Ka Nupepa Kuokoa, Volume LXI, Number 13, 31 March 1922 — Page 6
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
He Moolelo no
NA PUUWAI ELUA
A I OLE
Ka Hewa o ka Wahine--He Moolelo i Owiliiia na Haawina Hoopihoihoi Noonoo o ke Au o ka Manawa
I ka piha ana o na minuke he umi, hoomaka hou aku la ke kaaahi e holo, a he mau minuke no hoi koe, kani ae ka hora eiwa o ka po, ku aku la ke kaaahi no Biele, a oiaihe makihini ia i kela wahi, aole ana hoolalau wale ana aku, aka o ka hele pololei wale no, i kahi e loaa mai ai iaia ka ike, no kona alahele e hoea ai i ka Hale Kahiko.
Ua maopopo aia o Kanale Hale, ma kahi he ekolu mile ka mamao mai ka hale hoolulu kaaahi aku, a ke hoomaopopo la no hoi oia, aia ka Hale Kahiko, ma kahi kokoke mai i Kanahele Hale, oiai ua hele mua no oia e makaikai i kela wahi, eia nae he umi makahiki okoa kela i kaahope aku, nolaila ua ano poina iaia ke alanui e hele aku ai a hoea ilaila.
Oiai nae he nui na kaa hoolimalima ma kela wahi, kau ae la oia maluna o kekahi kaa a kauoha aku la i ke kalaiwa e lawe pololei iaia no ka hale hookipa, o ka on a nona kela hale hookipa, he kahukea kahiko oia no ka makuakane o Kapena Ivana, a ua maopopo iaia na wahi apau o na aina o Sr. Leonada.
I ka hoea ana aku no ka hale hookipa, hele loa aku la no o Mebure noloko o ka rumi hookipa, a oiai aole he poe e ae maloko olaila, ua hele mai la ka ona kela hale e hui pu me ia, a o ia ka Mebure o ka pane ana aku:
"Ua hoohewahewa loa paha oe ia'u e Dike?" a mamua nae o ka pane ana mai o ka on a hale i kana ninau, ua komo koke mau la kela kanaka pahaahaa, o ke kau like ana mau maluna o ke kaa hookahi me ua o Mebure, alawa mai la ka nana ana a ua kanaka nei ia Mebure, alaila inu awiwi ae la i kona kiaha, i kauoha aku ai i kekahi o na kuene, o ka hemo hou aku la no ia iwaho.
"Ea, owai hoi kela kanaka i oili aku la iwaho?" i nimau koke aku ai o Mebure i ka on a o ka hale hookipa.
"O keia ka manawa mua loa a'u i ike aku la i keia kanaka, a o ka mea oiaio no ea, he nui na kanaka malihini e noho nei maanei i keia manawa, mahope iho o ka make ana aku o Sr. Leonada. He nui na hoololiloli mahope mai nei o kona make ana, a me he mea la, i ka pau ana o ko'u hoolimalima, i keia makahiki, e kipakuia mai ana au, a hele aku he wahi okoa e noho ai. Iwaena o na kauwa kahiko apau i noho hana aku malalo o Sr. Leonada, owau hookahi wale no ka mea i koe, e noho nei, o ka nui makou, ua hoopauia,; a o ka hana nui e hoolalaia mai nei maloko o Kanale Hale no ka mre aku no ia o Miss Kalani me ka Haku Fanadale.
"Maanei ko'u wahi i hanauia ai, a ua elemaule no hoi i keia manawa, aka nae aole loa he wahi'aloha iki iloko o Miss Kalani no makou, nolaila e ku ana au a hele me keia kino elemakule, a imi aku i wahi hou e noho ai, oiai nae, aole pela ka manao o Sr. Leonada, o keia ko'u wahi e noho ai, ahiki i ka hooluolu ana."
Ma kela wahi o na olelo a Dike, hoomaha iki iho la oia, no ka mea hiolo mai la na kulu waimaka mai kona mau lihilihi mai, aka nae, hoomaka ou mai la e kamailio.
"Ke hoomaopopo nei au, no ko'u ike mua ana i kou helehelena aole nae he hiki ia'u ke hoomanao no ka'u wahi ike mua ai. Heaha kau mea i makemake ai e ke kanaka opio, a'u e haawi aku ai?"
"E haawai mai oe i kiaha waimomona no'u, me kekeahi mau ciga maikai loa, aole o kela ano ciga pupuka au e kuai mai ai ia Kapena Ivana ame a'u i ko maua wa e hoea mai ai no kou wahi nei."
