Ka Nupepa Kuokoa, Volume LXI, Number 20, 18 Mei 1922 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

NA PUUWAI ELUA

A I OLE

Hewa o ka Wahine--- He Moolelo i Owiliia me na Haawina Hoopihoihoi Noonoo o ke Au o ka Manawa.

 

Komo loa aku la o Ivana ahiki i ka rumi waiho buke, me ke kamilio ole ia o kekahi mau olelo mawaena on a ame ke kauwa, aia hoi kona mau maka ke nana la ma o a maanei, he o ia mau no ke kulana oloko o kela rumi, elike me kana i haalele iho ai.

"E hele aku oe a hoike imua o kou haku wahine, eia au ke kakali aku nei maloko nei o keia keena iaia." wahi a Ivana, me ka leo kuoo, e hiki ole ai i kela kauwa ke hoole mai.

"Mamua nae o kou hele ana aku e hooko i ka'u kauoha, he makemake au e ninau aku ia oe; ua hoea mai nei anei ka Haku Fanadale no keia hale, mahope o kuu haalele ana iho? Aohe au mea e hophopo ai i ka hoike ana mai ia'u, no ka mea he kuleana nui ko'u e ninau aku ai e pili ana nona!"

"Aole oia i hoea mai nei i keia la, aia oia maloko o ke kulanakauhale o Ladana, he mau la ae nei i hala, kona holo ana aku no ke kulanakauhale, a aole i maopopo iki ia'u kona manawa e huli hoi mai ai."

"Ua pau ae la no ko'u makemake ia oe, nolaila e hele e hoike aku i kou haku, eia au maloko nei o keia rumi," wahi hou a Ivana, me ka haalele koke ana iho o ke kauwa iaia.

I kela hala ana aku hoi o ke kauwa, namunamu wale iho la no o Ivana iaia iho: "Ua pololei no ka ka Miss Kalani i kamailio mai ai; nolaila o ko'u mau manao koho hewa e pili ana iaia ame ka Haku Fanadale, he hana hewa loa kela maluna o laua, e hiki ole ai e huikalaia mai au."

Aole no hoi i loihi iho kela kakali ana a Ivana, hoea mai la o Miss Kalani, a me ka leo mahamaha i piha i ka hookamani oiai hoi ka haikea e halii ana ma kona helehelena, pane mai la:

"Ea, ua haule oe i ke kaaahi, ke hauoli loa nei au i kou huli hoi hou ana mai nei, a e hoaumoe oe maloko o kou home, ahiki i ka Poakahi," alaila hooki iho la oia i kana kamailio ana mai, mamuli o kona ike ana mai ka helehelena kaumaha maluna o Ivan. "Ea, ua loohia anei oe i ka ma'i e Ivana, i hele ai kou helehelena a ano-e maoli, aole kela ano mohala maikai a'u i ike hope aku ai ia oe?"

"Aole o'u ma'i, he o ia mau no ko'u ano, elike me ia a'u i haalele iho ai i ka hale nei, a o keia no ko'u ano mau iloko o na mahina lehulehu i kaahope aku nei. Ua haule i'o au i ke kaaahi o ka hora ehiku o keia ahiahi, no ia kumu, i hooholo iho ai i ko'u manao, e hoi hou mai e hui hou mai e hui pu me oe, no ke kamailio ana e pili ana i kela kelekalapa."

Haka pono loa mai la ka nana ana a Ivana ma na maka o Bela Kalani me kona manao, e loli ae ana ka helehelena o ua kaikamahine nei, aole nae he wahi mea, a haikea ae kona helehelena, he o ia mau no kela kuoo, me ka pane ana mai:

"He oiaio hoi kau i kamailio mai la e Ivana, owau pu no kekahi i hoopohihihiia no kela kelekalapa. Ina aole o oe ka mea nana i hoouna mai, alaila, owai hou aku auanei ka'u mea e koho aku ai?'

Me ke kulana hiehie i hoi aku ai o Miss Kalani, a noho iho la maluna o kekahi ko-ki, me ka pane hou ana mai:

"Aole paha keia he manawa kupono, no ke kamailio ana no kela kelekalapa, he nui loa ka manawa o ka la apopo, a no keia manawa la, e hoi oe e hooluolu, a pela no hoi au, e hoomalielie ai i ko'u mau manao maikai ole apau, no na mea a'u i lohe ai mai ia oe mai i kea la."

