Ka Nupepa Kuokoa, Volume LXI, Number 19, 11 Mei 1922 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ike Pono I Na Liholiho Kai,, Na Pali Na Kualoono Ame Na Kuahiwi Uliuli Nani O Oahu

(Na Kaula E J. K. Mokumaia. )

 

Ma Solomon ahonui:- E oluolu @A @ ina he rumi kkahi o kuu @kui Malamalama, no ka pono @ @a huakai holopuni, maluna o @ kai hanupanupa a ka ihu mio@ @ @ oka S.S. Kileuea, nana i hehi @ @iho i ke kapu a kela alii nui @ @  moana e moe malie ana Ka m@ alii, laua me Kaahupahau, a ke @ na kilakila ke ku mai, nana i @awai na ki e hoonee ai i ua manu @ aukai nei o ke ku no hoi a ke kanaka u'i ha'i malule wale mai  @ a ale e hoonioni ana i ke kika@ ua nene aukai nei, ka mea i @ Capt. Louis Self. 

 

@ kala mai, ua mioi loa aku imua @ hoihoi pono ana ae i keia mau @ puuwai ana, aia au ke kuu@ la i ka holo o ko'u kaa, mai @ lomo mai, o kela kilohi a o @ @lohi, aia ka pono a loaa ae @ kuleana kaahele i hiki @ @ @ @ @ @wapo H@la 14

 

@ hele ia la a luhiehu i na ledo@ na keonimana, ka poe o holo @ e ka poe no hoi e makaikai @ a o ka hora 6:45 a. m., @ kou meakakau nei i hiki @ ai iluna o ua nene aukai nei, @ @oi mua ia mai ana ko'u kikiki, @ ka loaa ana mai o kou aeia e @u.

 

Aia mau no hoi ka poi i kamaa @a i kou kiu nei, i na inoa like @ apau, e loaa he mea e akaakaia @ ai, a oiai, ke nee nei ka mana wa imua ke kilohi la au iluna o ka @eki o ua u'i aukai nei, ua hele @ la a ohuohu i na lede makaona@ @ a pela no hoi me na keonimapa, o ia ano like no, a hui iho la me ka mea Hanohanoka Ilamuku Amerika Mr. Oscar P. Cox, ame @ mea Hanohano Senatoa Wm. K @l@ ame Mr. Chas Lake

@a nui maoli ka hauoli o keia @ ana, aia makou ke nana la i na ohua i ka pii mai iluna o kamoku. a i ke kani ana, ae i ka horae @ a. m., i kani ae ai ke oeoe @ ua nene aukai nei, ekolu manawa, oiai ua kapena maikai nei e @i mai ana, me ka hanohano ame ke kani ku'ilua ana o ka bele, i hemo mai ai na laina, aia ua nene aukai nei ke emi hope nei me ka maikai oiai ua hele ia la a ohuohu maimua mai o ka moku ahiki ihope.

Aia na ani hinaka ana ke pulelo la i ka makani a hui iho la kou k@ nei me ka mea Hanohano Chas. Akau. oiai na mea apau e oni ana imua a ihope, i hoi pono ae ai ka ihu miomio o ua wahi nene aukai nei, a i ke kupono ana i ka nuku o Malama, i hemo pau ai na ki, o ka manawa ia o na mea apau e haawi ana i na kilohi ana i ke kulanakauhale alii ame na owawa, na kualono am na kuahiwi. 

Oiai o kekahi ia o na kakahiaka maikai loa, ua ahuwale na pae mauna, a i ke kaalo ana ae o ka hale ipukukui a loaa aku kahi boe apiki, ke oni mau nei ua nene nei, imua a e kani o mai ana ka boe bele, ke nee hope ae la o Kalia, aia hoi o Waikiki anuanu au, ke moe maikai ae la, oiai ua hoihoi ia mai ua nene aukai nei a kokoke i ke poi'na nalu, a nolailia ua la pono maoli ka ike ana, aia no hoi o Kaimana HIla ke kau hoola'i mai la me kona nani nui, a ka maka ke nana aku

 

(Aole i Pau.)

 

WAEIA AE I LUNAKANAWAI KAAPUNI NO WMAUI.

I klike me ka lono o ka loaa ana ae mai Wakinekona mai o Daniel H. Case, he loio no ke ka lana o Maui, oia ka peresidena Harding kanaka o ka wae ana mai  la i lunakanawai kaapuni no ka mahele hookolokolo kaapuni elua o Maui, no ke pani ana ma kahi O lunakanawai Leslie L. Burr i pau kona manawa ma ka la 7 o Maraki i hala.  Na ka peresidena mua Wilson i hookohu mai ia ' Lunakanawai Leslie L . Burr i lunakanawai kaapuni no Maui ma ka la 7 Maraki o ka 1918.  Ua pau kono manawa, ua paa mai no nae oia ia kulana ahiki i ka hookohuia ana mai o kona pani.

