Ka Nupepa Kuokoa, Volume LXI, Number 21, 25 May 1922 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo Walohia

 

Ko Vekinia Waiwai Hooilna

 

Hoopuhiliia na Hana a ka Mea Manao

Ino---Kau i ke Aki i ka

Manawa Hope

 

            Pehea no auanei e hiki ai ia oe, e kuu aloha, ke hoomanao @ no ia mea he lole me keia piha no ou i ka hana ame ka noo@ nui no ka pono o kou makuakane ma'i, na ka mea pilikia @ paha e noonoo ae ia mea. No kau ninau no ka mahalo @ ole o'u makemake ia mea, o ka'u wale no e makemake nei @ ike aku ia oe i ka like loa o kou helelelena a nanaina @ ma ko kaua manawa e mareia ai me kekahi o na moiwahine.I hana au i keia me ka malu no kuu makemake e hoohauoli ia mai au a i hookoia ai hoi kuu haaheo ponoi iloko o kuu aloha.

            Alaila alakai aku la oia ahiki i ke alanui pii, ame ka muki aloha ana no ka manawa hope no ia po, hookuu aku la oia ia Vekinia e hoi noloko o kona rumi no ka hooluolu ana iaia.

            Ua aumoe loa kela manawa iaia i komo aku ai i kona rumi; i kona manawa i ike aku ai i ka pahulole i aku waiho mai, ulu koke ae la ka manao iloko on a e kiei wale aku no i na mea iloko o ka pahu, no ka mea ua hooholo oia ma ke kakahiaka nui ae e wehewehe ae ai i na mea apau maloko o ia pahu a kau ae iluna o kona moe no ka hoomakaukau ana no ka mare.

            Ke noonoo la oia pehea la i hiki ai ia Sa Wiliama ke kauoha i na mea apaum nona, e kupono ana paha kona lole mare a aole paha, eia nae ua hoopau ia ia manao pahaohao on a i kona manawa i wehe ae ai i ke pani o ka pahu a loaa iho la kekahi o kona mau lole e waiho ana maluna loa o na puolo e ae maloko o ka pahu, alaila ike iho la oia ua loaa kekahi lole on a ia Sa Wiliama, a ua hoounaia i ka poe kelalole ma ke kulanakauhale o Verekinia, a me ia lole kahiko on a i anaia mai ai kona lole mare.

            Ua opeia na mea apau mai ka uhi nahenahe, ka lei, na mikinilima, ame na mea e ae i kupono i ka wahine a paa maloko o kekahi ope nui; hoholo iho la oia aole e wehe ia mau mea ahiki i ke kakahiaka nui ae, oiai nae ua nui kona makemake e ikemaka iho i na mea i hopaaia maloko o ia ope ia manawa, Papani hou iho la oia i ke pani o ka pahu a paa, alaila kukuli iho la ma ka aoao o kona moe, a hoomaka aku la i ka pule ana me na waimaka nunui e hiolo ana, no ka hoomaikai ana aku i na lani no Kona alakai ana mai ia Sa Wiliama a hoea i ko laua hale, ana no i manaoio loa ai na ke Akua no ia kanaka i lawe mai a kipa i ko laua home, i lilo ai oia i makua nona i ka manawa makua ole, a i kokua hoi nona i ka manawa nele, a e nonoi pu aku ana hoi i ka Mea Mana Loa e alakaiia na hana apau o kekahi la ae elike me Kana i ike ai he kupono.

            I ka pau ana o kana pule ua hele oia a haalulu a ua koho iho oia aneane e piha kekahi kiaha i kona mau waimaka o ia hookahe ana aku ana, aole no ka hoomaikai wale aku no i ko ka Makua Lani haawi ana mai i na kokua iaia iloko o kela wa kuhaiki loa o ka pilikia, aka no ka haawi pu ana mai kekahi i kekahi kanaka maikai a kupono i panihakahaka ma kahi o kona makuakane e haalele mai ana iaia, a no na lako hoi a Sa Wiliama o ka hoolako ana mai nona i kupono no ko laua la e mareia ai.

