Ka Nupepa Kuokoa, Volume LXI, Number 18, 4 Mei 1922 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

NA PUUWAI ELUA

 A I OLE

Ka Hewa o ka Wahine--- He Moolelo i Owiliia me na Haawina Hoopihoihoi Noonoo o ke Au o ka Manawa

 

     Aole he hana a Ivana, ma kela kau ana aku maluna o ke kaaahi, o ka noho malie wale no, oiai ke kau mai la na hoomanao ana iloko o kona noonoo, no ka ike aku i kona home aloha, kahi ana i holoholo ai i na la opio, kahi no hoi ana ame kona luau'i makuakane, i hoohala ai iloko o ka hauoli.

     I ka hoea ana aku o ke kaaahi, no ka hale hoolulu, e lele aku ai oia, kulu iho la na waimaka o Ivana, no ka mea aia ke aloha o kona makuakane iloko on a kahi i paila ai; oiai i kona mau manawa apau e huli hoi mai ai no ka home, i na la ana e hele ana i ke kula, aole he manawa a kona makuakane, i hoea ole aku ai no ka hale hoolulu kaaahi, e halawai pu me ia, i keia hana ana nae, aole kona makuakane, a aole hoi, me Bela Kalani, kela kaikamahine, e ukali mau ana ma na wahi apau a Sr. Leonada e hele ai.

    Ke alaalawa la kana nana ana ma o a maanei, he poe malihini wale no kana o ka ike ana aku, maloko o ka hale hoolulu kaaahi, a mawaho no hoi, nolaila mihi iho la oia, i kona laki, no ka hoomaopopo ole mai o kela poe malihini, oia no ke keiki a Sir. Leonada.

     He nui na kaa hoolimalima e ku mai ana, aia na kalaiwa ke hiamoe la maluna o ko lakou mau noho, i ko ia nei ike ana aku i kekahi kalaiwa kahiko ana i kamaaina ai, hele aku la oia a kau maluna o kona kaa, me ke kauoha ana aku, e lawe pololei iaia no Kanale Hale. Aole he hiki i kela kanaka ke hoomaopopo mai i ko Ivana ano, i kau a mea o ka puhuluhulu o ka helehelena i ka umiumi, o ka mea ano nui wale no iloko o ka noonoo o kela kanaka, o ia kona laki, i ka loaa ana iaia he ohua.

     O ko laua holo aku la ia a hoea no ka puka-pa, kahea aku la ke kalaiwa, i ke kanaka kiai e wehe mai i ka puka, aole no hoi i emo iho, hamama ae la ka puka-pa, a i ka nana ana aku a Ivana, he kanaka kela i malihini loa iaia, aole hoi on na kauwa kahiko a kona makuakane.

     "He oiaio no ka na olelo a Mr. Malo i kamailio mai ai, no ka hoopauia ana o na kauka kahiko a kuu makuakane e Miss Kalani" i namunamu wale iho ai no o Ivana, me ka hooiaio ana iho, i ka pololei, o kana mau mea i lohe ai no na hana a Miss Kalani.

     Holo pololei aku la ke kaa ahiki i ke ku ana mamua pono mai o ka hale, lele iho la o Ivana ilalo, me ka pii ana aku nolunao ka lanai, a i kekahi kauwa o ka oili ana mai, i ninau aku ai oia:

     "Eia no anei o Miss Kalani i ka hale nei?" aka nae no ka pane koke ole mai o kela kauwa, aia paha i loko on a; ke kahaha no ka haawi ole aku o keia malihini i kekahi pepa inoa, elike me ka dula mau iwaena o ka poe hanohano a waiwai, nolaila wehe ae la o Ivana, i kana buke hoomanao, me ka uhae ana ae i kekahi pepa, a kakau iho la i keia mau huaolelo:

     "Ke kaumaha loa nei au, no ka hiki ole ana ia'u ke hooko elike me ka'u i hoopaa ai, aka nae, ua hoea mai la au no ka hui kino ana me oe i keia kakahiaka."

me ka rula mau iwaena o ka poe hanohano a waiwai, nolaila

     Opiopi ae la o Ivana i ka apana pepa, a haawi aku la i ke kauwa, me ka pane pu ana aku:     "E lawe pololei oe i keia pepa a haawi aku i ko haku wahine, me ka hakalia ole!"