Ua hoea mai o Daniel H. Case i Hawaii nei mai Kansas mai i ku 1896, a no na makahiki eono kona noho ana maloko nei o Honolulu mamua o kona uee ana aku a noho maloko o ke kalana o Maui. Oia kekahi hoa o ke komisina Hawaii i holo ai i Wakinekona i ka 1906 no ke noi ana aku i ke aupuni federala no ka hoolilo ana i kekahi mau dala or ke aupuni makua ma Hawaii nei, o kekakhi mau hoa e ae oia o W. O. Kamika J. R. Galt ame George W. Smith . M ka manawa a Mr. Case e noho ana ma HOnolulu nei oia ke kahi o ka hoahui o ka hui a Case & Delavergen. I ka kanawa i hookahuaia ai ke aupuni kalana ma na mokupuni like ole o Hawaii ua kohoia o Case i loio kalana no Maui I ka 1905, mahope mai ua koho mau ia oia ma ia kulana, me ka paa ana ia kulana ahiki i ka 1914, a mai ia manawa mai konoa hana ana ma ke ano hoomaamaa kanawai ma Wailuku a oia no hoi kekahi o na lio koikoi ma ke kalana o Maui. He kaikaina or MRs. Case no Mrs. Chas, H. Atherton. Pencika lono kelekalapa o ka loaa ana lae e hoakka ana no ko Case hoaponoia ana:

WAKINEKONA May 8.-Ua waeia o Daniel H. Sase o Wailuku i keia la e ka Peresidena Harding ma ke ano oia ka lunakanawai kaapuni o ka aha kaapuni elua, o kaapuni o ke aha kaapuni elua, o ke teritore o Hawaii. Ua hoounaia aku ka inoa o Mr. Case i ke senate no ke aponoia ana mai.

KOHOKOHO NO KA WAELE ANA I KA AINA MA KALAMAULA, MOKUPUNI O MOLOKAI AME KE KUAI ANA I KA WAHIE.

            O na kohokoho i Silaia, no ka waele ana i na eka, he 33.99 o ka aina ma Kalamaula, Mokupuni o Molokai, a no ke kuai lilo ana i ka wahie e ulu nei i keia wa mauna o ka aina i oleoia, e waihoia ae no ma ke Keena o ke Komisina na Home Hawaii, ahiki i ka POahi, Mei 22, 1922.

KOMISINA O NA HOME HAWAII.

Ma o GEO. P. COOKE.

Luna Mana Hooko âme kakauolelo. Hanaia ma Honolulu, Mei 3, 1922, 1502-Mei 4.11.18.

 

Picture:

Ke kii Maluna no ke Kapena LOuis Self ia o ka S. S. Kilauea, ma ka huakai kaapuni ia Oahu nei.. Malalo iho mai ka hema mai, o Senatoa Wm. J. Coelho, ka Hamuku Oscar P. Cox, Mr. Chas. Lake, ame Mr. J . K. Mokumaia.

 

KUU KANE ALOHA HAALILIO KAIWI MANALUA UA HALA

 

Mr. Lu nahopnopono o ka Nupepa kuol@koa, Aloha oe:- E oluolu mai kou a honui ame kou lokomaikai, e hookipa aku makakahi kaawale o ka @ oneki o ka hiwahiwa a a ka lahui @ ke poomanao e kau ae la maluna.

Elike me ka olapa ana a ka uwila pamalo, pela iho la no ka niau palanehe ana o ka uhane o kuu kane aloha a waiho iho la i ke kino lepo. Na'u ame ka ohana e hooponopono aku. Aloha wale kuukane, ku@ makua a kuu hoa pilililoi o keia ola honua aua. Ua pau, ua malo, aole loa au e ike hou ana i ka helehelena o kuu kane aloha. O ke alahele an i hele aku la, he alahele loaa ia, ia'u ke huli aku. Auwe no hoi kuu kane aloha e!

Ma ka hora 12 o ka po o ka Poakahi. Aperila 11, 1922 i kii mai ai ka anela o ka make, i ka hanu ola ao kuu kane aloha, a lawe aku la, ai haalele iho la ia'u kana wahine, @ kanikau kumakena aku nona ma @keia ao inea i piha i na popilikia @he nui.

He mea nui au kana wahine iaia, aole i h@mahema ka noho ana ma na ano apau, e hoomanawanui ana, ma ka hooikaika ana i na hana e pono ai ka noho ana, a na ia nawaliwali o kona ola kino i hoopau okoa ae i kona hele ana i ka hana ahiki wa e no i kona moe ana aku la no ka wa mau loa.

Auwe kuu kane hoomauawanuie! Kuu makua, kuu hoa pili, eia ka iloko o ka nanea ame ka palaka, pela @h@ la, oe e haalele hookahi mai ai la'u, e hoomanao mau aku noua.

Aloha wale ko leo i ka pane ana mai:  "{E mama, e ala kaua e ai}" me ka @anao ne he pono keia,-eia ka aole; no ka mea aole i makaukau ka ai o ka haalele mai la no ia o kuu kane ia'u. Ua piha ia maua na, makahiki elima m e elua la o ka noho mare, ana iloko o ke apo a ke aloha.

He kupa a he kamaaina no ka lepo aloha kuu kane no kamoiliili, aloha wale ke hoomanao ae i na wahi apau a maua e pili ai.

Ua hanauia o Haalilio Kaiwi Manalua, mai ka puhaka mai o Kukuli @(w) kaiwi Manalua (k) i Aperila 11, 1869, ua piha iaia he 52 makahiki o ke ola ana, a hoi aku la @ka lepo i, i ka lepo a o ka uhane i ka mea nana i hana.

Ua waiho iho oia mahope nei, hookahi, keikikane me kana wahine mua, hookahi moopuna kane ame hookahi kaikamahine hanai me ka na wahine elua.

Owau ka ekolu o kana mau wahine, he mau kaikuaana  ekolu kona e ola nei.  Aloha ino-kuu kane, aole oe e ike hou ana i na wahi apau  ana i hele ai.