            Ku ae la oia iluna a hele aku la e holoi i kona mau maka @pehupehu, alaila wehewehe ae la i kona mau aahu o ke komo ana o ia la, a komo iho la i kona aahu moepo, a haule aku la iluna o ka moe, aole i liuliu loa kana mau hoomanao ana me ka noonoo pu no na mea i hanaia o ka la i hala, kaia loa ia aku la oia i ka hiamoe kulipolipo, elike me ka hiamoe lealea ana a ka mea i ike ole i ka hewa.

            I ke kukuna mua no o ka la i o mai ai ma kona puka aniani puoho ae la oia, a mahope o kona komo ana i kona mau aahu ame ka hooponopono ana i kona rumi a maemae, hoomaka aku la oia e wehe i ka pahu lole i waihoia ai na mea apau Sa Wiliama o ke kauoha ana nona, a hoomaka ae la e wehewehe pakahi i kela ame keia lole a mau mea e ae mailoko ae o ka pahu.

            Ka mua loa ana o ka wehe ana ae he pahu pepa loihi palahalaha. I kona wehe ana ae loaa iho la iaia he uhi nahenahe.

            Malalo iho he pahu pepa hou no, he oi ae nae kona nui ame ka hohonu mamua o ka pahu pepa mua, a ia wehe ana ae ana ua hoohauoli loa ia ae la kona noonoo i ka ike ana iho i kona lole mare, a no na manawa lehulehu ka loli mau ana o kona helehelena mai ka haikea a i ka ula ohelohelo.

            Malalo iho no he wahi pahu hou, a iaia i wehe ae ai aia hoi e moeolii ana he lei pua alani, me kekahi poke pua alani i awiliia me na lilia o ke awawa, no ke apo o kona lole mare.

            Malao iho he pahu hou no, a maloko o ia pahu he paa kamaa keokeo kilika me na hainaka kilika ame kekahi omole waiala. Aole oia i ike mamua i ka hapalua o keia mau mea nani ana o ka ike ana iho la iloko o kona mau la o ka noho ana ma Nevada, oiai nae, he mau mea pakua ia i kona mau maka i kona manawa e noho ana ma Kapalakiko, a ma ka manwa hoi e noho ana kona makuakane iluna o ka hanohano a ma kekahi kulana hana koikoi o ka lehulehu, no ka mea ua ike mau oia i kona makuahine i ke komo ia mau mea i kona manawa e ola ana.

            "O, lokomaikai a piha noonoo maoli, no oia!" wahi a Vekinia o ka hooho ana ae me ka nui o ka hanu, oiai oia e nana ana i na mea apau o kona mau lako mare. "Aole oia i hoopoina i kekahi mea, ua kuai oia i na mea apau i makemakeia a he mau mea nani wale no hoi keia ana o ke kauoha ana aku nei.

            Iho aku la oia i ka hale malalo ma ka hora mau no ka lawelawe ana aku i na hana i maa mau iaia, o ia hoi ka hooponopono ana aku i ka makuakane ame ka hokomo ana aku i kona mau aahu, me ka hooponopono pu i ka rumimoe o ka makuakane elike me ka maika loa ana i ike ai, a pela hoi me ka hoomakaukau a hanai ana aku i ka makuakane ame kana malihini hanohano, oia ke kahunapule.

            "E papa, ke hauoli nei au no ka loaa ana o ko makemake, no ka mea, ua loaa mai na mea apau i makemakeia a kaua i moeuhane mua ole ai e loaa mai ana."

            "Pela?" i ninau mai ai ka makuakane me ka hoihoi o na maka.

            "Ae; ua loaa mai na mea apau a ua makaukau, o ka hiki wale mai o na ka manawa ka mea kakali aku.

            Ina aole ke kulana nawaliwali o ka makuakane i na ua oi loa aku ko Vekinia hauoli ma ia kakahiaka pumehana a laelae o ka la. Eia nae iloko no o ia kupilikii o kona naau no ka ma'i o ka makukane, ua hoopihaia no nae kona naau me ka hauoli no kona hoohuiia aku me kaua aloha, ka makua o ia mua aku, no kona noonoo ana i na mea apau e pili ana i kona mau aahu ame na lako e ae no ko laua mare.

            Aohe one ike aku ia Sa Wiliama, no ka mea ua ala o Sa Wiliama me ka mea ma'i a ao ia po, a i ke kakahiaka nui ua hoi aku oia i kona wahi pupuhale me ka ike ole o Vekinia, a malaila oia i noho ai ahiki i ka manawa e mareia ai laua.

