Ka Nupepa Kuokoa, Volume LXI, Number 12, 24 Malaki 1922 — E KUAIIA AKU ANA MA KE KUDALA NA HALE MA MALUHIA [ARTICLE]

E KUAIIA AKU ANA MA KE KUDALA NA HALE MA MALUHIA

Elua pule mai keia la aku e kuaiia aiku ana ma ke kudala akea kela mau hale ame ka aina i ikeia ma ka inoa Maluhia, mauka aku o ka hale o ka Papa Hawaii, a ua hoikeia ae ia ikuaiia aku i .ka poe kuai aina apau 'oloko iho o ke kulanakauhale o Honolulu, e k« Kapalama Settlement, ka ona nona ia wahL He hana 'keia i hooholoia mahope o ke kukakukaia ana me W. R. Kakela, ka mea nana i kukulu i kela kauhale a i hooliloia aku hoi ma ke kuai i Kapalama Settloment. He ano huina'kolu kela apana aina, me ke alanui akea, oia ke alanui Hokele ma ke alo mai, o kona iliaina aneane hookahi eka ame ka hapaha. He 11 mau halo elua papahele a he ehiku mau hale mahope aku hookahi papahele, ua piha wale no keia mau hale apau i na (kanaka Hawaii, a ua kukuluia no hoi ma ke ano paa a mai'kai me ka lako i na mea apau. Ma ika palapala kuai a Mr. Kakela ii hana ai e hoolilo ana i kela wahi i ke Kapalama Settlemcnt ma ke ano he makana, ua hoakakaia maloko olaila i na kanaka Hawaii wale no ia anau hale e hoolimalimaia aiku ai aole i kekahi mau lahui e ae, he hana maikai a aloiha a Mr. Kakela i hana ai no ka makee i ka pono o na kanaika Hawaii. 0 ke kumukuai haahaa, elike me ia o ka hoikAa ana ae he $75,000. I ka mea koho kiekie loa e lilo aku ai ia mau hale ame ia apana aina, a o na dala e loaa mai ana ma ia kudala ana no na hoolilo o ke kukulu ana aku i mau hale imaluna o 'kela apana aina ewalu eka a ke Kapalama Settlement o ke kuai ana, ma ka aoao ma Waikiki o ke alanui Halema'i Pupule, ke kahua hou e ku aku ana o Kapalama Settlement, a i kuaiia hoi ia wahi, no ka makemakeia ana e hoakoakoa i na halehana ap%fi a ke Kapalama Scttlement ma kahi hookahi.