Aia aku nei paha oe i Waialae, i ka lawai'a upapalu , aloha no ia wahi a kuu kane e hele ai. E Kahala e, ua ike mai nei paha oe i kuu kame i nalo iho nei. E Kalawai, ua halawai iho nei au me ka i'a @makaole o ke kai o ia ka'u i happa iho nei, aole kuu kane aloha. E Keeauau e, aole loa o Haalilio e hehi hou ana i ko oukou mau a ekai, ua pau, ua nalo no ka manawa mau loa.

Ke haawai aku nei au i ka'u mau hoomaikai he nui i na makamaka ame na hoaloha ame ka ohana no apau, i ala pu me a'u no ke ku kiai ana i ke kino wailua o kuu kane aloha pela hoi na makana boke ua, i haawiia mai no ka hoohiwahiwa ana iho maluna o keona kino wailua e na lahui like ole.

Ke kalokalo ae nei au i na manalani, na ke Akua i piha i ke aloha ame ka lokomaikai, e hookau mai maluna o oukou apau, 'i na hoopomaikai he nui mailuna mai, a Nanaano iloko o Kona lolokaimkai palena ole e lawe aku i na kaumaha @me na luuluu mai ia kakou aku. Me na keiki oniu hua metala o ka Nupepa Kuokoa ko'u welina pau ole. Owau iho no ileko o ke kaumaha ame ka luuluu no kuu kane heleloa.

MRS. ABIGAILA HAALILIO, Kamoiliili, Honolulu.

@ANKOW, May 8.  O ke alanui kaa@ahi mawaena o Pekini ame Hankow ua okiia i keia la. Ua hoikeia mai he lono o Chao Ti, ke kialaina o ka oihana koa a ka Okana aina o Honan, ua hoomaka mai la kona lee kaua ana i na puali ko a w Wu-Pei_fu.

 

O IA MAU NO NA KUHINA O KOLOA

Holomua ha hana ma Waimea no ke kukulu ana, i ka hui Hawaiian Civic Club, nui na kane ame na wahine i hoopaa aku i ko lakou mau inoa, no ka lilo ana i mau lala no keia hui hou.

Maikai no hoi na olelo paipai, mai ka kunahoomalu mai, MR. W. O. Crowell, a pela no hoi mai na lala mai, malaila pu ae ka Ahahui Kaumualii, Ahahui Kaahumanu ame ka Ahahui Aloha, he 200 a oi na lala o keia ahahui hou i komo mai.

Malaila pu ae ke mea Hanohano Eddie Fernandez o Honolulu, a mai iaia mai kekahi mau olelo paipai maikai loa, ua malamaia na hana me ka maikai ahiki i ka pau ana. O kekahi keia o na la maka kanaka nui i ikeia ma Waimea. 

Oiai ua hele mai kela ame keia mai kela pe'a a keia pe'a o ka aina maikai no hoi ke anaina pule, maholo o ke alakai ana a Mr. J. K. Lota, kuli'u no hoi a mikomiko na haiolelo mai iaia mai. Maikai no hoi na meaai, puaa laulau ono loli, opihi, i huiia me ka wana, ame ka hee, ame kela mau i'o nenue ono o ka uanoe o koloa, e poina ole ai na kaikamahine, o ka Waiula ame ka Waikea, na wai lemi momona, meaono, kulolo ame ka haupia. Ua ai a lawa, ua inu a kena, i na mea apau i hoomakaukauia e na hoahanau o ka Wailuailiahi o Waimea ame ko lakou poo Mr. W. O. Crowell.

Ma keia la au i halawai hou iho ai me kuuhoaloha maikai, Mr. S. A Amalu, ame kana aliiwahine, o ka halekukui nani o Hawaii nei, no na makahiki elua, o ke kaawale ana, he o ia mau no ka nui nepunepu, ame ke konekonea, o ua kaaka la, i ka hoopulu mau ia e na hunakai o mokuaeae, a hoomanao ae la i keia waie kanaenae:

I alohaia no a o Kauiki

Auana i ke kai me he manu la

Eia mai au a o Momiana,

Ke kuewa hele nei i ke alanui.

E hana paha oe a iwi kani,

A i kani pono ai ke kaula ili,

Manao paha oe a ua nalo,

Ko mea huna i ka maka kuikele,

Ku mai Hailama paa i ka hoe, Kipu lua i ka ili o ke kai.

Eia mai au hapa Ilikini,

Keiki o ka uka lae iaau.

O ka 'u hana ike ia ke pana pua,

Ke ike aku au he ulua oe.

He loa ka imina a ke aloha,

Aloaa i ka ehehu o ke kai,

E hoi kaua ua ahiahi,

Ke noe mai nei pua, O lehua,

Haina ia mai ana ka puana,

Keiki mai au o ka Pikuana.

Ua hoea mai la i Koloa ne o mr. M. K. Mahu Sr. no ka ike ana i ka na ohana keiki mamuli o kona kaawale ana no na makaiki he 20 aoi, ke kaawalo ana mai k aina aku he oia mau no na pua iluna, o ua wahi hulu makua nei i kona huli hoi ana aku no ke kaona ma ka moku o ka la 6 nei. 

Ua haawi ae la kana mau keiki he wahi paina hoolaulea no ko lakou makuakane puaa kalua i'a maka, loli opihi, ua ai no a lawa i na ono i hoomakaukauia e balalama, ame kahi sister oikai kou meakakau e hoonuu ana i ka ono o ka puaa oni ana ka huelo o ka puaa iloko o ka'u pa, na kuu wahi sis no keia mau hana no ke aloha wale mai no kela ano hana, nui ka akaaka a manae ka wiw aono o Sis ame kahi olomana.