"Alaila o oe ka paha ke kokoolua o Kapena Ivana e hoea mau mai ana inanei, ma ka inoa o Keaka, ea? Akahi mai la au a hoomanao no kela mau la a olua e hele pu ana, ua palaka maoli ko'u noonoo, i kau a mea o ka loihi loa o keia mau makahiki akahi no a ike hou ea oe."
Ma kela wahi i koii aku ai o Dike i ke kiaha waimomona, ma kekahi mau ciga, a haawi mai la ia Mebure, me ka hoole ana mai e lawe aku i ke kumukuai o kela mau mea a ke kanaka opio i haawi aku ai iaia, mamumli o kona manao, e hala ana he mau la a MEbure e noho ai ma kona hale hookipa, a e pomaikai ana oia, i kela kanaka opio, Ua hoala mai la oia i na kamailio ana no na la i hala, i ka wa e ola ana o Sr. Leonada, aka nae ua pane e aku la o Mebire iaia:
"O ko'u manao mua, o ia no ka huli hoi hou ana aku no Ladana maluna i ke kaaahi halihali leka ma keia pi, aka mae, in a oe e eae mai ana, e hoaumoe au ma kou hale hookipa nei i keia po, alaila ma ka la apopo au e huli hoi aku aia. Alila e hooko i'o ia ana anei ka mare mawaena o Miss Kalani, ame kana i hoopalau ai?"
"Ae, e mareia aku ana o Miss Kalani me ka HAku Fanadale, kekahi o na haku opio piha uhaua e noho nei ma keia wahi, a mahope o ko laua mareia ana, e hoi aku ana laua a noho ma ka home kela haku, he home hoi, i hoomaemae hou ia iho nei, me na dala a Sr. Leonada; nolaila e ike mai oe e ka hoaloha i na hana uhauna a Miss Kalani, a in a paha o oe kekahi i maopopo, i ka huina nui o na dala i hoomaunauna wale ia e kela kaikamahine, ua lawa ia no ke kii ana aku i na iwi o Sr. Leonada a kaula'i ae i ka la."
Wehe ae la o Mebure i kana uwaki a nana iho la, o ka hapalua ia o ka hora eiwa, me ka pane ana aku:
"E hele aku ana au i ka holoholo, a ma ka hora umikumakahi o keia po e hoea hou mai ai au. O ka'u wahi makemake ai e hele holoholo maloko o ka uluaau, a hoea no ka Hale Kahiko. Pehea la ka loihi a'u e hele ai a hoea no kela wahi. Ma ka'u mea e hoomaopopo nei, he pololei wale no ke alanui e hele aku ai a hoea ilaila."
Kulou iho la ke poo o Dike ilalo, no ke kahaha, i ka lohe ana mai, i ka makemake o ke kanaka opio e hele holoholo noloko o ka uluaau, iloko o kela manawa o ka po, aka nae pane mai la oia:
"He hapaha hora wale no au e hele aku ai, o ka hoea no ia no kela hale, i na nae aole oe i poina i ke alanui pokole e hele ai. I hoike aku nae au ia oe, aole he heleia o kela alanui no kekahi manawa loihi, a ua hele paha a paa i ka nahelehele, a o kekahi no hoi, he hana paakiki mau ka manao ana, e loaa ia oe kekahi o na kanaka kamaaina maanei nei, e hele pu me oe i ka po."
"Alaila he maka'u ka paha na kanaka o keia wahi i ke akua lapu ea? No'u iho, he mea ano ole loa ke akua lapu ia'u." wahi a Mebure me kona akaaka okoa ana ae.
Mahope loa iho la i ua o Mebure he manao hoopoino ia Kapena Ivana, ka i hoolalaia. nolaila i wahi e komo ole ai oia iloko o ka poino, kamailio hou mai la ia Dike:
"Enonoi aku ana au i kou oluolu, e haawai mai i kekahi maau nui wa'u, he mea paa wale aku no hoi, ua ikeia aku auanei ka poe hoohalua o ka po, ua hiki ia'u ke kupale no'u iho. Ke makemake pu nei no hoi au, e noho hamau loa oe, no na mea e pili ana i keia kuakai holoholo a'u a e ike aku ana no oe, i ka pomaikai, o kou hoolohe ana i keia mau olelo a'u"
"Ke manao nei au, aole au mea e kanalua ai no'u; aka nae uea hookahaha loa ia mai ko'u noonoo, no ke ano o kau hana e hele nei no kela wahi, i kauia ka weli e na mea apau."
"E hele ana au no ka Hale Kahiko, e hui pu me kekahi mea, o kona inoa nae aole au e hoike aku ana ia oe, aka e lohe aku ana no nae oe, ma keia hope aku nona."
