Ka Nupepa Kuokoa, Volume LXI, Number 20, 18 Mei 1922 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

UA HOEA MAI KA MAKUALII SEEGMILLER MA HONOKOHAU, MAUI NEI.

 

            Mr. Sol. Hanohano, Aloha oe; - E ae mai hoi oe no'u kekahi keena o ka hiwahiwa a ka lahui no keia mau huaolelo e kau ae la maluna

            Ma ka la 28 o Aperila i hala aku la o keia makahiki, o ia ka Poalima, a me ka auwina la o ia a i oieloia ae la, i hoea mai ai ko makou makualii me ko makou peresidena missiona o keia mahele apa@a o Maui, Komohana nei, Elder B@low ma keia awawa nani o Ho@okohau nei, a hookipaia ma ko @a home nei me ka hanoli ame ke aloha pumehana, mawaena o maua ame laua na kauwa a ke Akua.

            Aia koua mau makahiki i ke 78, aka he o ia mau no kona ikaika, a ua @lemakule no nae. Ua hoea mai oia i Hawaii nei iloko o ka mahina o iulai o kela makahiki aku nei; akahi no na pono ame na pomaikai o na hoahanau o ka hoomana o Iesu Kristo o ka Poe Hoano o @a la hope nei, e nohbo nei ma na keaah@ nei, a ma na apana ae ae o Maui Komohana nei, elike me ka @ kahea i kaheia ai oia, pela oia @le mai ai no ka hooko ana i @ hana, o ia hoi, no ke kau ana i kona mau lima maluna o ko makou mau poo no na hoopomaikai mai iaia mai (Makuaalii.)

            Nolaila ua mahalo aku makou i ka makua ma ka lani, no keia pomaikai i loaa ia makou, na hoahanau e noho ana ma keia awawa nani o Honokohau.

            Ma ia ahiahi no, he 6 mau hoahanau i loaa na olelo hoopomaikai mai ka makuaalii mai, a he hookahi bebe wahine o 10 la i hoopomaikai pu ia.

            ma ia po ua mow no laua ma ko maua home nei, oiai he home no ko maua no l@kou, a ua kamaaina no ko makou misiona i keia home, ame na misiona e ae, a wahi a lokou, he home nani, a oluolu keia no @akou ame ka poe e he e kipa mai ana.

            Ma ka la 29 ae, o ia ka Poaono, he 3 mau hoahanou i loaa hou mai, rolaila o ke huina nui o na hoahanau i loaa o keia mau olelo hoopomaikai he 9.

            He ekolu kaukani mile a oi mai kona home mai a hoea i Hawaii nei, a he kuonoono ma kona aina, aka ma ka hana a ke Akua he hookahi wai o ka like, oiai he hookahi o kakou makuahine i puka like, inni ai o ia ka makuahine honua.

            Haouli loa oia i kona hui ana me makou na hoahanou, a pela pu hoi kona hoomaopopo ana, he poe noho kuokoa, o ia hoi ua hana kela hoahanau ame keia hoahanau he home ponoi aina ponoi nona.

            Wahi ana, o ka loaa ana o keia mau mahele elua i ke kanaka, o ia kona kuol!oa ana. Ana, o ke a'o no in a ka euanelio, o ka hoomakaulii, me ka ai pakiko, hoomaopopo i ka noho ana me ka maemae.

            I ka hoea ana mai o ka makuaalii ma keia awawa o Honokohau a me ko maua home nei, aole no ia be mean no maua e kaumaha ai, aka he hauoli nui ko maua, i ka hui ana me ia, kekahi kauwa a ke Akua i hoolaa ai no kana hana, he kanaka kiekie hoi iloko o ka ke Akua hana.

            Nolaila he mea oluolu loa no maua kona kipa ana mai, a pela pu no me na kauwa e ae a ke Akua e kipa mai ana i ko maua home nei, me ko maua nana ole ma ka hoomana. Oiai he wahi home kupono no hoi e  moe ai me ka oluolu, aole he pilikia ma na mea apau, elike me ka Palapala Hemolele e olelo nei. Mai hooki i ka hookipa in a paha i kou hookipa ana o ka anela pu kekahi o ke Akua, pomaikai oe ka mea hookipa.

