Ka Nupepa Kuokoa, Volume LXI, Number 19, 11 Mei 1922 — HE HOOMAIKAI. [ARTICLE]

HE HOOMAIKAI.

£ 'ke kapena o ka moku ahailono ka Nupepa Kuokoa, Aloha:—E oluolu mai kou ahpnui e hookomo iho ma kahi kaawale o kekahi o na kolamu o ka hiwahiwa a ka lahui 0 Keawe ma ka hikina, a hoea 1 wahi puolo ake aloha aka lahui ia e uwila aku mai Hawaii moku a'ku i Nihoa ka palena o na moku ma ke komohana, i ka maua hoomaikai palena ole ame ke aloha nni i na kini makamaka ame na hoaloha e noho nei ma Maluhia Home ame na hoaloha e ae no apau i haawi mai i na kokua a i komo pu mai hoi e u pu me maua iloko o ko maua mau hora o ka luuluu no ka maua lei i haalele mai i keia ola ana, a pela hoi i na hoaloha apau i haawi mai i na makana pua no ka hoohiwahiwa. ana iho i <ke kino wailua o Miss Myra Pale Kaeo. Ke haawi pu aku nei i ka hoomaikai kiekie loa ia olua e Mr. ame Mrs. Tribe no ka olua makana pua, a pela hoi i na keiki hana o ka hale hoahua ukana a Benson, Bmith & Co., pela hoi ia George Kuku ame Mrs. Ahlo Kaluna. E oluolu e lawe aku i ka maua hoomaikai, a na ke Akua mana loa e kiai, hoomalu a e hoopomaikai mai ia kakou apau. O maua iho no na mea i hooluuluuia, PETER KAEO, AHNNIE KAEO, 4 Maluhia Home, Mei 12, 1922,