     I ka hala ana aku hoi o kela kauwa, me ka palapala a Ivana, hoea hou mai la he kauwa okoa, a kono mai la ia Ivana e komoaku nolokoo ka rumi hookipa, me ka lilo ana aku o kona papale, ame ka okokoo i kelao kauwa

     I kela hoea ana aku o Ivana noloko o ka rumi hookipa, ala? wawae la kana nana ana ma na paia, he o ia mau no na kii nunui, ma ko lakou mau wahi i kau ai. Hele holoholo ae la oia ma kela ame keia wahi oloko o kona home ponoi, he o ia mau no na mea apua elike me kana i ike hope ai, a minoaka iho la oia, no kona hooliloia i malihini maloko o kona home ponoi, a komo mai la no hoi ka manao aloha no na kauwa kahiko i hoopauia, a hooholo iho la oia i kona manao, ma ka manawa ana e hoi mai ai a noho haku hou no Kanale Hale, e kii hou ana no oia i kela mau kauwa a kona makuakane, a e hoopua aku i na kauwa hou a Miss Kalani o ka hoolimalima ana.

     Ua mau maoli kela manaqa a Ivana o ke kakali ana aku, o ka hoea mai o Miss Kalani, a no kona nanea loa i ka nana i na kii ma ka paia, aole oia i lohe aku i ka nehe malie mai o na wawae o ua kaikamahine nei, a i puiwa oia i ka nakeke ana mai o kekahi mea mahope o kona kua, a iaia i huli ae ai e nana, e ku aku ana o Miss Kalani, me kona kino loihi, o ka piha i ke kahaha.

     "Ea, eia anei au ke halawai pu ne me Miss Kalani!" i hooho ae ai o Ivana me ka piha kahaha, me ka pahola ana aku i kona lima imua no ke aloha ana, ua eeke aku la nae o Miss Kalani , aka i ka hala ana nae o kekahi mau sekona, pahola ae la ka minoaka ma na papalina o ua wahine opio nei, a pane mai la:

     "Pehea la e hiki ai ia'u ke manaolo aku, o oe no keia e Ivana! Ua aneane mauoli no au e koho aku, he mea komohewa oe, o kekahi kumu, ua kaokao loa kou mau ano ame kau mau hana," me ka hakilo pono loa ana ma o ua o Miss Kalani. a o ka Ivana e ike mai la, ma kahi o kela kaikamahine lolo, a kukule ana i ike hope ai he ehiku makahiki mamua aku, ua loli loa ia a he wahine kilakila, maoli keia o kona kulana, eia nae, o Miss Kalani no ia, aole he mea e ae, aka ke ike pu aku la no oia maluna o ka helehelena o kela wahine opio, i na hoailona o ka uahoa ame ke kuoo.

     "Ua manaolo anei oe he mea komohewa au?" i ninau aku ai o Ivana. " Aia a nei iloko o'u kekahi ano, au e hoohuoi ai, he kanaka au o kela ano? Owau no keia o Ivana, ma ke kino,ka iwi ame ke koko, aole he mea okoa ae, a ke lana nei kuu manao, aole oe e nana mai ana maluna o'u, ma ke ano he enemi nou."

    "Mai hoopuka mai oe i na olelo kupono ole o kena ano." wahi a Miss Kalani, me ke kuu ana iho o kona leo i ka nanahe. "E huikala mai oe no ka'u mau olelo ikaika i kamailio mua aku nei, pehea hoi e hiki ai ke alo ae, no ka mea ua maopopo loa kou make ana ma na aina mamao, aole he hoopaapaa ana no ia mea; a o kou oili hou ana mai, me he mea la mailoko mai o ka lua kupapau, o kekahi ia o na hana i hoopuniia me ka pohihihi.

     "I kinohi ua hoopiha loa ia mai au me ka hauoli, no kou pakele ana mai ka make mai, a hoopoina loa ae la au, no ko'u kiolaia aku ilalo, mai kahi kiekie a u@e kau nei i keia manawa. Aole malaila wale iho la no pau, aka hoopoina pu ae la au no ka'u mau hana uhauha i kau mau dala, au no e manao iho ai, aole au @ kupono e lilo i puuku nou.

     "O ka mea wale no nana i hookomo mai i ka manao hoohuoi iloko o'u he mea komohewa oe, o ia no ka loaa ana mai o kau kelekalapa, e hoololi ana i ka manawa mua i manaoia ai no ko kaua hui pu ana."

 

     "Ea, ke hookahaha loa mai nei oe ia'u e Miss Kalani, no ka mea aole au i hoouna mai i kekahi kelekalapa ia oe."

     "O ka po Poaha ka manawa au i hoike mua mai ai no kou hoea mai, ua hoololi ae nae oe i kela manawa, a i ka po mai o ka Poakolu, pehea iho la ke ano o kela hana? Eia no kela kelekalapa au i hoouna mai ai!"