Aole malaila iho la pau keia ano hana, aka he wahi paina ma kekahi, mahope iho o ke kai o ka moa ka i hoonuiia mai, mloko o ka'u pa, eia ke kauoha e inu nui oe i keia kai i kau mai kou waiu na ua wahi. Sis piha eu nei no keia nau hana a hu ae la ka aka o na mea apau.

Ua lawa keia mau wahi meahou no ka manawa ke uwe loa mai nei o Peter Liilii i ka ploli uala.

Me ka Lunahooponopono ka mahalo nui, ame na keiki oniu huakepau k awelina pau ole.

O ia mau no,

PETER KAMANO, SR.

KOLOA, KAUAI.

Ua hookaawale mua no ke Komisina he mau eka no kahi e kukuluia aku ai na halekula, ame na halepule o ka poe hele pule e hoi aku ama maluna o keia mau aina. E hookaawaleia aku ana no hoi i kahua paani no na keiki hele kula, a e loaa ana he wahi e kukuluia aku ai i hale halawai no na kanaka.

 

KA BUEO KINAI MAʻI AKEPUA O KA PAPA OLA.

He nui na kanaka Hawaii, e noho mai nei me ka pouliuli loa, no ke keena o ka Buro Kinai Ma'i Akepau o ka Papa Ola, pela me ka hana a kela keena, ma ke ole lo maoli ana ae paha ua noho na aupo maoli na kanaka no ka hana ame ka waiwai o kela keena, i kukuluia ai.

Aole i nele ka lohe ana o kekahi mahele nui o na Hawaii, no keia keena, eia nae aia na noonoo lalau iloko o lakou, me ka manao ana paha, he keena keia, e hoopilikia aku ai ia lakou ma kekahi mau ano lehulehu, ke hele ae malaila a hoike, no ko lakou loohia ana i ka ma'i akepua oiai nae o ka mea oiaio loa, he keena ia, e haawai mai ana i na kokua ana i ka poe i loohia i ka ma'i akepau me ke kau ole ia aku he mau kaki maluna o ka poe apau e hoea ae ana malaila no ko lakou nanaia mai, e na luna oihana oloko o kela buro.

Aole paha he olelo ana no ka poe nui o ka lakou mau loaa, e hiki ana ia lakou ke hele i na kauka, no ka nanaia mai o ko lakou mau kino, i ka wa e loaa ai i ka ma'i akepau, e hiki ana ia lakou ke uku aku i kela mau kauka me ke dalu, pela no hoi ka hiki ana e kuai aku i na lanu e haawina mai ana, aka no ka poe nele, a ilihune elike me ka hapanui o na Hawaii, he hana hiki ole loa ia lakou ke hele i na kauka, no  ka hele mai o ka noho ana.

No ko lakou pono, i kukuluia ae ai kela keena o ka papa ola, no ka hele ana o kela ame keia mea i loaa i ka ma'i akepau, no ka nanaia mai e ke kauka, me ka uku ole, a malaila no e hoolakoia mai ai i na laau, me ka uku ole.

Ka ma'i Akepau

Ke ano e hana ai i ole ai e loaa ia ma'i.

Ke ano e hana ai i ole ai e loaa aku ai ia ha'i.

Iloko o ka wa lahilahi o ke akepau, he hana maalahi ka hoola ana.

Ke waiho a kukonukonu loa he hana, paakiki ka hiki ana e hoola.

He ma'i hiki ia ke paleia.

Aole ia he ma'i kuluma.

O ka mea makaala a hoomaemae, i loaa i ka ma'i akepau aohe hoopilikia wale aku i ka poe e noho pu ana a e hana pu ana me ia. Heaha ke Akepau

 O ke akepau, o ia ka ma'i o ke amemama a o ke kumu mai, ma muli o kekahi anoano liilii, i komo iloko o ke kino ma ka ihu a ma ka waha paha, iloko o ka lepo a mai ka meaai mai paha.

Aole he wahi e ae e loaa mai ai, o keia anoano liilii wale no.

He ma'i hiki walo no ia ke pale ia aku.

He maalahi loa ka hoola ana ke loaa i ka manawa lahilahi.

E pepehi ana ia he hookahi mea iwaena o kela ame keia umi poe make.

Na Hoalina Hoohuoi

Ke kunu mua âme ke kuha i ke kakahiaka, in a no ia he manawa uuku.

Ka nawaliwali me ke emi o ke kaumaha, he kumu hoohuoi ano nui keia, in a no he lahilahi ke kunuana.

Ko kuha i ke koko. Ina e puka mai ke koko, alaila aia he kumu hoohuoi no ke akepau mai.

Ina he fiva ma ka auwina la, no keia ano ma'i mai ia.

Ka eha ma ka umauma, ke kahe o ka hou i ka po, he mau kumu hoohuoi ia.

Ina e ikeia ana keia mau hiona, me ka nana ole, i ka kulana ola maikai, e hele koke i kou kauka, a waiho aku i ke ano o kou pilikia.

He mau kaukani o ka poe akepau i kaa malalo o na lapaau ana i lona ke ola i keia la.

Ka malama ana e loaa ole ai i ke Akepau

Ehoohamama i na puka aniani k kou rumi moe i ka po.

E loaa he manawa hiamoe nui.

E auau wai hu'ihu'i a kawele mai me ka hikiwawe i na kakahiaka apau.