"Ia oawau ma kou wahi, aole au e hele iloko o keia wa poeleele," wahia Dike, me ka hoike okoa ana mai i kona ano makau. "O kela kanaka pahaahaa o ke komo ana mai nei, a hemo hou aku nei iwaho, oia anei kekahi i komo pu ma keia hana au o ka manao ana e hele aku e hooko?"
"Aole oiaio loa keia mau olelo au e kamailio aku nei ia oe, eia no o Kapena Ivana ke ola nei, me ke ola kino maikai, aka nae no keia mau la, aole loa he pono e hoikeiki ae oia iaia iho imua o ke akea, Aohe au hopohopo ana i koe no kou hoolimalima, a no kou kipakuia mai paha. E hoomanao, e noho hamau loa oe no kau mau mea apau i lohe aku la mai ia'u aku."
I kela manawa nae i komo mai ai kekahi poe kanaka ekolu, a noho ae la ma ka aoao o kekahi pakaukau, he poe kamaaina no kela, o ka pau ana mai no ia o ka lakou hana, a i hele ae e hoonanea me Dike, elike me ka lakou hana mau, i na po apau; nolaila haalele mai la o Dike ia Mebure, me ke kii ana aku i omole waina no lakou, a kukulu aku la iluna o ke pakaukau,
Oiai aole i pau kona makemake e kamailio pu me Mebure, nonoi aku la oia i kela poe kanaka e kala mai iaia, a hoi hou mai la no kahi a Mebure e ku ana, me ka nikau ana aku:
"He mea hou anei kekahi a'u e hana aku ainou e kuu hoaloha. Ina aole i komo mai nei keia poe kanaka, in a ua hele pu aku au me oe, no ka hoolaukanaka ana aku i kau huakai poeleele."
"Mai hoopilikia i kou noonoo, aole o'u maka'u i ka hele hookahi i ka po, a in a no ko'u hoohaluaia mai, e hiki ana no ia'u ke kupale no'u iho. He elima minuke i koe a'u e kakali ai, alaila hewa ae i ka manawa kupono a'u e hele aku ai ma kau misiona."
Alawa iho la oia i ka nupepa ana o ka lawe pu ana mai, akahi no oia a ike iho i kekahi mau huapalapala nunui e kau ana, no ke poho ana o kekahi banako nei.
Oiai o kela ka nuhou nana i hookau mau mai i ka weli iaia i na maawa apau, no ka huaiia ae i ke karaima a kona makuakane i hana ai, a i hookau mai ai hoi i ka hilahila maluna o kona ohana, hoomau loa iho la ua o Mebure i ka heluhelu ana, o kana mea i ike iho, o ia no ka nui o ka poe hanohano a ko'iko'i o ka aina, i owiliia iloko o kekahi o na hana apuka ino loa, ka mea nana i hoonele aku i na kaukani o na kaukani o na ohana ilihune iloko o kekahi i na hana apuka ino loa, ka mea nana i hoonele aku i na kaukani o no kaukani o na ohana ilihune iloko o ka nele aku i na kaukani o na kaukani o na ohana iluhune iloko o ka nele aku ka hoaa, no ka mea o na miliona dala, a lakou i hoahu ai, ua puehu aku la, elike me ka opala e puhiia ana e ka makani.
Iwaena i na kanaka ko'iko'i, na lakou i apuka i ka lehulehu, o ka inoa kekahi o Keoni Pilipo Mebure. ua holo mahuka aku nae oia, he mau mahina mamua o ka ikeia ana o ke poho o ka hale banako, ana i noho poo ai, a ua manaoia, aia oia ma kekahi o na kulanakauhale o Amerika Hema, kahi i noho ai, ma kekahi inoa okoa, aka nae, aia ana aku iaia a paa, a hoihoi mai no kona hookolokoloia aku, no ke karaima ana i hana ai.
"O, e na lani!" i hooho ae ai o Keaka Mebure, me ha hele o kona helehelena a kunahihi. "Pehea ana la ka pono o kuu mkuahine ame luu kunahine? No kekahi manawa pokole, e hiki ana ia laua ke noho iloko o ka hauoli, mamuli o ka maopopo ole o keia nuhouhoolelehauli, aka nae e hoea mai ana he la, e hoea aku ai ka lohe imua o laua, no ke karaima a kuu makuakane i hana ai. O, aole he mea pono e paa kuu makuakane i ka hopuia! Pehea la e hiki ai ia'u ke hoike aku iaia i ka lohe, no ka pilikia e hookokoe aku nei iaia?"
