Ka Nupepa Kuokoa, Volume LXI, Number 21, 25 Mei 1922 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

AOAO NO NA MANAO PEPA SOLOMAN HANOHANO, LUNAHOOPONOPONO

 

E A'oia ka Poe Kolohe e Pono Ai

            Aole i loaa i na kaikamahine opio ame na wahine opio ka maluhia ame ka palekana e hele ai maloko o keia kulanakauhale i ka po, elike me na mea oiaio, i ikeia ma ka po o ka Poaono aku nei i hala, i ka manawa i hoaoia aku ai he elua mau kaikamahine, e limanui e kekahi poe kanaka opio eha ; o ka mea wale no nana i hoopakele ae i kela mau kaikamahine, mai ka lilo ana i luahin no na hana hoopoino a kela poe, o ia ka hoea ana mai o na kokua iloko o ka manawa kupono ; a o ke kumu no hoi i paa ai lakou i ka hopuia, a noho ana i ka halewai.

            Ua lilo na kaa otomobile i kumu hoowalewale na kekahi poe kolohe, e hoomalimali ai i na kaikamahine opio, e hele i ka holokaa, 'oiai nae, o ko lakou makemake maoli, a o ka iini no hoi ia iloko o ka hapanui o ka poe kolohe, o ia no ka hoopaino a hoohaumia ana aku i na kaikamahine opio.

            Ma kela po Poaono, e kau ana kela poe eha maluna o ko lakou kaa otomobile, a i ka ike ana aku i na kaikamahine elua, e hele ana ma ke alanui, ua hoopaaia iho la ka holo o ke kaa otomobile, me ka lele ana aku o kela poe ilalo, a koi aku la i na kaikamahine e hele pu mai me lakou i ka holokaa. Ua hooleia mai ko lakou makemake, no i'a kumu a i wahi hoi, e hookoia ai ka manao kolohe iloko o lakou, ua hopu okoa ia aku la kela mau kaikamahine ma ke ano limanui, a hoaoia mai la, e hookau iluna o ke kaa otomobile ; in a paha no ka holopono o ka hana a keia poe kolohe, he keu aku ka nui o ka poino e loaa i na kaikamahine opio.

            He ehia o na kaikamahine ame na wahine opio, o keia ano i lilo i luahi no na hana hoopoino a ka poe kolohe? He ehia hoi poe i hoolilo i ko lakou manawa o ka po, ma kela hana limanui i na kaikamahine opio? He manawa loihi ae nei i hala, ua nui na hoohalahala i waihoia ae imua o ka oihana makai, no na hana o keia ano, mai na Kepani mai, a mai kekahi mau lahui okoa ae, e noho ana ma keia kulanakauhale ; mamuli o ia mau hoohalahala, i ha'o ai ka lohe hou ia o na hana limanui, eia hoi keia ke oili hou mai nei ; nolaila ua ili mai ke ko'iko'i 'aole wale no ma ka aoao o ka oihana makai, ka makaala ana i ka poe o kela ano, aka maluna pu kekahi o na makaainana.

            Ua makemake kakou, e loaa ka mluhia, ame ka palekana i na kaikamahine opio ame na wahine opio, o ka hele ana ma na alanui, i na manawa apau o ke ao ame ka po ; ua hoohauoliia mai no hoi ko kakou maumanao, mamuli o ka ike ole ia ana o na hana limanui, a mau hana hoopoino, ma ka aoao o ka poe kolohe ; i wahi nae e loaa aku ai he mau haawina a'o kupono loa, i ka poe i paa ae i ka hopuia, ame ka poe e ae, i ike ole ia ka lakou mau hana i keia manawa, e kauia aku na hoopa'i ko'iko'i maluna o lakou, ke ahewaia e pono ai.

            E lilo pu nae keia hana limanui, i hookauia aku maluna o kela mau kaikamahine, i kumu e makaala ai ka lehulehu i na manawa apau i ko lakou wa e hele ai ma ka po, mai hele hookahi, a elua paha, aka e hele puuluulu, a in a no ka loaa ole o na hoa kupono e hele ai, a e huli hoi ai no na home, he oi aku ka palekana, o ka hoolimalima ana i kekahi kaa, aole o ka hele iloko o ka nanea, o lilo auanei i luahi, no na hana pauaka a ka poe i hoolilo ia lakou iho, i mau meapaahana, no na hana ku i ka hoohilahila ame ka hoohaahaa, i ka inoa maikai o keia kulanakauhale, ame kona mau makaainana.