E makaala mau i kou kaumaha e emi mai kou kaumaha hele koke e ike i ke kauka a ninau aku i ke kumu.

Mai lawe i na laau hoohalikelike o na halekuai.

Ina e malama oe i ka kulana ola kino maikai aole hiki i na anoano o ka ma'i akepua ke hoopilikia mai ia oe.

E waiho malie i ka waiona.

Ke loaa oe i ke kunu a i ole emi pu mai paha mai hoopalaleha, o hala auanei ka wa pono no ka hele an e ike i ke kauka.

Ke Ano e Lele Ole ai ke Akepau

Mai ke kuha mai e loaa ai ke akepau.

Mai kuha ma na alanui kauaoao, na papahele a mau kahua paani.

Ina oe e kuha, e kuha iloko o na auwaha, na ipukuha, na paipu aua, o ka oi loa aku iloko o ke ahi.

Ke kunu oe, a kihe paha, e paa i kou hainaka ma ka ihu a waha paha.

Ke makemake oe e nanaia, kou maa akemama, aole nae e hiki ke uku i ke kauka, e hele i ka Buro Kiwai Ma'i Akepau, Papa Ola.

Ke ma'i oe ma ka home, o kahea mai i ke kahuma'i kinai ma'i akepau.

 

MANAO HOALOHALOHA

Mr Hanohano, Lunahooponopono o ka Nuepepa Kuokoa; Aloha kaua:- E oluolu oe e hoolaha mai i wahi manao pokole, no ka'u kane i hala aku oia no o Mr. David Kalapa Puahi.

Kahi I hanauia, ma Kualoa, Koolaupoko, i Feb. 10, makahiki 1875, Na makua MRs. KEoua Puahi, Mr. D. Puahi, kona wahi i hoonaauaoia ai, ma Kaluanui, Hauula.

Maereia me MRs. Kahikina PUahi, Jan 14, 1921 Maeria e Rev. Kamaiopili ma Honolulu.

Make ma ka Halema'i Moiwahine, la 19. Aperila makahiki 1922 i ka hora 9:00 a.m.

Kona kulana, he Kahu Kula Sabati no ka Ekalesia o Kaneohe, i na makahiki i hala aku; kana oihana a haule aku la, he alii paniolo pipi na ka ohana Judd o Kualoa.

Owau iho me ka mahalo

Mrs. K. K. Puahi.

 

O KA LOIO OʻBRIEN KA KA PA PA LOIO O KE APONO ANA.

Ma ka halawai a ka Papa loio Hawaii o ka noho ana maloko o ke kahi o na rumi o ka Bond Exchange, maluna ae o ka Banako o Hawaii, he halawai hoi i akoakoa ae ai he kanalima-kumamalua o na loio o ke kulanakauhale o ka loio opio Ray O' Briend, i noho hana ai mamua maloko o ke keena loio o Peters Smith ka ia kino o ke apono ana ma ke ano i pani ma kahi o ka Luna kanawai John De Bolt e hookohuia mai ana i lunakanawai federla ma kahi o Lunakanawai Horace W. Vaughan i pau kona manawa ma ka oihana ma ka la 4 aku nei o Aperila i hala.

Ma ka manawa o ka waiho inoa ana na ka Lunakanawai Kiekie mua A. G. M. Robertson i waiho ae i ka inoa o Lunakanawai hoomalu mua o Honolulu, a kokuaia mai e Huron K. Ashfor, ka hope loio kula nakauhale.

Na ka Lunakanawai William L. Stanley i waiho ae i ka inoa o Mr. O'Brine a kokuaia mai e Lunakanawai Lightfoot.

he kanalima-kumamalua mau baloka i kohoia he 35 o ia huina loka no O'Brien a he 17 no Lunakanawai Lymer, nolaila haule o Lymer a kohoia o O'Brien, a ma ke noi a Lunakanawai Robertson i aponoia ua hoolokahiia ke koho ana ia O'Brien. O ka mea apiki ma keia koho ana iho la aole na mea no laua na inoa o ka waihoia ana ae i mau moho ma kahi e akoakoa ana o ka halawai a na hoa o ka papa loio; ma kahi e wale no laua kahi i noho ai a mahope iho o ke koho ana i hoikeia aku ai ia laua ka hopena o ia koho ana. Na Lunakanawai Lightfoot ame I. M.  Stainback i hoike aku ia laua no ia mea. Mamua o ke koho ana na Chas. M. Hite i haawi aku i ka baloka i kela ame keia hoa, a mahope iho o ka pau ana o ke koho he mau olelo liilii loa ka i kamailioia e pili ana i ka hoopaa ana i ka moolelo o ia koho ana a ka papa. O ka ka papa loio, keia o ke koho ana a koe ka ke Komite Kuwaena Repualika, e apono ae ana paha ia kino i nei inoa a aole paha.

Mahope iho o keia ua hapaaiia ae kekahi kumuhana e pili ana i ke apono ana a ia kino i kekahi kanapono ana a ia kino i kekahi kanapono ana a ia kino i kekahi kanaka no ke pani ana ae ma ka hakahaka o ka Lunakanawai Lightfoot i pau kona manawa ma ka la hope aku la o Aperila. Na Charles F. Clemons i waiho ae i ka inoa o Harry Steiner no ke kulana lunakanawai hoomalu; na senators. Achi, i waiho ae i ka inoa o Ferdinand J. H. Sachanck; na ka Lunakanawai Stanley i waiho ae i ka inoa, o A. L. C. Atkinson, ka hope loio kuina.