     "E haawi mai ana oe i ke kelekalapa e nana aku au?" wahi a Ivana, me ka hoopahola ana mai o kona lima, imua, aia nae iloko o Miss Kalani, ka manaoio ole i kela hoole ana mai o Ivana, aole nana kela keleaklapa o ka hoouna ana mai.

     Nana iho la oia i ka la i kakauia ai o ke kelekalapa, a pela hoi me ke keena kelekalapa, i hoouaia ma ai, me kona piha maoli i ke pohihihi ahiki  i kona pane ana aku:

    "Aole i maopopo mua keia mea ia'u, o keia wale iho la no ka manawa a'u i ike ai i kekahi kelekalapa o keia ano. Malia paha ua halawai no hoi oe me ka mea nana i hoouna mai i keia kelekalapa?"

     "Aole a'u mea i ike ma kela Poakolu oiai ua hala aku au no kekahi wahi okoa loa ma kela la ahiki i ka poeleele ana, a ua aumoe loa, akahi no au a hoea mai no ka hale nei.

     "Ua hoea aku au no ka Hale Kahiko ma ka po o ka Poaha no ke kakali ana ia oe, a i kou hoea ole ana mai, koho koke iho la no au, he mea komohewa oe, ua hewa anei au i ko'u noonoo ana nou ma kela ano?"

     "E huikala mai oe e Miss Kalani ia'u, no ka hiki ole ia'u ke hooko mai i ka'u mea o ka hoike ana mai ia oe, aole nae ia malalo o kekahi kumu e ae, aka no ka loaa ana he pilikia ma ko'u aoao, e hiki ole ai ia'u ke haalele aku ia Ladana ma kela Poaha. O ka mea pono nae a'u e hana ai, o ia no ke kakau ana i leka nau, ua palaka loa nae ko'u noonoo. O ka pilikia a'u i hoakaka aku nei, ua pili no ia no ko'u mau hoaloha."

     "Alaila he nui ka paha ka poe maloko o Ladana i ike i kou hoi ana mai ea?" wahi a Miss Kalani me ka leo malie, me he mea la, ua hopohopo loa oia, o lohe mai auanei na kauwa.

     "Ua hui pu au me ka Loio Malo ma Ladana ma ke ano ulia, a nana i kokua mai ia'u me ke dala, no ko'u mau hoolilo o ka noho ana ma kela kulanakauhale."

     "Ua hoowahawaha loa kela loio ia'u, no ko'u hoopalauia ana e mare me ka Haku Fanadale, kekahi o kana mau kanaka ana i hoihoi loa ole ai. Ke manao nei au ua lohe oe no keia mau mea apau; ua lohe pa oe no ka nui o ko'u uhauha i kau dala, ko'u mau ano lapuwale@ e laa ka huhu, ka pikanana, a pela wale aku; me ia mau ano nae apau o'u, ua makaukau au e hooko aku elike me ka makemake o kou makuakane. Ma ke ano he wahine nele a ilihune, aole loa e hiki ia'u ke mare aku me ka Haku Fanadale; a in a e hookikina aku ana oe i kela haku, e hoihoi hou mai i na dala apau a'u i haawi aku ai iaia, alaila e lilo ana oia i kuewa maluna o ka honua, me ka maopopo ole o kahi e hoomoe ai kona poo."

     Me kela mau olelo, i palulu ae ai o Miss Kalani i kona mau maka, me kona hainaka, me ka hooweuwe wale ana iho no, me he mea la, ua hele oia a piha me ka ahaeha, no kela ano o ua wahine opio nei, hoopoina ae la o Ivana, i kona mau manao maikai ole nona, a pane aku la me na olelo oluolu loa:

     "Ua kuhihewa loa kou manao ana e Miss Kalani, no ke ano o ka'u hualalai i hoea mai nei, aole, no ka hookau ana aku i kekahi pilikia maluna ou, aka no ka hooko ana ka hana kaulike, elike paha me ka kuu makuakane e hana ai, ina ke ola nei oia i keia la. @ Ina ua aloha aku oe i ka Haku Fanadale pela hoi oia i aloha mai ai ia oe, he hookahi wale no hopena pule ko olina hooliloie ae i hookahi. No na dala apau au hoolilo aku ai, aole a'u mea e koi aku ai, e uku hou mai oe a o ka Haku Fanadale paha. O kou manao ana, e hooko i ka makemake o kou maukakane, ma o kou mare ana mai ia'u. ke ku-e aku nei au ia manao, no ka mea aole loa o'u makemake e komo ake'ake'a wale aku ma ke ano e hokai i kou hauoli; o ka iini iloko o kuu puuwai, 'o ia no ko kaua noho ana me ka maikai ame ka oluolu, me he kaikuahine la ame ke kaikunane."