            Eia kekahi, e hookipa me ke aloha a@e ka puuwaihamama, aole kunukunu a kaniuhu, oini he maka koia la iluna e ike mai ana i kou naan, oini oe e hookipa ana i kana mau kauwa, o ia hoi na alakai

            i ka pau ana o ka laua paina awakea, ua hoi aku la laua no ka laua misiona, no na hoahanau o kahiki ame, Honokohau, a hoea @ Lahaina

            mamua o kona haalele ana iho i ko mana home nei na ka ilolo hoomaikai maluna o ka'u aliikane, ka haku hoi o ka home, me kona kono pu mai in a e noho eo e Bro. Kalama a make make e hele i Utah, e hele aku e ike aiaia ma kona home.

            i panai no ia leo kono, ua haswi aku o Bro. Kalama i kona mahalo, a o kana olelo hope, na ke Akua e hoopomaikai ia oe, oiai ua hookipa oe ia mana me kou home me ka oluolu, a peia no oia i haawi pu mai ai i ka homaikai maluna o makou na boahanau e akoakoa @, a pela pu hoi i kou pu mai ai ia hoopomaikai maluna o ko makou mau home pakahi, na aina mahi kalo, na kalo na holoholona. A haawi ke aoha lululima hope, a hoi aku la laua me na manao hauoli.

            Nui ko makou mahalo i ke Akua no keia mau pomaikai i loaa ia makou, ke malama no nae i na kanawai ame na olelo paa o ka euanelio, oiai o ko ke Akua leo iho la no ia.

            Mahalo pu oie no ka nani o keia awawa, me ka nui pu o ke kalo, ka a'i kupa hoi a na Hawaii, a o ka mea oi loa aku o ia no kona ike ana, ua noho kuokoa kela hoahanau ame keia hoahanau o Honokohau nei no lakou ponoi iho.

            O kona kulana, he akahai, he haahaa, me ka maikai o ka launa kamailio ana; aole no nae ma uka olelo Hawaii aka ma ka lakou olelo no, o ia hoi ka olelo haole, aka he hiki no nae ke maopopo ia oe na huaolelo apau ana e olelo mai ai, in a he wahi ike uuku no kou ma ka olelo haole, a o ia ka mea i nani ai keia euanelio, he loaa kekahi uhane hoomaopopo, aole hoi he uhane pouliuli.

            Me keia mau manao hoakaka, @ke hooiki nei au; a ke haawi aku nei au i kuu hoomaikai nui i ka Lunahoopon@pono o ka hiwahiwa a ka lahui, ame na keiki o kou keena pa'i welina hope.

            Nake akua e kokua, a e hoopomaikaimai ia oe, ame kau mau lawelawe hana apau. O keia ka'u pule ma ka inoa o Iesu Kristo, Amene.

            Owau iho no me ka haahaa

            MRS. ANNIE M. KALAMA,

            Puaroselani HOme, Honokohau, Maui, Mei 8, 1922

 

KUU HOAPILI UA HALA MRS. KUMANO KUKONA

 

            Mr. Lunahooponopono o ka Nupepa Kuokoa, Aloha nui:-E oluolu hoi oe e hai mai ia'u in a he rumi kaawale kekahi o ko kakou hiwahiwa no @ka'u wahi puolo waimaka, i ike mai ai hoi na ohana ame na hoaloha o kuu hoapili i haalele mai ia'u, Mrs. Kumano Kukona

            Iloko o ka mahina o Iune o ka makahiki i hala, i hoomaka mai ai ka loaa ana o ka nawilwali iaia, a mai ia manawa mai ahiki iho la i ka Poakolu, la 5 o Aperila, ko maua hoomanawanui ana me kuu hoapili i ka ehaeha ke kupilikii o ia mau la loihi me ke kaumaha, aka i ka hiki ana mai o ka manawa ua lawe aku ke Akua Mana loa i ka Uhane, no kahi ana i hoomakaukau ai nona, a o ke kino honua kau i hiipoi mai, aloha no kuu hoapili,

            Ua hanauia oia ma Pauwela, Maui, i ka makahiki 1878, a ua hoohuiia maua ma ka berita o ka mare, i ka makahiki 1895.