"Elike no me ka'u i hoike aku ai ia oe i keia la, aole loa nau i hoouna mai i kela kelekalapa, aka na kuu hoaloha, ka mea i loaa na manao makee no ko'u pono. Oia ponoi ka i hoea mai, no ka hooko ana i na manao maloko o kela kelekalapa, o ka mea apiki nae, aole oia i hoi hou ae no Ladan. E Miss Kalani, heaha kau mea i hana aku ai maluna ona?"

"Ea, ua hehena anei oe e Ivana, i hoopuka mai ai i na olelo o kena ano," wahi a Miss Kalani, me ke ku okoa ana ae iluna, ua hele hoi a piena kona ano ke nana aku, o ia no oe o kekahi tiga i loko o ke kino wahine, i hoopa ia aku kona maka, i hele ai a leleiona. "Ke hoahewa mai nei oe ia'u, no ka hana ana aku i kekahi mea maluna on a, a'u i maopopo ole ai!"

"Mai hoole mai oe e Miss Kalani! O kela hoaloha o'u, oia no o Keaka Mebure, nana kela kelekalapa i hoouna mai ia oe, a ma ka po o ka Poakolu, i hoea kino mai ai oia no ka hui hui pu ana me oe ma ka Hale Kahiko. Aole oia i ike hou is ma hope mai, a i ole loheia paha kekahi mea e pili ana iaia."

Holoholo iho la o Miss Kalani, me ka hele a hulili na maka i ka piha huhu, a pane mai la: "Ua aneane hiki ole ia'u ke uumi iho i ko'u manao inaina a huhu maoli ia oe e Ivana. Heaha kau kumu ahewa maluna o'u? He mea oiaio loa, ua lilo kou kulana ma'i, i mea nana e hoano-e i ka noonoo o kou poo, i kapa mai ai oe ia'u i kekahi inoa haahaa loa. No'u iho, ua maemae ko'u mau lima, me ka lihi launa ole aku ma kekahi mea i pili i kou hoaloha. Ina ua hoea i'o mai oia ma ka po o ka Poakolu aku nei, alaila aia au ma kahi he kanalima mile ka mamao mai nei aku. Ina aole e hiki ia oe ke manaoio mai ia'u, alaila e ninau i na kauwa apau maloko nei o keia home, na lakou auane e hooiaio mai, no ko'u kaawale ana aku i kahi mamao loa.

"Pehea la oe i manao ai e Ivana, e hoehaeha mai i kuu manao, mamuli o keia mau olelo hoahewa au maluna o'u? Ua hoolilo mai oe ia'u, me he wahine hana karaima la, a i ole o Haku Fanadale paha, elike me kau ninau i ke kauwa, nana i hele ae nei e hoike ia'u, no kou hoea hou ana mai i ka hale nei. He mea oiaio, eia au iloko o ka poho o kou mau lima, aka nae, iloko o kou manao uluahewa, i hoehaeha, mai ai oe i ko'u noonoo i keai po, ka mea a'u i ike ole ai, i ka wa o oko makuakane e ola ana. O, in a ke ola nei no kuu hoaloha, ka mea a'u i nana aku 'ai a oi aku mamua o ka makuakane, aole loa kekahi o kena mau olelo, e pa mai ma kuu mau pepeiao"

Ma kela wahi, i noke okoa iho ai o Bela i ka uwe, me ke kaha ana aku hele no kahi o ka puka, ua ku ae la nae o Ivana mamua on a, a kamailio mai la:

"Maila paha ua kuhihewa ka'u mau olelo apau i kamailio aku nei e pili ana nou, in a pela i'o, alaila e nonoi aku ana au i kau mau huikala ana mai. Ua kahea ae oe i ka inoa o kuu makuakane, e moe mai la iloko o ka lepo, ka mea nui hookahi iloko o kuu puuwai. Aole he mea e ae nana i knoa mai ia'u, e kamailio aku i keia mau mea, mamuli no ia o ka nui makee, e maopopo ia'u, kahi i nalowale ai o kuu hoaloha ame kuu hoopakele, Keaka Mebure! Ke hoolohe mai nei anei oe e Bela i ka'u mau olelo?"

"Ke hoolohe aku nei no au, aka nae ua hele kuu puuwai a naha! Aole loa he hookahi mea i nele ka hooili ana mai i na ahewa ana maluna o'u. E manao ana hoi au, o kou kamaaina ia'u, pela hoi au ia oe, e maha ana kuu noonoo ma ou la, eia ka ua pau pu no oe me ka nui ae o na kanaka o keia wahi, ma ka hoahewa ana mai ia'u, ma na mea apau."