     Ke hoaiki mai la ka nana ana a Miss Kalani, me ka mau no o ka paa o kona hainaka, ma kona helehelena, aia hoi ka olioli ke lalapa la iloko o kona houpo, no ka lohe pono ana mai i na hoakaka a Ivana, a oia ka ua wahine opio nei i pane mai ai:

     "O e Ivana, e hiki anei ia'u ke manaoio aku i kena mau olelo au?" wahi ana me ke kukuli ana mai imua o ke kanaka opio, a hoomau hou mai la:

     "Aole he mea i piha kona puuwai i ka maemae, ka lokomaikai ame ka oiaio elike me oe e Ivana. He nani hoi ia, ua hoike mai la oe i kou manao maoli, nolaila, he mea pono no ia'u ke hoike aku i ka mea oiaio, o ia keia:

     "Ua hoopolauia au me ka Haku Fanadale, a iloko o na pule ekolu, mai keia manawa aku, e hoohuiia ai maua ma ka mare aka ia oe i oili mai nei, a koi mai i kou kuleana iloko o na waiwai o kou makuakane, ua hooliloia maua i mau mea ilihune loa; aka nae, ua hookahaha loa ia mai ko'u manao, ia oe i hoike mai ai i ka nui o kou lokomaikai ame kou makee no ko'u pono. Ua oi aku ko'u aloha i ka Haku Fanadale, mamua o ke mea hiki ia'u ke hoakaka aku imua ou, ma na huaolelo maopopo loa; no ia kumu la, aole e hiki ia'u ke alako aku i ka Haku Fanadale ilalo o ka hoohilahilaia, mamuli o ko'u ike iho he wahine ilihune au, ua ahona ka make ana mamua o ka lilo ana aku i wahine, na ke kanaka hookahi a'u i aloha ai ma ke ao nei.

     "Oiai hoi, ua hoike okoa mai ne oe e Ivana i kou mau ano aloha me ka lokomaikai ia'u, he hookahi a'u noi imua ou, a mai hoole mai hoi oe, o ia kou hoohiki ana mai, aole oe e koi koke mai i kou kuleana i na waiwai, a mahope aku o ko'u mare ana me ka'u kane. Ua maopopo loa ia'u, in a e loaa aku ana ka ike i ka Haku Fanadale, ua hoea mai oe, e hoole mai ana oia i ka mare ana mai me a'u; nolaila e hoohiki koke mai oe e Ivana imua o'u, i keia mea a'u e noi aku nei, e haawi aku no au i ka'u mau hoomaikai ana ia oe, elike me ka loihi o kou ola ana."

     I ka hooki ana iho o ke kamailio ana mai a Miss Kalani, halo'ilo'i mai la kona mau waimaka, e hoike mai ana, i ka nui maoli o kona ehaeha, in a e ae ole aku ana o Ivana i  kana noi, nolaila punihei wale aku la no o Ivana, i kela mau pahele a Miss Kalani, a o ia kana o ka pane ana aku:

     "Ina ua manao oe e Bela, o ka mea oi aku ia ka pono, alaila aole a'u mea e ku-e aku ai O ka mea oi loa aku paha o ka pono, o ia ko'u hui kino ana aku me ka Haku Fanadale, a waiho aku imua on a, i na mea apau, me ka oiaio, i ole ai e lilo keia hana malu a kaua, i kumu e hoala mai ai oia i ka huhu hou ma keia hope aku."

     "Aole oe e hana i kekahi mea naaupo o kena ano e Ivana, aole i maopopo ia oe ke ano o kuu kane hoopalau, oia kekahi o na kanaka makemake ole loa i na makana manawale'a a oi loa aku, in a e ike mai ana oia, o oe ka mea nana keia makana kilakila loa no ko maua pono, e pienaena ana oia, a i hoike aku no au i ka mea oiaio loa, ua lilo kou inoa, i kumu no maua e hoopaapaa mau ai i na manawa apau, i ko'u wa e kamailio aku ai iaia, no ko'u hoomanao mau nona."

     "Owau ka i ike a hoomaopopo i na ano apau o ka Haku Fanadale, ina nei no kona lohe iki aku, ua hoea mai oe, e manao mai ana oia,  aia no paha ko'u noonoo nou; o ka makemake wale no o kela kanaka, o ia ko'u noonoo nui aku iaia wale no, a o keia iho la ke kumu e hiki ole ai ia'u ke ae aku, e hui pu oe me ia. Aia a hookoia ka mare mawaena o maua ia manawa au e hoohele aku ai i na kamailio ana no kau makana, e ike iho auanei oia, i ka nui o kou lokomaikai, e ala nana, aole hoi nau, elike me kana i hopohopo loa ai."

