Ka Nupepa Kuokoa, Volume LXI, Number 18, 4 Mei 1922 — Ke kokoke Loa Mai Nei ka Manawa [ARTICLE]

Ke kokoke Loa Mai Nei ka Manawa

Iloko ae nei o ka mahina o Augate, a mamua ae paha o kela manawa, e hoi aku ai kekahi mau ohana Hawaii o kakou, a noho ma na aina o Kalamaula-kai, no ka hoopulapula ana, malalo o ke Kanawai Home Hawaii. He 24 wale no mau ohana ma keia hoi mua ana, oiai, o ka nui iho la no ia o na apana, i maheleheleia i keia wa, no ka noho ana aku o na Hawaii; aia hoi a makaukau na apana e ae, ma kekahi inau aina okoa aku, i hookaawaleia no keia hana hoopulapula, alaila waihoia mai imua o kakou, no ka hoi ana aku e noho malaila. Ina ua nui ka poe noi, ma keia wehe mua ana i na aina o Kalamaula, e komo ole ana ma keia hoi mua ana, mai lilo ia i kumu no lakou e hoohuakeo ai, a olelo iho paha, i ka waiwai ole o ka lakou hooikaika ana, aole pela, e hookahuaia ana ka wae ana ae a na komisina i na ohana he 24 maluna o na kumu hookupono apau, a ke komisina e hooholo ai, aole o ka pono ae wale mai no i na noi, no ka mea o ka hana ana pela, a i loaa ole ka holomua, ma keia hoao ana, no na makahiki mua elima, e ili aku ana na ahewa ko'iko'i ana maluna o na komisina, a e hooneleia ana hoi ka nui aku o na Hawaii, i kela pono hoopulapula. Ma ka nana aku i ka hoolala ana a na komisina, no ka poe e hoi mua ana e noho ma Kalamaula, ,aia iloko o lakou na manao makee no ka holomua o ka hana hoopulapula. Ua maopopo kahi o na puaa e hoolakoia mai ai i kela ame keia ohana, pela me na moa, a mau lako e ae o ka noho ana, o ka poe i makaukau ole me ke dala, e koiia ana lakou e aie aku i ke aupuni, elike me ia i hoakakaia ai ma ke kanawai; no ka poe nae i makaukau, aohe a lakou aie ana, me ka lakou mau dala ponoi, e kuai aku ai i kela mau holoholona, no ka imi ana aku i ko lakou mau pomaikai. I ka hoi ana nae ma na aina hoopulapula, aole no e loaa ana ka oluolu o ka noho ana, pela hoi ka loaa ana mai o na pomaikai, aia no a lilo ke kane, ka wahine, ame na keiki, i poe hooikaika ma ka hana ana i ka aina, ame ka hanai ana ame ka makaala ana i na holoholona. O ka poe o kakou, i maa i ka noho hooikaika ana, ma na hanalima, ka poe hoi i kauka'i aku i ko lakou pono, me ka hou o ka lae; o lakou ka i kupono loa e hoi ma kela mau aina hoopulapula e noho ai, aole o ka poe i manao, e hoolimalima aku, na ha'i e lawelawe mai i na hana o ko lakou aina, no ka poe o kela ano, ua ahona no ko lakou noho ana iho ma Ho-

Aole ka hana hoopulapula, he hana no ka manawa pokole wale no, aka e nee mau aku ana ia imua, i na manawa apau, nolaila e hoomakaukau kakou na Hawāii ia kakou # iho, iloko no o keia manawa, me ke kauka'i ole, no ke komq koke aku iloko o keia wehe mua ana ia Kalamaula; no ka mea o ko kakou makaukau ana ma ko kakou aoao, he hoomaalahi ana mai no ia i ka noho ana, a he kokua nui hoi, no ka holomua ma ha hana apau e manaoia ai< 1