            He hana paakiki ma ka aoao o ka oihana makai, ka hakilo ana i ka poe kolohe o kela ano, oiai ma na wahi mehameha a poulipuli, e hoohalua ai kela poe ; aka nae in a e lawe ana ka lehulehu i na kulana makaala ma ko lakou aoao, alaila e kau ana ka weli maluna o ka poe kolohe, a e konoia aku ana lakou, e haalele aku i ka hana hakihaki kanawai ; a hoohuli i ko lakou noonoo, ma kekahi mau hana maopopo loa, e pomaikai ai lakou, a e komo ole ai hoi iloko o kekahi pilikia.

            E huluaiia ka poe o keia ano e pono ai, mai keia kulanakauhale aku, no ka mea aole o kakou makemake, e lilo na hana a kekahi puulu kakaikahi, o ka poe kolohe, i kumu e alakoia aku ai kakou iloko o na hana e hoohaahaa ana i ka inoa maikai o keia kulanakauhale ame kona mau makaainana.

 

Na Wahine Koho Baloka ame ke Kalaiaina

            Maloko o ka hale waiho buke o ke aupuni, ma keia po Poaha, e malama ae ana ka Ahahui o na Wahine Koho Baloka, i kekahi halawai, no ka hoonaauao ana i na wahine, no na mea e pili ana i ke kalaiaiana.

            Aia he mau loina ano nui iloko o na hana kalaiaina, a kakou i ike ai maanei nei, o ia mau loina nae, he mau mea malihini loa ia i na wahine ; aka nae e loaa aku ana ka ike ame ka naauao ia lakou, i ka manawa e hoakakaia aku ai imua o lakou, na hana ano nui i makemakeia aku ai kela wahine ame keia whaine.

            Ke hoeueu aku nei keia pepa i na wahine Hawaii, me ka nana ole ma ka lakou aoao kalaiaina, e hele ae ma ka halawai a kela ahahui, ma keia po, no ka mea, e hoakakaia mai ana na mea pili i na kalapu kalaiaina, ko lakou mau lunanui, ame ka lakou mau hana ; pela hoi ka lilo ana o kela mau kalapu, i mau mahele ko'iko'i iloko o na hakoko kalaiaina kuloko o kakou e hoea mai ana.

            E komo kakou iloko o na hana kalaiaina e pono ai, mai na kane a na wahine ; i wahi mae e loaa mai ai ka ike ame ka naauao no ke kalaiaina oiaio, e pili aku me na kalapu o kakou, in a no ia he Demokarata a Repubalika paha ; aole o ka hoomamao mailaila mai, o lilo auanei ko kakou hoohemahema, i kumu e lanakila ai na hana kolohe a ka poe i makee wale no i ko lakou ponaikai, iho, aole hoi i ko ka lehulehu mau pono.

            He mau mahine helu wale no koe, alaila hoea mai i ke kolio baloka wae moho ; aka nae iloko koke ae nei no o ka mahina o Iune, e hoomaka ai ka hoonee ana o na iliili konane kalaiaina, ma o ka noho ana mai o ka ahaelele a ka ao ao Repubalika, e hoomakaukau i ke kahuahana kalaiaina a kela aoao ; a i wahi no kakou e kuleana pu ai, i ka noonoo ame ka hooholo ana i kekahi kahuahana kupono ; e loaa ke kuleana ia kakou e wae ae ai, a e koho aku ai i na elele, ma ko kakou lilo ana, i mau lala no na kalapu.

            Ua ku kaokao no na rula hooponopono o ko kakou mau aoao kalaiaina kuloko, o kekahi mai kekahi mai ; a no keia like ole o ka hoohana ana a ko kakou mau aoao kalaiaina, kuloko, o kekahi mai kekahi mai ; a no keia like ole o ka hoohana ana a ko kakou mau aoao kalaiaina, i ka laua mau hana, pela i kupono loa ai, ka hele ana ae o na wahine apau, maka halawai o keia po, a in a no he poe kane kekahi i makemake, e loaa aku na ike laula, no na aoao kalaiaina a elua, mai hoohemahema, i ka hele ana ae, no ke kulaia mai, pela wale no e loaa ai ka makaukau ame kanaauao.