     "No keia mau hoakaka au e Miss Kalani, ke haawi aku nei au i ko'u ae, e hooko elike me kau i manao ai, a ke hauoli nei no hoi au, aole he kauwa hookahi maloko nei o keia hale, i ike mua ia'u."

     "Aole no he kumu i pau loa ai na kauwa kahiko i ka hele, mamuli no ia o na hana a Mr. Malo, He ku maoli no na hana a kela loio i ka hoehaeha i ko'u noonoo, a aia i haalele iho ai i Kanale Hale nei, he hookahi la mahope mai, o ka pau no ia o na kauwa i ka haalele, pela iho la oe e ike mai la, he poe wale no ke noho hana nei malalo o'u."

     "O keia ke kumu o ka lohe ole ia o keia hoohiki a'u e haawi aku nei, elike me kau noi, mamuli o ka malihini o kau poe kauwa ia'u. E huli hoi aku ana no au i Ladana i keia la, aole au e hoea hou mai ana ianei, a mahope aku o ka hookoia ana no ka mare mawaena o olua.

     "Ua hele au a pololi loa i keia manawa, e haawi mai oe i kekahi mau meaai na'u. Maloko au o ke keena waiho buke e noho ai, maloko olaila ka'u mau meaai e laweia ae ai. E manao mai ana kau mau kauwa, he akena paha au no kou mau waiwai, aole ana lakou e hoohuoi no'u. Aia a pau ka'u ai ana, alaila maloko no au o kela keena e hoomaha ai, ahiki i ke kokoke ana ae o ka manawa e hoea mai ai ko'u kaaahi, o ko'u hele pololei aku no ia no ka hale hoolulu, no ka hoi pololei loa ana aku i Ladana."

     Aia iloko o Ivana i kela manawa, ka mihi, no kona haawi ana aku i kana hoohiki imua o Miss Kalani, aole e koi koke aku i kona kuleana i ka waiwai, ua lohi loa nae kela mihi ana, no ka mea ua hala aku la ka Puulena, aia i Hilo.

     "Ma ke kaaahi o ka hora ehiku o keia ahiahi, e haalele iho ai au i keia wahi," wahi a ua o Ivana; me ka huki ana ae i kana uwaki e nana. "E waiho ana au i na mea apau elike no me ia au e hoomalu nei, ka mea nae a'u i mihi loa ai, no kuu haawi mua ana aku nei i ka'u hoohiki. O ka mea oiaio e Miss Kalani ( aole loa o'u apono iki, no ka hoopaneenee ana i ka'u koi a hala kekahi mau pule lehulehu, aole nae e hiki ia'u ke alo ae, no ka mea owau pu kekahi i haulehia i ke aloha, no ia kumu la, ua lilo maoli ke aloha, i haku maluna o kakou apau."

 

                                                            MOKUNA XX.

     Me ka maopopo ole nae i na kumu oiaio, ua hele ua o Ivana, a piha loa me na ano maikai ole. Ua ike maolii iho no no oia, i ka loli loa o Miss Kalani, mai kana mau mea i kamaaina ai no kela wahine opio.

     Hoi aku la o Ivana noloko o ke keena waiho buke, a nana i noho hookahi iho ai, namunamu ae la oia me ka hooho ana ae: "Akahi a pau ko'u kuhihewa no ke ano oia@o maoli o Bela, nolaila ma keia mua aku, e kaawale loa ana lia mai ia'u aku, aole loa he wahi manao makee i koe iloko o'u no keia wahine. Ma ka'u mau mea i ike ai no Bela i keia la, aole loa o'u hoihoi ike, e ike kuu Ela aloha i keia wahine."

     Aole i loihi kela noho ana iho a Ivana, laweia mai la kana mau meaai, o kona haupa@iho lo no ia e ai ana, e inu ana no ho i ka @ waina i lawe@ paka; aka nae,@mea @ loko aku o keia @ i ka puka a paa maloko mai, @ hooluolu ana.

     Mailoko mai me o kona hiamoe kulipoipoi @ ppuoho ino ae a oia, no ke @ kona ikei ana i ka uhane @eha maluna o ke @ hoailona o ka make, me ka haawi ana mai o o @ i kekahi hoailona, no kona makaala loa iaia iho, mai na poino mai.

     Iloko o kona mau mano pihoihoi, hele aku la oia e holoi i kona mau maka, i ka wai, kahi mai la no hoi i kona lauoho, o ke kaomi aku la no ia ia ka bele kahea, a iloko o ka manawa pokole loa, ku ana no kekahi kauwa wahine, a ninau mai la i kana mea i makemake ai.

