Ka Nupepa Kuokoa, Volume LXI, Number 19, 11 Mei 1922 — APONOIA KA HOOLOIHI ANA I KE ALANUI KALAKAUA. [ARTICLE]

APONOIA KA HOOLOIHI ANA I KE ALANUI KALAKAUA.

Ua kokuaia ae e ka Enekinia Kulanakauhale Fred Orht ka manao i hoolalaia ai no ka hooloihi ana ae i ko Alanui Kalakaua a hui me ke alanui Beritania. O keia hooloihi ana ao ho haawi ana aku ia i rumi akea loa no na kaa otomobile e holo ai mai Waikiki a hoea mai i ke kikowaena o ke kulanakauhale e ulu mai nei i keia manawa. '' E lilo ana ke alanui Moi i wahi holo nui ia e na kaa uwila ma nei mua aku ke moe na alanui hao palua, o ke alanui Beritania ke alanui kaawale no na kaa otomobile e holo ai, a o kahi hoi e hiki ai i na *kaa otomobile ke holo me ka mama mamuli o ke kakaikahi o na kaa uwila e holo ana ma ia alanui No ka hoakea ana ae i ke alanui Moi mai ke alanui Alapai aku ahiki i ke alanui Punahou ke kumuhana a ka papa o na lunakiai o ke kaīnailio nui ana ma ka halawai o ka po aku la o ka pule i liala. "He hana hiki keia ke hanaia," wahi a ka Enekinia Orht o ka hoakaka ana ae, ma o ka hoakea ana ae i ke alanui i 10 kapuai e lilo i ke alanui ma kela ame keia aoao mauka a makai a e hoemiia aku na pahale ihope. I ka manawa e lilo ai ka hana ana o ia alanui i ka poe na lakou e hana, e hana lakou a kulike me keia mau laina i ka manawa e kukulu ae ai i na hale e hooneeia ana. Ina no ka hoakeaia o ke alanui a like na wahi ma na aoao o ke alanui e laweia ana e akea loa ana ke alanui Moi no na alanui hao palua e hoomoeia aku ana me ka hoohaiki ole ia, oiai ka Hui Kaa Uwila e' hoomaka koke mai ana e hana ia mau alanui palua, iwaenakonu o ke alanui," elike me ia a ka Enekinia Orht 0 ka hoakaka ana ae. O ka hoakea ana ae i ke alanui Moi ma Ewa mai o ka Muliwai Nuuanu ka mea ano nui ma keia hana hou a ke aupuni kulanakauhale e hoolala mai nei, no ka mea, o kahi haiki loa o ke alanui Moi. 0 ka hoakeaia ae o ke alanui e holō ana ahiki i Waikiki ka mea 1 makemake loa ia no nei mua aku, oiai nae, o ka mea no ia i makemake loa ia i nei mauawa. Nui na hoololiloli, a nui pu me na hoolilo ma ka aōao o ke aupuni ame na makaainana ka poe e pili kokoke ana i na alanui.