 

            O ke kumu hoopilikia i na meakanu apau, in a e ikeia ana ka haula mai o ka lau, aia no ia ilalo o ka hua, a ma ke ka paha elike me ke ano o ia meakanu ; nolaila o ka pilikia i holomua ole ai, a i ulu nui ole ai na ekalesia o kakou, aia no ia ilalo o ke kumu ame na lala o ia mau ekalesia.. 'Aia a hoopauia ae ke kumu o ka pilikia, e oili mai auanei na hua ohaha, e hoohauoliia ai ka manao o ka mahiai.

 

He Hana Kupono na ko Honolulu Nei Poe

            Iloko ae nei o ka mahina o Iune, e piha mai ana keia kulanakauhale, i na lala o ka hui malu mai na wahi like ole mai o Amerika Huipuia, ame ko lakou mau ohana ; nolaila ua ili mai maluna o na makaainana o keia lulanakauhale, ke ko'iko'i o ka hoomaemae ana ae i ko kakou kulanakauhale, ma ke ano kupono, no ka hookipa ana mai i keia mau malihini ko'iko'i, e holo mai ai na mahalo ana mai na malihini.

            No ke kulana maemae oko kakou kulanakauhale nei, ua ili aku ke ko'iko'i maluna o na luna oihana o ke kalana, ka hoomaemae ana, aka nae iloko o ia manawa hookahi, e loaa ia kakou ka ike ua kono pu ia mai kela ame keia makaainana, e lawe ae i ke kulana hoomae mae i ko kakou mau home ; ma ka hookaawale ana aku, i na mea maikai ole apau, pela hoi i ko kakou mau hale oihana, ma ka hoonalowale ana aku, i na mea ku ole i ka hoihoi, ke nanaia mai.

            Aole he mea uuku ke kipa makaikai ana mai o kela mau lala o na hui malu, i ko kakou kulanakauhale nei, aka he mea ano nui loa ia, oiai, ia lakou e hoohala ana i kekahi mau la ma keia kulanakauhale, a hala loa aku paha ma na mokupuni e ae e lilo ana lakou i poe hoolaha aku no ko kakou mau ano, ame na ano kilakila apau o Hawaii ; ma ia hana auanei a kela poe, e hooi loa ia ae ai ko kakou ikeia mai e ka poe owaho ; e hooia aku ana ko kakou hookaulanaia, a o ka hua o ia hana, o ia no ke kipa mau mai o na malihini, no ka hoolilo ana ia Hawaii nei, i wahi makaikai nui ia, iloko o na kikina apau o ak makahiki.

            Iloko o na la o kela mau malihini e hoohala na maanei me kakou, e waiho iho ana lakou i kekahi huina dala mahuahua loa maanei, me ke kaapuni ana o ia mau dala, iloko o na oihana like ole ; o keia ka kakou mea i ake aku ai, e kipa mai na malihini makaikai i o kakou nei ; nolaila e hana aku kakou i na mea apau, e hoohihi maoli ai no ka manao o kela mau malihini, a na lakou auanei, e kono aku i ko lakou mau hoaloha, no ka hele ana mai e ike maka no lakou iho, i ka nani o ka Paredaiso o ka Pakipika.

            E hoea mai ana na kanaka ko'iko'i o na kulana like ole, he mea maikai ka hui pu ana me lakou. Ua lohe nui kekahi poe o lakou, no na mea maikai o Hawaii nei, a oiai he mau la no ka kakou e kakali aku ai, mamua o ko lakou hoea ana mai i Honolulu nei, wa kupono loa keia, e hooi ae ai kakou, i na maikai ame ka maemae o keia kulanakauhale, a oi aku, mamua o ka lakou mea i lohe wale ai.

            Ua lawa o Hawaii nei, i na hiona nani, e hoohihi ai na manao o na malihini makaikai, aka nae, e lilo ko kakou kulanakauhale, i hoike mua loa, no ia mau hiona nani a kilakila, ma ko kakou hoao ana e hooi ae, i ke kulana o Honolulu nei o keia la.

 

E Haawiia Ana na Mahalo e Pono Ai

            Ke haawi nei keia pepa, i na mahalo kiekie ana i ka Hope Makai Nui Asch, ka mea e noho mai nei i keia mau la ma ke kulana makai nui, no ke Kulanakauhale a Kalana o Honolulu nei, no ke keehina ana i lawe ae ai, ma ke kapae ana i kekahi makai, i hoomaopopoia, kona pili i ka hewa, ma ke komo pu ana iloko o ka hana hakihaki kanawai, o ia ka malama opiuma.