Ua noi aku nei au i kau mau huikala ana mai ia'u e Bela, a pono oe e hoolohe mai. Ua hooko kuu hoaloha i namea apau ana i hoike mai ai maloko o ke kelekalapa, eia nae aole oia @ houe ae i Ladana. Ua lawa au me na hooia no keia mau @ a'u e kamailio aku nei. No kona nalowale ana, i hoolimalima aku ai au i kekahi makaikiu akamai loa, no ka hookolo ana mahope o kona meheu, aole nae au i moeuhane mua ahiki i keia po, aia kela makaikiu ma ka meheu pololei ole."

"Aole i maopopo iaia, ka hana nana i kono ae ia Keaka Mebure e haalele aku ia Ladana, aka ua hookolo wale aku no oia, maluna o kekahi noonoo ana i manao ai. No kou pono e Bela, aole o'u makemake, e hoala aku i na manao pihoihoi iloko o na kanaka e noho nei ma keia wahi, mamuli o keia meahou, aka nae e hana aku ana no au ma kekahi ano, in a ia he mea e akaaia ae ai ka meahuna pohihihi no kona nalowale honua on a."

"O ka mea oiaio loa, ua hoea mai oia no keia wahi, a hele kino ae no kela Hale Kahiko no ka halawai pu ana me oe. Nau ponoi no i hoike mai nei, aole oe i ka hale nei ma kela po, in a pela, alaila e kakali ana oia ma kela Hale Kahiko, a hala kekahi manawa, alaila e hele kino mai ana oia no Kanale Hale nei, o ka mea nae i ikeia, aole oia i hoea mai maanei, ihea iho la kona wahi i nalowale ai?"

"Aole he mea i maopopo ia'u nona' a in a i hele mai oia i ka hale nei e ninau ai ia'u, aole ana no e nele ke kamailio mai o na kauwa ia'u, no ia mea."

"Ina o kena ka mea pololei loa, alaila pehea oia i hoi hou ole ae ai?" wahi a Ivana me ka pihoihoi, me ka holoholo ana iho iloko o kela keena.

"Aole mea hiki iau ke hoike aku ia oe e IVana, no kou hoaloha, o ka'u wale no e ehaeha loa nei, o ia kou hao ana e hookau mai i na ahewa ana maluna o'u, no ka hoolala ana e pepehi aku ia oe, ke keiki a ko'u hoaloha maikai loa, ko makuakane hoi, a o ka mea hoi i hoolaaia eia i kane na'u, a in a no aole i loaa mai ka nuhou kaumaha no kou make ana in a no ua kakli aku au ahiki i kou huli hoi ana mai, alaila lawe mai au ia oe i kane na'u.

No ka hana a kou hoaloha, heaha no hoi kona kumu o ka hoike ole ana mai ia oe, e hele ana oia e hooko i kekahi hana ma kou aoao, aole o ka hoopunipuni mai? Ua maopopo ia'u, aia iloko o kou hoaloha, a iloko pu hoi ou, ke kanalua no ko'u ano oiaio maoli, pela wale no oia i hele mua mai ai, e hoa no ka hoopakele ana ae i kou ola; aka ua maopopo no ia'u, ka mea nana keia mau hana oia no o Mr. Malo, kekahi o ko'u mau enemi ino loa.

"Pehea la oe i aa ai e hele hookahi mai imua o'u e Ivana, me kela manao hoohuoi no i loko ou, no ko'u ano? Ina he wahine ino au, a ua piha me na manao pepehikanaka, heaha ko'u kumu ki ole aku ai ia oe i ka pu a make, i ole hou paha i ka pahi ma kou puuwai? Ea ua hookahaha loa ia mai ko'u manao, no ke kumu o kou maka'u ole ana mai ia'u?"

"Maila paha he nui ka'u mau olelo i hoopuka aku nei, ma ke ano uluahewa, aole me ka manao hoahewa maoli maluna ou. Nolaila ua ili iho ke ko'iko'i maluna ou, o ke a'o ia oe, no kau mea e hana ai no kou hoaloha."

Ua lawa kela pane ma ka aoao o Bela, i wahi no Ivana e ku a hooahawaha ai no kela kaikamahine, o kona ku ae la no ia iluna, lalau aku la i knoa papale, aka mamua nae o kona hele ana aku no kahi o ka puka ua wikiwiki mai la o Bela, i ke kamailio ana:

"Alia oe e hele e Ivana, ua pau ae la no ko'u huhu, ua puka ka manao iwaho. Ua ike maoli iho no au i ka hikiwawe o ko'u huhu, a o ke kumu no ia, i nui ai o ko'u mau enemi. Ua kapa mai na kanaka ia'u, he hilu, he i'a noho malie, aka i ka wa e ala mai ai ko'u huhu ino, ua kapa mai la lakou ia'u he diabolo, no laila ke mihi loa nei au no keia ano ino o'u" alaila haawi mai la oia i kona lima, no ke aloha ana ia Ivana, he hoailona hoi, no ka hoopau o ko laua mau mana maikai ole kekahi no kekahi.