No kela piha i ka pioloke o kona noonoom kiola okoa iho la oia i ka nupepa ilalo, aka nae no kona hopohopo, o loaa auanei kela nupepa i kekahi mea, lalau hou aku la a hookomo ae la maloko o ka pakeke o kona kuka, me ka namunamu ana iho:
"E hele aku ana au e hui pu me Miss Kalani, a ma ia manawa hookahi, e noonoo pu ai au, i ka mea e hana aku ai no ka pono o kuu makuakane, i wahi nona e paa ole ai i ka hopuia. E hoike aku ana au imua o kela wahine opio, he hoaloha au no Kapena Ivana, a nana au i hoouna mai, no ka hui pu ana me ia, a e hakilo pono aku ana au, in a paha he epa kekahi ma ka aoao o kela wahine opio. Malia paha he hana naaupo keia a'u e hooko nei, e kau maiai na hoahewa ana a Kapena Ivana maluna o'u, ua lohi loa nae keia manawa no'u e hoi hope ai, koe wale no ka hele ana aku imua a ike i ka hopena o ka'u hana."
Lalau aku la ua o Mebure i ka pauku laau a Dike o ka lawe ana mai, o kona hele au la no ia no kahi o ka puka, aia no hoi na keonimana o ke komo ana mai, ma na minuke mamua iho, ke nohoho nui la ma ke pakaukau e inu i ko lakou mau kiaha bia, me ka nanaana mai nae iaia nei, a o Dike ka mea i pane mai:
"E kakalu aku ana au, o kou hoi mai ma ka hora umikumakahi o keia po." wahi ana me kona piha i ke kahaha, i ka ike ana mai, i ka haikea maoli o ka helehelena o ke kanaka opio.
Kunou wale aku la no o Mebure i kona poo, a hemo aku la iwaho, i ka nana aku i ua kanaka opio nei, ua hele maoli oia a piha me na manao hehena, ke hele la oia me ka aweiwei, aia hoi kekahi lima on a, ke pono ka wale la no i ka pauku laaau i o a ia nei, elike me kekahi kanaka, e hele ana e hooko i kekahi hana karaima.
Hele pololei aku la oia ma ke alanui ahiki i ka hale hope loa, alaola huli ae la ke alanui momoli, e moe ana iloko o ka ululaau, eia nae, hakalia no iaia a komo aku la mahope o Mebure, o keia no ke kanaka hookahi, ma kela po, a oia no hoi kela kanaka, ana i ike ai maloko o ka hale hookipa.
MOKUNA VVII.
Ma ka manawa hoi i loaa mai ai ke kelekalapa mai ia Ela ua hoopilkia loa ia ka noonoo o Kapena Ivana, he manawa lehulehu kana nana ana iho i kela kelekalapa, me ka maopopo ole o kana mea e hana aku ai. Penei iho ke keleklapa a Ela i hoouna mai ai:
"Aole i hoi mau kuu kaukunane. E kauoha aku oe iaia e hoi mai me ka hikiwawe loa, oiai maua iloko o ka pilikia nui."
Ua lawa kela hoakaka pokole maloko o ke kelekalapa a Ela, i kumu e hooihoihoiia ai o Kapena Ivana. Aole he maopopo iki iaia o ka pilikia nui i kau aku maluna o ka makuahine ame kana kaikamahine, koe wale no, ma kona manao koho iho, mamuli paha ia o ka maopopo ole ana o kahi o Keaka Mebure i hele ai. Noonoo iho la oia, e hele hou e hui me na ona, o ka hui a Mebure e noho hana ana, eia nae he hana hoopau manawa wale no ia, o kana i hooholo iho ai, o ia no ke kakau ana i leka na Ela, a na Mebure hoi kekahi, nolaila iloko o na minuke he iwakalua wale no ua paa iho la kana mau leka i ke kakau, a hoouna aku la ma ka lima, o kekahi elele e lawe a hookomo iloko o ka pahu leka kokoke.
Oia ke nee la ka manawa imua kau aku la oia maluna o kekahi kaa, a holo aku la no ka hale hoolulu kaaahi, no ka hooko ana aku i kana mea i hoolala mua ai, no ka hui kino ana me Miss Kalani.