            He mau makai kekahi'o kela ano, o ka wa ae nei i hala, i lawe maoli ia ae ko lakou mau hihia imua o na aha hookolokolo, no ke ku-e i ke kanawai, eia nae ua aeia aku no lakou e paa i ka lakou oihana, e ka Makai Nui Rose, me ka ohi mau i na dala o ko lakou uku mahina, a mamuli wale no o ka lawe maoli ana ae o na komisina makai, i ka mana iloko o ko lakou lima, i kapaeia ae ai kekai mau makai.

            O na keehina nae a ka Hope Makai Nui Asch, i lawe ae ai, ma ke kapae ana i keia makai, he hana ia, e haawiia aku ia na mahalo kiekie ana a ka lehulehu, no ka mea aole o kakou makemake, i na luna oihana o kela ano, aiai e hooko ana i ke kanawai, e lilo pu oia i mea hakihaki kanawai ; ua kupono kona kapaeia ana aku la, a ina no ka hiki ke hoolaia kona pili i ka hewa, imua o na komisina makai, alaila e hooauia oia mai ka oihana aku e pono ai.

            Aia iloko o ka oihana makai, elike no hoi me ia iloko o na oihana apau, he poe hoopono, a he poe hoopono ole ma ka lakou mau hana, o na makai e ikeia ana, ko lakou komo pu ana iloko o na hana hakihaki kanawai, a kokua aku paha i ka poe ku-e kanawai, aole i makemakeia lakou e noho hana iloko o kela oihana, o lilo auanei ko lakou hoomauia aku ma ka hana o ka lehulehu, i kumu, e hoomahuahuaia aku ai na hana hakihaki kanawai, a e hele lanakila ai hoi ka poe kolohe.

 

Ka Ninau Wai no na Aina Hoopulapula

            I ka nana aku, me he mea la, e kaa ponoi mai ana maluna o ko kakou ahaolelo, ka hoohole ana i kekahi haawina dala, no ka hoohana ana aku, i wahi e loaa mai ai ka wai, no ka hoolako ana i na aina hoopulapula ma Molokai, no ka oihana mahiai.

            Ua kauka'i aku nei ke aupuni federala, no kana mau kokua ana mai, i kela mahele o na hana e pono ai ka hoopulapula ana i na Hawaii ; o ka lono nae i loaa mai i Hawaii nei, he hana ia, na ko kakou ahaolelo e noonoo ; in a pela i'o, alaila o ko kakou manaolana wale no i koe, no ka hoea mai i ka lako ana o na aina ma Molokai i ka wai, aia maluna o ko kakou ahaolelo ; a ma kekahi olelo ana ae hoi, maluna o na senatoa ame na lunamakaainana a kakou e hoouna aku ana i ka ahaolelo, ma keia kau ae e hoea mai ana.

            Ua nui ka wai i hoomaopopoia ; a ua hoolaia no hoi ke ano o na hana e hoea mai ai ka wai no na aina hoopulapula, i manaoia ; o ka mea wale no i koe, o ia ke dala ; nolaila in a i makee kakou, no ka holomua o ka hana hoopulapula, alaila he mea pono loa e loaa he waihona dala no kela hana, in a no ia he mea e koiia mai ai e hoopuka aku i na bona aie, i wahi e loaa ai ke dala.

 

            O ka Hon. Norman K. Lyman ia i oili okoa ae nei a ku iwaho, ma ke ano e hoike ana no kona lilo hou he moho elele lahui, iloko ae nei o ke koho baloka wae moho e hoea mai ana, ma ka aoao Repubalika. Eia no ka nui ae o na moho ke hoopu mai nei, a ke kakali mai nei paha, a kokoke ike aku i ka wa koho baloka ; a ke haha mai nei paha kekahi poe, i ko lakou ikaika. He makehewa i ko kakou poe Hawaii ke manao e loaa i kekahi o lakou ka waeia ina he nui a lehulehu o lakou e alualu ana i keia kulana, e lilo ana ko lakou ikaika i mea ole, mamuli o ko lakou nui loa ; o ka hana naauao, a o ka mea kupono maoli no ia, o ia ko lakou hui ana ae a kukakuka like, e unuhi ka hapanui i ko lakou mau inoa, a hookuu ae i kekahi mau inoa kakaikahi ; in a aole e lawelaweia kela hana, alaila aole no he manawa e hookoia ai kela iini o na Hawaii, i kanaka Hawaii ka elele lahui e pono ai.

