Ka Nupepa Kuokoa, Volume LXI, Number 19, 11 Mei 1922 — O IA MAU NO NA KUHINIA O KOLOA [ARTICLE]

O IA MAU NO NA KUHINIA O KOLOA

Holomua na hana ma Waimea no ke kukulu ana, i ka hui Hawaiian Civic €lub, nui na kan e ame na wahino i hoopaa aku i ko lakou niau inoa, no ka lilo ana i mau lala no keia hui hou^ Maikai no hoi na olelo paipai, mai ka lunahoomalu mai, Mr. W. O. Crowell, a pela no Koi mai na lala mai, malaila pu ae ka Ahahui Kaumualii, Ahahui Kaahumanu ame ka Ahahui Aloha, he 200 a oi na lala o keia ahahui hou i komo mai. Malaila pu ao ka Mea Hanohano Eddie Fernandez .o Honolulu, a mai iaia mai kekahi mau olelo paipai maikai loa, ua malainaia na hana me ka maikai, ahiki i ka pau ana. 0 kekahi keia o na la maka kana&a nui i ikeia ina Waimea. Oiai ua hele mai kela ame keia mai kela pe'a r a keia pe'a oka aina, majkai nq hoi ke anaina pule, malalo. o ke alakai ana a Mr. J. K. Lota, kuli'u no hoi a mikomiko na hniolelo mai iaia mai. Maikai no hoi na meaai, puaa laulau ono, loli, opihi, i huiia me ka wana, amo ka hee, ame kela mau i 'o nenue ono o ka Uanoo o Koloa, e poina ole ai na kaikamahine, o ka Waiula ame ka Waikea, na wai lemi momona, m'eaono, kulolo ame ka haupia. Ua ai a lawa, ua inu a kena, 1 na mea apau i ho.omakaukauia e na hoahanau o ka Waiulailiahi o Waimea, ame ko lakou poo Mr. W. 0. Crowell. Ma keia la au i halawai hou iho ai me-kuu hoaloha maikai, Mr. S. A. Amalu, ame kana aliiwahino, o ka halekukui nani o Hawaii nei, no na makahiki elua o ke kaawale ana, he o ia mau no ka nui nepunepu, ame ke konekonea o ua kaaka la, i ka hoopulu mau ia e na hunakai o Mokuaeae, a hoomanao ae la i keia wahi kanaenae: I alohaia no a o Kauiki, Au ana i ko kai me ho manu la, Eia mai au a v o Momiana, Ke kuewa hele nei i ke alanui. E hana paha oe a iwi kani, A i kani pono ai ke kaula ili, Manao paha oe a ua nalo, Ko mea huna i ka maka kuikele, Ku mai Hailama paa i ka hoe, Kipu lua i ka ili o ke kai. -Eia mai au hapa Ilikini, Keiki o ka ,uka lae laau. O ka'u hana ike ia ke pana pua, Ke ike aku au he ulua oe. He loa ka imina a 'ke aloha, A loaa i ka ehuehu o ke kai, E hoi kaua ua ahiahi, Ke noe imai nei pua o Lehua, Haina ia mai ana ka puana, Keiki mai au o ka Pikuana. Ua hoea mai Ia i Koloa nei o Mr. M. K. Mahu Sr. no ka ike ana i kana ohana keiki, mamuli o kona kaawale ana no na makahiki he 20 a 01, ke kaawalo ana mai ka aina aku, he o ia mau no na pua iluna, 0 ua wahi hulu makua nei, i kona huli hoi ana aku no ke kaona, ma ka inoku o ka la 6 nei. Ua haawi ae la kana mau keiki, he wahi paina hoolaulea no ko lakou makuakane, puaa kalua, i'a maka, loli, opihi, ua ai no a lawa 1 na ono i hoomakaukauia e halala ma, ame kahi sister, oiai kou meakakau e hoonuu ana i ka ono o ka puaa, oni ana ka huolo o ka puaa iloko o ka'u pa, na kuu wahi sis no keia mau hana, no ke aloha wale mai no kela ano hana, nui ka akaaka a mamae ka iwi aoao o Sis amo kahi olomana. Aole malaila iho la pau !keia ano hana, aka he wahi paina moa kekahi, niahope iho o ke kai o ka moa ka i hoonuiia mai, maloko o ka'u pa, eia ke kauoha e inu nui oe i keia kai i kau mai kou waiu, na ua wahi Sis piha eu nei no keia *iau hama, a hu ae la ka aka o na mea apau. _ Ua lawa keia mau wahi m-eahou, no ka manawa, ke uwe loa mai nei o Peter liilii i ka s pololi uala. Me ka Lnnahooponopono ka mahalo nui, ame na keiki oniu hua kepau ka welina pau ole. O ia mau no, PETER KAMANO, SR. Koloa, Kauai.

Ua hookaawale mua no ke Komisjna he mau eka no kahi e kukuluia aku ai na halekula, ame ra halepule o ka poe hele pule e hoi aku ama maluna o ikeia mau aina. E hookaawaleia aku ana no hoi i kahua paani no na keiki hele kula, a e 'loaa ana he wahi e kukuluia aku ai i hale halawai no na kanaka.