Ka Nupepa Kuokoa, Volume LXI, Number 19, 11 May 1922 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

KE KILOHANA POOKELA NO KA LAHUI HAWAII.

 

"Ae," wahi a Niula, "o oukou ka na hoa ai o keia kakahiaka, i pono no nae i ka hele me ka lima, ola no kakoi ia oukou, nolaila, e noho iho ilalo. E oli ae au i ka papaaina a kakou apau alaila ai."

O ka wa no ia i noho like iho ai na keiki apau, a o Niula ame ka mopouna ma kekahi poo o ka papa aina, o na honai no hot ma na aoao, a koe kekahi poo.

Ke nana nei o Niula i ka noho ana o keia poe keiki, a ke ike nei oia i na meaai i hoomakaukauia, o ka ahui no o ka maia me ia mau maka no mai ke kumu mai, o ka uala no mai ka pu'e mai, o ka poi ame ka i'a i pulehuia na mea i mo'a.

"Kahaha!" wahi a Niula iloko on a, "ua ike iho no hoi he kanaka ka hoa ai, eia ka o ka mea mo'a o ka mea mo'a ole ku i ka papaaona."

Iaia e nalu nei iloko on a, ke nana mai nei keia poe keiki mo ka lou malu ana aku o kekahi i kekahi, no ke kumu ko lakou hana ana pela, ua ike lakou ke ano hookae nei o Niula i ka pala ole o ka uala a Kauahialaweo, ka ai e ono ai ka imu kao kolekole a Hi-po.

Hohola ae la ne lima o Niula me ka amama ana i na hua pule i ke akua a noa, o ka wai ua i nana aku ai oia me kekahi poo o ka papaaina, ika aku la oia ia Haumea ame kona kokoolua e noho mai ana.

"Waka waka ka noho hale," wahi a Haumea.

"Anoai i kuu mau malihini, ua noa kaumaha ai, no laila e kamau aku a paa ka houpo e na malihini, haule iho nanea."

"E ai oukou mahope aku au me ko'u mau hoa,ei ae no ahiki mai,i manoa hoi oukou, loaa ke kanaka nana e hana mai ka makou, o ka noho hoomaikai aku paha la i ka papaaina a Kahininiulaokalani, ka ihupani o Kailua me Waimanalo, ka uuku iki no hoi kahi kanaka, hoeelo, ka huihui hoku a Makalei."

Opa'ipa'i ka mauna,

Hala kaikoo ka moana,

I ke kai 'a Kahinalii,

Ono ole o Kawaihoa.

I ka pau ana o na olelo o ke aiwaiwa, o ka wa ia o na mea apau i uhipu ia iho ai e ka puno'hu ua koko me ka alewalewa, aia hoi ka wawae o ke alamuku ke ku la iluna o kela ame keia meaai o ka papaaina.

Ike aku la o Niula i na kamalii e hohole mai ana i ka maia, ua pala kapule, o ka eala Likolehua, ua hele a palakea, a o na meaai maka apau ana iika ai, ke aiia mai nei ua mo'a.

"Aiwe," wahi a Niula iloko iho on a," i ku walo ai no ka oni i o ianei, ua hana a lau kaula hihipe'a ka moku. Ke ai nei oia me keia mau noonooiloko, ia wa i olelo mai ai o Haumea: "Kupanaha no hoi oa e ka hoololobe wai o Makakawao, heaha iho la ka mea o ka noonoo ana pela, aia no hoi paha ia ia oe, aole hoi e hihi ua lawe o i ka moopuna iluna o ka poo,'a mahea iho aianei ke akua e noho ai, aka i kumu nou e ike 'ai i na hana a ko lei, na'u no o ha'i aku ia oe o ka kaniuhu ana me ke aloha i ke ii ame ke kana ke ui opio, a olua i kamailio pu ai, ke u'i opio, a olia i kamailio pu ai, ia'u i haaele iho ai ia oe, a o ia kau hana hope loa, nou ame ka mea au i malama ai mo ka makee, a e ike ana no oe i ka hopena o ia mea."

"Heaha auanei ia mea au e ui mai ai ia'i. Ua ike mai no hoi oe, owau okoa no ia mailuna a lalo, ua opeope kahi popo, kae wauke a kau i ka paia, o ia iho la no keia au e ike mai la la!"

Akaaka mai la o Haumea, me ke kahoa ana ao:

"E Hinakukuaimoku e, ilalo i muli hana!"

O ka manawa no ia i poi iho ai o ka Uhi wai o Kaala me he lole keo keo la aole ike aki kekahi i kekahi.

I ka mao ana ae, aia na kamalii oehaa apau e kuku ana iluna a ma kahi Niula i noho ai, o noho ana he wahine helehelena pupuka i hele a homa na papalina, i loli loa ae mai ko Niula mau ano apau.

Kahea mai la o Haumea ia Kahinihiniula: "E ka ulu iki i ke kihi o Kamalama e, mai hoohewahewa oe i ko kuku aia a pau ka'u hana me ko mau hoapaani, majope iho olaila e ke ai oe i ke alo o Olomana a o ko ku ka hoi ia i ka moku.