     "E hele koke aku oe a hoike ia Miss Kalani, ua makemake loa au e ike iaia i keai manawa!"

     Hakalia no a lohe ka wahine kauwa, i na olelo a Ivana, o kona nalo aku la no ia, aole no hoi i loihi aku, hoea mai la o Miss Kalani, aole nae me kela ano ohaoha on a, aka me ka hakanu, me he mea la, aia kekahi mean ano nui iloko on a kahi i nalu ai.

     "O ka hora eono keia nolaila, e haalele ana au ia oe, a helewawae aku no kahi o ka hale hoolulu kaaahi, aole au e kau maluna o ke kaa, o ikeia mau auanei au e ka poe i kamaaina mua ia'u, nolaila o ke aloha no kou, me ka haawi ana mai o ua o Ivana i kona lima, noke aloha ana aku o Miss Kalani iaia.

     Mahope o ko laua lululima ana, hoomau hou mai la no o Ivana i kana kamailio ana: "Aole he kumu nui o ko'u hoea ana mai nei e ike ia oe i keia la, no ka hana ana no ia i kekahi mea e hoopilikia ole aku ai i kou noonoo,a pela no hoi i ko'u noonoo, aka nae ua hana aku au a oi mamua o ka'u i manao mua ai no kou pono e Miss Kalani i keia la. Pehea aole anei ua hookoia kau mau mea apau i makemake ai?'

     "Aole e hiki ia'u na huaolelo kupono no ka haawi ana aku i ko'u hoomaikai nui palena ole ia oe e Ivana, no kau mea i hana mai ai no ko'u pono i keia la," i pane mai ai o Miss Kalani, me ka leo nanahe. "O ka hauoli nui iloko o'u o'ia no kou noho ana iho, a keia Poakahi ae e huli hoi aku ai no Ladana, aole elike me keia ka pupuahulu loa. He nui ka'u mau mea i makemake ai e kamailio pu me oe, he Sabati ka la apopo, ua hiki ia kaua ke hoohala i kela la holookoa me ka maikai, ma ke kamailio ana ma na mea apau i pili loa ia kaua. malia paha o ka manawa kupono wale no keia, no ka mea aia ka Haku Fanadale ame kona kakuahine i Ladana, e hala ai he mau la laua ma kela kulanakauhale, mamua o ka huli hoi hou ana mai no ka home nei."

     "Aole e hiki ia'u ke noho hou iho he hookahi hora maloko nei o keia hale, a ua hele maoli au a piha i ka maka'u, me he mea la, ua hoopuniia au me na pilikia he nui, a aole hoi he palekana maloko o ko'u home ponoi. He nui na mea nana i hoopilikia mai i ko'u noonoo. He mau la helu wale ae nei no i hala, ua nalowale honua iho la kekahi hoaloha o'u, me ka maopopo ole, oia kekahi o na kanaka a'u i aloha loa ai, o kona kaikuahine, o ka'u wahine aku ana ia e mare ai."

     Na pono mai ai o Ivana ma na maka o Miss Kalani, ua hele a haikea pu, aka nae, aole no ia he mea no ua wahine opio nei e wiwo iho ai, aka ke mau la no ka haka pono ana o kana nana ana aku iaia, a o ia ka ua o Ivana, o ka pane hou ana mai:

     "He nui ka'u mau mea i makemake ai, e hooko aku no ka mea o ia no ke ake ana e lohe i ka moolelo o na la hope loa o ke ola ana o kuu makuakane, o kekahi no hoi, he makemake au e hele makaikai i ka aina, ma na wahi i kamaaina ia'u, eia nae, ma kekahi ano i maopopo ole, me he mea la, ua hele au a piha loa i ka maka'u no ka loaa ole he palekana ia'u, ma keia wahi, nolaila ua hooholo iho ko'u manoa, ua oi aku no ka pono, o ko'u kakali malie ana, ahiki i ka wa kupono, elike me ia a'u i hoohiki aku ai imua ou i keia la."

     Haawi hou mai la oia i kona aloha hope ia Miss Kalani o kona oili aku la no ia iwaho, me kela manaolana iloko on a o kela ka manawa hope loa ana e ike mai ai i ka helehelena o Miss Kalani, a e lohe hoi i kona leo.