            He meha wale no ka hale, aohe mau mea hoopihoihoi i ka noonoo aohe no hoi he poe hele mai i ko laua hale, koe wale no kahi kuke a laua i ka holoke mai.

            Mahope o ka pau ana o ka aina kakahiaka, hoihoi aku la o Vikinia i ka makuakane aluna o kona noho hooluolu nui, a i kona ike ana ua oluolu oia ma na ano apau maloko o ka rumi hookipa, a mahope o kona honi ana aku i ka makuakane no hookahi manawa, hoi aku la oia i kona rumi maluna no ke komo ana i kona lole no ka hoomakaukau ana no ka mare.

            Iaia i oili aku ai no ka hoi ana aku no kona rumi, kikeke mai ana kekahi mawaho o ka puka, a o Chi Lu ka i hele aku e pane no ia kikeke, a ia hoi ana mai a Chi Lu he mau poke pua me na launahele uliuli o ka wao ke paa ana i kona mau lima, i laweia mai ke kuahiwi mai, a e mau ana no hoi ke kau o ke kewai maluna o ia mau pua.

            O keia mau pua a Chi Lu i lawe mai la mai kekahi mai ia o na kanaka eli gula, na kanaka hana malalo o Sa Wiliama, "na Miss Abota keia mau pua," wahi a ke keiki nana i lawe mai o ka pane ana mai ia Chi Lu.

            Ua lohe mahui aku na kanaka eli gula no ko Mr. Abota ma'i nawaliwali loa, a ua makemake oia e mareia kana kaikamahine mamua o kona make ana.

            He kanaka o Mr. Abota i mahalo nui ia e na kanaka eli gula e noho ana ma na kauhale o ka poe hana, no ka mea, wahi a lakou he kanaka oluolu a lokomaikai oia me ka kulana hanohano, a he keonimana oiaio no hoi, a no Vekinia hoi ua nana mau mai lakou iaia me he wahi moiwahine uuku la iwaena o ko lakou poai, no ia kumu ua hoalaia ae na manao aloha iloko o ia mau kanaka eli gula a i mea hoi ma ko lakou aoao no ka manao maikai iloko o lakou, pela i hoounaia mai ai na pua ame na launahele uliuli o ka wao no ka hoouluwehiana i kahi home o Miss Abota ma kona la e mareia ai.

            I ka pau ana o ia hana, hoi aku la oia noloko o kona rumimoe, a aole oia i ike hou ia mai i ka hale malalo ahiki i ka hora i hoohuiia ai laua ma ka berita maemae o ka mare, o ia ka hora umi-kumamakahi o ia la.

            Oiai oia e hoomakaukau ana iaia iho he ke manawa hoi ia no Chi Lu ame kekahi wahi aoo, he wahine na kekahi o na kanaka eli gula, a o ka mea no hoi i hele mai e malama ia Vekinia i kona manawa i loaa ai i ka ma'i, a i noiia aku hoi e hele mai e kokua ma na hana o ia la, a maloko mau laua o ka rumi kuke no ka hoomakaukau ana i na meaai no kekahi papa aina e malamaia ana ma ia ahiahi iho.

            Ua hooholo mua ke Sa Wiliama i kona manao e lilo ko laua la e hoohuiia ai i la hauoli loa, no ia kumu ua kauoha oia i na meaaai maikai loa i ike ole ia malako o ia apana mamua i ke Kuanakauhale o Verekinia a ua hoea mai.

            Ma ka hora umi-umamakahi ponoi hoea mai la ke Sa Wiliama no ka hale o Vekinia ma, a i ka hui ana me Makaleka Foleka, ka wahine i hoike muaia ae nei, kauoha aku la oia iaia e hele aku e hoike ia Vekinia ua hiki mai oia a ua makaukau no ko laua hoohuiia ae ma ka mare, a e kakali aku ana oia no kona iho mai.

            I ke kikeke ana aku o Makaleka Foleka ma ka puka, pane mai la o Vekinia maloko o ka rumi ka i ana mai me kahi leo liilii. "Komo mai," a ia wehe ana mai o Makaleka i ke pani o ka puka hooho ae la oia me ka piha i ka hauoli no kona ike ana aku ia Vekinia i ka like o kona kulana me kekahi moiwahine iloko o kona aahu alii.