"Ua noa ka papaaina a olua, a e iho kakou ilalo o ka mapuna, i ike aku au i ka huhu pao ku laau o Polipoli, i hoiloli i ke anu a ke kehau. "

Olelo aku la o Kahinihiniula: "Aole o'u makemake e noho me keia luahine pupuka maka kukona, he olu olu ko'u tutu, a pehea la hoi oia nalowale iho nei in a aole oia e hoi mai ana mama o kuu hele ana me kuu mau hoa, aole au e hoi mai i ka hale hei."

"Heaha la hoi aia a ahiahi hoi mai oe. Ua hou mai ko kupunawahina ua lilo aku nai jo kupinawahine i ka aaia nuukea ka lawai'a ani a Kane honua.

 

TERITORE O HAWAII

Keena o ka Pukuu Honolulu, Oahu

 

Ma ka hana o loopau ana i ka asahi theater company limited

Oiai o ka asahi theater company limited, he hui i ku kuluia a e ku ana malalo a ma ka mana o na kanawai o ke Territore o Hawaii, i kulike ai me ke kanawai i heomakaukauia ma na hana o keia ano ua waihoia mai iloko o keia keena he palapala not no ka hoopau ana i ka hui i olulola, hui pu me kekahi pala pala hooiaioia i hoohuipu ia me ia elike me ia i koiia ai ma ke kanawai.

Nolaila ma keia ke haawiian aku nei ka hoolaha i kekahi mea, a i na kanala apau, he mau kuleann mamua a e kuleana nei paha i-keia manawa me kakehi ano iloko o ka hui i oleloia, e pono e waiho mai i na kue ana no ka aeia aku o ka palapala nei i oleloia maloko o keia keena mamua ae o ka la 16 o Mei 1922 a o keia ame keia e makemake ana hooloheia aku maluna o ia mea, he pono e hoea kino ae ma ke keena o ka mea nona ka inoa ma lalo iho maloko o ka Hale Mana Hooko, ma ka hora 12 awakea o ka la i oleloia, a e hoike ma i ke kumu in a he kumu kekahi i wahi e ae ole ia aku ai ke pala pala nou i olelofa.

a lewis jr.

Puuku Teitore o Hawaii

Honolulu. Maraki 8 1922

6494-Mar 10,17,24,31 Apr. 7,14,21,28, Mei 5,12 1922.

Mr. Solomon Hanohano ka Luna hooponopono o ka Nupepa Kuokoa, Aloha kauai me ka mahiehie: E oluolu mai hoi kou ahonui, in a he rumi kaawale kekahi o ke Kilohana pookela a ka lahui a nau hoi ia e hooili iho maluna o kona kino la hilahi, oiai he wahi ukana ka'u na ka waimaka e panee aku ana imua o kou hanohano, a nana hoi ia e hoike ae ma na kihi apau o na Kaiaulu aloha ou e Hawaii, mai ka la puka ma Ha'eha'e a ke weiona a ka la i ka ilikai o Lehua no kuu mea aloha, he kane i niau palaehe aku i la ma kela aoao o ka muli wai eleele o ka make mau loa, a ko ae la ka olelo a ko kanaka naauao, o ke kaula dala ua mokumoku liilii o ke kiaha gula ua okaoka liilii, ua pepe a opaha ke pakeke ma ka punawai, ua naha hoi ke kae ma ka luawai' no ka mea hele no ke kanaka, i kona hale mauu, a hele ka poe kanikai ma na alanui alaila e hoi ka lepo i ka honua, elike me ia mamua, a o ka uhane e hoi ia i ke Akua nana ia i haawai mai. E hoomaikai ia ka inoa o Iehova.

Ua nohoia e maua me ka hoomanawanui iloko o ka pilikia o mua wale iho no, me na kaiki a maua no elua pule wale no kona kaama'i ana, haalele mai la kuu kane ia'u i ka hora 11 o ka po o ka la 27 o meaki, 1922.

Owau o kana wahine ame kona pokii Mr.E.K Kaohelaulii me ka na wahine, ame ka laua mau keiki Mr.Kaeualii me Mrs.Alice Kaeualoo me Mr. J. Kekuina ame kana wahine ame na leia-i a makou, ka i akoakoa ae, a ike i kona hora hope loa o o kona hanu ana i na ea hu'ihu'i o keia ola ana. Auwe no hoi kuu kane--e!

Auwe no hoi ka luuluu ame ke kaumaha. Auwe no hoi ka ehaeha o ka manao no kuu kane heleloa. Auwe ka mea poina ole i kuu puuwai i na wa apau o ko'u noho ana; oiai ua piliia e maua na wahi apau o ka aina.

He makua oia ni'u ame na pokii o maua ame na lei-i a makou.Auwe no hoi kuu kane e, kuu minamina pau ole ia oe--e!