            Mamuli o ka oluolu a heahea hoi o kuu lei i hala, ua nui a lehulehu ko maua mau hoaloha, ame na halekipa ma na wahi a maua i hele ai.

            I ko maua noho ana aku ma Kahului, ma ke ano he poolawai'a au na ka Hon. A. N. Kepoikai i ka makahiki 1904, Mei la 14, ua nui hou na hoaloha i loaa iaia mailaila, a o Beke Wilkinson, kona hoaloha pilipaa loa, ka mea nana i a'o iaia i ka oihana lawai'a hee, a lilo oia kekahi o na wahine makaukau loa ma ia mahele lawai'a, a mamuli o kona hoomanao ia hana, i hookahua ai ka ma'i nana i hoonawaliwali i kona ola kino.

            He hoahanau oia no na makahiki oihi no ka ekalesia o Kaahumanu, he maumana Kula Sabati, a he lala hoi no ka Ahahui Hooikaika Kristiano. He wahine oia i hooikaika mau e malama i ka pono o ka uhane, a mailoko mai o kahi mea uuku i loaa mai mamuli o ka hooikaika i ka lawai'a hee, ua hoomano mau aku oia i kona waihona hapa-umi o kona ekalesia.

            E ka Ua Ukiukiu, ka Ua Ulalena o Makawao, ua nele ka hoopulu ana a ko olua mau wai kilihune i ka pua nohe, ua hala oia , kuu hoapili.

            E ke kai holuholu o Kahului, e pau ana ka paialewa ana a kou mau ale i ke aloha a kaua.

            E ke kai-nalu o Paukukalo, e nele ana kou lohe ana i ka leo heahea o ke aloha a kaua.

            Na kai kohola o ka Uahoehaili o Waiehu, e haohao ana oukou i ka ike ole i ke aloha a kakou. E ke Kai o Ukumehame, aole oe e hookipa hou ana i ke aloha a kaua ma kou ane pumehana, ua hala oia. E ka Luakini o Kaahumanu, ka hale i hoopumehanaia e ke aloha o ke Akua, kahi e hoomamaia ai na puuwai kaumaha, maloko o kou mau paina laahia, au e huli aku ai i maha no ke kaumaha i kuu hoapili, kuu aloha, i hala aku

            No oukou e na makamaka ame na hoaloha ka'u e noi aku nei, e lawe aku oukou i ka'u mau hoomaikai he nui, no ko oukou haawi ana mai i ka oukou mau kokua ana, ame na hoohiwahiwa pua a oukou i hoouna mai ai no kona hoolewa, me ko oukou hele pu ana mai i ka huakai hope loa a ka'u mea aloha ahiki i ka waiho ana aku iaia ma kona ilina i Na-Wai-Eha, a na ke Akua Mana loa no ma o Kona mana la e hoomaikai ia oukou, a ia kakou pu no apau.

            WM. KUKONA,

 

            HOOLAHA LULU MANAWALEA.

            Ke kauohaia aku nei na lala apau o ka Hui Kokua a Hookuonoono o na Hawaii Oiwi e lulu koke mai i ka Hookahi Dala manawalea no ko kakou hoahanau Herman Kahalewai Ke i haalele mai i keia ola ana, maloko o na la he kanakolu mai ka la e puka aku nei keia hoolaha.

            Ma ke kauoha,

            B.N. KAHALEPUNA,

            Kakauolelo H. K. H. O. H. Hanaia ma Honolulu, Mei 12, 1922. 6503 - Mei 11, 18, 25,

 

            KE ANO O KE KALAIAINA.

 

            (Kaukauia e Z.P.K. Kawaikaumaiikamakaokaopua.)

            (Hoomauia mai.)

            2. No na mea i hoopili pu ia me ka ikaika i mea e pono ai

            Ua ike no na kanaka apau i ka ikaika o na holoholona, ame ka pauka, ame ka makani, ame ka waihi, ame ka mahu. Aole nae i ike na kanaka apau i ka hoohana ia mau mea. Aole lakou i ike i ka hoopili aku i na mea e pono ai. Ina i pono ka hoopili ana i na oihana me ia' mau ikaika, alaila, uakokoke mana ke kanaka, no ka nui loa o na mea kokua iaiz.

