Ka Nupepa Kuokoa, Volume LXI, Number 15, 14 April 1922 — E Haawi Kakou i na Kakoo Ana [ARTICLE]

E Haawi Kakou i na Kakoo Ana

» Aole J)aha he mau meaai a kakou e uku nei ?loko o keia manawa, i oi aku ka pipii maoli, mamua o ka waiwaiio., elike la me ka i'a ma na makeke; o ka hiki ole na'e ke alo ae, e konoia mai ana jio kakou, e uku aku i na kumukuai kiekie maoli, no ka mea o ka i*a, kekahi o ka k a kou mau meaai, e pono ai e loaa mai i kela ame.keia manawa. No keia pipii launa ole mai o ke kumukuai o ka i'a, ua hoalaia ae he hui lawai'a e kekahi poe o keia kulanakauhale, me ka manao, Jie kumil ia e hoemiia iho ai ke kumukuai o ka i'a e kuaiia ana ma na makeke. Ua holomua kela hana lawai'a a keia hui, ka holo ana i ka Mokupuni Palmyra e lawai'a ai, a ua hoihoiia mai ka i'a, i hookomoia iloko o ka hau, elike no hoi me na i'a e loaa nei i na Kepani lawai'a maanei, a ke kuaiia nei ma ka makeke o ke kulanakauhale me ke emi loa. Ua ike ka poe kuai i'a o ka makeke i ko lakou pilikia, ina e hoea mau mai ana na i'a maikai, mai ka Mokupuni Palmyra mai, no keia kumu, ma ke kelepa aku nei i hala, a ka waapa lawai'a mai Palmyra mai, ua kuai nui ia na i'a a kela hui lawai'a, e ka poe o na makeke me ka oluolu loa, o ka mea apiki nae, i ke kaa ana aku malalo o ko lakou malu, ua papalua a papakolu ae la ke kiekie o ke kumukuai, elike no me ka lakou e kuai mau ana, a e papalua a papakolu iho ai ko lakou puka. I hiki no i kela poe o na makeke ke hoopipii i ke kūmukuai o ka i'a, no ko kakou ae aku i ke kumukuai e kauia mai ana; aka, ina e haalele aku ana kakou, a hele ae e kuai i ka i'a o ka makeke kulanaakuHale, e ku iho ana kela mau i'a, ahiki i ka hoemi ana iho i ke kumukuai. O keia wale no ke alahēle e loaa ai ia kakou ke emi o ka i'a ma keia hope aku.

Ke kuaiia nei na i'a maikai ma ka makeke kulanakauhale, ma kahi o ka elua kenikeni o ka paona, oii nae o ke kumukuai o kela ano i'a, e kuaiia nei ma fia m a keke e ae ,aia ma kahi o ka eono kenikeni o ka paōna. Ke kuai nei na haole, na lahui e ae i kela mau i'a, a ua hooia mai lakou ma keia keena, he oi ae ka māikai ame ka ono o na i'a mai ka Mokupuni Palmyra mai, mamua o na i'a o kela ano e kuaiia nei maanei. Malia paha he maopopo ole ia kakou e na Hawaii, ke kuaiia 0 na i'a emi ma ka makeke kulanakauhale, ke kumu o ko kakou hele ole ana malaila; ina o ke kumu i'o ia, aAaila e hoopauia ae ana ia pohihihi, ma ka hele kino ana ae e ike no oukou iho, a e hookuku i ke ano o kela mau i'a, me na i'a o na makeke e a e. Ina aole o kakou makemake i kela ano i'a, mamuli o ka hookomoia ana iloko o ka hau; aole no he ike ole o kela mau i'a, me na i'a e ae a kakou e kuai mau nei i kela ame keia la, no ka mea ke hookomo mau ia nei no ia mau i'a i ka hau; o ka mea nui wale no, o ia ko kakou ike i ke ano o ka hoomo'a ana, i mea e ike imaoli iho ai kakou i ka ono. . Ke kuai nui nei na hokele i kela mau i'a, na haleaina, ame na ohana lehulehu ,aole wale no ko lakou ike i ke emi, e koe nui ai ka lakou mau dala, aka ncy ko lakou ike pu kekahi 1 ka ono. E lilo kakou na Hawaii i poe kokua aku no ka holomua o ka hana a keia hui lawai'a, ma ka hele ana ae ma ka njakeke kulanakauhale, e kuai ai i na i'a me ke kumukuai ouolu a makepono; he kumu hoohoihoi aku keia i kela hui lawai'a, e hoomau ai ka lawe ana mai i ka i'a mai kahi mamao mai; a iloko hoi o ia manawa hooakhi, e konoia aku ana ka poe o na makeke kuai i'a apau, e hoemi iho i ke kumukuai o ka lakou i'a, aole hoi o ka hoolilo i ka lehulehu, i poe puni' wale aku, ma ke kuai ana elike me na kumukuai e kauia mai ana. Ke emi liilii mai nei ke kumukuai o kekahi mau meaai a kakou, a i wahi e hoemi pu ia mai ai ke kumukuai o ka i'a, ua ili iho ke ko'iko'i maluna o kakou ,o ka hele ana ae e kuai 'ma kahi'maopopo loa o ke emi o ke kumukuai i keia manawa, a i ko kakou hoomamao ana mai kahi pipii m»i o na kumukuai, e ike auanei kakou, e emi iho ana ke kumukuai ma na makeke j kuai i'a apau, a o ke kaa ana no hoi ia o ka lanakila o keia | paio, a ka ahahui o jia wahine o na home, e paio nei, no I ka pono o na mea apau.