Ua hanauia kuu kane heleloa, Mr. William Makaloa Kohelaulii ma Pukaiki Miihai mai ka puhaka mai o Mr. Kaohelaulii ame Mrs. Makaualani i ka malama o Dec.30 1872; he 8 ko lakou nui he 5 keiki kane, he 3 kaikamahine; he helu 3 kuu kane ma ka hanau ana.

Ua piha iaia na makahiki he 49 me olua malama me na la kau, a haalele mai la oia ia'u i kona hoa pili he wahine, ame na keiki a ma pili he wahine, ame na keiki a ma ua iloko o ka ehaeha ame ka luulu; o ke alahele a ka waimaka; auwe kuu minamina pau ole i kuu kane. kuu makua hoi-e!

Ua mareia maua ma Waimea, Kauai, i ka malama o Aperila 8,1910; ua piha ia maia na makahiki he 11 me na malama keu o ka maua noho ana iloko o ka berita maemae o ka mare, mo ka hoomanawa nui ana i na inea o keia noho ana.

He kupa a he kamaaina kuukane no ka la welo, he mamo a he hiialo hoi na Kahelelani, he punaele hoi na na makani hoolewa o ka aina, he milimili hoi na ka mikioi o Lehua; nolaila o kuu kane aloha aole e hoopulu hou ana na hunakai o ke kai kapu maluna ou.

Aole hoi ke aheake makani a ke Koolau e pa kokololio hou ana ma kou mau papalina aole hoi e houhou hou ana ke anu hu'i a ka makani Kiu maluna o ka ili,aole hoi na kilihune pakaua a ka ua naulu o ka aina o kaua e hoope hou ana ma kou helehelena e kuu kane aloha kuu hoapili hoi o keia ola ana, oiai ua poli na maka o kuu aloha, ua moe aku la i ka moe kau moe hooilo, a o na alina a ke aloha, kupouli kana i hoahu iho mahope nei na'u na ka wahine e u aku i ka po ame ke ao.

Aloha wale kuu kane hoomana wanui kuu aloha pau ole ia oe a. Auwe kuu kane, e kuu kane i ke alahelo me ka waimaka, he makamaka ka ke oho o ka palai lipo i ke anu anu kuu kane ua hala ka uhane, hoapili o ka kino hala pu no me ka anoi a ke aloha, aloha na Kaiaulu pali o ka aina, ame kona, mau kula uliuli.

He aloha Iwilei hale ao a na hoa home imi i ka pono kaulike aole e hehihehi hou ana kona mau kapuai ma kou kahua, lahaiaha e ike hou ana i kona helehelena ame kana mau hana no ka mea ua haalele i Puna na hoaaloha, ua imi aku la ia Papalau ahi he lauahi na hana a ke aloha o kuu kane i o'u nei, e hana ma-o ole nei i ka puuwai.      

Auwe kuu kane e, kuu minamina pau ole ia oe; Auwe no hoi kuu kane haalele ia'u ame na lei a kaua e kuewa i ke ala me ka waimaka, no ka mean, ua hala oe ka makua nana e malama mai ia makou, auwe no hoi kuu kane--e!

Kuu kane i ka waihuna i ka pohaku,he aloha puuwai, o ia home a kaua i luakaha pu ai kuu kane i ka makani hhe Unulau, hoapili o ke ko eli o Halaii, aloha ka: makani Moae, wehe lau ulu o Kawaihoa; he aloha ia Ulu kaulana o ka aina aloha ka la'o o Keanahaki, me Kaumuhonu o ka i'a hoolaukanaka he puili, Auwe kuu kane e, uu minamina pauole ia oe--e!

 Elike me ka Makolukolu o ke aloha i loaa ia'u pela au e owili pu aku nei i keia wahi lau limukohu no kuu mea aloha he kane i haalele mai ia.

 

E i aku nei paha Makaloa,

i ka luna o Wawaihoa

E nana ana paha,

I ka wai a Kaulili

Hoi mai hoi mai kaua!

Kuu kane i ka wai awili me ka kai o Waiakolea e, hoohenoia ana e ka inuwai o Leahi, he alona Kahaino i ka la lili nopu i ke kula, kuu kane i ka la'i o Kamalino, aloha ke one kapu o Kahamaluihi me ka huikau o Lonopapa, o ia wahi a'u i pili ai me kuu kane i noho hoomanawanui ai i ka hana a na haku. Kuu kane i ke ala a ka lio e hailani nei i ke kula o Panenene ho ne ke aloha o kuu kane io'u nei a'u e hoonana ae nei mao a maanei, pehea la ia e pau ai.

Ke hooki nei au i keia mau manao luuluu me ka waimaka o ka ehaeha ame ka minemine pauole no kuu kane hele loa a ke haawi aku nei au i ka'u hoomaikai ana i ka poe i komo pu mai me a'u iloko o na hona o ka luuluu ame ke kau maka no ka'u mea aloha i haalele mai i keia ola ana, a ke haawi pu aku nei i na hoomaikai ana i ka lunahooponopono o ke Kilohana ame na keiki limahei o ka kou keena pa'i; na ko Akua e kiai mai me Kona lokomaikai nui ia kakou, a Nana no auanei e lawe aku i na haawe luuluu mai a'u aku e hoomaikaiia ka inoa o Iehova ame Iesu ame ka Uhane Hemolele Amene.