            Ua nui loa na mea i hanaia i mea e mahuahua ai ka ikaika. Ua kapaia kela mau mea apau he mau mea hoonui ikaika. Eia ka inoa o na mea hoonui ikaika, o ka mahiki, ka huila, ka pokakaa, ke kahanahana ka wilikaomi, ame ka lipilipi. I kekahi hana ana, ua huiia elua, a ekolu paha o ia mau mea, i mea e nui loa ai ka ikaika. Ina @oas. Keia mau mea, alaila, lilo ka ikaika uuku o ko ke kanaka lima i ikaikanui,ahiki no iaia ke hana, i na mea pono ole iaia ke hana, me ka lima wale no. Aole ikaiwa iloko o ia mau mea; aka ma ia mau mea, ua hoonuiia ka ikaika no kahi e mai.He mua ka loaa ana o ia mau mea, ho hope ka hoohanaia o na mea ikaika. I ke loa no o Akimeda i kela mea aole nae ola ike nui i ka hoohana i ka wai, ame ka makani, ame na mea ikaika.

            A ikeia kela mau mea elua, alaila, ua lanakia ke kanaka. Ua loaa laia na mea ikaika apau, ahiki no iaia ke hoohna ia mau mea apau. Eia hoi ka mea e maopopo ai ua waiwai ke kanaka ma ia mau mea, o hana wale lakou me ka uku ole. Eia kokahi mau mea maikai i loaa mai ma ia mau mea hoonui ikaika.

            1. Ma ia mau mea, hiki no ke hoohuli i ka ikaika i kahi e makemake ai. Ina maluna mai ka ikaika, hiki no ke hoohuli i kela ikaika a lilo ia i mea o e hapai ai i ka mea kaumaha. O ka pokakaa ka mea e akaka ai. Huki no ke kanaka ilailo, a hapaiia no ka pohaku iluna. Pela no ma ka huila wai. Mailuna mai ka ikaika. Aka, hiki no i kela huila ke huki maluna, a e huki aoao, aia no i ka manao o ka mea nana e hana.

            Ina maluna mai ka ikaika, pono no, in a malalo mai, pono no, in a ma ka aoao mai, pono no. Mailalo a luna ka ikaika o ka mahu, a holo no ka moku imua. Mai ka aoao mai ka makani. a holo ka moku, imua. Aia no ka wai ma ka aoao o ka huila, a ooolo ka pahi, iluna a lalo.

            2. Hiki no ma na mea i hoopili pu ia me ka ikaika a i ka ikaika no ka wikiwiki. O ia ka mea i hana nui ia ma ka halehana lole.

            O ka huila nui, he umi paha kona kaa ana i ka minuke hookahi. A hoopili pu ia kela huila nui ikaika me kekahi mau huila e, a wikiwiki loa ko lakou kaa ana; ua tausani, ua tausani ko lakou kaa ana i ka minuke hookahi; o ia hoi kekahi mea i ikeia iloko o ka wati. O ka huila nui ikaika, ua loihi kona kaa ana, o kekahi mau huila, ua wikiwiki ke kaa ana.

            3. No na mea i hoopili pu ia me ka ikaika, e hiki no ke hana i na mea nui, pono ole i ke kanaka ke hana o ia wale. No ka ikaika loa o ia mau mea, lilo no ka ho, me ka pohaku, ame ke keleawe, i mea palupalu loa elike me ka laau. Ua okiia, a ua heleheleia ke tila, elike me ko ka wahine helehele ana i ka lole. Ina aole i ikeia kela mau mea aole hiki ke hana i na mea hao nui me he heleuma la, aole hoi a hiki ke hana i na mea hao nui me he heleuma la, aole hoi a hiki ka mokuahi, ame ke kaaahi, ame ka huila olopapa, ame na mea e he nui loa.

            4. Ma ia mau mea e hiki ai ke hana i na hana makalii pono ole i ka lima kanaka no ka uuku. Ina aole loaa ka huila kaa, aole hiki ke hana i na huila liilii o ka wati, ame ka lopi makalii maikai, ame na mea liilii e ae he nui loa.

            5. Ma na mea hoopono ikaika, hiki no ke hoakoakoa i ka ikaika a nui, i kahi hookahi, a i ka minuke hookahi. O ia ka mea i hanaia e ka hamare nui e hookomo ai i ke kia nui ilalo i ka lepo. Hapaiia kela hamare i ke pokakaa kiekie loa; alaila, haule mai ia ma ke poo o ka laau, a komo loa ka laau iloko o ka lepo.

