Ka Nupepa Kuokoa, Volume LXI, Number 20, 18 Mei 1922 — Makemakeia na Kokua Ana. [ARTICLE]

Makemakeia na Kokua Ana.

Eia ma ke |«eena o ka nupepa Honolulu Advertiser, he $20 i haawiia mai ma ke ano manawale'a e na makamaka, i wahi e loaa ai he kelepona uwea ole, na na ma'i ma Kalaupapa, Molokai. Pehea aole anei o oe kekahi e haawi mai i kau mau kokua ana, no kekahi hana, e hoohauoliia aku ai kela mau ma'i ma Molokai ? O kakou o ka poe e noho lanakila nei, ke loaa nei ia kakou na pomaikai he nui, ma ka hele ana e ikemaka i*kekahi mau hana hoohauoli \ f aka no na ma'i ma Kalaupapa, he poe kela iloko o na kaumaha, a no ka hoomama ana ae ia mau manao kaumaha, a no ka hoohauoli ana aku ia lakou; ua ili mai maluna iho o kakou, ka lehulehu e noho lanakila nei, ka hana ana aku i kekahi mau hana, no ko lakou pono i keia mau la. Ma jceia kelepona uwea ole, a ka Hoholulu Advertiser, e haawi wale aku ai na kela poe ma'i, ke ukuia mai na hoolilo no kela kelepona, ma ke kokua ana a ka lehulehu, e hiki ana i na ma'i ma Molokai, ke lohe i na ahamele, ina ma Honolulu nei, a ma na wahi mamao paha, me ko lakou noho malie no i Moloka>i. O ka poe e makemake ana e haawi mai i na kokua, no keia \vaihona, ua hki ia lakou ke lawe mai ia mau kokua, ma ke keena o ka nupepa Honolulu Advertiser, a i ole ma ke keena o ka Nupepa Kuokoa. Ina no he uuku kau kokua, ua nui kela, ma ka hoohuihui ana ae i na mea liilii, e lilo ai i huina mahuahua, o ka loaa no ia o ke kelepona uwea ole na ko kakou poe e noho mai la ma ka aina o ka ehaeha*