            Owau iho no me ka naau luuluu o ke aloha kane,

MRS. E. N, W, M. KAOHELAULII

            Aperila 20, 1922.

_______________________________________

 

MOOLELO AHAHUI KULA SABATI O MAUI, MOLOKAI AME LANAI

___________________

 

            Ua malamaia he hapalua hora haipule no na hana a ka aha.  O na alakai, Rev. J. P. Inaina, Rev. M. M. Kahiapo, i noho hoomaluia e ka Peresidena J. W. Kalua, poolelo, aia ma Mataio 5:12.  I ka hora 10 a.m. ponoi ua noho ka Aha Kula Sabati o na Mokupuni o Maui, Molokai me Lauai ma ka luakini o Waikapu, Maui, 1922.

            Peresidena J. W. Kalua ma ka noho, a hoomaka na hana me ka himeni L. H. 116 ame ka pule a Rev. J. P. Inaina. Hoomaopopoia ka nui o na lala, i hiki mai, ma o ke kahea ana la a ke kakauolelo; huina, 24.

            Mamua ae o ka nee ana o na hana imua, ua waiho mai o R. K. K. Nawahine he noi, e lilo na lala o na aha a me ame kekahi mau maku, oia o Mr. ame Mrs. Kahokuoluna, i mau hoa kuka no keia aha kokua a hooholo loa ia elike me ia.

            Kohoia na komite kumau o ka aha.  Na ka peresidena i ka inoa o na komite like ole.  Komite o na hookohu, M. P. Waiwaiole, R. J. K. Nawahine ame M. M Kahiapo; komite o na hana hou, R. J. K. Nawahine W. E. Saffrey ame M. M. Kahiapo; komite o na hoike Kahu Kula Sabati Nui, Rev Moses M. Kahiapo, Rev. J. P. Inaina ame Rev. J. F. Welch; komite o na hoike papahelu, a na Kahu Kula Sabati Apana, R. J. K. Nawahine, W. E. Saffrey ame Rev. J. S. Poepoe; komite o na hoike elele ame hoeueu, Rev. I. D. Iaea, M. P. Waiwaiole ame John Kukahiko; komite o na palapala hopii, Rev. J. P. Inaina, Mrs. Annie Mitchell ame Mrs. Mary Waiwaiole; komite imi hana, R. J. K. Nawahine, M. P. Waiwaiole ame Rev. Moses M. Kahiapo; komite pa'i, peresidena ame kakauolelo.

            Na ka peresidena e kauoha i na K. K. S. Apana ame elele e waiho ae i ko lakou mau hookohu i na komite.  Aole hana imua o ka hale i makaukau.

            Na ka peresidena, e kauoha ana i ke kakauolelo, e heluheluia ka moolelo a ke komite hooko i malama ai, ma Wailuku, Maraki, 1922, hora 10 a.m. Ua heluheluia.  Eia na mea i hooholoia ma ua halawai la:

            E hoololi ana i ka rula 42, ma ka paku'i ana mai, penei: Ame na Kahu Kula Sabati Nui, o lakou kekahi mau lala o ke komite hooko.  Ua pau na buke rula ame kumukanawai, ua hooholoia e pa'i hou ia i 300 buke ka nui, o na hoolilo he $15, a e kuaiia aku keia mau buke i na lala no $.25 pakahi, a e loaa no i ka poe makemake ke ninau i ka puuku, Rev. L. B. Kumeheiwa.  Ua aponoia ka moolelo.

            Na R. J. K. Nawahine he noi e kapaeia na rula; ua aponoia. Nana no i ka hoike komite a ke komite o na hana hou, penei: E malama mau ia ka hana lulu dala i kela ame keia wa o ka halawai hana ame haipule.  Koho ana i kakauleta i ka paeaina, ma Honolulu, a pela hoi me na lilo.  Ka papa Kula Sabati o Maui i ka paeaina.  Na lilo o ke kakauolelo ame peresidena i keia aha.  Ka Buke Ka Hoaloha.  Ke ola o na Kula Sabati i ka Paeaina.  Hoike a ke komite hoeueu nui a keia aha.  Ka lilo o ka peresidena i ka Aha Paeaina.

            Ia manawa pu ua waiho mai o R. J. K. Nawahine i ka hoike a ke komite imi hana, penei: Ke koho ana i na Kahu Kula Sabati Nui ame na hope; kahi ame ka manawa e noho hou ai keia aha.

            Hoomaka ka hana o ka aha ma ka hoike a na Kahu Kula Sabati Nui.

            Na Mrs. Annie Mitchell i ko Makawao Akau; na Miss Hachae Kukahiko i ko Makawao Hema; na R. J. K. Nawahine i ko Maui Waena; na W. E. Saffrey i ko Maui Komohana; na J. W. Kawaakoa i ko Maui Hikina; na ke kaukauolelo i ko Molokai.