 

Nuhou Kuloko

            He kua'i hoemi o na i'o hipa ke malamala ana ma ka hale kuai bipi Metropolitan ma keia Poaono iho.

            He paina luau ka ka Ahahui Malu Phoenix ma ka po Poaono nei ma ko lakou home ma ke kihi o na Alanui Papu ame Beretania, no ka hoohauoli ana i na lala ame na hoaloha.

            E nana ae i ka hoolaha a ka Bailey Groceteria ma kekaui wahi o keia pepa, a e loaa no ka ike ia oe, aia malaila e loaa ai ia oe kekahi mau meaai emi loa i like ole me ko na wahi e ae.

            Ma keia Poakahi iho e hooloheia ai ka hihia o Mr. Truslow, kekahi o na lunanui o ka People's Bank o Hilo, maloko o ka Aha Kaapuni Ekahi, e noho lunakanawaiia nei e Lunakanawai Banks.

            He 90 põe piliwaiwai i huluiia ae i ka halewai i ka Poaono aku nei i hala, he poe hoi na lakou i hoopu'ipu'i ae i ka waihona o ke aupuni mamuli o na dala bela a hoopai i ukuia ae e lakou.

            I kulike ai me na hoiko i loaa mai i keia kulanakauhale, ua hoea mai i ke kuikahi ana mawaena o ka poe hookuonoono o Waiakea, me ka hui mahiko no ke ano o ka nee ana aku o na hana no keia mua aku.

            Eia na lala o ka Ahahui Malu o na Keiki o ka Ululaau, ke hoomakaukau mai nei i ka paikau ana no ke ka'ihuaka'i nui e malamaia ana e ia ahahui ma kawa e weheia ai o ka lakou hoikeike fea ma keia pule ae.

            No ka malama ana i kekahi anaina hoomanao no na hoa i hala ua makemakeia na lala apau o ka Ahahui Pa Ilina o Kalaepohaku e akoakoa ae ma ka pa ilina ma ka hora 8:30 a.m. o ka Poalua, Mei 30, ka la kau pua.

            O ka põe e makemake ana e lawe i ka Nupepa Advertiser, o ka la Sabati wale no, me na kii hoakaaka, ua hiki no ke hoouna mai i na kauoha, he ekolu dala ka uku no ka makahiki holookoa, a he dala me ka hapalua no ka eono mahina.

            E ukali aku ana mahope o na kapuai o ke komite kuwaena Teritore Repubalika i haawi ae ai ka papa loio Hawaii i na kakoo ana me ka lokhi, i ka inoa o Mr. O. P. Soares i lunakanawai no ka aha apana o Honolulu nei ma kahi o ka Lunakanawai Lightfoot.

            Ma ka noho ana ae o ke komisina kula ma ka Poalua nei i haawi ae ai kela komisina i na kakoo ana i ka mea a ke kumupoo o ke Kula McKinley i hana aku ai, ma ka hoopau ana i ka haumana nana i hoeha aku i kana kumu, ma kekahi manawa ae nei i hala.

            E noho ana ka halawai a na lala o ke Kalapu Repubalika o ka Mahele 15, Apana 5, ma ka Winston block, ma ke ahiahi o ka la 1 o Iune no ka wae ana i ka lakou mau elele i ka Aha Elele Repubalika a no ka wae ana i mau lunanui no ia kalapu no keia makahiki e nee aku nei.

            E malama ana ka Ahahui Pa Ilina o Kalaepohaku i kekahi halawai ma kahi o Dan Maunakea ma keia Sabati iho, Mei 28, ma ka hora 2:30 p.m. no kekahi mau kumuhana i manaoia e noike aku a ua makemake ia na lala apau o ia ahahui e akoakoa ae ma ia wahi a ma ia manawa.

            E noho ae ana ka halawai a ka Ahahui Pailina o Puumao, Moanalua, ma ka auwina la o keia Sabati iho, maloko o ka halekula, no ka noonoo ana i kekahi mau kumuhana ano nui, i pili aku i ka pono o ka ahahui pailina, nolaila, ua makemakeia ka poe apau i kuleana i ka pailina e hoea ae ma ia halawai.