     Oiai hoi o Ivana e hele la ma ke alanui, ke ku mai la o Miss Kalani nana ma ka puka aniani, me ka minoaka me kona mau papalina, no ka hiki ana iaia ke pulapu i ke kanaka ana i hoowahwaha loa ai, aia hoi ka lili ame ka hoihoi ola ma kona mau maka, alaila no kona makemake e ike i kona helehelena, hele okoa aku la oia no kahi o ke aniani kilohiaku mai ana, a nana aku la me ka hooho ana ae:

     "Ke hauoli loa nei au no ka holopono ana o ka'u mau mea apau i hana aku ai imua on a i keia la. Ua kuhihewa maoli no au i kinohi, ua hoao mai oia e pulapu ia'u; he hana ua aole i kekahi kanaka elike me Ivana, he keu oia a ke kanaka hoopono, aole i maa i na hana kolohe; a o ka wahine e mare ana iaia, o kela kekahi o na wahine haaheo loa. Ua olelo mai nei oia, he wahine maloko o keia hale!"

     Me kela mau olelo, i hoi pololei aku ai oia no kona rumi ma ka hale maluna, a imua o kana kauwa lawelawe, i kaamaiho aku ai oia, ma ka pane ana aku:

     "E waiho koke aku oe i kou hana ana i kena mau lole a o hoike mai i kau mau mea i lohe ai e pili ana no ka Haku Fanadale! Aole he manaolo iki o ka Lede Kalala i na mea e kamailioia nei no kona kaikunane, a ua hala pu aku oia me ka Haku Fanadale no Ladana. O e kuu Akua, in a he mea oiaio loa keia, alaila e pepehua aku ana e a'u keia kaikamahine, a ke kanaka malama holoholona o ka Haku Fanadale a make loa," alaila noke okoa ae la oia i ka akaaka, ke ano o na wahine, i uluhia me na manao uluahewa.

     "Pehea la kou manao e kuu kauwa, he maa no anei na kane, i ka hoohala i ko lakou manawa kaawale me na wahine lehulehu?"

     "Aole o'u kanalua iki no ia mea," i pane mai ai no hoi ke kauwa wahine.

     "Heaha kou mea olelo ole mai, ae, aole paha, o oe ka i kamaaina i ke ano o ka noho ana o na kanaka o ka honua nei, no'u la he malihini loa au, a o ke kumu ia o ko'u ninau aku nei ia oe. Ua hoao au ma na ano apau, e hoopohala i ka'u mau mea i lohe ai, o ka mea apiki nae, e hooia mau ae ana ko'u lunaikehala, he lolelua wale naau o na kanaka o keia ano, aole he kupaa i ka mea hookahi.

     "Ua manao paha kela kanaka, ua kaa aku au malalo o kona mana, me ka maalahi loa, o ia no oe o kekahi bebe liilii, a hooko mau aku i kona mau makemake i na manawa apau. Ua kuhihewa loa ka manao ana o kuu haku, he mea hiki au ke paani wale ia eia, aia auanei a lilo au i haku maluna o ka Fanadale Hale, e ike ana oia, ua hiki loa ia'u ke hookomo aku i ke kipuka kaula, ma ka a-i o kela kaikamahine, e mihi iho ai oia, no kona hoao ana e kaili aku i ke aloha o ka Haku Fanadale mai ia'u aku. E hoike mai me ka oiaia loa i kau mau mea apau i lohe ai no ka Haku Fanadale, me kela kaikamahine a me ke kanaka malama holoholona!"

     "Aole no ko'u he lohe mai kekahi poe okoa aku, aka mai ka makuakane ponoi mai no o kela kaikamahine," i pane mai ai ka wahine kauwa me ka oiaio. "Ua kaena ae kela kanaka, o kana kaikamahine aku ana ka haku wahine o Fanadale Hale; o keia no kana mea hookahi i kamailio aku ai imua o ke poo kuene, a mai iaia au i lohe mai, ai i ka olelo ana o kela makuakane, i ka hele mau aku o ka Haku Fanadale ke i kane kaikamahine i na la apau, a o ka mea oi loa aku o @kela kanaka, aole @ ekoia ana@ o olua, ma ka la @ ke a mahine, elike me ea mea i hoolalaia."

     "Owai ka inoa o keia u'i, nana i kailiaku i ka puuwai o kuu haku?"

     "O kona inoa oia no o Ka@ Kuini."@

     Ke haawi aku nei au i ko'u mahalo nui ia oe; pehea he maikai anei kou noho ana me ke poo kuene?"

     "Ae, a o ka mea oi loa aku o ka maikai, o ia kona noi ana mai ia'u, e mare aku me ia."

     "He nuhou hookahaha kena i kou manao, mamuli paha auao kou mare ana aku i ke kane, o kou haalele ana mai no ia i ka noho hana ana malalo o'u, a e lilo ana ka hoi, i hana nui ka huli ana aku i pani ma kou wahi. Ua paa loa kuu manao in a no kou noho hana mau me a'u, e hooko ana hoi i ka'u mau kauoha apau, e hana aku no au i kekahi mea, nou e hauoli ai."