            O keia mau hoike apau ua holo i ka lima o ke komite.

            Aole hoike K. K. S. Nui i koe, ua nee aku na hana i ka hoike papahelu a na Kahu Kula Sabati Apana.

            Na M. P. Waiwaiole i ko Kaahumanu me $1; na Mrs. Daisy Kalaaupa i ko Paia me $1; na Mrs. Kalua Mills i ko Haliimaile me $1; na Moses Panui i ko Paihiihi.

            Na R. J. K. Nawahine he noi e kapaeia na rula, ua aponoia; a nana no i ka hoike a ko komite o na hookohu K. K. S. Apana ame Elele:  huina 11, hookohu K. K. S. Apana 14, hookohu elele, ma ke ano nui, ua apono kou komite i keia mau hookohu apau.

            Hoi hou ka hale ma na hoike o na K. K. S. Apana. Na Mrs. Deborah A Kaholokula i ko Kalanikahuahou me $1; na Mrs. Ulualoha Keliiaa i ko Keawala'i me $1; na Chas. Kaanoi i ko Pupukanioe me $1; na Dibble Ilac i ko Kaluaaha me $1 na ke kakauolelo i ko Wainee.

            Aole hoike papahelu i makaukau, nolaila ua holo aku keia mau hoike apau iloko o ka lima o ke komite.

            Nee ka hale ma na hoike elele ame hoeueu.  Na Mrs. Mary Waiwaiole i ko Kaahumanu; na Mrs. Hazel K. Kaholokai i ko Waihee; Na Mrs. Hana Kalino i ko Kahuluil na Mrs. Rose Milikaa i ko Paia; na Daniel K. Kapoo i ko Haliimaile, na Mrs. Keaniani Kaupalolo i ko Kalanikahuohou, na Frank Poepoe i ko Keawala'i; na Mrs. La'ikealoha Kauwenaole i ko Wainee, na Sarah Kekoa i ko Pupukanioe, Kamalo; na Mrs. Rachel Papalimu i ko Kaluaaha, na Mrs. Ella Kaulili i ko Waialua ame Honuli Huiia, na G. W. Maioho i ko Kihei; na ke kakauolelo i ko Paihiihi.  Ua waihoia mai na hoike apau me $2.00.

            Aole hoike elele i koe i makaukau, ua holo aku keia mau hoike i ka lima o ke komite, a nee ka hale i ka hoike a na komite hoeueu.

            Na Moses M. Kahiapo, komite hoeueu nui i kana hoike o na Kula Sabati apuni ke Kalani o Maui.  Na John Kukahiko, i ko Makawao Akau; na Mrs. Lily Kalepa, i ko Maui Komohana; na Mrs. Kiha Ah Leong, i ko Molokai Nui a Hina.

            Aole komite hoeueu i makaukau i keia manawa, ua holo aku keia mau hoike ma ka lima o ke komite. 

            No ka pau e o ka manawa, ua hapaia ka hana lulu dala, loaa $1.50.  Hoopanee a noho hou ma ka hora 2. p.m., me ka himeni L. H., 153 ame ka pule a George W. Maioho.

            Noho hou ka aha ma ka hora 2. p.m., elike me ia i hoopaneeia Peresidena J. W. Kalua ma ka noho hoomaka me ka himeni L. H. 46 ame ka pule a M. P. Waiwaiole.

            Hapaiia ka noonoo ana i na kumuhana a ke komite o na hana hou e hoomaka ana ma ke kumuhana 2, oiai ua hooko ka aha i ke kumuhana 1, ma ka halawai kakahiaka.

            Kumuhana 2 - Koho ana i kakauleta i ka paeaina, ame kona lilo.  Na L. A. Kanae, ia E. M. Kapoo ame $20.00 no kona lilo kaahele, kokuaia a hooholo loa ia elike me ia.

            Kumuhana 3 - Ka Papa Kula Sabati, o Maui i ka Aha Paeaina.  Oiai ma ke kau o Sepatemaba 1921, ma Wainee, Lahaina, ua hooholoia keia kumuhana, elike me ia i hoolahaia ai ma ka Nupepe Kuokoa.

            Ua hoopanee ia ke kumuhana 4, a mamua o ka hookuu loa ana o na hana o ka aha, ma ke noi la a Rev. J. F. Welch.  Ua apono loa ia.

            Kumuhana 5. - Ka Buke Ka Hoaloha.  Na Rev. J. F. Welch, he noi e hoomoe ka noonoo ana i keia kumuhana a hoea mai kekahi lala, o ka Papa Hawaii.  Kokua a hooholo loa ia elike me ka noi.

            Kumuhana 6, - Hoomaopopo ana o na K. S. i ke ola i ka Paeaina.  Na R. J. K. Nawahine, i $5.00 ka haawina ola, o kela ame keia Kula Sabati i ka Paeaina.  Kokua a hooholo loa ia pela.

