Ka Nupepa Kuokoa, Volume LXI, Number 20, 18 Mei 1922 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

HE MAKEMAKE NO OE E LOAA IA OE KEKAHI KELEPONA UWEAOLE O KEIA AU NAAUAO, A E LOHE I NA LEOMELE MAI NA AHAMELE LIKE OLE MAI, MA KOU HOME KOU HOOLILO OLE I KEKAHI KENEKA?

            Eia ka Nupepa HONOLULU ADVERTISER ke haawi wale nei i keia ano Kelepona i kela ame keia mea malalo o kekahi mau loina hana penei:

            E loaa no keia ano Kelepona Uweaole o keia au hou i kela ame keia mea e loaa ana he 8 poe lawe hou i ka Nupepa Advertiser e uku mua ana i ka uku makahiki piha o ka Nupepa o $11.40, a i ole, 16 poe hou e uku mua ana no 6 mahina o $5.20 pakahi.

            O keia ano kelepona, he ano kaokoa loa keia mai ko na kelepona e ae.  E loheia no ka mea himeni, ma kela ame keia wahi i loaa keia ano pahu olelo; ina aia i Kapalakiko kekahi Ahamele e weheia ana, e lohe moakaka loa ia ana no ia ianei.

            Ma ka hoao mua ia ana o keia ano Kelepona ma keia keena, ma kekahi la o kela pule aku nei i hala, a oiai kekahi wahine haole loea hookani pila waiolina e paani ana maloko o ka Memorial Hall ma ua ahiahi nei, ua lohe wale ia no ia hookani ana ana ma keia keena me ka moakaka loa, me he la, aia kela wahine maloko o keia keena kahi i hookani ai.

            He nui ka poe i waiho mai i ko lakou mau inoa ma ke ano he makemake lakou e loaa kela makana a ka Nupepa Advertiser ia lakou.

O OE ANA KEKAHI!

            E hele mai e hookomo i kou inoa ina he makemake e lilo o oe kekahi a e loaa aku no ia oe kekahi buke likiki.

The Honolulu Advertiser

Alanui Moi me Alakea