"Aole au he moho e alualu ana no ia kulana," wahi a Atkinson, aole au e lawe ana ia hana in a e haawiia mai ana ia'u.  "He mau mahina lehulehu i hala aku nei o ka inoa o Mr. Atkinson ka i aponoia i pani ma kahi o ka noho lunakanawai kaapuni e hakahaka ana.

Na Mr. Soares he hoakaka no ka loaa ana iaia o ka ike maopopo e waihoia ae ana kona inoa ma ke waihoia ae ana kona inoa ma ke ano i lunakanawai hoomalu ma kahi o Lghtfoot, a ua noi ae oia ia manawa aole e noonooia konoa a  ua aponoia kana noi e ka Lunakoomalu Sandford B . Dole.

Hoakaka o Mr. Kakela opio i kona manao he moa pono e hoopanee ka ahahui i ka noonoo ana no keia kumuhana a e kali aku no ka ke Komite Kuwaena Repubalika kanaka e apono mai ana a noi pu mai oia e hoopaneeia ka noonoo ana, a aponoia.

Ma ka hoomaka ana o ka halawai ua hapaiia mai ka noonoo ana a ka aha maluna o ke kumuhana e pili ana i ka wae ana i kekahi elele a ka ahaui no ka holo ana aku i ka ahahui nui e noho ana ma Amerika, eia nae, ua hooholo ia mahope i ho e hoopanee ahiki i ka noho ana, o ka halawai makahiki a ka ahahui iloko o Iune.

O keia malalo nei na hoe o ka pap i akoakoa ae:

Lunakanawai S. B. Dole, Peresidens. Kakauolelo A. Cristy. Na hoa hoi: Henry Holmes, W. H. Heen, H. E. Stafford A. M. Brown, C. K. Quinn, W. T. Rawlins, H. R. Hewitt, C. S. Davis, N. D. Godbold, G. S. Curry, E. J. Botts, A. G. M. Roberston, N. W. Aluli, C. L. Clemons. Charles F. Peterson, H. K. Ashford, R. B. Anderson, A. Y. Seto, I. M. Stainback, F. E. Thompson, C.H. Tracy, C. M. Hite, W. T. Carden, W. F. Frear, F. J. H Schanck, J. B. Fint, O. P. Soares, M. F. Prosser, J. L. Coke, J. M. Monsarrat, W.A. Greenwell, S. B. Kemp, E.M. Watson, W. B. Pittmann, B. S. Ulrrich, A. Withinton.  W. C. Achi, Sr., A. F. Judd J. Lightfoot, W. O. Smith, W.L. Stnaley, A. Lindsay, Jr. E. A. MottSmith A. L. C. Atkinson, J. B. Lightfoot, U. E. Wild, R. A. Vitouaek, A.L. Castle P. C. Morris, Harry Steiner, A.D. Larnach ame W. B. CAstle.

 

HE HOOMAIKAI

E ke kapena o ka moku ahailono ka Nupepa Kuokoa, Aloha: E oluolu mai kou ahonui e hookomo iho ma kahi kaawale o kekahi o na kolamu o ka hiwahiwa, a ke lahui o Keawe ma ka hikina, a hoea I wahipuolo a ke aloha a ka lahui ia e uwila aku mai Hawaii moku aku i nihoa ka palena o na moku ma ke komohana, i ka maua hoomaikai palena ole ame ke aloha nui i na kini makamaka ame na hoaloha e noho nei ma Maluhia Holoha e noho nei ana Maluhia Home ame na hoaloha e ae no apau i Haawi mai i na kokua a i komo pu mai hoi e u pu me maua iloko o ko maua mau hora o ka luuluu no ka maua lei i haalele mai i keia ola ana, a pela hoi i na hoaloha apau i haawi mai i na makana pua no ka hoohiwahiwa ana i ho i ke kino wailua o Miss Myra Pale Kaeo.

Ke haawi pu aku nei i ka hoomakikai kiekie loa ia olua e Mr. ame Mrs. Tribe no ka olua makana pua, a pela hoi i na keiki hana o ka hale hoahua ukana a Benson Smith & Co. Pela hoi ia George Kuku ame Mrs. Ahlo Kaluna.

E oluolu e lawe aku i ka maua hoomaikai, a na ke Akua mana loa e kiai hoomalu a e hoopomaikai mai ia kakou apau. O masua iho no na mea ihooluuluuia,

 

PETER KAEO

MINNIE KAEO

Maluhia HOme, Mei 12, 1922,

 

KUU LEI MOOPUNA UA HALA MISS LIBERTE MILIHAIPUA LIKIKALANI BURN.

Mr. Lunahooponopono o ka Nu pepa Kuokoa aloha oe: E oluolu oe no'u kekahi wahi kaawale o ka kaua hiwaiwa, i ike mai ai ko'u mau hoaloha, mai ka puka ana a ka la i Kumukahi a ke kohi ana a ka la i Lehua; O ka'u mea aloha, kuu moopuna i haalele mai ia'u i keia ola ana.

Ua hanauia mai oia mai ka puhaka mai o kona mama aloha Mrs. Elizabeth Blassoms, i ka mahina o NOv. 10, 1919. Ua piha iaia na makahiki he elua me elima mahina, me umi kumamawalu la o kona hanu ana i na ea hu'ihu'i o keia oka honua. ana. Me ko;u nanea a haupu mua ole, pela ka make e kikoo mai ai i kona hanu ola a lawe koke aku mai a'u aku; ma ke ahiahi Poalima, la 28 o Aperila i hala iho la. Auwe kuu minamina pau ole i kuu moopuna!