            Kumuhana 7. - Ua pau ma na hora kakahiaka, o ka halawai hana a ka Aha.

            Kumuhana 8. - Ke alahele o ka peresidena i ka Paeaina.  Na Mrs. Daisy Kalaaupa, he noi i $20.00 Kokua a hooholo loa ia elike me ia.

            Kumuhana 9. - Koho ana i na luna nui o keia aha.  Na R. J. K. Nawahine, e hoomoe ka noonoo ana i keia kumuhana a noonoo pu ia ma ka manawa o ke kumuhana 4, i hoomoeia ai.  Kokua a hooholo loa ia.

            Nee ka hale maluna o ka hoike a ke Komite Imi hana.  Eia na kumuhana: 1, koho ana i na Kahu Kula Sabati Nui ame hope.  Hoomaka ma Makawao Akau.

            Na Moses Panui, i ka inoa o Mrs. Annie Mitchell, i K. K. S. Nui no Makawao Akau.  Ua aponoia.  Na L. A. Kanae, ia Mrs. Keaniani Kaupalolo, i Hope K. K. S. Nui.  Ua apono ia.

            Makawao Hema, Na Mrs. Ulualoha Keliiaa, i ka inoa o Miss Ha'eha'e Kukahiko, i K. K. S. Nui, hookahi baloka nona.  Na R. J. K. Nawahine, i ka inoa o Mrs. E. N. Pake, i hope K. K. S. Nui, hookahi baloka nona mai ke K. K. O. aku.

            Maui Waena, Na M. P. Waiwaiole, i ka inoa o R. J. K. Nawahine i K. K. S. Nui.  Ua aponoia me hookahi baloka mai ke K. K. O. aku.

            Na R. J. K. Nawahine, i ka inoa o Rev. L. B. Kaumeheiwa, i hope K. K. S. Nui.  Ua aponoia, me hookahi baloka mai ke K. K. O. aku.

            Maui Komohana, Na Mrs. Laikealoha Kauwenaole, i ka inoa o W. E. Saffery, i K. K. S. Nui.  Ua aponoia me hookahi baloka, mai ke K. K. O. aku.

            Na M. P. Waiwaiole i ka inoa o Mrs. Lily Kalepa i hope K. K. S. Nui.  Ua aponoia me hookahi baloka mai ke K. K. O. aku.

            Mamuli o ka pau e ana o ka manawa ua hoopanee ka aha, a noho ma ka la 31 o Maraki, A. D. 1922, hora 1.00 me ka himeni 27, L. H., ame ka pule a J. P. Inaina.

(Aole i pau.)

________________________________________________________________

 

HOOLAHA

_____

 

MA KEIA KE HAAWIIA AKU NEI KA HOOLAHA, O KA LA NO KA PAU ANA O KA HOOKOMO ANA I NA PALAPALA NOI AINA O KALAMAULA, MOLOKAI, MALALO O KE KANAWAI HOME HAWAII, UA HOOLOIHIIA AKU AHIKI I KA LA 15 O MEI, 1922.  KOMISINA O NA HOME HAWAII

 

Ma o GEO P. COOKE

 

Luna Oihana Hooko me Kakauolelo

________________________________________________________________

 

HOOLAHA

_____

 

            I ka Poe e Nana Mai ana i Keia:

            Ua komo ae nei na mea no laua na inoa malalo iho nei, ma ka la o Aperila, 1922, ma kekahi hoahui malalo o na kanawai o ke Teritore o Hawaii, a e ikeia a e kapaia ma ka inoa o SMITH & WILD, no ka lawelawe ana i ka oihana ma ke ano he mau loio ma ke kanawai.  O kahi o ka hui i oleloia o ia ka Helu 210, Hale McCandless, Honolulu, T. H.

ARTHUR G. SMITH,

Wahi Noho, 3111 Alanui Daimana Hila;

                       

URBAN E. WILD,

Wahi Noho, Kalapu University, Honolulu

6502 - Mei 4, 11

________________________________________________________________

 

Ka Pila

            GRAFONOLA

            COLUMBIA

Maopopo ka Wa e Pau ai

            Na ka mea hoopaa nona iho e makaala ia mea hou.  Ua hiki ia oe ke hulahula ahiki i ka huaolelo hope loa.

Uku Liilii ke Makemakeia

 

Thayer Piano Co.,

LIMITED.

143-150 Alanui Hekele

________________________________________________________________

 

HOOLAHA O KE KUAI O NA HOOLI@@ALIMA AUPUNI LAULA

_________

            Ma keia @e haawiia aku nei he hoolaha akea ma ka hora 10:00 a.m., Poaha, Iune 1, 1922, ma ka puka mamua o ka Hale Kapitala, Honolulu, T. H., malaila e kuai hooliloia aku ai i ka mea koho kiekie loa, malalo o na manao o ka Pauku 73 o ke Kanawai Kumu o Hawaii ame ka Pauku 380 o na Kanawai Hooponopono Hou ia o Hawaii o 1915, ka Hoolimalima Laula o na apana Aina Aupuni malalo iho nei penei;

            (1) Mahele o ka Aina Aupuni maloko o Waiahole, kela mau hapa o na Apana 1, 2, 3, ame 4, na Home Hookuonoono o Waiahole, Koolaupoko, Oahu, nona ka iliaina o 45.80 eka, oi aku a emi mai paha; manawa hoolimalima, 10 makahiki mai Iune 1, 1922 aku; uku hoolimalima haahaa, $453.00 no ka makahiki, e uku hapa-makahiki mua ia.  He aina keia i kupono no ke kanu ana i ka halakahiki, a ua waele a palauia i keia wa.

