Ka Nupepa Kuokoa, Volume LXI, Number 19, 11 Mei 1922 — Kanalua o H. A. Baldwin no ka Lilo Hou i Moho Makemake Oia e Noonoo Koonei Poe i Kekahi Mea Oi Ae o ke Kupono i Elele NUI NAE NA INOA I LOHEIA I MAU MOHO Paa ka Manao o Kekahi Poe Maanei Nei e Hoouna Hou Aku ia Harry Baldwin [ARTICLE]

Kanalua o H. A. Baldwin no ka Lilo Hou i Moho

Makemake Oia e Noonoo Koonei Poe i Kekahi Mea Oi Ae o ke Kupono i Elele

NUI NAE NA INOA I LOHEIA I MAU MOHO

Paa ka Manao o Kekahi Poe Maanei Nei e Hoouna Hou Aku ia Harry Baldwin

Ua noiia ae na Repubalika o Hawaii e noonoo a e hooholo no ka elele hou e aku ai no ka ahaolelo lahui mamua ae o ka manawa, ina e hiki ana e loaa kekahi mea ku pono. O keia ka manao o ka Elele Harry A. Baldwin i hala aku nei i ka ahaolelo e noho mai la ma Wakinekona i nei munawa. He manao keia i hoopu-aia ae mamuli o ka hoakaka a ka Elele Harry A. Baldwin maloko o kana leka o ka hoouna ana ae ia Johu Waterhouse, ka hope percsidcna a lunahoohana o ka hui a Alexandcr & Baldwin ma ke kakahiaka o ka Poakolu o ka pule aku la i hala, ina e hiki ana e loaa kekahi moho oi ae o ka ikaika no ke kau koho baloka e hiki mai ana, alaila aole oia e holo hou ana ma ko ano he elele i ka ahaolelo ma kau ae. "A'ble au i manao e lilo ana au i moho no ke kulana elele ma keia kau koho baloka ae, no ia kuniu au e hoakaka mua aku nei e noonoo na Repubalika a e liooholo no ke koho ana i kekahi niea okoa aku," wahi a ka Elele Baldwin o ke kakau ana ae ia John Watorhousē. Me keia hoakaka maopopo loa o ka loaa ana mai la ka Ēlele Baldwin mai no kona manao ole e holo hou, a ua hoakaka pu mai la no hoi e noonoo na Rcpubalika a hooholo i nei manawa no kekahi kanaka e aku, eia nae, o ia mau no ka paa o ka manao o oa Repubalika no ke koho hou aku no iai«a i mea paa hae no ka aoao Repubalika no keia kau ae, mamuli no o ka paa o ka manao o na Repubalika oia wale no ka moho o lanakila ai ma ke kau koho"% Novoniaba e hiki mai ana. Ina no ;ka holo ole nei o Baldwin eia kekahi o na inoa ikaika i manaoia e onou ae ma ia kulana: Clarence H. Cooke, Jolin H. Wiae, Norman K. Lyman, H. L. Holstein, L. M~ Judd, Hamuel K.auhane o Hawaii, Charlcs E. King, Jack Lucas, Sam E. Kalama, Rev. Akaiko Akana, John C, Lane, R. W. CharlcB A. Rice, A. L. Louisson, ame Charles F. Chillingworth. Ma ka manao o ka Elele Baldwin, elike me ia ana o ka hoakaka ana ao maloko o kana leka aole e hoopanee ana ka ahaolelo e noho mai la ahiki i ka mahina o Augate, a e hooniau aku ana no oia me Mrs. Baldwin i ka noho ana i Wakinekona ahiki i ka hoopanee ana o ka ahaolelo.