Ka Nupepa Kuokoa, Volume LXI, Number 20, 18 Mei 1922 — KUU LEI ROSE UA MAE WALE. [ARTICLE]

KUU LEI ROSE UA MAE WALE.

I kuu Lunahooponopono Mr. Ha-nohano:-—E oluolu oe i wahi kaawale no'u no kuu wahi puolo waimaka e kau ae la maluna, no Miss Annie Keliiheleloa Samuel Purdj. Ua oluolu i ka Haku ke Akua mana loa, i ka Uhane ana emfwyp mana loa, i ka lawe ana aku i ka hanu hope o ka maua kaikamahine i aloha nuiia Miss Annie Keliiheleloa Samuel Purdy, ma tka hora 5 a ma.ka la 21 o Aperil& 1922, ma ko maua home ma Puukikoni. Ua hoihoiia mai kona kino wailua ma ka home o ko maua mau pokii, Mr. ame Mrs. Jas. K. Lindma Waimea malalo o ka loko-

maikai ame ka puuwaihamama o kuu haku, A. W. Carter a nona au e poina ole nei. Ua hooikaika kuu haku ma na ano apau e loaa ka lanakila i kuu lei aloha, e noho paa mau ana ka mea malama ma'i i ka po ame ke ao, aka ua paa ka ke Akua olelo luli ole, he mahu he ola o ke kanaka i pua ae a naio aku no ka wa mau loa. Ua hanauia kuu lei alolia i ka 23 o Nov. 1920, ma Mana, Waimea, Hawaii; nolaila ua piha iaia na makahiki 2 ame na mahina keu 4, o ke ola ana i keia ao inea. Ke haawi nei maua i ko maua mahalo i na hoaloha, ame na makamaka i lawe mai i ka lakou mau bo-ke pua. Ke haawi pu aku nei i ko maua hoomaikai i ka poe apau i hele pu ma kona alahele no kona home hope, ika home hoi o na mea apau. Owau 'ka ke aloha e luaiele nei, e kuewa hele nei i ke ala me ka waimaka. O maua no me ka luuluu, MR. & SAMUEL PUBDY, Kamuela, Hawaii.