            (2) Mahele o ka Aina Aupuni maloko o Kuliouou, Oahu, i kupono no ka hanai holoholona, nona ka iliaina o 169 eka, oi aku a emi mai paha; manawa hoolimalima, 15 makahiki mai Iune 1, 1922 aku; uku hoolimalima haahaa, $85.00 no ka makahiki, e uku hapa-makahiki mua ia.

            E koiia no ka mea kuai mai i keia hoolimalima, e waiho ae me ka Komisina o na Aina Aupuni, mamua o ka hooko a haawiia ana aku o ka hoolimalima i oleloia, a iloko o kanakolu la mahope iho o ka la o ke kuaiia ana, i bona lawa kupono nona ka huina o $250.00 me na hope i aponoia e ke Komisina o na Aina Aupuni, i hoopaaia no ka hooko pono ia o na kulana ame na aelike i paa maloko o ka hoolimalima i oleloia.

            O keia hoolimalima, e komo ana he pauku e kauoha ana i ka mea paa hoolimalima e hana hou i ka pa ma ka lihi o na Aina i hookaawaleia no na Ululaau o Kuliouou a e malama ia mea, ma ke ano e paa ai na holoholona a pau ka manawa o ka hoolimalima i oleloia.

            E uku koke ka mea kuai mai mahope o ka lilo ana, i ka uku hoolimalima o na mahina mua eono, hui pu me na hoolilo o ka hoolaha ana ame na kaki e ae i pili i ka homakaukau ana i ka hoolimalima i oleloia.

            O ke kuai o na Hoolimalima Laula maluna ae, ua kaa malalo o na manao ame na kulana o ka Hoolimalima Aupuni Laula i hoopukaia e ke keena o ke Komisina o na Aina Aupuni.

            O na kii palapala aina o na aina e hoolimalimaia aku ana me ka ano o ka Hoolimalima Aupuni Laula, eia ke waiho nei ma kahi waiho o na palapala, a e ikeia no ma ke keena o ke Komisina o na Aina Aupuni, Hale Kapitala, Honolulu, T. H.

            No ka hoakaka laula, e ninau ma ke keena o@e Komisina o na Aina Aupuni, Hale Kapitala, Honolulu, T.H.

 

C. T. Bailey,

Komisina o na Aina Aupuni.

Honolulu, T. H., Mei 2, 1922.

6502 - Mei 4, 11.

________________________________________________________________

TERITORE O HAWAII.

_______

Keena o ka Puuku, Honolulu, Oahu.

            Ma ka hana e hoopau ana i ka Waipahu Land Company, Limited.

            OIAI, o ka WAIPAHU LAND COMPANY, LIMITED, he hui ia i kulukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana, mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena mamua ae o ka la 10 o Iune, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ola ia aku ai ka palapala noi i oleloia.

A. LEWIS, JR.,

Puuku, Teritore o Hawaii.

Honolulu Aperila 3, 1922

6498 - Apr. 7, 14, 21, 28; Mei 5, 12, 19, 26; Iune 2, 9.

________________________________________________________________

 

HALE UWI WAIU

 

--o--

 

MAPULEHU

 

PUKOO, MOLOKAI

 

E Hooholo ana i ka

MOKUKUNA GESOLINA

 

LELEIONA

 

Mawaena o na awa o Honolulu me Molokai

 

_____

 

Geo. P. Cooke,

Ona.

 

 

Poe Lawe Hau me Waiu

 

________________________________________________________________

 

NA PA, NOHO, PAKAUKAU AME

NA HALELOLE no ka Hoolimalima

LUAU                                                                                                                                                             LUAU

PEOPLEʻS HARDWARE STORE

453 Alanui Moi Akau, Kokoke i Palama Settlement.

KELEPONA 2670.

________________________________________________________________

 

CITY MILL CO.

KEKAHI O NA HUI KAHIKO LOA MA HONOLULU NEI

 

            Poe kuai Papa, Pilihale, na iako Paipu, na Laau Puka Aniani me Panipuka, iako Pili Hae; na mea no apau no ka home ma ke kumukuai oluolu loa.

           

            Kukula makou i na hale ma ka uku liilii ana, me na hookaa liilii

 

O KA OI LOA AKU NO KA POE HOOKUONOONO

 

Mai Poina --- Hele Mai Ia Makou

Kihi o na Alanui Meiwahine me Kekaulike.  Honolulu, T. M.

