Ka Nupepa Kuokoa, Volume LXI, Number 19, 11 Mei 1922 — KUU LEI MOOPUNA UA HALA MISS LIBERTY MILIHAIPUA LILIKALANI BURN. [ARTICLE]

KUU LEI MOOPUNA UA HALA MISS LIBERTY MILIHAIPUA LILIKALANI BURN.

Mr. Lunahooponopono o ka Nupepa Kuakoa, aīoha oe:—E oluolu oe no'u kekahi wahi kaawale o ka kaua hiwahiwe, i ike mai ai ko'u mau hoaloha, mai ka puka ana a ka la i Kumukahi a ke kohi ana a ka la i Lehua; o ka'u mea aloha, kuu moopuna i haalele mai ia'u i keia ola ana. Ua hanauia mai oia mai ka puha:ka mai o kona mama aloha, #Crs. Elizabeth Blassoms, i ka mahina o Nov. 10., 1919. Ua piha iaia na makahiki he elua me elima mahina, me umi-kumamawalu la o kona hanu ana i aa ea hu'ihu'i o keia ola honua ana. Me ko'u nanea a haupu mua ole, pela ka make e kikoo mai ai i kona hanu ola a lawe koke aku mai a'u aku; ma ke ahiahi Poaiima, la 28 o Apenla i hala iho la. Auwe kuu minamina pau ole i kuu moopuna! Kuu moopuna, hoa pili, hoa hoolaukanaka. I laukanaka no ka hale ia oe i ko holoholo mai, haalele mai la no oe ia'u, noho ke ano akua o ka hale mehameha hookahi leo loheia, o ka leo o na manu. Auwe kuu minamina pau ole ia oe, kuu moopuna hoomanawanui i ke ano o 'ka noho ana, i ke kau loaa me ke kau nele. Lihaliha walo au ke noonoo ae ia oel Kuu moopuna i ka la'i o Honuakaha, kaha ka hele o ka uhane o kuu moopuna hoi ole mai. Kuu moopuna i ka ehu lepo o ke alanui, Moiwahine, aole e pa hou ia mau huna lepo ma kou papalina. Kuu moopuna i ka ua kilihune o ke kaona, aolo e hoopulu fcou ia kilihune ua ma <kou nui kino. Kuu moopuna i ka la hulili i ka poiulani, aole pa hou kona mau kukuna wela maluna ou; kuu moopuna ka pua nani o kuu rumi, ua nalo ka nani nohea o kuu moopuna mai a'u aku, auwe kuu minamina ia oe e! Kuu moopuna i ka la 'i o Kakaako, aole e ike hou ia kou mau maka ma ia pohai. Kuu moopuna hoomanawanui rae ika nawaliwali mea ole ka ua, ka wela, ke anu ka pouli, auwe kuu manaonao ia oo ke noonoo ae! Kuu moopuna i ka huila palanehe o ke kaa uwila, e holo ana mai kekahi kilii a i kekahi kihi. Kuu moopuna i ka pa ma'i o Maunahape, kahi ou i hoopunanaia ai mo ke> aloha, aloha 'ka poe iloko o ka ehaeha, aole lakou e ike hou i kou helehelena nani. E ka makuahine aloha, Mai o ka maluhia, aole oe e lohe hou i ko inoa au i hea iho ai, maluna o kuu moopuna, Liberty Milihaipua, ua pau ua nalo i ke ala hoi ole mai. Auwe kuu minamina, kuu aloha pau ole ia oe. E Miliama e, kuu lei moopuna elua, i hele mua i ke ala hoi ole mai, eia mai kou hanaumua ke imi aku la ia oc, aloha ino 'kuu mau moopuna hele kohana. He mea mau no keia o na pua nani, e oili ae ana a mohala maikai ae, ke akiia iho la no ia e ka ponalo. Nolaila ke minamina nui nei au no ka'u mau moopuna, ma ke ano o ko laua kulana pakahi. Ina i mau ko laua ola, ua like laua me na pua i malihini i ka maka. Hauoli no hoi ike nana aku! He u'i okoa no ka'u moopuna a'u i hanai iho la, a he u'i oko» no hoi kona pokii, eia nae, ua like laua me ka opuupua ike kakahiaka, a i ka aui ana ae o ka la, ua mae koke iho la ko laua nani, mo ka minamina nui! Me keia mau manao ialoha moopuna, 'ke hoihoi hou nei au i ka'u mau hoomaikai palena ole, a kukulu ae mamua o'u; no olua e ka'u mau keiki puuwai piha me ke aloha kui'o, Mr. ame Mrs. Boss, no ka olua mau kokua kiekie loa, i kokua mai ai ia'u iloko o iko'u wa 0 ke kaumaha, a'u e hiki ole ai ke alo ae. E olūolu e apo aloha mai i ka'u hoomaikai palena ole maluna o olua, a na ke Akua e hooi hou iho 1 na hoopomaikai ona elike me

ka olua i hana mai 'ai, a pela pu me na hoaloha i hele mai e kumakena pu me a'u; no oukou ka'u hoomaikai ame ka oukou makana pua, a maluna hou ae o keia nou e J. H. S. Kaleo ka'u hoomaikai no kou lawe ana ae i ka hoomaikai hope loa maluna o ke kino o kuu moopuna, a waiho aku i kona ikino iloko o ka maha mau loa, ma o ko kakou Hakn la amene. Me na keiki oniuhua o ka papapa'i ko'u aloha, Owau no me ka luuluu. MRS. B. K. LILIKALANI, Honuakaha, Honolulu, Oahu.