Ka Nupepa Kuokoa, Volume LXI, Number 13, 31 March 1922 — E Haawiia Na Mahalo I Na Wahine [ARTICLE]

E Haawiia Na Mahalo I Na Wahine

Ma ke koho baloka o ka Poaono nei, i hoike mai ai na wahine i ko lakou lilo maoli.i poe makaala, i ka pono koho baloka, mamuli o ko lakou hele ana ae e hookomo i ko lakou mau baloka; pela pu ko lakou komo kino iloko o ke kalaiaina, e hoike mai ana, i ko lakou oi ae imua o na kane. Ala ka hapanui o na pahu koho baloka, o na wahine ka i loaa na pakeneka kiekie loa i koho, elike me ko lakou huina i hoomaopopoia, ma ka papainoa o na wahine o kela ame keia mahele koho, ina e hookukuia aku me na pakeneka o na kane, i koho, ua nui na kane, i hele ole ae e koho, o keia iho la no ka hoike nui no oi ae oka makee ona wahine i keia pono koho baloka, mamua o na kane. He nani nae ia, eia na wahine ke komo kino mai nei iloko o na hana kalaiaina, ua kukuluia na kalapu ma kela ame keia mahele koho, o ka keia pepa e a'o ikaika aku nei i na wahine, e hoomau aku i*ke ku ana o kela mau kalapu, no ka mea eia aku he elua mau koho baloka i koe, a hoea mai, he mau koho baloka, e hookomo hou ia aku ai kakou iloko o ka enaena o ka hoouka kaua kalaiaina. Nolaila i wahi e loaa ai- ka lanakila o na moho i manaoia, o ia no ka loaa o ka manao lokahi, o ka ikaika iho la no ia. E komo e na wahine Hawaii iloko o na kalapu, e nana aku iamua • e nee mai nei, o ko kakou lokahi auanei, o ka ikaika iho la no ia, e hiki ai ia kakou e paa i kekahi mau kulana oihana kuloko, no ka hookele ana i ko kaoku mau hooponopono aupuni ana. Me keia manawa no, imi e ka ikaika, mai kakali a hoea mai i ka wa o ke kaua, o manawa iho la ia e hoomakaukau ai, aole ia he kalaiaina naauao. O ka olelo kaulana a kahiko: "Iluna no ka ua, waele e ke pulū," o kekahi ia o na olelo noeau loa, e pono ai kakou e lawe mai a malama, i hoea mai no ia i ka wa no ka hoouka kalaiaina, maalahi ka hana. E hoea mai ana he manawa ma keia mua aku, e loaa ai ke kuleana paa oihai)a i na wahine, ma na oihana kohoia, a hookohuia mai paha, nolaila e a'o i ka makaukau a niii, a e pili mai me na alakai kālaiaina, pela wale no ē hiki ai ke loaa ka naauao, ma ka hana kalaiaina, a e- paa hoi i na kulana no ko ka lehulehu mau pono, »