Ka Nupepa Kuokoa, Volume LXI, Number 21, 25 May 1922 — E Holokaapuni Aku Ana no ka Mokupuni o Molokai [ARTICLE]

E Holokaapuni Aku Ana no ka Mokupuni o Molokai

Kc hoolalaia mai nei ka holo kaapuni aku o ka mokuahi Kilauoa, o ka Hui Mokuahi Holo Piliaina, i ka mokupuni o Hina, ma ke Sabati, Iune, 11, ka la o Kamehameha; e haalele iho ana ke Kilauea i ke awa o Kou ma ka hora 8:30 a. m., a ma ka hora 9 a oi iki o ia ahiahi iho e ku hou mai ai i keia awn. O ka poe e makemake ana e ike i na awawa hohonu o Halawa, Wailau, Pelekunu ame Waikolu, he mau awawa i piha i k awaiwai ame ka momona, a pela hoi me na kahua ma'i o Kalawao ame Kalaupapa, na wahi a kekahi mau Hawaii ame na lahui e ae e noho mai la iloko o ka ehaeha, o keia ka manawa maikai loa. O na wahi wale no i kamaaina i ka ike a ka poo kaahele mai na aina e mai a pela no mo kekahi poe o na mokupuni iho o ia ka Lae o Kalaau, ke kualono o Haleolono, o na uluniu o Kalamaula, ka lai a ke Kioea o Kaunakakai, ka waiho mai a ke kula o Kalae ame Mauoni, na kahaone o Kamiloloa, Kawela, Kamalo, Wawaia Ualapue, Kaluaaha, Pukoo, Kupeke, Waialua, Moanui ame ke kula o Moakea ame ka ulukukui o Lanikaula, ka aoao Kona o Molokai, koe aku ka ike i na pali hauliuli ma ka huli Koolau o Molokai, na wahi oi aku o ka nani ame ka piha i ka momona. Ma ka huli Koolau o Molokai he mea hoohauoli nui mai i ka naau ame na maka ka ike aku i na wailele e hoouelo mai ana i na pali, na ululaau uliuli, a maloko o na awawa o Halawa, Wailau, Pelekunu ame Waikolu, he mau aina kanu kalo waiwai nui i ka manawa e noho ia ana e na kanaka, o ka pilikia nui wale no i ikeia ma kela mau awawa o ia ka nele i ke alanui ame kekahi awakumoku kupono. He mokupuni palahalaha maikai o Molokai ma ka aoao Kona, a ma ka aoao Koolau, he awaawaa, eia nae, he nui ka wai ame na mea e ae e pono ai ke ola ana o na kanaka. Ona awakumoku ma Molokai o ia o Kaunakakai ame Pukoo, aka nae, he mau awa liilii e ae no kekahi elike me Keawanui ma Kamalo, ame Pauwalu ma Moanui, ina no ka @@ hohonuia o keia mau awa apau @a aku ana kekahi o na awa @@kai loa ma ka mokupuni e Mo* ma nei mua aku.