"E  ae mai ana anei oe e Ivana, e hoopau i kou huhu no'u? Aole o'u hoaloha e ae iloko o keia manawa o ka pohihihi, he mea pono, e a'o mai oe ia'u, no kealahele oi aku o ka pono a'u e hana ai.'

"Ke kaumaha loa nei au e Bela, no na mea maikai ole i ala ae nei iwaena o kaua, aka nae, e hoopoina i na mea e hoehaehaia ai ka manao. E haalele iho ana au i keia manawa, a o kuu makaikiu ke hoea mai ana no ka hooko ana i kana hana, a ua paa loa kuu manao, e noho hamau ana oia, a e lilo oe e Bela, i mea kokua aku; no ka holopono o kana hana huli i kuu hoaloha."

"Me ka mahalo a nui ia oe e Ivana, a ua hoohauoli hou mai oe i kuu noonoo. E ukali pu aku anei au me oe ahiki i ka Hale Kahiko? Ina ua hele i'o mai ko hoaloha no kela wahi, aole ana e nele ko kaua ike aku i kekahi hoailona maloko o kela hale. Aole o'u maka'u i ka hoi hookahi mai iloko o keia poeleele, in a aole oe e hoi pu mai ana me a'u; a i hoike aku au ia oe e Ivana i ko'u manao, ua like wale no kela Hale Kahiko me na hale e ae, ka lapu ole. Pehea, e hele i'o anei kaua no kela hale i keia manawa?"

Me kona kakali ole aku i ka Ivana pane mai, lalau okoa aku la oia i kekahi kihei lahilahi, a kekepa ae la ma kona ai, ame ke poo, o ka hele aku la no ia no kahi o ka puka, me ka ukali ana aku hoi o Ivana mahope on a.

"E hevee i'o aku kaua no ka Hale Kahiko, a na'u no oe e hoihoi mai, alaila haalele iho ia oe, a hele aku au no ka hale hoolulu kaaahi, e kau aku ai ma ke kaaahi o ka hora umikumamalua o keia po."

Aia o Bela mamua kahi i hele ai, aole he maka'u iki iloko o ua kaikamahine nei, me he mea la, ua hele oia a kamaaina loa i ke alanui, aole o laua nei i kamailio ahiki i ka hoea ana no kekahi towela kiekie, e ku ana ma kekahi aoao mai o ke kumulaau, akahi no o Bela a ku iho, me ka pane ana mai ia Ivana:

"He ku maoli no i ke anoano oloko nei o keia ululaau, a manao au, aole e aa ana ko hoaloha e hele hookahi mai i ka wa poeleele no keia Hale Kahiko.

"Malia paha pela i'o, aka nae he nui no na kanaka i ike ole ia mea he maka'u i ka hele i na wahi pouliuli elike me keia. E wawahiia keia hale e pono ai, he keu maoli no paha ka uluahewa o ko papa noonoo o ke kukulu ana i kekahi hale aku nei kaua i ka lawe pu ana mai nei i kekahi kukui help, aka nae, he nui no ka'u kukaepele, e hiki ai ke hoomalamalama aku ia loko o kela hale."

Pahu ino aku la o Ivana i ka puka, a i ka hemo ana ae, ia wa i honi aku ai oia i ke ea polopolona, o ia no o kekahi wai opilopilo, me knoa kuemi ana mai ihope, a o ia ka Miss Kalani o ke kamailio ana aku iaia:

"Ea, heaha kau mea i ike aku la? He akua lapu anei?" me ka noke okoa ana ae o ua wahine opio nei i ka akaaka, o ke ano pahenehene.

"Heaha mai auanei kau he keu ke polopolona o ke ea oloko o keia hale, aohe nae he maopopo iki ia'u o ke kumu o kela polopolona."

Kulou iho la o Ivana ilalo no ke koe ana ae i ke kukaepele, i hiki ai iaia ke hoomalamalama aku ialoko o kela hale, eia o kona haule aku la no ia ilalo o kekahi wahi kiekie, a ia manawa i akaaka ae ai o Miss Kalani me ka leo nui:

"Ua ninau mai nei oe ia'u, no ka hopena o ko hoaloha no laila e hele aku e huli iaia i loko nei o keia hale," o ke pani hou mai la no ia o Miss Kalani i ka puka a paa, a huli hoi aku la no Kanale Hale, me ka hoomama loa ia o kona noonoo, no ka maalahi loa, o kana mea i hana aku ai, i wahi e kaawale aku ai o Ivana, mai ke komo hokai ana mai, i ka hauoli e waiho mai la imua o kona alo.