Kuu moopuna, hoa pili, hoa hoolaukanaka. I laukanaka no ka hale ia oe i ko holoholo mai, haalele mai la no oe ia'u noho ke ano akua o ka hale mehameha  hookai leo loheia, o ka leo o na manu.

Auwe kuuminamina pau ole ia oe, kuu moopuna hoomanawanui i ke ano o ka noho ana i ke kau loaa me ke kau nele. Lihaliha wale au ke noonoo ae ia oe!

Kuu moopuna i ka la'i o Honuakaha, kaha ka hele o ka uhane o kuu moopuna hoi ole mai. Kuu moopuna i ka ehu lepo o ke alanuiMoiwahine, aole e pa hou ia mau huna lepo ma kou papalina. Kuu moopuna i ka ua kilihune o ke kaona, aole e hoopulu hou ia kilihune ua ma kou nui kino.

Kuu moopuna i ka la hulili i ka poiulani, aole pa hou kona mau kukuna wela maluna ou; kuu moopuna ka pua nani o kuu rumi, ua nalo ka nani ohea o kuu moopuna mai a'u aku, auwe kuu minamina ia oe e!

Kuu moopuna i ka la'i o Kakako, aole e ike hou ia kou mau maka ma ia pohai. Kuu moopuna hoomanawanui me ka nawaliwali mea ole ka ua, ka wela, ke anu ka pouli auwe kuu manaonao ia oo ke noonoo ae!

Kuu moopuna i ka huila palanehe o ke kaa uwila, e holo ana mai kekahi kihi a i kekahi kihi. Kuu moopuna i ka pa ma'i o Maunahape, kahi ou i hoopunanaia ai me ke aloha, aloha ka poe iloko o ka ehaeha, aole lakou e ike hou i kou helehelena nani.

E ka makuahine aloha, kiai o ka maluhia, aole oe e loho hou i ko inoa au i hea iho ai maluna o kuu moopuna, Liberty Milihaipua, ua pau ua nalo i ke ala hoi ole mai. Auwe kuu minamina, kuu aloha pau ole ia oe.

E Miliama e kuu lei moopuna elua, i hele mua i ke ala hoi ole mai, eia mai kou hanamua ke imi aku la ia oe, aloha ino kuu mau moopuna hele kohana. He mea mau no keia o na pua nani, e oili ae ana a mohala maikai ae ke aki ia iho la no ia e ka ponalo.

Nolaila ke minamina nui nei au no ka'u mau moopuna, ma ke ano o ko laua kulana pakahi. Ina i mau ko laua ola, ua like laua me na pua i malihini i ka maka. Hauoli no hoi ke nana aku!

He u'i okoa no ka'u moopuna a'u i hanai iho la, a he u'i okoa no hoi kona pokii, eia nae ua like laua me ka opuupua i ke kakahiaka, a i ka aui ana ae o ka la ua mae koko iho la ko laua nani, me ka minamina nui!

Me keia mau manao aloha moopuna, ke hoihoi hou nei au i ka'u mau hoomaikai palena ole, a kukulu ae mamua o'u; no olua e ka'u mau keiki puuwai piha me ke aloha kui'o, Mr. ame Mrs. Ross, no kaolua mau kokua kiekie loa, i kokua mai ai ia'u iloko o ko'u wa o ke kaumaha, a'u e hiki ole ai ke alo ae.

E oluolu e apo aloha mai i ka'u hoomaikai palena ole maluna o olua, a na ke Akua e hooi hou iho i na hoopomaikai ana elike me ka olua i hana mai ai, a pela pume na hoaloha i hele mai e kumakena pu me a'u; no oukou ka'u hoomaikai ame ka oukou makana pua, a maluna hou ae o keia nou e J. H. S. Kaleo ka'u hoomaikai no kou lawe ana ae i ka hoomaikai hope loa maluna o ke kino o kuu moopuna a waiho aku i kona kino iloko o ka maha mau loa, ma o ko kakou Haku la amene.

Me na keiki oniuhua o ka papapa'i ko'u aloha.

Owau no me ka luuluu.

Mrs. R. K. LILIKALANI,

Honuakaha, Honolulu, Oahu.

 

LA HOOMANO NO NA MAKUA HINA.

Ma ka luakini o Kaumakapili i keia Sabati ae la 14, i ka hora 11, e malamaia ana he anaina haipule oiai ua kuahaua ae ke Kiaaina: no laiala ua kono aloha ia ka lehulehu e hoopiha mai i ka Luakini, a no ka mea, he la ano nui no ia e hoomanao mau ia nei i na makahiki agapu.

O na mea nana e haiolelo a e hoakaka mai ana i ka manao o ka la, kona hookumuia ana ame na mea apuu i pili aku i ua la nei, oia no ka Rev. Edward Kahale, Kahu o ka Ekalaseia O kaneohe, ame Miss FLorecne R. Yarrow, alakai o na Opio ame na Pokii o ke Kula Sabati o Kaumakapili. He nani me ka u'i na mele i hoomakaukauia.

 

NA LETA E WAIHO ANA MA KA HALELETA I KII OLE LA MAI AHIKI I MEI 6, 1922

Tau a, Miss K   Pulawa, Mrs E

Kamai, Mrs. A  Aana, Miss A

Kealoha, Mr. R  Anahu, Mrs R

Keokuikawa, Mr W  Akana, Mrs. K

Kekoa, D. K.  Aweau, Mrs. A

Kema, Ms. G  Haile, Mrs L

Lae, Mr. J. K.  Kaai, Miss I

Lauae, A  Kauhini, Mr. D. P

Lui, Mr. J  Kahia, Mr. W

Makaele, Mrs. L  Kalima, Mr. P

Namauu, Mrs. L  Kaleohanao, Mrs. M.

