Ka Nupepa Kuokoa, Volume LXI, Number 19, 11 Mei 1922 — Ili Ae Kekahi Mokuahi Lawe Ukana Maanei Hemo Hou Nae Ia Mahope o na Hooikaikaia Ana e na Moku Kolo e Huki NO KA MALIHINI O KE KAPENA KE KUMU ILI Aole he Kai i Komo Iloko o Kela Moku ma Kona Manawa i Hukiia Ai a Hemo [ARTICLE]

Ili Ae Kekahi Mokuahi Lawe Ukana Maanei

Hemo Hou Nae Ia Mahope o na Hooikaikaia Ana e na Moku Kolo e Huki

NO KA MALIHINI O KE KAPENA KE KUMU ILI

Aole he Kai i Komo Iloko o Kela Moku ma Kona Manawa i Hukiia Ai a Hemo

Oiai e hookokoke mai ana i ka nuku ae nei o ke awa, ma ka honfi ekolu o ka wanaao o Poalima aku la i hala, i kapalulu ae ai ka iwikaele o ka Fairfleld City, iluna o ka puko'a ma kela "wahi no i ili ai ka mokuahi Miowela, ame kekahi mau mokuahi lehulehu, ho mau makahiki i kaahope aku, o'kahi nae o ka laki, o ia no ka hemo hou ana mai o kela mokuahi, mahope iho o ka hooikaika ( ana e hukj, ma kela Poalima. Ma ka hoakaka a ke kapena o kela mokuahi, ua hiki pi>too ole ke ikeia mai ka aina, ame •ka nuku o ke ala, oiai ka moku e hookokoko mai ana, i kau a mea o ka pohin» ua liilii ma kela wanaao,. o kekahi kumu nui palfa hoi o ka pilikia, o ia no kona malihini akahi no oia a hoea no Honolulu gei. , He mau minuke mahope iho o ka ili ana o kela mokuahi, i hoounaia mai ai he hoike ma ke kelekalapa uwea ole ika hui o Castls CooJe, ka akena ma Honolulu npi, no kela pilikia, a o ka mokuahi Mikahala, ka i hoounaia i kela kakahiaka nui no ke kokua ana aku i ka mokuahi poino. Ua laweia he mau heleuma a kiolaia mahope aku o ka mokuahi, i mau ai ka o ka, moku i kahi hookahi, aole e nee hou aku imua, a ma ke awakea ana ah, i hoea aku ai na niokukolo, a hoomaka ka huki ana i ka moku poino. I kinohi o ka hoomaka ia ana e huki, ua mokumoku, ha kaula keleawe, eia nae ua homaopopoia, ka neo nialie o ka mokuahi ihope, ka wa i paa hoi ai he ksula oi ae o ka paa iluna o ka Fair.fleld City, a hui pu iho, me ka pii ana mai oke kai i kela manawa, ia hoomnka hou ia ana e huki, o kai hemo no in» mo Ma ka manawa i hemo aku ai kela mokuahi mai ka puJto'a aku, aole he kai i ikeia, i ke komo mai iloko, eia nae, aia a loaashe manawa kupono, alaila 'nanaia aku na wahi o kona iwiknele. i poino. He mokuahi halihali ukana keia, o ke kipa ana mai no H&iolulu nei, me ka piha kopāa' o 9000' tona, Manila mai, no kekahi mau awa--kumoku o ka Akelanika; me ka manao, e hoopiha i ka wai ma keia awa, ame 4500 mau barōla, alaila hoomau aku ma kona alaehele moana, eia ka e hulawai ana me kela poino ma ke ano ulia.