            6. Ma na mea hoopono ikaika hiki no ke hoolilo i ka ikaika nui pokole, i ikaika loihi. O ia ka mea i hanaia i ke ki ana i ka wati. Hookahi minuke e ki ai, a loihi loa ka hele maikai ana o ka wati, hookahi la paha, he hebedoma paha.

            Ma ia mau mea, ua nui loa ka maikai i loaa mai ai i ke kanaka. Ua oi aku ka maikai o na mea i hanaia, a ua wikiwiki loa ka hana ana, a ua waiwai na kanaka ma ia mau mea.

            Ma na mokuna a me na pauku i pau, ua hoakakaia kekahi mau mea e mahuahua ai ka waiwai loaa ma ka hooikaika ana. Ua hoakakaia na mea kokua i ka kanaka, ame ke ano o ke kokua ana. Ua hoakakaia na mea ikaika, ame na mea i hoopili pu ia me ka ikaika i mea e pono ai.

            Ma keia mokuna e hoakakaia mai ai ke ano o ka hoonohonoho ana i na kanaka i ka hana i mea e mahuahua ai ka wai wasi loaa.

            Me mea mau no ma na aina apau, ke mahele i kekahi mau hana. Okoa ka hana a na kane, okoa ka hana a na wahine ma na aina apau. Ina holo ka waa ma ka moana, okoa ka mea hookele okoa ka poe hoe. Ina holo pu na kanaka i ka lawai'a, okoa ka hana a kekahi. Mai ka wa kahiko mai, okoa ka hana a ke alii nui, okoa ka hana a na kiaaina, okoa ka hana a na konohiki, okoa ka hana a na makaainana.

            Mai ka wa kahiko mai, ua kaawale ka hana a ke kahunapule, kaawale ka hana a ke kahuna lapaau, ua kaawale ka hana a ke kahuna kalai, ua kaawale ka hana a ka poe kakaolelo, kaawale ka hana a ka poe kuauhau. Ua hapa nae ka mahele ana i ka hana ma na aina naaupo, ua nui ka mahele ana i ka hana ma na aina naauao. Ma keia aina, na ke kanaka hookahi i mahiai, a lawai'a, a kukulu i hale, a ako hale, a ia mea aku ia mea aku.

            Ma na aina ike i ka hana ua mahele liilii ia na hana apau. Ma Beritania ma kahi hana kuipine, aole na ke kanaka hookahi i hana i ke pine apau. He umi-kumamalua mea hana i ke pine, okoa ka mea hoomakaukau i ke keleawe, okoa ka mea hana i ka uwea nui, okoa ka mea hana a liilii, okoa ka mea hoopololei, okoa ka mea okioki, okoa ka mea hookala a oi, okoa ka mea owili, okoa ka mea hookomo, okoa ka mea hookeokeo, okoa ka mea anai, okoa ka mea nana e opeope, okoa ka mea nana e kuai. Ina na ke kanaka hookahi e hana ia mau hana apau, aole pono. Ua maopopo loa i ka poe hoao a ike, he mea pono ke mahele liilii ka hana, he mea ia e mahuahua ai ka waiwai loaa.

            Ua oleloia, ma Beritania, in a i manao ke kanaka e akamai i kekahi paahana, pono iaia ehiku makahiki e a'o ai. O ia na makahiki e pono ai ke kamana, ame ke ku'ihao, ame ka honoho hale, ame na mea oihana nui apau.

            Nolaila, ua maopopo ka hiki ole i ke kanaka hookahi, ke a'o i na oihana apau. Ina ehiku makahiki e a'o ai ke kanaka i ka hana a ke kamana, ehiku ka ke ku'ihao, ehiku ka ka hoonoho hale, ehiku @ka ka mea hana pena, ehiku ka ka mea hana laka, ahea la e paa ai kona hale

            Ina pau loa na kanaka i ke a'o pela, alaila, aole manawa e hana ai, ua pau ka manawa i ke a'o ana. Aka, in a a'o ke kanaka i ka hana hookahi, a hana oia malaila, a pela kela kanaka e pau i ke a'o ana, nui ka manawa e hana ai, i ka hana.