Namauu, Mrs. J. K.  Kalu, Mr. L

Nihipali, E K Kamasu, Mr. O K

E ninau ma na leta hoolahaia ke kii mai.

D. H. MacADAM,

Lunealeta.

 

Ke Pale ana i ka Flu ame ka B.B. C.

O ke kino nawaliwali e kono aku ana ia i ka ma'i oiai hoi ke kino ikaika e pale aku ana ia mea.

E pili ana no ka ma'i Flu, ka influenza, ka le Grippe, a i ole kekahi ma'i e ae e puka ae ana, aohe waiwai o ka maka'u wale ana iho. He mea hoopoino ole ka makaala. E hoomaemae mau i ka waha, ka puu ame na pukaihu. Ina paa ka pukaihu e hoohanuhanu me ka laau a hoalala i ke pau me ka laau hanupaa B.B.C i ekolu a eha manawa o kela ame keia la; hoonaha mau i ka opu elua manawa o ka la; e hookaawale aku i ke anu, e malama mau i ka maloo o na wawae a e hiamoe maloko o na rumi loaa o ka makani, a e makaala i ka maikai o na mea paahana o kou kino. O ke kino ikaika e pale aku ana ia i ka ma'i a o ke kino nawaiiwaii e kono aku ana ia i ka ma'i. E hooikaika i ka opu ame na aalolo, hoomaemae mau i ke koko, na puupaa me ke akepaa e hana mau; e hooikaika i na mea paahana o ke kino aohe auanei au mea e makau ai. Oia maoli no ka hana a ka B. B. C. E haawi ana ia i ke kino i ka ikaika e hooulu a e hoomaemae ana i na mea paahana o ke ino a e kokua ana hoi i ke kino i ke pale naa aku i ka ma'i. O ka auneki hookahi o ka hoopakele ana ua like ka waiwai me ka paona laau hoola o ka makakui hookai i ka manawa e hoopakele ana ia i eiwa. O ka ai mau ana hoi i ka B. B. C. ma keia manawa ma'ai e hoopakele ana ia ia oe mai kekahi ma'i ko'iko'i loa mai ame na pilikia a mau hoolilo e ukali pu ana me ia. B. B. C. (Laau hoolukino i hoohuiia) he laau ia i aponeia e na kauka apau ame na kanaka apau o ka lehulehu. Ka kuaiia nei nei laau o ka poe kuai a kawili laau apau. Kumukuai $1.00

 

M ka halekuai laau o BENSON SMITH $ GO., ka poe kuai laau kuikawa ma ke Alanui Papu ame Hokele, Honolulu, a ma AH KI CO. ma Alanui Moi, ma Ewa iho o ke Makoke Kuai I'a, loaa ai.

 

Loaa Kahi Emi o Honolulu Nei, e Kuai Ai i na Meaai

Waiu Kalima, Federala (Kini nunui) no ke kakini $1.20

Pia Hapuu Hawaii, 6 Puolo $1.00

Kopa Holoi Keokeo Crystle. 21 Auka i ka $1.00

Kopa Holoi Keokeo (Cchunk) 10 Auka i ka $0.45

Kopa Holoi, Auka o 10Oz 20 no ka $1.00

Waiu Kalima, Alpine, no ke kakini $1.50

Waiubata Kaleponi, no ka paona $0.45

Waiubata Nu Kilani, no ka paona $0.45

KUIKE KA RULA

BAILEY'S GROCETERIA

Alanui Moiwahine, Kihi o ka Makeke Aala.

 

O NA HAWAII

 

i makemake i ka pomaikai o ke Kanawai Hoopulapula o Molokai, e hoolako

 

ia lakou iho no ka holomua ma ka loaa ana ia lakou o na Lako Mahiai me Hanai Holoholona ma keia hui kamaaina.

 

Ke malama nei makou i na Lako Hana Maikai Loa, pela hoi me ke PENA SHERWIN WILLIAMS, ka mikini Umi Waiu De LEVAL ame na lako pili i ka home o na ano apau.

 

Maloko o ko makou Keena o na Lako Paani E loaa no he ahua o na pu liilii ame na raifela maikai.

 

E.O. HALL & SON, LTD.

 

O kekahi Keia o na

Kii Hoomakeaka Hialaai Loa Ia e na Opio

a o kahi wale no

e loaa ai o keia

 

mau Kii maloko no ia o ka

 

NUPEPA ADVERTISER

a e loaa no no ka ELIMA KENEKA wale no. E kuai i keia Nupepa i ike mau oe i na Nuhou makamaka hou loa.

in a he makemake kou e hoao e lawe i ka Nupepa puka Kakahiaka ADVERTISER no hookahi mahina, e hahae i keia pa'ihakhaka a hoouna mai.

 

Honolulu Advertiser,

Honolulu

Ua makemake au e lawe i ka Advertiser no hookahi mahina a maloko o keia ke hoouna aku nei au he $1.00. No keia e loaa ia'u ke nupepa i kela ame keia kakahiaka a pela pu me ka Nupepa o ke Sabati me kona mau kii hoomakeaka i pa'ilia me na waihoo luu like ole.

Inoa

Wahi Noho