Ka Nupepa Kuokoa, Volume LXI, Number 18, 4 Mei 1922 — HE KANAENAE ALOHA NO KO MAKOU HOAPILI. [ARTICLE]

HE KANAENAE ALOHA NO KO MAKOU HOAPILI.

Pouli ka lewā. nui,. Ne i nakolo ke ku'i a ka Hekili pamalo, Ka i ka piko hau o Maunakea, ' Pi'o ke anuenue nui akea, Ka-ua-koko-ula i ka lewa, Eo ia Hilo Hanakahi, Hele hookahi kupuohi, Ena6na i Keahialapalapa, Anu maele-loko-i-ke-kapu-likoliko, " Ua nalo, nalo na maka i Kaopualani, Nou na. waimaka aloha, Alohā wale oe—aJ E ke Kuokoa aloha, ka elele ahai aloha a ka lahui, Aloha nui kaua:— E oluolu mai oe i ko kauwahi rumi kaawale o ka kakou kilohana aloha i ko makou hoapili i aloha nui ia i haalele mai i keia ola ana. Ma ke kakahiaka hora 8 o ka Poaha hemolele, Aperila 18, me ka palanehe malie loa, i mio mai ai ka anela kiai o ka make, a hii aku la i ka uhane aloha o ko makou hoapili i aloha nui -ia, Malieokamalu Kekupuohi Keahikunialapalapa'okeanumaeleokekapulikoliko Laura Makakuikalani, a hoihoi aku la iaia kahi o ka poe i hoomaha na luhi, a waiho iho la ia makou, i ka ukana luuluu he waimaka na ke aloha. Auwe ko makou aioha ia oe e! E uwe ae ana no makou i na wahi a kakou e pili aloha ai. Aloha ka huileaulua •© ke kaona, me na hoaloha he nui wale a kakou e hauoli pu ai. Aloha ka halepule o Maileokamalu, o ia wahi laahia a kakoii e pipili ai i ka pono no ka uhane. Aloha. ae nei Hilo Hanakahi hele hookahi oo i kau huakai, wehe oe i ka pili aloha a kakou, ke ha'oha'o nei na hora o ka wanaao na horā a kakou e miki£la ai no ka halepule, e au ao ana aole oe, ua kuu ka luhi i o Kulu, ua pili me iMahealani i ka poli o Kalanikapunui ko aloha, Aloha wale oe —a! Me keia mau waimaka o ke aloha .nona, ke haawi aku nei ko makou mahalo nui ia oe e ka hookole aloha o ke Kilohana, ame kau mau keiki aloha. Ke noi ae nei i ka Makua Lani e hoomama ae i ko makou mau waimaka, e hoomama pu ,ae i na luuluu o kana kane aloha. E hoonapi ia Kona inoa, Nana no i haawi mai, a Nana no i lawe aku. O ihakou iho na hoaloha i Waiakea Homestead nei, ELIKAPEKA K. GURRERO, KELEKIA K. H. AKONA, LIZZIE K. KAUHIMAHU, Hilo, Hawaii, Aperila 24, 1922.