            Huli mai la o Vekinia e nana iaia me ka minoaka ma kona helehelena a i mai la:

            "Auwe, o oe ka ia e Makaleka, heaha keia hana au o ka hoea ana mai nei ianei"

            "Na ke keoniamana i kauoha ae nei ia'u e hele mai ianei i keia la, a nana no hoi i kena mai nei ia'u e olelo aku ia oe, ua makaukau oia, a aia oia i ka hale malalo kahi i kakali mai ai o kou iho aku."

            "Piha noonoo maoli no ka hoi oia, a lokomaikai wale no hoi oe o kou hooko ana mai nei i kana kauoha," wahi a Vekinia me ka oluolu o ia pane ana mai.

            "O, ua hauoli loa au i kona kauoha ana ae nei ia'u e hele mai, no ka mea, e ike ana au i kekahi mea hou ma keia la, o keia kakahi o na la hauoli loa iloko o ko'u mau la o ke ola ana. Ea, ua like maoli no oe me kekahi o na moiwahine, a i ole me kekahi o na anela iloko o kena mau aahu ou, nolaila aole loa au e poina iki ana i keia la" wahi a Makaleka me ka piha i ka hauoli ame ke kahaha pu.

            Haawi mai la o Vekinia i kona mahalo i ka wahine, a noi pu mai la iaia e kokua aku i ke pihi ana ae i ke pihi hope loa o kona mikinilima.

            "Ua kauoha mai nei kela keonimana ia'u e ninau aku ia oe in a ua makukau oe, oia ko'u kumu o ka pii ana mai nei iluna nei," i pane aku ai o Makaleka.

            "Ke ike mai Ia no hoi oe i nei manawa ua makaukau au, nolaila hoi aku oe a hoike iaia ua makaukau au," a ia Makaleka i haalele aku ai iaia, alaila kukuli iho la o Vekinia a kulou iho la kona poo a hoomaka iho la e pule, no ka hoomaikai ana aku i na lani no kekahi pomaikai i loaa mai iloko o kona ola hou.

            I ka pau ana o kana pule a ia ku ana ae ana iluna lohe ana no oia i ka halulu o na kapuai wawae o Sa Wiliama ma ke alanuipii o kona oili aku la no ia iwaho no ka halawai ana aku me ia.

            I ka ike ana mai a Sa Wiliama iaia he mea e ka hauoli o kona helehelena, he mea no hoi ka hoihoi o kona mau maka ame kona naau, a i mai la:

            "I kela la e lilo ana oe na'u e ka moiwahine uuku o na Muana o Nevada. E lilo ana oe i keia la i hakuwahine no ka Hitadela, a e ike mai ana ko Hitadela poe i kekahi wahine opio u'i a lakou i ike ole ai i kekahi u'i mamua!"

            He paalole eleele kumukuai pii loa ko ka baroneta Sa Wiliama e komo ana ia manawa ana o ke kauoha ana i Verekinia, a mamua o ka umauma o kona palule keokeo e lau ana kekahi pihi daimana a e anapa mai ana hoi me he hoku la i ka lewa ma kekahi po lailai, a ke nana aku iaia ia manawa ua kupono loa ke kulana alii Pelekane o ke kauia ana maluna on a, no ka mea, o kona kulana maoli io no ia ia manawa.

            "E kuu ipo kuu aloha hoi," wahi ana, i ka manawa i hopu mai ai i ka lima o Vekinia a paa ae la iloko o kona; "nani maoli kou nanaina ame kou kulana i ka'u nana au i nei manawa!"

            Aohe a Vekinie pane no keia olelo mahalo a ke kane e mare aku ana iaia, nana wale ae la no oia iluna me ka helehelena i piha me ke aloha oiaio, ma ke ano e noi ae ana e haawi iho ke Sa Wiliama i hookahi muki papalina iaia.

            No kekahi manawa pokole ko laua ku ana malaila me ka nana mai ana o ko laua iho aku, no kona hooko ana mai i kana apana hana maluna o laua.