(Aole i pau)
He Moolelo no
PITA NIKOLA
A i ole
Ke Duke u Haalele Aku i Kona Kulana
Hanohano a Lawe Mai i ke
Kulana Makaainana
_____________
"Aole au hopohopo ana e Nikola, no ka hoouna mai o Makuaia i kona mau kanaka e hele mai e nana ia'u maloko nei o kou hale; a aole loa no kela kanaka e aa ana e hoikeiki mai i kona mau maka imua o'u. Ina no aia mawaho i keia manawa, aole loa oia e ki mai ia'u i ka pu. O ko'u make wale no, o ka iini nui ia iloko kela kanaka nae oia e hookau mai i ka make maluna o'u, me ka ike mai o kekahi mea, aia wale no a oia hookahi, alaila hoao oia e ki ia'u a make.
"Ua ike mua au i ke ano o kela kanaka, a o ke kumu ia o ko'u pinana mua ana iluna o ke kumulau, a ia oe ihoea ae ai, e hakilo ana au ma na wahi apau, in a paha he poe e ae kekahi e oili mai ana, me he mea la ia kaua e nanea loa ana i ke kamailio, o kona manawa ia i oili mai ai me ka palamimo loa, kohu moo nahesa, owau no kekahi moo nahesa, aka he ko'uko'u mua au, mamua o ka lele ana aku maluna o ko'u enemi, aole elike me kela kanaka hohewale, ka pee mai i kahi pouliuli, a ki mai i kana pu ma ke ano powa.
"He kanaka ki pu pololei o Makuaia i kona mau la mamua, aka me he mea la ua hele oia a piha loa i ke pihoihoi, pela iho la i hala-hu ai kana poka o ke ki ana mai, me ka pololei ole ma kana wahi i makemake au. Ma ka' u mau mea i lohe ai i ke kamailio o na kanaka, aia ma kahi o na miliona ka nui o na dala a kela kanaka, aka he kuleana nui ko'u iloko o kela mau miliona, a e koi aku ana au iaia, e haawi mai i ko'u mahele o na dala ana e paa hewa nei."
Wehe ae la o Kimo Koka, i kona kikalika, a puhi iho la, me ka pane ole aku ia Nikola, no kekahi mau minuke, alaila kamailio hou mai la:
:Maluna ou e Nikola, ka'u mau mahalo kiekie ana i keia po, no kou hoopono. Ua wahi mai oe i ko'u eha me he kanaka Samaria la' oiai nae in a oe he kanaka ino, ua hiki loa ia oe ke hooko i ka makemake o ok haku, a loaa kekahi uku makana kiekie loa ia oe mai ia Makuaia mai. Aole nae oe i hana mai ia'u pela, aka ua hookipa mai oe ia'u ma kou home nei a hana mai i na mea apau e pono ai au."
"E hoike aku au ia oe e Kimo Kkoa ea, aole au he mea pepehikanaka. I ka wa i oloio mai ai ka poka ma kuu pepeiao, a ku aku ma kou poohiwi, ike koke iho la au, he poka kela i kiia aku ia oe e Makuaia;nolaila aole loa au i makemake e hapala ko'u mau lima i na kulu koko, o ke karima a kekahi mea i hana ai, aole loa!"
"Aole no au he mea pepehikanaka," i pane aku ai o Kimo Koka. :Aole loa o'u wahi manao iki, pepehi aku ia Makuaia a make, aka i ka iini nui iloko o'u, oia no kona ola aku no kekahi mau makahiki loihi, me ka nui mai o na dala loaa iaia, oiai elike me ka nui o kana mau dala loaa mai i kela ame keia makahiki, pela no ka nui o na dala e loaa mau mai ai ia'u, mai iaia mai."
"Alaila he dala kela i loaa mai me ka hooweliweli!"
"Aia no i kau inoa e kapa mai ai, he huaolelo maikai ole kena, aka hoi, ua kamaaina kaua, nolaila aole ahewa wale ana aku ia oe. Ehoomanao oe, ua ukuia aku na kuene no ke ano o ka lakou mau hana; ua ukuia aku na loio e na hui nui, no ke kupale mau ana i ka poe iloko o kela mau hui, mai ka paa ana aku maloko o ka halepaahao. O ka mea a'u e hana nei, ua kulike loa no ia, me ka hana a ana kanaka he mau miliona, e lawelawe mau nei i kela ame keia la.
" Pehea la kou manao e Nikola, in a au e hoike aku ana ia oe, o ka hapalua o na dala apau a Makuaia e malama nei, owau ka mea kuleana ia mau dala? O kela maoli ka mea oiaio loa, me ko'u koi ole aku iaia, no na dala ana i uhauha ai, iloko o na makahiki a'u e kaahele ana maluna o ka honya me he keiki auwana la, oiai oia e noho ana iloko o ka hanohano ame ka hauoli.