            Eia kekahi hewa o ko ke kanaka hana ana i na hana he nui. Ua nui loa ka manawa i lilo i ka hoa no kona hawawa. Pela no e poho ai na papa o ke kama@i kona a'o ana, ame ka lole o ke keia, ame ka ili o ka mea hana kamaa. Aole poho loa. Ua poho hapa no ka hawawa o ka hana ana. Poho no hoi na mea paahana, ka pahiolo, ame ke ko'ikahi, ame na mea pa@hana apau.

            2. Ina i nui na hana i hanaia e ka kanaka hookahi, ua nui no ka manawa i pau i ka hele ana, mai kekeahi hana a i kekahi hana. Ina hana ke kanaka i ka hana a ke kamana, i kekahi hora a i ka hana a ke ku'ihao i kekahi hora, ua nui loa ka manawa i lilo i ka hose i ke ahi, a i ka hoomakaukau ana.

            Eia nae ka mea nui, o ka masus o ka lima e hans. Ina loihi ke kanaka ma ka hana hookahi, sisila, hikiwawe loa, no ka maa o ka lima. Hana wale ka lima me ka manao ole o ke kanaka. O ka mea a'o i ka hoonohonoho kepau pa'ipalapala, he mau lalani wale no i paa iaia i ka la hookahi, i ke a'o mua ana. A akamai, alaila, hiki iaia ewalu aoao i ka la hookahi, no ka maa o ka lima ma ia hana. Eia no kekahi; in a loihi ka hana ana i ka hana hookahi, alaila, loaa iaia ka ikaika kupono ia hana.

            Ina loihi ka hana ana a ke kanaka maluna o ka moku okohola, ikaika loa no kona mau manamanalima, a ikaika loa kona huki ana i ke kaula, aole ikaika ke kanaka hou. Hiki no iaia ke hapai i ka pahu nui. Aole hiki ke kanaka maa ole. Pela no ka luna holo. Ina lilo oia i kela hana, loaa no iaia ka ikaika o na wawae. Nolaila, aole ia e maloeloe i ka hele loihi ana. Ina no o ke kanaka o ka moku, aole hiki iaia ke hele i kahi loihi mauka, no ka maa ole. Pela no na maka. O ke kanaka maa ole i ka nana i na mea liilii loa, aole no e maopopo iaia. Aka, o ke kanaka nana pinepine i na mea liilii maopopo no iaia.

            Pela no na pepeiao. Ina aole i maa ka pepeiao i ka hoolohe ana i ka leo himeni, ua like no iaia kela leo keia leo. Ina aole i maa ka pepeiao i ka hoolohe ana i ka leo namu, aole i maopopo iki. Ina pane aku au ia oukou, Alezander, aole no e maopopo ia oukou no ka maa ole.

            3. Eia kekahi hewa nui o ka hana ana o ke kanaka hookahi i ua hana he nui. Nui loa ka waiwai lilo i ke kuai ana i na mea paahana. Ina manao ke kanaka i ka lawai'a, a i ke manao ke kanaka i ke lawai'a, a i ke puhi-k, a i ke ku'ihao, a i ka hana wati, a i ke kamana, in a pela, nui loa ke dala lilo aku i ke kuai ana i na mea e pono ai. O ka waa, o ka upeno, o ka wiliko, o ka ipuhao, o ka upena, o ka wiliko, o ka ipuhao, o ka upamakani, o ke kua, ame na oihana apau a ke ku'ihao, ame ka oihana wati, in a kuai oia i kela mau mea apau, makehewa wale no ka mea, ua nui loa aku ka waiwai lilo, a he hapa ka mea loaa mai.

            4. Eia ka hewa o ka ke kanaka hookahi hana ana i na hana he nui. I ke wa e hana ana oia i kekahi hana, ua hewa paha kela hana ana.

            Ina hele ke kanaka mahiai i kahi loihi e lawai'a ai, a e hoolimalima ai, ua ino ka aina, ua maloo paha, ua nahelehele paha, ua ai paha na holoholona i ka ai. Ina e hana ana ke kamana i ka hale, a haalele oia, a hele i kekahi hana, alaila ino ka hale. Hiki mai ka ua paha, a pono ole; nakaka na papa i ka la, a nalowale kekahi mea hana, ke ko'i , ka pahiolo, a o kekahi mea e paha.