            Me ka maile loa laua o ka hele ana aku a ku iwaenakonu o ka rumi hookipa kahi a ke kahunapue Tong Kona e ku mai ana, a e noho mai ana hoi o Mr. Abota iluna o kona noho hooluolu nui, a ia ike ana mai ana i kana kaikamahine i ka nani lua ole ana o ka ike ole ana iaia elike me ia mamua aku, hina aku la oia ihope me ka piha i ka hauoli ame ka maha loa o kona uhane, no kona ike aku i ka mareia o kana kaikamahine i ke kanaka opio ana i paulele nui ai e lilo ana oia i panihakahaka ma kona makalua ke hala aku oia me kela ao, a loaa hoi ka makua o kana lei i kaumaha ai me ke kaniuhu nui mamua aku, a ia manawa ua like me ke ao i mawehe ae a i puhiia aku e ka makani, pela no ke kaumaha i olokaaia ae mai kona naau aku.

            Ua hoomaopopo koke oia ia manawa o na aahu nani a Vekinia e komo mai ana ia manawa na Sa Wiliama no ia mau mea i holako mai no Vekinia, no kona makemake e ike aku oia i ke kahikoia o Vekinia a nani a kupono hoi elike me ke kupono o na wahine opio e ae apau i mareia ai mamua aku.

            I ka manawa o ke kahunapule i makaukau ai i kana apana hana, ma kekahi aoao o ka rumi hookipa o Makaleka ame kahi Pake kuke Chi Lu o ke ku ana mai, o kekahi ma kekahi aoao o ka puka, a o kekahi no hoi ma kekahi aoao, elike me ka Sa Wiliama i makemakemake ai, no ka mea, i mau mea ikemaka kekahi e akoakoa pu mai ma ko laua manwa o ka mareia ana, a ua lilo hoi laua i mau hoike waiwai loa no Vekinia mahope mai.

            Alaila hele mai la ke Kahunapule Tong Kona a ku mamua pono o na mea e awaiauluia ana ma ka matermonio laahia o ka mare, a hoomaka mai la i kana hana, a ma kela manawa o Vekinia ma i mareia ai ekolu mau hoike ikemaka waiwai loa ma ia manawa. Aole i loihi loa ka lawelawe ana o ke kahunapule i kana hana, a puana e la ua lilo o Vekinia Abota he Lede Hita ia manawa.

            Ahiki mai ia manawa aole o Mr. Hita i hoike iki ae i kona inoa hanohano oiaio he baroneta a he kanaka Pelekane hoi, no kona hopohopo no o hauwawaia ae ia mea a lilo i mea kamailioia e na kanaka e noho ana ma ia wahi ia manawa, a no ka mea, ua hele mai oia a noho ma ia wahi ma ke ano i maopopo ole i na kanaka he kaukaualii o Pelekane, a ua makemake oia e homauia aku no kona ikeia ana mai he kanaka makaainana a he kanaka i mi pomaikai ma ka eli gula ana aole ma kekahi ano e ae, a ma ia ano no oia e haalele iho ai ia wahi.

            He nui a lawa loa ka manawa e ikeia mai ai oia wahi ana i noonoo iho ai, i kona manwaw ame kana whine e hoi aku ai i kona aupuni, he baroneta no Pelekane, a ia manawa oia e lawe ae ai i ka inoa i kupono e kauia maluna on a. O kana mea hookahi wale no i hoike aku ai nona iho o ia kona makuakane a makuahonowaikane hoi ia manwa, aole nae oia i haanui wale aku he kanaka kiekie a waiwai oia ma kona aupuni.

            I ka manawa a ke kahunapūle i puana ae ai i ka huaolelo hope loa e hoolilo ana i na mea elua e ku aku ana imua on a, a e paa ana hoi i ko laua mau lima akau, ua lilo laua ia manawa he kane a he wahine, haawi mai la oia i kona lima ia laua no ke lahoa ame kana hoomaikai ana, alaila alakai aku la ke Sa Wiliama ia Vekinia imua o ka makuakane.

            Ia hoea ana aku a Vekinia mamua o ka makuakane, kukuli iho la oia ma ka aoao o ka noho, apo aku la kona mau lima i ka a-i o ka makuakane a haawai aku la i kekahi mau honi me na waimaka, a ia manawa ka makuakane i pane mai ai me ka haalulu o kona mau lehelehe.

            "Na ke Akua e haawi mai i na pomaikai he nui maluna ou, e kuu kaikamahine. Ke manaoio nei au aole no i hewa ko'u noi ana aku i Kana hoopomaikai mai maluna ou, no ka mea, ua ike au i ko'u nele i ka manaoio aku iaia, aka nae, e kuu Vekinia, ua a'o mai kau kane ia'u i ke ano e imi aku ai Iaia a ua ike au i Kona loaa ana ia'u."