"E hookahahaia aku ana kou manao e Nikola, ke hoomaopopo iho, aole ka'u he mau hana hooweliweli iaia, aka e koi wale aku ana no au iaia, e uku mai i ko'u kuleana iloko o kana mau dala apau. O na dala ana i hoohana aku ai, a loaa mai iaia makahi o na miliona dala, i keia la, owau pu kekahi i kuleana iloko o ia mau dala, nolaila e hooikaika aku ana au ma na ano apau, i wahi e loaa mai ai ko'u mahele o ka paa hewa ia ana e Makuaia, me ka ukupanee pu no kela mau dala. iloko o na makahiki he unikumalima i kaahope ae nei."
"Ua hookahaha loa mai oe ia'u e Kimo Koka, a oi aku mamua i ka mea hiki ia'u ke hoakaka ae ma na olelo maopopo loa. Ina he kuleana i'o kou i ka hapalua o na miliona dala a Mukuaia, alaila nokeaha kou kumu, o ka waiho ole aku i kau koi imua o na aha kanawai aole o ka hele pee mai elike me ia au o ka hoea ana mai nei i keia po?"
Noke okoa ae la o Kimo Koka i ka akaaka, a pane mai la:
"He ulolohi loa kau alahele e olelo mai nei, aia kekahi alahele i oi aku ka hikewawe ame ka maalahi loa mamua i kela. Ke hoomanao nei no oe e Nikola, ia kaua o ka lele like ana mai iuka nei o ka aina, ua koi aku au ia oe e komo pu mai me a'u, maka hana hikiwawe ai ka loaa ana o ke dala, ua hoole mai nae oe i ka hui pu ana mea a'u; aka aole keia i lohi loa, no kou hoololi ana i kela pane kahiko au. Ua hilinai o Makuaia ia oe, pela wale no oia i haawi mai ai i na kaukani dala elima e lawe mai a haawi ia'u i keia po. Me kela hilinai o Makuaia maluna ou, ua hiki loa ia kaua a elua ke hookeaku i kela kanaka ahiki i ka pili pu ana i ka paia. E waiho mai oe na'u ka hana, o kau wale no o ke kokua mai no ka holopono o kela hana, a na'u e hoolilo aku ia oe i kanaka waiwai loa, e hele hou ole ai oe e huli i hana nau."
Luliluli ae la ke poo o Nikola a i aku la: "Aole au e hoololi ana i ko'u manao mua, o kekahi no hoi, ke loaa nei ia'u he ukuhana maikai loa, a aole au he kanaka i maa i ke kumakaia ana i ko'u haku."
"O kau paha kena i manao ai e Nikola, e kupaa mahope o kou haku, i hoike aku nae ai ia oe ea, aole loa he wahi minamina iki iloko o kela kanaka no kou ola. Ina aole kou makaala ame kou piha eleu maoli, ua make oe i keia po. Heaha kau kumu i manao ai, aia iloko o Makuaia ka minamina nou?"
"Aole a'u noonoo no kona minamina, a minamina ole paha ia'u, o ka mea nui wale no au e nana nei, o ia ka hooko pono ana i na hana a ko'u haku."
kela manawa nae, i kani kapalili mai ai ka bele o ke kelepona, ia wa i ku ino ae ai o Kimo Koka iluna, me ke kuhikuhi ana aku o kekahi manamanalima i kahi o ke kelepona, ewaiho mai ana ma ke kihi o ka rumi, me ka pane ana mai:
"Ina o Makuaia kena e kelepona mai la ia oe, alaila ua hele ua kanaka kei a piha me ka pihoihoi. E ninau pono mai ana oia no ko'u hopena, a o kau mea e pane aku ai, e hoike aku, eia au maloko nei o kou hale kahi i noho ai, a ke kamailio pu nei me oe. Eninau aku iaia, i kana mea i manao ai e hana mai no'u!"
Hele aku la o Nikola me ke no hoihoi ole no kahi o ke kelepona, a pane aku la:
"Hale-Ae, owau no keia o Nikola. Ae ua kiia mai kela kanaka i ka pu mai kahi pouuli mai, i kona wa e helu ana i na bila dala. Ua ku o aka Kenede i ka poka ia oe ma ka poohiwi-Ae, o oe maoli no ka mea nana i ki i kela kanaka, aole e hiki ia oe ke pulapu mai ia'u. Eia o Haka Kenede maloko nei o kou hale kahi i noho ai, ua wahi aku nei au i kona wahi i eha me ka welu, a heaha ka'u mea e hana aku ai maluna on a? O kena anei ka mea oiaio, e hookuu aku au iaia e hele?"