(Aole i pau)

He Moolelo no PITA NIKOLA

A I OLE

Ke Duke i Haalele Aku i Kona Kulana Hanohano a Lawe Mai i ke Kulana Makaainana

 

He kanaka keia me ka umiumi eleele loloa, eia nae aole o Nikola i hoohewahewa iaia, o kela no ke kanaka hookahi, no hoi ana i ike ai, i ke kiei ana aku ma ka puka aniani o kona hale, he mau po lehulehu mamua aku, a holo ai a nalo wale iloko o ka pouli.

I kela loaa ana aku o ua kanaka nei ia Nikola, nana pono loa aku la oia ma kona maka, ka hiki ole i ua kanaka nei ke nana mai, koe wale no ke kulou ana o kona poo ilalo, a o ia ka Nikola i ninau aku ai:

"Owai oe e keia kanaka? Heaha kau hana o ka maauhele ana mawaho o ko'u hale i ka wa poeleele me ke kuleana ole?" wahi ana me ka leo kuoo.

Luliluli wale ae la no ke poo o ua kanaka nei, me ka namunamu ana iho i kekahi mau olelo, me he mea la, e kamailio mai ana no kona maopopo ole i na mea e ninauia aku ana iaia.

Ua hoea aku la o Keka Wala ame Jese Baraunu, ma kahi a Nikola ame ke kananka i ka olelo Beritania."

"He Italia anei oe? Ina aole, alaila he Palani anei? He Paniolo? he Rukini anei?" wahi hou a Nikola, me kela leo kuoo mau on a.

I cela âme keia manawa a Nikola e ninau aku ai, he luliluli wale no ke poo o kela kanaka, a laila kamailio mai la o Nikola ma ka olelo Rukini, aole no nae ia he kumu no ua kanaka nei e hoike mai ai, no kona lohe i kela olelo.

"Owai ka mea nana i hoolimalima i keia kanaka?" i huli pono mai ai o Nikola imua o Keka Wala, ka luna o na kanaka oki laau.

"Owau ka mea nana i hoolimalima iaia!" Wahi a Keka Wala.

"Aole anei au i kamailio aku ia oe, owau wale no ke kuleana e hoolimalima ai i na kanaka, aole o kekahi mea e ae?"

"Pela i'o no, aka i kuu ike ana, aole i lawa na kanaka oki laau, oiai ua hoopauia aku e oe kela mau kanaka makaukau loa, ua konoia mai au, e hoopiha ae i kekahi o ko laua makalua, i ole ai e pilikia ka hana."

"O ka mea au i hana aku la e Keka, he pale kauoha ia."

"Manao au, aole ia he pale kauoha, in a pela iho la e holomua ai na hana."

"Ina o kau pane kena ea, alaila owai la o kaua ke kuleana maluna o na hana o keia wahi, o oe paha e Keka, a i ole owau paha. ma ke kakahiaka o ka la apopo, o Jese Baraunu ka luna o na kanaka oki laau, ke maopopo mai la anei ia oe?"

Nanakee mai la o Keka Wala ia Nikola, ua hele hoi na maka a piha i ka huhu, o ke kaha aku la no ia hele no kahi o ka puka, a iaia i hemo aku ai iwaho, lohe aku la o Nikola i ka hehe mai o kana aka, o ke ano pahenehene.

Aia no ke kanaka malihini ke ku la, me ke kulou o ke poo ilalo, a o ia ka Nikola, i kamailio hou aku ai imua on a:

"Nou e keia kanaka malihini, e hele ae oe i ke keena, no ke kii ana i kau wahi leka no kou uku, ma ke kakahiaka o ka la apopo." alaila kamailio mai la oia ma ka olelo Rukini, ia mea hookahi no. "Ina aole he maopopo ia oe o ka'u mea e kamailio kau nei, alaila e ku aku i kekahi mea okoa, a me ia mea oe e hele ae ai e kii i kou ukuhana."

I ka nana aku, me he mea la ua maopopo no kela kanaka i na olelo apau a Nikola i kamailio aku ai iaia, he hoolalau wale no kela ana, i wahi e manaoia aku ai, aole on a lohe i ka olelo Beritania a olelo Rukini paha, i hana oia pela, i hiki ai iaia ke hakilo ma ke ano he kiu, i na olelo apau e kamailioia ana e Nikola. O ka mea nana i hooiaio mai no ka lohe o kela kanaka i na olelo apau, o ia no kona nalowale honua ana ma kekahi kakahiaka ae.