            Ma ka Poalua ae nei ka La Kaupua, he ka'ihuaka'i ke malamaia ana ma ka hapalua o ka hora eiwa o kela kakahiaka mailalo mai o Aala Paka, ma ke alanui Moi, ahiki i ke alanui Rikeke, alaila pii aku ma ia alanui a hoea i ke alanui Beritania, a iho ilalo a hoea i ke alanui Papu, a pii aku no ka ilina o Nuuanu, kahi e malamaia ai na hana hoomanao no keia la.

HALE O NA ALII O HAWAII

            E malamaia ana ka halawai kumau o ka Ahahui Poo o ka Hale o na Alii o Hawaii ma ka Phoenix Hall, i keia Sabati iho Iune 3, 1922, i ka hora 2 p.m.

            Ma ke kauoha a ka Iku Ha'i.

            W.J. COELHO,

            Iku Kau.

6505-Mei 25.

Nuhou Kuwaho

            PHILADELPHIA, Mei 22.-Ua hooku'i ka mokuahi H.F. Alexander o ka laina mokuahi Admiral, ka mokuahi Great Northern mamua, me ka mokuahi Italia Andrea ma ke ahiahi loa ana iho o keia la. Mawaho ae o ka Papu Miffin i hooku'i ai ka mokuahi Alexander mawaenakonu o ka Andrea. Ua ko'iko'i loa ka poino i loaa i ka mokuahi Andrea a aohe ola i poino.

            SAN FRANCISCO, Mei 22.-Ua paa i ka hopuia e na makai o ka oihana kukeawa he waiona ku-e kanawai i hiki aku ka waiwaiio i ka $180,000 ua hunaia iloko o na pahu ti maluna o ka mokuahi Kina maanei i keia la, oia ka mea i hoikeia ae ma ke akea.

            HILO, Mei 23.-Aohe okolehao, aka he waina maikai ole wale no ka mea i inuia e ka poe mamua iho o ka make ana o ke Kkiana offit, o ka puali pukaa 55 o Amerika, elike me na oleloike a na hoike i keia la ma ka manawa o ka noho ana o ka aha nieniele. Ua make ke Kakiana Offit maloko o ka halema'i maanei ma ka Poakahi nei. Elua mau koa e ae i loaa i ka ma'i ia manawa like, aka nae ua ola no laua.

            TOKIO, Mei 23.-O Koniehi Nakaoka, ka opio pepehikanaka o 19 makahiki, ka mea nana i pahu me ka pahi i ke Kuhina Nui Takahashi Hara, ma ka halekaa ahi i ka makahiki i hala, ua hoao oia e lawe ae i kona ola maloko o ka halepaahao ma Tokio.

            BAYONNE, New Jersey, Mei 16. He umi mau pahu aila i hoopoinoia maanei i keia la e ke ahi i ka manawa o ka uwila mai ke lewa mai i lele mai ai a pa ma kekahi o na pahu aia Petroleum a a ia ae la ka aila. He mau pahu aila kela na ka Hui Tide Water Co, he $750,000 ke poho i kohia.

            BREST, France, May, 21.-Ma kahi o ka haneri poe i manaoia ua make i keia la ma ka manawa o ka mokuahi Egypt o ka laina mokuahi Peninsula & Oriental i piholo ai mawaho ae o ka mokupuni Ushant ma ka po aku la i hala, he 20 minuke mahope iho o ka hooku'i ana on a me ka mokuahi lawe ukana Palani Seine iloko o ka manawa e paa ana ka moana i ka noe.

            LADANA, May. 21.-Ua hoikeia ae maloko o na keena oihana o ka laina mokuahi Peninsula & Oriental he 38 wale no mau ohua i holo aku maluna o ka mokuahi Egypt; ma ke ahiahi loa ana iho i loaa mai ai ianei ka nuhou no ka piholo ana o ia moku. Ua hoike ae ka hui he 28 poe i hoopakeleia. Mawaena o ka poe i nalowale o M. L. Sibley ame Miss V. M. Boyerr, he mau Amerika, kekahi.

NA MARE

            Peter Watson ia Isabella Traves, Mei. 8.

            T. N. Brown ia Aileen E. Sing, Mei 8.

            J. K. Thomas ia Helen Keawa, Mei 7.

            George N. Brown ia Albertina Keama, Mei 8.

