Ka Nupepa Kuokoa, Volume LXI, Number 13, 31 March 1922 — Ka Hopena o Ke Koho Baloka I Hala Aku La [ARTICLE]

Ka Hopena o Ke Koho Baloka I Hala Aku La

Ahiki i ka Poaono aku la, o ka hoea ana mai ia, i ka hopena o na hakoko kalaiaina hahana i hooukaia iloko o na pule aku nei i hala. Na na pahu baloka apuni keia Teritore i hoike mai, 0 Senatoa Harry A. Baldwin, ka Hawaii nei i makemake ai e hoouna aku i Wakinekona. Ua kohoia o 11. A. Baldwin, e ka hapanui o na mana koho baloka o keia Teritore; aole mamuli o na kalaiaina o ke ano haahaa, elike me ia a kona mau hoa paonioni, -i pahele aku ai i ka noonoo o na makaainana koho baloka apuni 6 Hawaii nei aka me ke kalaiaina maemae, a ku i ka naauao, he kalaiaina 1 loaa ai ia kakou na haawina a'o maikai loa, e lawe mai ai i kumu hoohalike, no na kalaiaina o keia mua aku. O ka heluna baloka kiekie loa i loaa ia H. A. Baldwin, ma ke koho baloka i hala aku la, he huina kiekie loa ia, i ike mua ole ia ma ka moolelo o na hana koho baloka, no ke kulana elele lahui i Wakinekona; he hoike oiaio loa, no ka huliamahi ana, o na Repubalika, ame kekahi mahele nui o na Demokarata. a haawf aku i ko lakou mau baloka nona, mamuli o ka manaoio ana, aia iloko o H. A. Baldwin, ka makee ame ka hiipoi, e hooikaika aku, elike me ka hiki iaia ke hana, no ka pono wale no o na makaainana apau o Hawaii nei, a no ka holomua hoi o ka hookele aupuni kuloko ana. O ka heluna baloka a ka Mokupuni o Oahu nei 1 ha2wi aku ai ia Mr. Baldwin, pela me na mokupuni e ae apau, ua hoike mai na mana koho baloka noonoo akea apau, i ko lakou hiHnai a paulele maluna ona, oia wale no ka mea kupono e pani aku ma ka makalua i hoohakahakaia iho, e ko kakou Keikialii Kalanianaole i oki pu ia-ae kana hana ma Wakinekona, mamuli o kona make ana, no ka hoopau pono ana aku i kana mau hana i koe, aole nae no ia kumu wale no, aka no ka manaoio ana, ma o ka moho no a ka aoao Repubalika, e loaa mai ai na hopena, e hoohauoliia ai o Hawaii nei, ma o ke kaa ana o ka mana hookele aupuni o Amenka, 1 keia la, iloko o ka lima, o ka aoao Repubalika lahui. E haawiia nae kekahi mahalo kiekie ani"i ke Kamaliiwahine Kalanianaole, a i na wahine Hawaii, no na kakoo a lakou i haawi mai ai me na manao lokahi, no H. A. Baldwin, he kakoo e hiki ole ai e loaa kela huina baloka oi kiekie loa i ka moho elele lanakila, ina aole i komo pu mai na wahine iloko o na hooikaika ana, ma keia kau koho baloka kuikawa. Na ka heluna baloka o kela ame keia moho elele pakahi, i hoike mai, ma ka Poaono aku la i hala, aole i lilo ka holo kuokoa ana o Kumalae ame Mrs. Atcherley, e ku-e ia McCandless, i kumu e hoemiia iho ai ka ikaika a na Demokarata' i akena mau ai no McCandless; ma ka mea maopopo loa, ina he elua wale no mau moho i holo ma kela baloka, aole he kanalua iki, no ka oi aku o ka heluna baloka e loaa ia Baldwin. Mailoko mai nae o ke koho baloka aku la i hala, ma ka Poaono nei, i loaa mai ai he haāwina a'o maikai loa ia McCandless, ua hoea mai i ka manawa', ana e hoopau loa ai i ka holo moho elele hou ana mai ma ka aoao Demokarata; e noho aku oia, a haawi mai i ke kakoo ana i kekahi moho e ae. i moho e hiki' ai e loaa na kakoo ana aku a na mana koho, i makee i ke kalaiaina maemae. # Ma ka mea oiaio ke olelo ae, no ke ano o ka loaa ana o' ka lanakila kiekie loa ia H. A. Baldwin, o ia no ka loaa o ke kuikahi ame ka pumehana iloko o ka aoao Repubalika i keia kau, na ia mau ano i ikeia, i onou aku i ka moho elele Repubalika, no kona lanakila. i elele na Hawaii nei, a na ka puanuanu, ka mokuahana ame ke kalaiaina haahaa, na ia mau mea, i luma'i aku ia L. L. McCandless, iloko o ka lua kupapa'u o kona haulehia, ma ke kahua kalaiaina. Ua ku aku ke Kuokoa, a haawi i kana mau kakoo ana ia H. A. Baldwin, mamuli o ka manaoio aha, aia iloko ona na manao makee hikimua no ko kakou porfb, no na Hawaii; ua hoike mai oia ma kana mau hana ponoi, he hoaloha oiaio loa oia no na Hawaii apau/ a ke hauoli,nei keia pepa, i ka lokahi ana o na Hawaii mana koho baloka ma ia martao hookahi, ma ka hooili ana aku i ko lakou hilinai piha maluna ona, ma o ka lanakila haaheo i loaa ia Baldwin, ma ka Poaono nei. Aole a kakou hapai hou ana mai i na ninau kalaiaina iloko o keia mau la, he hookahi no hana, o ia ke kakaii ana aku, i ka hopena o ka Mr. Baldwin mau hooikaika ana ma Wakinena, no ka pono o Hawaii nei; me ka lana mau nae o ka manao, aole i makehewa ka kakou mau hilinai ana 'i haawi aku ai maluna ona, no ka hoea mai o na nuhou, e hoohauoliia ai kakou ma keia mua aku.