            Pela no ke kanaka hanai holoholona, hele oia i kahi e, ua pololi na holoholona, a pono ole. Ina he kanaka wiliko, wili paha oia i kekahi la a puhi. Wela no ke kapuahi ia la, nolaila, in a hoomau oia i ke puhi ana, aole nui ka wahie e pau. Aka, in a hooki oia, a hele i ka hana e, a pau ka wela o ke kapuahi, alaila, puhi hou, in a pela, nui loa ka wahie e pau. Pela no ka lanahu o ka mea ku'ihao, in a haalele oia i kana hana a hele i ka hana e, nui loa ka lanahu e pau.

            5. Eia kekahi, pono nui o ka mahele ana i ka hana, o ka mea ia e maikai ai na mea i hanaia. Ma na aina kahi i mahele nui ia na hana, ua maikai kolaila mau mea apau i hanaia e na kanaka. Ma na aina i mahele ole ia na hana, aole maikai na mea i hanaia. O na waa koonei mea maikai. Aole nae i akamai koke ke kahuna. A loihi ka hana ana, alaila akamai.

            (Aole i pau.)

 

KUU LEI ROSE UA MAE WALE

 

            i kuu Lunahooponopono Mr. Hanohano: - E oluolu oe i wahi kaawale no'u no kuu wahi puolo waimaka e kau ae la maluna, no Mss Annie Keliihelelelo Samuel Purdy.

            Ua oluolu i ka Haku ke Akua mana loa, i ka Uhane ana cmfwyp mana loa, i ka lawe ana aku i ka hanu hope o ka maua kaikamahine i aloha nuiia Mss Annie Keliiheleloa Samuel Purdy, ma ka hora 5 a ma ka la 21 o Aperila 1922, ma ko maua home ma Puukikoni.

            Ua hoihoiia mai kona kino wailua ma ka home o ko maua mau pokii, Mr. ame Mrs. Jas. K. Lindsay ma Waimea malalo o ka loko

 

            Ka Pila

            GRAFONOLA COLUMBIA

            Maopopo ka Wa e Pau Ai

            Na ka mea hoopaa nona iho e makaala ia @ea nou. Ua hiki ia oe ka hulahula ahiki i ka huaolelo hope loa.

            Uku Liilii ke Makemakeia

            Thayer Piano Co.,

            LIMITED

            148-150 Alanui Hokele

 

            HALE UWI WAIU

            o

            MAPULEHU

            PUKOO, MOLOKAI

            E Hooholo Ana i ka MOKUKUNA GESOLINA

            LELEIONA

            Mawaena o na Awa o Honolulu me Molokai

 

            Geo. P. Cooke,

            ONA.

            Poe Lawe Hau me Waiu

 

            maikai âme ka puuwaihamama o kuu haku, A. W. Carter a nona au e poina ole nei.

            Ua hooikaika kuu haku ma na ano apau e loaa ka lanikila i kuu lei aloha, e noho paa mau ana ka mea malama ma'i i ka po ame ke ao, aka ua paa ka ke Akua olelo luli ole, he mahu he ola o ke kanaka i pua ae a nalo aku no ka wa mau loa.

            Ua hanauia kuu lei aloha i ka la 23 o Nov. 1920, ma Mana, Waimea, Hawaii; nolaila na piha iaia na makahiki 2 ame na mahina keu 4, o ke ola ana i keia ao inea.

            Ke haawi nei maua i ko maua mahalo i na hoaloha, ame na makamaka i lawe mai i ka lakou mau bo-ke pua.

            Ke haawi pu aku nei i ko maua hoomaikai i ka poe apau i hele pu@ma kona alahele no kona home hope, ke home hoi o na mea apau.

            Owau ka ke aloha e luaiele nei, e kuewa hele nei i ke ala me ka waimaka.

            O mana no me ka luuluu

            MR. & MRS. SAMUEL PURDY, Kamuela, Hawaii.