" Ho mai ke kelepona ia'u, owau ke kamailio aku i kela kanaka ino," i pane aku ai o Kimo Koka, me kona lalau okoa ana aku i ka ohe hoolohe e paa ana iloko o ka lima o Nikola, noke aku la oia i ke kamailio, aohe wahi mea a paneia mai, no ka mea ua haahele mai o Mauaia i ke kelepona, o ke kumu iam i kamailio ole ai na enemi mawaena o laua iho.
"Aia hoi paha la, aole he wahi lihi hoihoi iki o Makuaia e ike ia'u, pela oia i kauoha mai la ia oe e hookuu ia'u e hele. He kanaka makemake hoi e make au, heaha la kona kumu, i hele ole mai ai e pepehi ia'u?"
Hele holoholo iho la o Kimo Koka maloko o ka rumi, me ka lalau ana aku i kikalika hou nona, a iaia i hoi mai ai a noho ma kona wahi, pane mai la:
"Ia'u e haalele iho ai ia oe e Nikola, e hele aku ana au no ke kahi wahi e homaha ai, no ka manawa, alaila kaahele aku no ke Komohana, no ka hoakoakoa ana mai i na ike, ame na mea oia io apau e pili ana i ka'u koi.
"He meahuna keia na'u, aka nae aole o paha he hewa o ko'u hoike ana aku ia ae, oiai ua hilinai piha au maluna o kou kulana keonimana. Ina e hooko mau mai ana o Makuaia i ka'u mau koi i na manawa apau, aole loa he mea mawaho ae ou e ike i keia meahuna, aka i hoao oia e kue mai i ko'u mau makemake, alaila e hua;i ae ana aui na mea apau i ke akea, a o ka mea mua loa i ka moolelo o keia kanaka, oia no kana kaikamahine."
Noho hamau iho la o Kimo Koka no kekahi mau minuke, me ke ka ana aku i ka lehu o kona kikalika, iaia no paha ka maopopo o kana mea e kamailio mai ai, i mai la:
"Ma ke awawa o Sana Lui, i halawai mua loa ai au me Mr. Makuaia. Ua hanauia oia ma Irelani, na kekahi mau makua hoopono ilihune. I ka manawa mua loa i loaa ai kekahi pomaikai iaia, ua hoololi ae la kela kanaka i kona inoa Ionakana K. Makuaia.
"Ua noho hana like au me Makuaia ma Colorado, ma kekahi aina hanai pipi, ua lilo maoli maua he mau hoaloha, elike no hoi me ko kaua ano, e ai like ana iluna o ke pa hookahi, e hiamoe ana i ka huluhulu hookahi, me he mau kanaka powa la. He ohana kona e noho ana ma kekahi wahi, elike no hoi me a'u. O kana wahine ka mea dala, eia mae e koi mau ana o Makuaia haawiia aku ke dala i kela ame keia manawa, no kona mau lealea.
"Ua loihi no kela noho hana ana o maua ma ka aina hanai holoholona, haalele like aku la no maua i kela hana, a hele aku la e noho ma na kuahiwi. Ma kela huakai imi pomaikai no maua me na ulia laki, no ka mea loaa aku la ia maua kekahi lua gala. me ko maua hooikaika maoli i ka eli ana me ka hoomaha ole. o ka wa ai ame ka wa hiamoe wale kahi wa hoomaha: eia nae iloko o ka makahiki hookahi o kela hooikaika ana, ua like pu me hookahi kaukani dala wale no ka mahele o kela ame keia pakahi o maua.
"Ua uhaihaia e a'u ka'u kaukani dala, ma ka piliwaiwai ana ame na wahine, a o Makuaia o maua, ka i malama i kana mau dala. Ma kekahi ulia i loaa ia'u, ua eha maoli au, aneane e make, aka me ka hoomanawanui no nae ka onho ana no kekahi mau pule, loaa mai la ia'u ka oluolu; aole nae a'u dala nolaila hele aku la e hana me ka hooikaika ana ma ne ahana e loaa ana a i ka nui kupono ana o ka'u mau dala, haalele iho la au i kela wahi, a holo aku la no UPuebalo. Ia'u i hoea ai no ke kulana kauhale, inu iho la au a on a, o ka mea apiki nae, iloko o kela on a, ua loaa ia'u ka laki ma ka hana piliwaiwai, me ka pau loa ana mai o na dala o kekahi banako piliwaiwai ia'u, o ka mea kupaianaha, i ko'u wa ona ole, aole o'u laki, aia ka a on a. he laki koi kau, me ka maalahi o ka loaa ana mai o ke dala."
"Ua hoike, mua mai no oe i kena moolelo ou ia'u," wahi a Nikola.