I ke kaa ana aku o ka hoohana ana i na kanaka malalo o Jese Baraunu ka luna hou, ua maikai maoli ka lawelaweia ana o na hana apau, aole he noheia aku o ka namunamu o na kanaka, in a paha he ano maikai ole kekahi iwaena o lakou, aia wale no ia iloko kahi i nunu ai, me ka hoike ole ia ae iwaho.

Ua ma'u no kela mau lima hana i hoopauia aku la; ua kaupalenaia hoi ka huina dala a Nikola e hoolilo aku ai no ka pule i na limahana, nolaila he hana pohihihi nana, ka hoolimalima hou ana aku i ka poe kanaka, e pani ae ai ma kahi o ka poe i hoopauia.

Ma ka manawa a Mr. Makuaia i halele mai ai i na hana apau iloko o ka lima o Nikola, ua hooia aku ke kanaka opio, imua on a, e hoao ana oia ma oa ano apau, i wahi e nui ai ka hana o ka hale olopapa, no ka mea ua ike oia, ua haule hope maoli, ka hoolako ana i ka papa, elike me na aelike, i hanaia, a o ke alahele wale no, e poho ole ai ma ka aoao o Mr. Makuaia, o ia no ka hoomanawanui ana, e hana i ke ao ame ka po, me ka mahelehele ana i na kanaka.

Ma ka auwina la, o kekahi la mai, mahope o kona papaleo pu ana me Keka Wala, ame ke kanaka me ka umiumi eleele, oiai oia e huli hoi ana no kona hale, ua maha maoli kona noonoo, kela hoopau ana aku i ke kanaka malihini, o ke kumu noho hana ana ma ka hale olopapa, no kona manao, malia o lilo kona hoopau aku iaia, i kumu e hookaumahaia aku ai ka manao o Beka Kamerona, aole no hoi no ia kumu wale no, aka no kona manaoio malia mamuli o kona hana maikai aku, he kumu ia e hoopau loa ai o Keka i kona manao huhu iaia nei.

Ua hana maoli aku no o Nikola ma na ano apau, e ike mai ai o Keka Wala, i ka nui o kona aie, i keia lunanui hou, oiai no nae, ua loaa no ka ike ia Nikola, aia o Keka ame kona mau hoa, o ia kela mau kanaka elua, ana i hoopau aku ai mai ka hana aku, e hoao mau mai ana e hoopilikia ia laua ma na ano apau e komo ai o Mr. Makuaia i loko o ke poho ame ka poino.

He mea oiaio, mamua o ka hoi ana mai o Nikola a noho hana aku malalo o Mr. Makuaia ma ke ano he lunanui, aole he maikai iki o ka noho ana o Keka Wala me kela mau kanaka elua, aka nae mahope iho o kela hakaka ana o Keka me Nikola, a kaa ai ka lanakila ma ka aoao o Nikola, ua lilo mai la ua mau kanaka nei i mau mea paahana na Keka, ma ka imi ana i wahi e hiki ole ai ke hookoia ka aelike a Mr Makuaia i hana ai, no ka hoolako ana aku i ka papa.

O ka manaolana iloko o Keka Wala ma kela kaa ana aku o ka hoohana ana i ka hale olopapa, malalo o Nikola, ke hoolako aku i ka papa i ka manawa i aelike ai e Mr. Makuaia, ma ia ano iho la, e ili mai ana na ahewa ana maluna o Nikola, a o ka hoopauia aku no ia o kela kanaka, a kani hoi kanaka aka, no ka mea ua hele maoli o Keka Wala, a piha me ka lili, no kela kaa ana aku o ka manao hoohihi o Neka Kamerona maluna o Nikola, a hoowahawahaia mai la hoi oia.

No na mea hoi e pili ana i ke kanka malihini, me ka umiumi eleele, aole a Nikola kumu e ae i koho iho ai, no ka hookolo ana mai o kela kanaka ma kona meheu, no na mea no ia e pili ana i kona kulana, ma ke ano he d@ke no Rusia. O kela ike mua ana a Nikola i ua kanaka nei, ma ka hale hoolulu kaahi ma Nu Ioka ma kana koho iho, me he mea la ua kamaaina mua kela kanaka iaia, ma Rusia, a i ole ma L@dana paha, a ua maopopo hoi i ua kanaka nei, ko ia nei kii malok@ o na nupepa ame na buke nupepa.