            Aohe a Veikinia pane, aka, honi aku la oia i na lehelehe o ka makuakane. Ua piha oia i ka mahalo no ia mau olelo a ka makuakane.

            Alaila hele mai la o Chi Lu ame Makaleka Foleka e haawi i ko laua aloha ame ka laua hoomaikai i ka paamare, a ia pau ana huli aku la no kahi o ka halekuke, no ka hoopau ana aku i ka laua mau hana, a no ka hoomakaukau ana i na meaai no ka papaaina mare.

            Mahope iho hookaawale aku la ke kahunapule Tonakona mai ke kanaka ma'i aku i loaa ai i manawa nona ame kana mau keiki e kamailio ai mawaena iho o lakou.

            "E kuu Vekinia, ui maoli no oe i keia la! Pehea i loaa ai kena mau aahu nani ia oe?" wahi a ka makuakane o ka ninau ana iho.

            "Na Wile nei no hoi i kauoha i keia mau mea apau i ke Kulanakauhale Verekinia i ka manawa a ke Kauka Walaka o ka hoi ana, "i pane ae ai o Vekinia…

            "Pela no ko'u hoohuoi iho la, no ka mea, ihea auanei kena mau aahu nani apau e loaa ae ai maanei. Nou e Sa Wiliama ko'u mahalo nui, ua oi aku mamua o ka mea hiki ia'u ke hoakaka ae, no kou haawi ana mai i ka hauoli nui ia'u i keia la, he hauoli hoi a'u i manao mua ole ai e loaa mai ana, "i pane ae ai ke kanaka ma'i me ka mahalo nui maloko o kona naau.

            "Ua hanaia ia no ka hookoia ana mai o ko'u makemake. Aole e lawa ana ko'u makemake ahiki i kuu ike ana aku ia Mrs. Hita ua kahikoia me na aahu kupono i kona kulana," i pane iho ai ka baroneta opio, me ka minoaka ma kona mau papalina," eia nae, aole i loaa iki he manawa maikai ia'u e haawi aku ai i ko'u aloha i ka'u wahine mahope iho o ko maua hoohuiia ana ae nei, nolaila, e pono e loaa ia'u ke kuleana o ka honi mua ana aku ia oe i nei manawa."

            Alaila huli pono ae la ko Vekinia mau maka iluna me ka hoihoi o na maka, no kona honiia ana iho.

            "O, kuu kane!" wahi ana o ka hawanawana ana ae, i ka manawa i hopu iho ai ke Sa Wiliama iaia a hapai ae la iluna a hoopili aku la i kona umauma; ia manawa i ike iho ai ke Sa Wiliama i ka piha pono o kona mau la o ke ola ana ma ia mua aku, oiai ua aloha kana wahine iaia a ua lilo hoi o Vekinia nana mai ke poo a ka hiu.

            O, auwe na makahiki o ka ehaeha i ukali mai mahope! He mea anei kekahi i ao a i ole i hoike mau mai ia laua no ia pilikia e hiki mai ana?

            No kekahi manawa liilii ma ia hope iho ko lakou kamailio ana maluna o kekahi mau kumuhana, a i ka makaukau ana o na meaai hele mai la o Chi Lu e hoike ia lakou ua makaukau na meaai, i hakalia wale no ia lakou i ka nee aku o noho maluna o ke pakaukau; o ko lakou eu ae la no ia a hele aku la no ka hooko ana aku i ke kono a ka lakou Pake kuke. Ma ke koena aku o ia la o ka hauoli wale no ka mea i ikeia no ia ohana, a o kekahi no hoi ia o na la hauoli loa i ikeia maloko o ia home no kekahi manawa loihi.

            Mahope o ke kii ana aku a Chi Lu, i ke kahunapule no ka hele ana mai e hoopiha i ko waho ialoko, a mahope o ka hoomaikai ana o ke kahunapule Tonakona i ka Makua Lani no Kana kiai, malama, a hoomalu ana i ka ohana e akoakoa ana me ia ia manawa, hoomau aku la lakou i ka lakou ai ana ahiki i ka eha ana o Hanale ia Keoni Bulu, me ka hauoli.

(Aole i pau)