Ka Nupepa Kuokoa, Volume LXI, Number 19, 11 May 1922 — HE HOALOHALOHA NO MR. S. W. KINO [ARTICLE]

HE HOALOHALOHA NO MR. S. W. KINO

Ma ka Poakoīu, la 26 o Apenla, 1922, i haalele mai ai o S. W. Kino i keia ola honua ana. Ua hanauia oia, na Waianuhea (k) arae Naakaakai (w) ma Kealakekua, Kona Hema, a ma kana hoike i kana mau kaikamahine i ka nui o kona maa makahiki, ua hiki aku no ia i ke 78. Ke olelo mai nei ka buke a Ioba: "Elike me ke ao e nalowale ana a e hele aku ana, pela ka mea e iho ana i ka luakupapau, aole ia e ea hou ae iluna. Aol e ia e hoi hou i kona hale; aole hoi e ike hou kona wahi iaia." O kekahi keia o na luna ekalesia kahiko loa mai ia Bev. J. D. Paris mai, J. A. Kahookaumaha, S. W. Papaula, S. L. Desha ame E. S. Kimoteo na kahu, a he nui a lehulehu na komite ame na haiolelo ana i komo pu ai e hooikaika i ka hana a ka Haku. Oia nei no kekahi Kahu Kula Sabati Apana kahiko loa, mai ia Rev. J. D. Paris mai, ahiki ia S. I L. Desha. Ua malamaia ka hana me ka maemae ame ka hanohano, a na ka hiki ohe i ka hele i ka luakini, pau ka hele ana. Mamuli o keia mau mea i ha'iia ae nei no kana mau hana, pefa makou e poino ole ia nona. Ua nalo aku oia, aka o kana mau hana maikai, ke mau nei ia iloko o ko makou hoomanao mau ana me ka minamina nona. Ke komo pu aku nei makou na hoahanau, na haumana Kula Sabati iloko o ka u pu ana me oukou e ka wahi-ne-kane-make, na kaikamahine ame na moopuna lehulehti, ka ohana' no apau i hookaumahaia. Nolaila e hoounaia hookahi kope o keia hoalohaloha i ka Nupepa Kuokoa, hookahi j i ka Hoku o Hawaii, a hookahi kop® i Ka Hoaloha. Ma « ko makou komite la: 2. P. KALOKUOKAMAILE. S. P. K. NAWAA, J. AU, Napoopoo, Mei 4, 1922.