     "Aole loa he wahi manao ike iloko o'u, e haalele aku i ka noho hana ana nou e kuu haku," i pane ae ai ka wahine lawelawe ma ke ano hoopepe.

     "E hoomanao oe, ua lawe mai au ia oe e noho hana malalo o'u, me ko'u noi ole aku i na hooiaio, no kou mau ano kupono, eia nae, ua hele no au e ninaninau no na mea i pili i kou ola una, ua loaa mai ka ike ia'u no kekahi hapa o kou moolelo.

     "Aohe au mea e hopohopo ai, a maka'u paha no ka'u mau mea i lohe mai ai nou, a elike auanei me ka loihi o kou hooko mau ana i  ka'u mau kauoha i na manawa apua, pela no auanei ka loihi o kou noho ana me ka lanakila malalo o'u. E ike ana oe i ka nui o ka'u mau hana maikai no kou pono, a o ka mea oiaio loa he makana ka'u e haawi aku ana i ka poe apau i hooko mau i ko'u makemake.

     "E makaala loa oe, no ka makaukau mua o ko'u lole mare mamua ae o ka la iwakalua-kumamalima o keia mahina. O wau ponoi no ka mea nana e hoouna aku ana i ka hoike iloko o na keena nupepa, no ka Haku Fanadale, no ka hooko pololei i ka'u mau kauoha, he kanaka puni loa oia i na lealea, e poina ai ka noonoo ana, i keia hana ano nui loa no ka la e hoohuiia ai maua ma ka berita o ka mare."

     Iloko o keia manawa a Miss Kalani e kamailio nei me kana wahine lawelawe, aia o Ivana ke hele la ma ke alahele e hoea aku ai no ka hale hoolulu kaaahi, me kona mihi loa ana, i kona pupuahulu, o ka haawi ana aku i kana hoohiki imua o Miss Kalani, e noho hamau me ke koi ole aku i kona kuleana i ka waiwai, a mahope aku o ka mareia ana o kela wahine me kana kane.

     No kona hopohopo nae, o halawai aku auanei oia me kekahi poe ana i kamaaina mua ai, in a nei no kona hele pololei ma ke alanui akea, nolaila kipa aku la oia ma kekahi alanui okoa, he alanui hele nui ole ia kela e na kanaka.

     No ka hapaha mile paha keel hele ana aku a Ivana, huli mai la oia ihope nana i kona home, akahi no a loaa iaia ka maha, i ke kaawale ana mai i kahi e, a o ia kana i hooho ae ai.

     "Ke kaumaha loa nei au no ka Haku Fanadale, aole au kamaaina mua i kela kanaka, aka in a oia aku ana ke kane a Miss Kalani , he mea ehaeha kona kaa ana aku malalo o na hana a kela wahine i like aku kona ino, me ka nahesa hoowalewale. Aole he mea maopopo is'u ke olelo ae no Miss Kalani no ka oi aku o ke ino, o kona aloha paha, a i ole o kona inaaina paha. No'u iho, ua laki maoli au, no ke koi ole ana mai nei o kela wahine, e hookoia ka makemake o kuu makuakane, elike me kana i hoolala mua ai, no ka lilo mai o kela wahine na'u malalo o ka berita mare. Ua oi aku ko'u liloana i kuewa malalo iho o ka la mamua o ka noho pu ana aku me kela wahine ino, malalo o na kaupoku o ka hale hookahi!"

     Iloko nae o ka nanea o ua o Ivana i ka hele, lohe aku la oia i ke pahupahu mai o na kapuai o kekahi kanaka, a o ia kanahooho ae ai:

     "Ea, ua kuhihewa loa ko'u hele ana mai nei ma keia alanui, ua like pu au me kekahi kanaka komohewa, oiai no nae owau no ka on a nona keia aina nui!"

     Aole o Ivana i huli mai ihope e nana ai i ka mea nona ke pahupahu kapuai wawae ana i lohe mai ai, i ke kaalo pono ana e nae o kela a@naka ma ko ia neil aoao, me he mea la ua @om oaku paha ka hoohuoi iaia no Ivana, a no ka hookuu ana ku i ua kanaka nei e hoomau i ka hele ana imua, noho okoa iho la o Ivana ilalo, ma kekahi puu manienie ma ka aoao o ke alanui, wehe ae la i kona  ciga, a hoomaka iho la e puhi na ke ano hoolalau.

                                                                        (Aole i pau)