Ua lilo kela kanaka malihini, i mea hoopilikia loa mai i ko Nikola noonoo, no ka mea aole he kumu e ae o kona ma@ ana e holo mai no Amerika, no ka hoonalowale ana no @ iaia o, mai ka puulu mai o ka poe i ike a i kamaaina iaia, a e noho aku oia iwaena o ka poe malihini.

Ina nae he kanaka i kamaaina mua ia Nikola, a i ike @ oia nei kekahi mea i kuleana i ka noho moi o Rusia, alaila me he mea la, he nui a lehulehu okoa aku no kekahi poe@ i kamaaina iaia, iwaena o kela puulu o na kanaka hana @ la puulu kanaka hookahi no, na lakou i pepehi i ka Em@ a i na kaukaualii kiekie e ae, apau i ka make.

Ina aia i loko o kela kanaka, ka manao hoopoino i ke ola @ Nikola, ua nui loa kona manawa e hookau mai ai i ka make maluna oia nei, i kela ame keia manawa ana e hele hookahi ai i ka hana, a e hoi mai ai no kona hale, o ka mea apiki ! aole loa he hookahi mea i hoohalua i knoa ola, ua palekana maoli kona hele ana ma na alanui, me ka hoopilikia ole a mai e kekahi mea.

Aia no o Beka Kamerona ma ka hale o Nikola, kahi i kak@ mai ai, no ka inea, he hana mau na kela kaikamahine, ke ka@ ia Nikola o ka huli hoi aku, mai ka hana mai, no ke ao ana aku iaia i ka ike himeni, ua nana mai o Beka, i ka himeni me na manao hialaai, elike me ka haule ole o kana mau mea ai iaia, iloko o na ai ana ekolu o ka la.

O kela haawina hialaai iloko o Beka, no ka himeni, o ka manao hookahi, no ia iloko o Nikola, i ka noho kokoke mai o kela kaikamahine opio ma kona aoao. Ina e hele maoli ana @ Nikola a maluhiluhi i ka hana, e lilo ana ia maluhiluhi i mea ole, i kona wa e ike aku ai ia Beka, e kakali mai ana iaia.

Ua hoohauoli maoli ia aku no hoi ko Nikola manao, i ka holomua maoli o Beka malalo o kana a'o ana i ka ike himeni ma ia holomua nae, i hiki ole ai iaia ke hoohewahewa aku, aia iloko o Beka, ka iini ame ka makee, e lilo oia i kaikamahine makaukau loa ma ka ike himeni.

E akahele mau ana o Nikola, ma kana a'o ana ia Beka me kona hookikina ole aku iaia e himeni a oi aku ammua o ka hora hookahi, a iaia no ka ike, ua lawa ka himeni ana, a e hoohala laua i kekahi mau minuke, ma ke kamailio ana, aohe no hoi o Beka hoole mai, aka e hooko mai ana no oia i ko Nikola makemake, me he mea la, ua kulike loa no ko laua manao ma ia mea.

No ke ano nae o ko laua launa ana, ua ike maoli iho n@ Nikola, i kona ano e, a pela no hoi kana ike aku ia Beka aole hoi kela mau olelo o ko laua halawai mua ana, aka me @ mea la, aia iloko o laua pakahi, na manao hoohihi o kekahi i kekahi, a no kela ano, i hiki ole ai ia Nikola ke uumi iho i kona minoaka ke hoomanao ae, i ka Beka mau olelo e pili ana noha, ma ko laua manawa mua loa o ka halawai ana a iloko no hoi o kela manawa hookahi, ua hookahaha pu ia mai kona manao, no kela loli ano e ana o Beka, malalo o kana a'o ana iaia, a hoike okoa mai kela kaikamahine, he lole oiaio maoli oia, me ka hiehie o kona kulana.

I kekahi manawa, iloko o ka nanea o ua o Nikola i ke kamailio, a i ka nana paha ma kekahi wahi okoa, iaia nae e alawa mai ai ia Beka, e kau pono aku ana ka nana ana a ua kaikamahine nei maluna ona, o ke kumu nae o kela nana pono ana mai iaia aole he maopopo iki. Ua hookahaha pu ia iho no hoi ko ua o Nikola noonoo, i kona ike maoli iho no i kona ano, i kinohi ua manao oia, malia ua loaa mai kela ano iaia, no ka nui o kona makee e loaa ia Beka ke akamai himeni, o ka mea oiaio no nae, aole ia o ke kumu oiaio, aka aia iloko @na ka hoohihi ame ka makemake ia Beka, aole wale e lilo oia i puukani himeni, aka e lilo pu i mea milimili na kona mau lima, a i hoa kaunu no kona mau la o ka noho ana ma ka honua nei.

