Ka Nupepa Kuokoa, Volume LXI, Number 20, 18 Mei 1922 — KA AHAHUI HOEUEU O NA OPIO MA KAWAIAHAO [ARTICLE]
KA AHAHUI HOEUEU O NA OPIO MA KAWAIAHAO
Ma ka hapalua o ka hora ehiku o ke ahiahi o keia Sabati iho, o ka Rev. A. W. Palmor ke haiolelo mai ana, ma ka halawai a' ka Ahahui Hoeueu <o na Opio o Kawaiahao, maluna.o kana kumuhana "Ka Uhane Lokahi." E mele mai ana ka papa himeni i kekahi mau mele hooni uhane ma kela halawai, ma na himeni Hawaii ame haole, a ua ūonoia ka lehulehu e hele a ma ia anaina halawai. Ua makemake nui ia na makua e hele ae, aole no ka lohe wale ana no i ka haiolelo a ka Rev. A. W. Palmer, aka no ka hoolohe pu ana kekahi i na himeni nani, e meleia mai ana e na opio. E lilo ka hoopiha ana ae o na makua i kela halawai i kumu e hoohoihoi aku ai i ka manao o na opio, aia na makua mahope o ko lakou mau kua, kahi i ku aku ai a kakoo i na hana hoeueu a lakou e lawelawe nei, no ke alakai ana i na opio na hana maikai.