            M. Nakamoto ia Mary Cabral, Mei 14.

            Sam Kahookano ia Mrs Lucy W Kanela, Mei 15.

            Harry S. Waiau ia Amy Chapman, Mei 16.

NA HANAU

            Na T. N. Downey amo Claudia Castro, he keikikane, Mei 7.

            Na Louis Kanui âme Lilikoi Pakala, he keikikane, Mei 10

            Na Sol. Kahawai âme Emalia Kaulahao, he kaikamahine, Mei 15.

            Na Lucio Lucas âme Ah Moi Awai, he kaikamahine, Mei 16.

            Na C. Thornton âme Jennie Keohohou, he keikikane, Mei 20

            Na S L Jognson ame Elizabeth Kaniaupio he keikikane, Mei 21

            Na S. K. Hanakeawe ame Kalei Kahapea, he keikikane, Mei 21.

NA MAKE

            J. P. Kauimakaole, ma ke alanui 9, Kaimuki, Mei 17.

            J K Paleka, ma ke alanui Hobron, Mei 17.

            Bertha Kaaialii, ma ke alanui Hustace, Mei 18.

            Deberal Kanani, ma ke alanui Halema'i Pupule, Mei 18.

            Ester Kalalau, ma ke alanui Moiwahine, Mei 18.

            Puhene Naauhau, ma ke alanui Papu, Mei 19.

            M. N. Meyer ma ke Alanui Kulika, Mei 20.

            Philomena N. Keiki, ma ke alanui Kalani, Mei 20.

            W. K. Houghtailing Jr., ma ke alanui Kula, Mei 20.

            Wilmar Kapua, ma ke alanui Kula, Mei 21.

            Mekukala Kalama, ma ke alanui Kama, Mei 21.

            S. P. Kahikina, ma ke alanui Beritania, Mei 21.

            John Kalanipii, ma ke alanui Liliha, Mei 22.

            Sol. Kauhane, ma ke alanui Ward, Mei 23.

 

NEW PALAMA THEATER

Poalima, Mei 26-Roy Stuart iloko o "The Westerners"

Poaono, Mei 27.-Tom Mix ilk o "The Road Demon." Art Acord ilk o "The White Horseman No. 6."

Sabati, Mei 28-Betty Compson ilk o "The Law and the Woman." "The Flaming Disk No. 16."

Poakahi, Mei 29-Bill Patton & Carlyn Wagner iloko o "Midnight Riders."

Poalua, Mei 20.-Tom Moore iloko o "The Great Accident." Buster Keaton iloko o "One Week."

Poakolu, Mei 31.-Babe Daniels ilk o "The Speed Girl." Eddie Polo ilk o "The King of the Circus, No. 13."

Hoikeike ao; 5, 10, 20 Keneka; Po. 10, 15, 20, 30 Keneka

 

LIBERTY THEATER

Sabati, Poakahi, Poalua, Poakolu, Mei 28, 29, 30, 31.

Rudolph Valentine & Dorothy Dalton ilk o "Moran of the Lady Letty." "Brownie's  Little Lady."

Poaha, Poalima, Poaono, Iune 1, 2, 3.

Will Rogers âme Lila Lee iloko o "One Glorious Day."

"Business is Business."

Ukomo: 25, 40 Keneka; Noho i hookaawaleia, 60c.

 

EMPIRE THEATER

Sabati, Poakahi, Poalua, Mei 28, 89, 30.

"Going Some," Rex-Goldwyn production.

Eddie Polo ilk o "King of the Circus, No. 16."

Poakolu, Poaha, Poalima, Poaono, Mei 31, Iune 1, 2, 3.

Tom Mix ilk o "The Big Town Round-Up."

Art Acord ilk o "The White Horseman No. 9."

Ukukomo: 15, 25, 40 Keneka; Ukula ka auhau kaua.

 

STRAND THEATER

HAWAII MAMUA

Sabati, Poakahi, Mei 28, 29.

Gareth Hughes ilk o "Garments of Truth." Two reels of Western Action.

Poalua, Poakolu, Mei 30, 31.

Hoot Gibson iloko o "Sure Fire"; Eileen Sedgwick iloko o "The Diamond Queen, No. 9."

Poaha, Poalima, Poaono, Iune 1, 2, 3.

Alice Lake ilk o "The Infamous Miss Revell." "Fantomas No. 9." "Mutt and Jeff.

