Ka Nupepa Kuokoa, Volume LXI, Number 13, 31 March 1922 — HAUOLI NA DEMOKARATA MA KA PO POALIMA I HALA. [ARTICLE]

HAUOLI NA DEMOKARATA MA KA PO POALIMA I HALA.

Ma ka halawai a na Demokarata o ka malama ana ma ka Paka Aala ma ke ahiahi o ka Poalima o ka pule i hala aku la, ke ahiahi mamua iho o ke koho baloka kuikawa o ka lā 25 o Maraki, o kekahi ia o na halawai lehau i na kanaka o na lahui ame na papa like ole, mai na makua a na kamalii, a ka poe kupono ole i ke koho baloka, a ma kahi nae o ka maluhia, o ia kekahi 0 na halawai nui o ka hauoli o na Demokarata. Ua helu mua na Demokarata i ko lakou lanakila mamuli no ia o ka piha ku'i o ka lakou halawai ma kela po, ua helu mua nae lakou i na moakeiki mamua o ko kiko ana, ua nui pu ka hauoli o na, haiolelo Demokarata, me ka hoolilo ana hoi ia wahi hulaku'i, me ke ku okoa ana mai o ka 'wahine a ka Meia e haa, o ka pau pu no ia o ke anaina 1 ka hula, me ka nui o ka hauoli. Mahope hoi o ko lakou hauoli ana ma ia po, ua lilo hoi na lakou ka hauoli mua, o ka hope mai nae he ku i ka hoka, ua hoike mua mai hoi na Lani, i na kulu pakaua nui ma kela ahiahi, me ke kui ana o ka hekili no elua manawa, me ka olapa mai o ka uwila, he hoailono ke ano o ke keiki o Maui, no ka mea no Maui no o ka Hekili ke kupua hoi o Maui. Ma ka halawai hoi a na Repubalika, o ka malama an?. maloko o ia paka ma ia po no ma ka aoao mauka, he kakaawale, r wale no na wahi kanaka, eia nae, he poe lakou me na manaolana mau no ka lanakila o "Bal/i —win" no ka mea ua hoike mua mai na Lani ma o na kulu pakaua o kela ahiahi mamua 0 ka wehe ana o ka halawai a na aoao kalaiaina elua, me na leo nakolokolo o ka Hekili e hoike okoa mai ana no Balawina ka la. Ua nui pu no., hoi ke ke-u o na kanaka no kela mau hana i hanaia maluna o kahi puhi bana, no ke ku 1 ka hoohaahaa, me ke ku okoa mai o ka lunahoomalu maluna o ka paepae o ka aoao o ia hale, a koi mai 1» i na liiana koho e koho ia Likana Eliwai. i moho elele i Wakinekona, o ka hauoli mua e hauoli hope ana ia. Iloko o na makahiki he iwakalua o ka holo elele ana o Likana Eliwai, aole he kau i kipehi mai ai na kakoo o ka aoao Demokarata me ka hailuku pu ana mai, me na manao pilikino, nawai ole no e poholo mau i ka puka mahope, ka puka hoi a H. M. Kaniho. Ua lawe haaheo ae hoi ke Ikeiki o Maui, "O Maui Ho Ka Oi" e o mau o Maui ia inoa, o ka maemae o ka hana kalaiaina o ia ka i makemakeia.