Ma kela ahiahi a ua o Nikola, o ka huli hoi ana aku no kona hale, mahope iho o ka hookohu ana aku ia Jese Balaunu, i luna ma kahi o Keka Wala, ua hiki loa ia Beka ke ike mai i ka hoailona o ke kaumaha ma kona helehelena, a o ia ka ua kaikamahine nei o ka ninua ana mai:

"Ea, he kulana maluhiluhi maoli kou a'u e ike aku nei e Nikola, aia anei kekahi mea maikai ole ma kahi o kau hana i keia la, i loaa ai ia oe kena haawina?"

I pane ma ko Nikola aoao, luliluli wale ae la no kona poo me ka hele pololei ana aku a noho iho la mamua pono aku ka piano, a i ka ninau hou ana aku a Beka no ka elua ka manawa, ua hoolalau wale ae la no ua o Nikola, a hoomaka mai la e hookani i ka piano, me ka olelo ana mai ia Beka, e himeni aku i kekahi mele, ana i a'o mai ai i ke kaikamahine opio, ma ka la mamua aku.

@He himeni kela ma ka huaolelo Palani, nolaila ua lilo mao@ i na wa apau, eia ka auanei; aia pu no iloko olaila, ke kaumaha, ana i na huaolelo Palani, eia nae aole no ia i lilo i mea paakiki ia Beka, i kau a mea o ka aapo maoli o kela kaikamahine, o ke kumu paha hoi, no kona nui makemake maoli e loaa ka ike himeni iaia.

O ka himeni hoi ia o Beka ahiki i ka pau ana, haule iho la oia noho iluna o kona noho, a o ia kana o ka pane ana aku i kana kumu:

"Aole i maopopo mua ia'u, aia he mea ano nui iloko o na leo mele," wahi ana me ka nui ana iho o kona hanu. "I kinohi, ua manao mau au, he mea hoohauoli mau na leo mele i ua wa apau eia ka auanei, aia pu no iloko olaila, kekaumaha."

"O ka põe apau e lohe ana i ke ano o kau himeni ana, he hookahi wale no haawina e loaa ana ia lakou, oia ka hauoli, aole he mea e ae," i pane mai ai o Nikola, me ka lalau ana aku i kona ipupaka, a puhi ae la, me ke auhee ana aku hoi o keia nanaina kaumaha mai kona helehelena aku.

"Pela i'o anei ka mea oiaio loa e Mr. Nikola?"

"Ae elike me ke ano o kau mele ana, pela no auanei e hoohauoliia aku ai ka manao o ka poe apau e hoolohe mai ana."

"Pehea hoi, in a e loaa ia'u na hoehaehaia, pehea ana ke ano o ka'u mele ana?"

"Alawa ino mai la ka nana ana a Nikola maluna o Beka me ka piha i ka kahaha, a pane mai la: "Aole o'u makemake e hoike aku ia oe"

"Malia o hiki no ia'u ke hoakaka aku, e like me ka'u e hoomaopopo nei, o ia hoi, aole loa e hiki i kekahi mea ke himeni me ka nani maoli, in a aole ka iini ame ka makemake iloko on a, no kela himeni. O ke maopopo loa nei ia'u na mea apau. Ua hiki ia'u ke mele i na himeni oloko o ka ululaau, ame na mele maikai au i a;o mai ai ia'u, aka o na mea kuhohonu aku, e @ ke kaumaha, ka ehaeha e like la me ke ano o keia himeni, ua aneane e hiki pono ole ia'u ke mele ma ke ano e nani ai."

Uwai mai la o Nikola i kona noho, a kokoke e pili ma ka aoao o Beka, aia no hoi, ke noke la i ke puhi i kona ipupaka, alaila kamailio mai la: "Mai hopohopo iki oe e Beka, in a e loihi aku ko kaua hoomaamaa ana, e ike auanei oe, i ka @lu aku o kou leo, e hiki pono auanei ia oe ke mele i na ano i himeni apau, mai na mele hoohauoli, a na mele kaumaha."

"Pehea, e oo loa aku ana paha ko'u kino, alaila hiki pono ia'u, ke mele me ka maikai?"

Noke okoa ae la o Nikola i ka akaaka, a pane hou mai la: "Mai noonoo nui oe e pili ana ia oe iho, o ka kaua mea nui wale no, a oia ka paka aku i kou leo a maika."

Noho malie iho la o Beka no kekahi mau minuke, ua ike oia, aole o Nikola kamailio wale mai e pili ana i ko ua o Beka ano, aka o ka himeni wale no kana mea nui e kamailio mau mai ai, a o ia ka Beka, o ke kamailio hou ana aku:

(Aole i pau)