na hora oi; he elima la a oi no ka holo ana aku, he elima la no ka lawai'a ana, a he elimu la a oi ma ka huli hoi ana mai, a ma ka hoakaka a na kanaka o ia waapa o ka hoike ana ae he malie maikai ka moana ma kela holo ana ame ka hoi ana^mai. "Ua haalele aku no m.ikou ia Mr. Thurston ame kona poo maluna o kela mokupuni Palmyra,'' wahi a Mr. Padg«tt o ka hoiko ana e. "0 ka hale a lakOu i noho aku Ia he nui a akea, a he hale no hoi i kukuluia no ia wahi me ka maikai loa a i 'kupono hoi no ia mau mokupuni hapapapa. Ua nui a lawa ka ai na kela poo i noho aku la, a he kokoke no hoi ke kai malaila e hiki ai o loaa nui mai ka lakou i'a i na manawo apau.. "He mokupuni nani ka Palmyra a ho oluolu a i kupono hoi uo ke ola kino. O ka Mr. Thurston hana nui maluna o kela mokupuai 0 ia no ka ohi ana i na pupu. Ma na la mua elua o ko makou holo ona ua paa mau ole ka manawa ai aka mahopo mai ua hoopaa mau ia ka manawa ai me na ku i hoomakaukauia a no ekolu a eha manawa o ka la e ai ai. O ke awa e hookomō aku ai he nui ka nalu mawaho mai o kuaau, a no ekolu mile okoa e hoe ai ahiki i ka pae ana aku i kahi maikai ma kahaone. No ke kaimake ā papau i lilo ai i hana nui ka pae ana aku o ka waapa i kahaone, a 'maluna o kahi waapa uuku o ka Palmyra i aloaloia aku ai ka poe ame na ukana ahiki i ke kau ana aku i kahaone," wahi a Mr. Padgett. Ma keia huli hoi ana mai la a ka Palmyra he ehiku tona i'a i pau i ka hoomaemaeia, a ua manaoia o keia mau ia i laweia mai la ka oi aku o ka nui mamua o na i'a mua 1 laweia mai ai, no ka o ia mau i'a mua i laweia mai ai aoho i pau i ka hoomaemaeia. O ka ulua, ko aku hiu lenalena, ko ono, ke kamāno Hawaii ame ka lai na i'a o ka laweia ana mai nei ma keia kalepa a ka Palmyra. O H. C. Lemmel ke kapena o ka waapa lawai'a, a o Padgett ka malama moku, no keia kalepa wale aliu la no a o na luina ora na Kepani eono, na Kepani kahiko x 'kamaaina i na kuaau ame na wahi e hoopuni I ana i ka mokupuni Palmyra. Nui ka I'a Maloko o ke Kai Ma ka hoakaka a Mr. Pagett o ka hoike ana ae i kona manawa i ninauia aku ai no ka i 'a o kela mau kai e hoopuni ana i ka mokupuni, aole oia i ike wahi ana i kekahi wahi nui o ka i'a elike me kpla, ma kela wahi oia i ike ai i na ano i'a like ofe, a o kela no hoi ke kahua lawai'a maikai loa ana i ike ai he 1000 mile wale no tka mamao mai Honolulu nei aku. He nui pu ka maloko o ia mau wahi, wahi ana, ame he mea la aole paha ia mau pihi manamana kauia o ka weli oloko o ke kai i hanu wahi io kanaI ka iki, eia nae, i ka manawa ka e paa ai kekahi ia i ka maka-u a'ua kokoke ka mano malaila, e lilo ana ke kino holookoa o ia ia a koe mai ke poo, ua ike maka oia i ka paa ana o kekahi ulua o aneane he 13 iniha ke anawaena, a mamua p ke kau ana mai o ia i 'a iluna o ka waapa ua lilo aku Ia ke kino holookoa a koe mai o ke poo wale no. , O kekahi o ka poe o ka huakai makaikai o ka holo ana aku nei i ka mokjipuni Palrayra i koe aku la oia o L. A. Thurston, D. D. Thaanum o,ka Hilo Post-Herald,-T. T. Dranga, o Hilo, ame Vasconcellos, he Pukiki no Honolulu nei i makemake e holo pu me Thurston.