Ka Nupepa Kuokoa, Volume LXI, Number 18, 4 Mei 1922 — Nuhou Kuloko [ARTICLE]

Nuhou Kuloko

Eia ka Nupepai Kuokoa ke puka aku nei ma ke kakahiaka o keia Poaha, a pela niau aku ana, ka hoopuka ana ma keia mua aku. Ma ka Poakolu iho nei ka piha ana o na la hanau he 51 i ke Kiaaina W. R. Farrington, a ua malamaia ae oia amo kona mau hoa i ka hanohano o ia la. Ma ka noho ana ae o ka papa loio Hawaii ma ka Poalua iho nei, i haawi ae ai kela puulu, i na kakoo ana i ka Loio Ray OT3riten, no ke kulana lunakanawai kaapuni no Honolulu nei. Ma ka mokuahi Matsonia, o ka haalele ana iho ia Honolulu nei, ma ke kakahiaka o nehinei, i hala aku ai ka Makai Nui Hose, no ka ahaelele a ka Ahahui o na Ululaau, e malamaia ana ma Kapalakiko. 0 ka poe i holo makaikai maluna o ka mokuahi Kilauea ma ke Sabati aku la i hala, e kaapuni ana ia Ohau nei, ua piha loa lakou me ka hauoli, no na hiona ku i ka nani o ka aina, a lakou i ike ai. Ke pahola nei ka ma'i flu, ka fiva maloko nei o ke kulanakauhale nei i keia mau la, e makaala, nolaila e noho mo ka makaukau me ka hoomaemae mau ana i kou kino maloko a mawaho a pela hoi me na home. O na hana hoikeike i manaoia ai, e malama ma ka la 22 aku nei o Aperila, e na kaikamahine o ke kula o Kawaiahao, a i hoopaneeia ai, e malamaia aku ana ia ma ka hora 7:45 o keia ahiahi Poalima iho. Mamuli o ka hooholo hou ana o na komiaina home Hawaii, ua hooloihi hou ia aku la ka manawa e waiho ae ai i na palapala noi, no na aina o Kalamaula, Molokai, no na hana hoopulapula, a ka la 15 o keia mahina. No ka imi ana i dala, e kokua aku ai no ka luakini hou o ka ekalesia o Makaa, Waianae, Oahu, e nialaniaia ae ana he hoike hui o na Kula Sabati o Oahu nei, ma ka Hall o Kalihi me. Momnalua, ma ke Sabati, Mei, 22'. Ma ka po o ke Sabati aku la i hala i a ae ai ko ahi i kekahi kiionioni e hoikeikeia ana maloko o ka Halekeaka Liberty, o kahi nae o ka laki, aole i kau aku he mau poino maluna o ka poe e akoakoa ana maloleo o kela halekeaka. No ka mahele hou ana i kekahi •.nau mahele koho o ka Mokupuni o Hawaii, i hala aku ai ke Kakauolelo Raymond C. Brown no Hilo, Hawaii, ma ka Mauna Kea, o ka Poakolu nei, a ua manao oia e holo 'iku no Kauai, no ia hana hookahi ■; o, ma keia mua aku. No ke pani ana ae i ka makalua o ka Makai Nui Rose, oiai oia e kaawale aku ana no kekahi manawa ma Kapalakiko, o ka Hope Makai'Nui Asch, ke lawe ae ana i ke kulana Makai Nui no ke Kulanakauhale a Kalana o Honolulu nei. No ka loaa ana aku he okolu mau kini opiuma malalo o kona malu, i paa ae ai he Pake, o Young Chu Pong kona inoa, i ka hopuia ma ka Poalua iho nei. Ma na olelo a na luna oihana federala, o ka ekolu iho la keia o ka manawa o ka hopuia ana o kola Pake, no ia hewa hookahi no. He ekolu poe noi i waiho ae i ka lakou palapala noi i ke Kakauolelo' Brown o ke Teritore, no ke kulana kakauolelo poo, maloko o kela keena, ma 'kahi o Leon Sterling, i hookohuia aku, i hope kakauolelo no ke kulanakauhale a Kalana o Honolulu nei.. Ma ka noho ana ae o ka halawai a ke Komite o ka La o Kamehameha, i hooholoia ai e malama ia he ka'ihuakai o na ahahui like ole, ma ke kakahiaka o ka Poakahi, ka j la 12 o lune, mailalo mai o Aala Paka, ma ka hora ewalu lAe ka hapa o kela kakahiaka, eliko me ka mea maa, i ka hoomanao mau ia no kela la kulaia.