 

            HE $50 MAKANA NO KA LOAA PONO O KA MEA AIHUI

 

            He makana o $50 ke haawiia ae ana e ke Kalapu Kaa Otomobile o Honolulu i ke mea nana e hoike ae a e paa ai i ka hopuia ka mea nana i aihue i ke kaa Hudson ehiku ohua o G. F. Bush mai kahi aku i kukuluia ai ia kaa ma ke alo iho o ka halekeaka States ma ka po o ka Poaono aku la i hala.

 

            Kopa Moi Keokeo No Ka Mikini Holoi

 

            He Kopa maikai loa i hiki ke hoohanaia no na ano hana apau i pili i ka home. Hiki ke holoi i na lole nahenahe loa me ka pilikia ole. O kona oi loa aku o ka maikai no na mikini holoi - No ka holoi i na pa ame holoi hale.

 

            KUAI I PUOLO MAI KOU HALEKUAI MEAAI MAI

 

            T. H. DAVIES & CO., Ltd.

            Na Akena Wale no no ka Paeaina Hawaii

 

            E Ka Poe Hookuonoono

            Ke makemake Oukou i na Lako----

            NO KA HOME A NO KA AINA MAHIAI PAHA E KIPA AE MA KE KEENA O NA LAKO PILI HAO O KA

            AMERICAN FACTORS, LIMITED

            No na mea elike me keia:

            Kapuahi.

            Lako Mahiai

            Lako Halekuai me pa

            Meahana Mahiai

            Meahana Kamana.

            Pili Hao a Ano e Ae

            Uwea Pa Moa me Pa

            Pena me na Palaki.

            Aila me Vaniki

 

            O ke Kanaka Kuai i na Lako Hana Maikai ua Lanakila e no oia i ka Hapa o ka Hakaka

            Aole hiki ia oe ke lawelawe i na hana maikai me na meahana inoino. O ke kanaaka e hoao ana e hana me na meahana inoino, e hoea mai ana i kona wa e kiola ai, a kuai i na mea kupono, in a he noonoo oia. Aka nae ua poho wale ka manawa ame ke dala ma ka hana ana pela. Ke kuai nei o Lewers & Cooke, Ltd., i na lako hana maikai wale no.

            KE MALAMA NEI MAKOU HE AHUA PIHA PONO LAULA O NA

            LAKO MAHIAI AME NA LAKO KUKULU HALE

            He makemake Paha Kou i

            KO'I KIPIKUA, KOPALA, HO, HAMARE, PAHIOLO, KO'I LIILII, NA LAKO KAMANA PIHA PONO, HOANA HOOKALA, PAKEKE

            Papa o Kela âme Keia Ano, na Lako Hao, Pena, Aniani

            Kakau mai a i ole kipa mai no na hoakaka. E hookoia no na kauoha apau ma ka leka me ke akahele ame ka hikiwawe loa.

            LEWERS & COOKE, LIMITED

            HONOLULU

 

            Na I'o Pipi Momona Waeia Mai na Aina Hanai Pipi Like Ole Mai o Hawaii Nei

            O eia i'o pipi momona, ka papa maikai hookahi ma ka makeke, a ke kuai hoolilo nei makou, ma ke kumukuai haahaa , me ka hoopono maoli.

            Eia keia Mau Kumukuai malalo loa iho o ko no makeke e ae, a hui pu iho me na kulana maemae e hoohanaia nei e makou ma ka lawelawe ame ka hoahu ana i na i'o pipi, he mea pono e lilo ko makou makemake i makemake nou.

            Pipi Ku Mokupuni …………… 15c o ka lb.

            Kulana Aoao o ka Pipi ……….. 15c

            Ku'eku'e Pipi …………………. 12 1/2 c  o ka lb.

            Pipi Palai Iwi Hoehoe ………... 15c  o ka lb.

            Pipi Plai Uha …………………. 15c  o ka lb.

            Kulana Aoao Koala …………….15 1/2c  o ka lb.

            I'o Hipa Ku ………………..…..10c  o ka lb.

            I'o Umauma o ka Hipa ……….. 10c  o ka lb.

            I'O hoehoe Palupalu ………..… 12 1/2 c  o ka lb.

            WAIUBAKA MAILE ……..…. 50c  o ka lb.

            METROPOLITAN MEAT MARKET

            E ninau no LUI; he oluolu na kuka'i ana ma ke kaua olelo makuahine. Hele mai, mai hilahila!