"Pela i'o ka ohi, ia kaua maluna o ka mokuahi, nolaila aole a'u kuawili hou ana aku i kela moolelo. Ma kela kulanakauhale o Puebalo, i halawai hou ai au me Mr. Makuaia, a hooholo like iho la maua, e holo no Arizona, kahi i kaulana i ka nui o na keleawe. Kuai iho la maua i na lako no kela huakai, a holo aku la no na kapakai o Mekiko, a i hoike aku ai ia oe e Nikola, aole kela he huakai maalahi, aka iloko o na pilikia ame na inea he nui, no ka mea aia na kanaka piliwaiwai he nui malaila, aia no hoi na Ilikini aihue, ame na ano kanaka like ole, aka nae mamuli o ka hana ana aku ma ke ano maalea, i loaa ai he mau hoaloha lehulehu ia maua, a loaa pumai la no hoi kekahi mau mea ano nui, a maua i makemake ai e ike.
"Nolaila e Nikola, ina au e hoike aku ana ia oe ma ke ano neepapa, no na mea i hanaia ma kela moali alanui e holo ana iloko o ka Waoakua o Gila, elike ana ka ike e loaa ia oe, me ia i loaa ia'u, a e makaukau loa ana oe, e uumi aku i ke kaniaio Makuaia. Ma keia wahi i pau ai ka moolelo oiaio loa, a o na mea aku i koe, he meahuna ia mawaena o'u ame Makuaia.
"Ua loaa i'o ia maua ka lua keleawe a maua i hele aku ai e huli me ka hoomanawanui. O ke ano nae i loaa ai ia maua, aole oe e ike ana, hookahi nae mea oiaio moa, o maua na on a nona kela lua waiwai.
"Maanei, i hoomaka hou aku ai ka moolelo oiaio. He mau mile ko maua mamao iloko o ka Waoakua Gila, me lihi launa ole aku i kekahi wahi i nohoia e na kanaka, a in a he Luaahi kekahi ma ka honua nei, alaila aia ia ma kela wahi a maua e noho ana. O na mea nui, o ia no ke one, ka pohaku ame ka wela o ka la. He luaahi maoli kela, no ka mea aole he wai e loaa, ma kahi he hookahi haneri mile ka mamao.
"Maanei, i hoike okoa mai ai o Makuaia i kona ano oiaio maoli. Ua lilo maua a elua he mau kanaka wawai, ua hiki loa i kekahi nui maoi kela waiwai, e lawa like ai maua, aole mae pela ka manao alunu a pakaha o Makuaia, a o keia kana hana ku i ka lokoino o ke aloha ole i hana mai ai maluna o'u.
"Oiai au e pa'uhia loa ana i ka himoe ma kekahi po, ua holo mahuka aku la o Makuaia mai ia'u aku, me ka lawe pu ana i na lio ame na hoki halihali ekana me ia, a o ka mea oi loa aku o ke aloha ole, o ia no kona lawe pu ana me ka wai, a haalele ae la ia'u, e noho e kiai i ka lua waiwai a maua, me kekahi kulu wai ole, e loaa ia'u no ka haneri mile a oi aku."
"He ku maoli kela hana a Makuaia i ka pepehikanaka!" i hooho ae ai o Nikola me ka piha hoowahawaha i kona haku hana.
"O kona pepehi okoa ana mai ia'u a make, oiai au e hiamoe ana, a o kona haalele ana ae ia'u, me ka nele i ka ai ame ka wai, ua like no ia me ka pepehikanaka. Ua nui na iwi kanaka a'u i ike ma kela waoakua, aole kela mau iwi i hoea ma kela wahi, malalo o kekahi kumu ano ole, aka he mau iwi ia, no ka poei make i ka pololi ame ka makewai, Ua haalele maoli ae no o Makuaia ia'u, no ka make ma kela wahi, i kuleana holookoa ai oia i kela lua keleawe, a ua manao loa oia, ua make au, a ua hauoli kona noho ana, me ka loaa nui o ka waiwai iaia.
"Ia'u i ike ai, aohe he wahi pono i koe, o ka noho hou ana @@@ ma kela wahi, hooholo iho la ko'u manao, e hele wawae aku no Tukona, he wahi keia aia ma ka aoao hikina o ka aina. Nana ae la au i ka loa o ke alahele, he hana hiki ole ka hoonahoa ana aku; aka nae, ua like no ka noho ana iho, me ka ae ana aku i ka make, e hookokoe mau mai ia'u i kela ame keia hora, oiai ka makewai, e kau mai ana imua o ka maka.
(Aole i pau)