Ka Nupepa Kuokoa, Volume LXI, Number 19, 11 Mei 1922 — APUKA NO KEKAHI KEIKI I KONA MAKUAKANE. [ARTICLE]

APUKA NO KEKAHI KEIKI I KONA MAKUAKANE.

O kekahi o na hihia ano nui i hoea ae imua o ka aha a ka Lunakanawai John. E. Desha o ia ka hihia o kekahi keiki Kepani o 14 makahiki o ka hoopiiia ana ae no ke apuka ana i ke dala a kona makuakane me ka ohi ana i kekahi heluna dala nui ma na bila dala ana o ke kikoo ana i ka banako, O ka huina nui o na dala i loaa .«e ia keiki, elike me ia a na luna 'aupuni o ka hoike ana ae, ua hiki aku i ka 381 a eia nae ua manaoia he huina dala houVku no koe a nei • keiki o ko apuka ana. O kekahi o na bila dala a nei keiki o ke kikoo ana i ka banako he 300, ma kekahi bila he $75, a ma kekahi mau bila aku ana o ke kikoo ana he mau huina liko ole. Ma ka oleloia he haumana kula ka keia no elua wale no la ma kekahi o na kula ao i ka oihana kalepa. O ka hana kolohe a nei keiki o ia kona kakau ana i ka inoa o ka makuakane maluna o na bila dala ana o ke kikfo ana, wahi a »a luna aupuni. No ka manao o na kanaka .o ka banako he pololei nei thana a nei keiki ua haawiia īnai 'ke dala iaia. Ma na bila apau ana o ka hana ana ua hoopukaia aku :na bila i kekahi poe a ma ka inoa o ka makuakane i kakauia ai ka bila oiai nae na nei keiki walo no īa mau hana kolohe apau i lunn. I kulike me ka hoakaka ma ka moolelo e pili ana i nei hana kolohe a nei keiki, o na dala apau i lōaa mai ai iaia ua pau )oa i ka uhauha ia ci"a me ia mau hoa ona ekolu a eha, he mau keikikane. Ma ka ninaninauia ana o kela keiki e ka Lunakanawai Dosha ua hoike ao oia imua ona ma kona manao he huina o $30 wale no i koe ma kona lima ia manawa. He keiki Kepani no ka keia i lawe mau ia ae e na makai hopuhopu kamalii mamua o ka aha o na opio, a he keiki hana kolohe kahiko no hoi ma na ano hana like ole. He keiki ano naauao ka, pela ka oleloia, ma ke ano o kana kamailio ana. Ua loaa mai nei ka palapala hoohui me ke aupuni i ka Ahahui Puuhomia o Hawaii. O T oa W. Aluli ka percsidena hou o ka ahahui.