Ukukomo: 15, 25, 40 Keneka; ukuia ka auhau kaua.

 

KE ANO PU HOU O 9 POKA

$12.95 25 Cal Mauser Genune German

32 Cal. $13.95

Emi iho malalo o ke kumukuai o ka wa kaua. Kupono i na poka standard. Kupono ke lawe-moe lolii iloko o ka pakeke-he palekana ma na ano apau. No ka pu Luger kaulana 30 cal. $21.95. Pu Paa Lima pale iwaho 32 cal. $16.95. He ano pu hou wale no ka makou hoopaaia no ka maikai.

MAI HOOUNA MAI I DALA

UKU AE I KA LAWELEKA KE LOAA AKU. Ke hoopaaia nei kona maikai, a i ole e hoihoi hou ia aku no ke dala.

8.45.25 Cal. PU KILA BOLU O KA OIHANA KOA--32 Cal., $10.45. Na pu a na aliikoa, 3 ano 25 cal., $10.50. PU TRENCH O KA OIHANA KOA--32 Cal. 10 poka, komo wale he pahu poka, like me ka oukou "malaila" $11.65.

 

HOLSTERS Ili Maikai 25 ame 32 Cal……………………50c

No ka PU LUGER…………………$1.00

 

UNIVERSAL SALES CO.

141 Broadway Desh 611 New York City

6505--Mei 25; June 1, 8, 15.

 

Ua Ike no Oe i Kahi e Koe Nui Ai Kau Dala Maluna o na Meaai?

Waiu Kalima, Federala, (Kini nunui), no ke kakini……..$1.20

Pia Hapuu Hawaii, 6 Puolo……………………………..  1.00

Kopa Holoi Keokeo Crystal, 21 Auka i ka……………... 1.00

Kopa Holoi Keokeo (Chunk), 10 Auka i ka…………….    .45

Kopa Holoi, Auka o 16 Oz.., 20 no ka………………….  1.00

Waiu Kalima Alpine, kini nunui, no ke kakini…………..  1.25

Waiubata Kaleponi, no ka paona…………………………   .45

Waiabuta Nu Kilani, no ka paona………………………..    .45

Kope Ono o Kona, 1 Puolo………………………………   .30

Waiu Kalima Alpine, kini liilii, no ke kakini……………..    .60

Kini Puaa me ke Pine (kini liilii) 6 kini i ka………………   .25

Kini Puaa me ke Pine (kini nunui) no ke kini…………….   .10

KIUKE KA KULA

BAILEY'S GROCETERIA

Alanui Moiwahine, Kihi o ka Makeke Aala.

 

O ka Poe i Holopono ma ka Hoahu Ana Akahele ka Lakou Hoahu Ana

            He nui ka poe i hoomaka e hoahu, a ua haule pahu nae me ka nee ole aku miua. O ko lakou hoomaka ana e Hoahu Liilii, aole ia he mea nana e hoolilo ia lakou i poe holomua ma ia hana. He hoomaka mua wale ana no ia.

            He alahele maikai nae ia a lakou i hoomaka ai, aka, o kekahi mea ano nui loa, o ia no ka hoomau ana me ka pauaho ole ma ia alahele o ka hoomakaulii, me ka hoahu mau ana i kekahi hunahuna liilii no ka hoomahuahua ana ae i ka huina mua i hoahuia.

            O ka papa kuhikuhi hoahu holomua loa i ka makou hoomaopopo ana iloko o keia manawa loihi, a makou i lawelawe ai i keia hana, o ia no ka hooholo ana i ka nui o ka mea e hoahu ai i ka pule a mahine paha. Alaila, hoomau i ka hoahu ana ma ia huina. He ano paakiki no i kinohi, aka, he hiki wale no nae oiai kela manao hoomakaulii e pii mahuahua ae ana i kela ame keia wa.

            Aole anei e hiki ia makou ke hoikeike aku ia oe i ke alahele e lilo ai oe i mea hoahu holomua

            He 4% ukupanee a makou e uku nei no na hoahu liilii apau o ka makahiki.

            Hauoli loa makou i ka lawe ana mai i kau mau hoahu ana, in a no he uuku ia.

Chinese-American Bank

KIHI O NA ALANUI MOI AME NUUANU.

P.O. Box 2000.           Honolulu, Hawaii.       Kelepona 6119