________________________________________________________________

 

T. O. MURATA

            FURNITURE STORE

 

(Na noho hoolimalima me lako pamaanei.)

Na Lako Halo Hou me Kahiko.

            Hoolimalima me Kuai Hoolilo.

715 Alanui Hema, Honolulu, T.H. Kelepona 1685

________________________________________________________________

 

            He Apana Aina a he Home Anei Kekahi Ou, i Makemake Ai e Hoolilo no Kekahi Kumukuai Kupono?

_____

 

E HAAWI MAI NAʻU E KUAI HOOLILO NOU.

_____

 

He nui ka poe i haawi mai i ka lakou kauoha ia'u no ka makemake i home no lakou, a eia lakou ke kali nei.

______

 

FRED K. MAKINO

KELEPONA 3052

 

Keena Pa'i o ka Hawaii Hechi Alanui Moiwahine.

 

Mawaena o na Alanui Kaahumanu ame Nuuanu

________________________________________________________________

Mau Apana Aina Kuai

_______

 

CHOICE LOTS NEAR END OF KAIMUKI CAR LINE:

_______

 

$375 - Lot 50x100, Noeau ave., nr. 15th; $20 down, $10 per month

 

$750 - Lot 75x150, 16th ave., just above Leahi ave,; $50 down, $20 per month.

 

$500 - Lots 50x150 on 15th and on 16th aves., respectively; $25 down, $10 per month

_______

KALIHI

 

$675 - Lot 45x138, 6245 sq. ft., Myers St.; $25 down, $10 per month.

 

$525 - Lot 45x117, 5277 sq. ft.; $20 down; $10 per month.

 

$500 - Lot 50x100, Kalihi; $20 down, $10 per month.

 

_______

 

PAULO KALAUKA

(P. E. R. STRAUCH)

 

Alanui Moi, Helu 74, Mawaena o na Alanui Papu ame Betela.

________________________________________________________________

 

PAPA

NA LAKO

KUKULU

HALE

 

 

No ka hoahu ana i kou wai ma na Pahu Wai Papa Ulaula o 5000 a 10000 Galani.

 

E hoolakoia aku no na kumukuai ame na hoakaka ia oe ke noi mai.

 

 

ALLEN & ROBINSON, LTD.

 

HONOLULU, T. H.

________________________________________________________________

 

Honolulu Planing Mill,

LIMITED

____

 

POE HANA I NA PUKA LAAU ANIANI, LAAU HALE, OLEPELEPE, MOLINA, WAHI KAU.

____

 

ALANUI PAPU, ESPLANADE

________________________________________________________________

 

KA VICTROLA

 

Ka Meakani Mele Kilakila - he meakani e pono e loaa ma kou home.  Kauoha mai i na buke hoakaka o na Pahuolelo ame na Papa Leo Mele,

 

NA PIANO PAANI

NA ROLA PAANI

NA PEPA MELE HOU

NA PILA AHA

 

ame na mea apau pili i na mele.

_______

 

Bergstrom Music Co.

1020 Alanui Papu                                                                   Honolulu                    

________________________________________________________________

 

Kakela & Kuke

 

(KAUPALENAIA)

 

____

 

Poe Kalepa ma ke Komisina

 

--A HE--

 

Poe Agena no na Mahiko Lehulehu

________________________________________________________________

 

He Pahuolelo Victrola Anei Kau ma ka Home?

___

 

Ke kuai nei makou i na ano like ole o keia mau mikini mai ke $25 a pii aku.  Maanei e loaa ai na Papa Leo Mele hou, na Mele Olelo ame na Pepa Leo Mele. Ma ke ano nui, NOU MAKOU MA NA MEA PILI MELE.

___

 

Hawaii Sales Co., Ltd.

Nuuanu, kokoke i ke Alanui Moi.

________________________________________________________________

 

Keena Hawaii

NO NA

 

Lako Hana Mahiko

_____

 

Hapuku Kila Oliver

Chilled ame na Palau

Na Katapila Cleveland

Na Katapila Fordson

Na Kaa Kalaka White

Na Kaa Kalaka Federal

Na Kaa Kalaka Ford

Na Hana Pili Amala

_____

 

HANA I NA KINO O NA KAA UKANA ME KALAKA ME KA HANA HOU ANA

_____

 

Schuman

Carriage Co., Ltd.

_____

 

Na Paionia o na Hana @@@@@@ o Hawaii Nei

________________________________________________________________

 

Nupepa Kuokoa

_____

 

No ka Makahiki (one year)….$2.50

O na Dala ame na Hoolaha apau e hoouna pololei mai i ka ADVERTISER PUBLISHING CO., LTD., wale no, P. O. Box 208, Honolulu, T. H.

217 Alanui Moi, ma Waikiki o ke Alanui Alakea; ka Nupepa Advertiser. 

Entered at the Post Office at Honolulu, T. H., as Second Class Master

 

SOLOMON HANOHANO, Luna hooponopono

CHARLES S. CRANE, Luna Nui

________________________________________________________________