Ka Nupepa Kuokoa, Volume LXI, Number 12, 24 March 1922 — He Wahi Mea i Hoomaopopo Ole Ia [ARTICLE]

He Wahi Mea i Hoomaopopo Ole Ia

O na hana apau a koia lahui kanaka mai kinohi mai, ua lawelaweia malalo o na rula ame na hoina alakai o kela ame keia kahua hana. He mau rula i hoomaopopoia mo ka mauae ole o na hana; mai na hana ma ka aina a ke kai, na hana pili i ke kino ame ko ka uhane, ma ke ao ama ka po. Ua maheleheleia na hana iloko o ko lakou wa; ma ka wehe ana a ma ke pani ana o tia mau hana la ma ka inoa o ke Akua. Eia kauwahi hunahuna no ke kukulu halo ana, o ka mua loa, a ano nui hoi, mahope iho o ka hoolala ana e kukulu, o ia no ka hoomaopopo ana i ke kahua e ku ai, me ka waele ana, i na h6 nahelehele kdkahi, a pau keia, hoonoho na pae pohaku o ke kahua me ka hoomaopopoia o kona kiekie kupono, ma ka waiho ana o ka aina; ma keia e maopopo ai na anuu i kupono ai. £ hoomaopopo pu ia ana na mea like ole e hoopuni ana i ke kahua o ka hale, mamao a kokoke mai paha, i maopopo ai ka huli kupono o ke alo o ka hale; a no ka mea ma ke ifno o na mea like ole o ka aina, e waiho mai ana mamua pono o ka puka o ka hale, e ike e ia ai no ke ano o ka noho ana o ia hale. ī ka moe ana o na kua a paepae olalo, ku na pou, kau ka lohelau, a kau iho na o'a, e makaala loa ia ana o kau kekahi o na o'a maluna o ka puka o ka hale, o hewa ka hale; a i ku ka pouhan» a komo ka umii i kapaia he ilio, a hoaia a pili i ke o'a ame ua pouhana la, o ia hewa ia. Nanahu ka ilio; hewa no ka hale. 0 keia mau mea ae la i hoakakaia maluna ae, e hanaia no i kona wa pono. 1 ka paa ana o ika hale a lawelaweia na hana komohale apau a nohoia; a mamuli aku, upu liou ae ka manao e hoonui aku i ka hale me ke ku'i hou ana mai i mau kapuai a anana paha, ho mea hiki ole ia ke hanaia malalo o na rula, wahi a kahiko. Pakui aku oe, pakui iho kela, a ua hoomaopopo io ia no ia mau mea e ka poe i ike a homaopopo i ka noho ana home ani i kein mau la. Ma kekahi mau hale, ke komo aku kaua e ka mea heluhelu, he pumahana, a me he mea la e kono mai ana no ia kaua e noho iho, a ma kekahi mau hale e ae, me he mea la e kipaku mai ana—a he ano ku i ka anoano a hoomaka'uka'u mai kekahi, e pii ai no ka lia o ka ili.

Aia no ka pono o kou noho ana ma ke ano o ka hale e noho ana, wahi a kahiko. Maikai no ka hale, oluolu rio ka noho ana, aole paonioni, aole mau loopilikia ana, a komo mau no na pomaikai; a ina no ka hale, wahi a kahiko, 0 na ino like ole ke loaa ana i ka ohana, maloko ae a mawaho iho. E maikai ana no kekahi mau homo ma na mea apau, a ma kahi o na pomaikai e komo no aka nae e puka hou aku ana no ia iw&ho. He ano like paha keia me ka upena hano a ka poe lawai'a. I inoino ka liookumuia ana o ia hano (upena) me ka ike ole ia o ka hewa, aia i ka vra e ikeia ai o ka i'a a kuu ka hano; a i ka hele ana o ka i'a a komo i ka waha o ka upena, a. pelu hou iwaho, ike iho la ka lawai'a ua hewa ka upena. Wahi a kahiko, o na ano upena o ia ano, ke luu io aku no k& oe, e ike aku ana no ka oe me he mea la e homaka'uka'u mai ana—a i ole. e kipaku mai ana. Aia no he mau hiohiona o ia ano, i homaopopoia no e na lawai'a ike. He oiaio e ka mea heluhelu, ina no kaua e komo uku iloko o k% hale i hana pono ia, pumehana a ano hoohihi maoli iho no kaua. He mau ike ano nui keia e ano nalowale nei mai ia kakou aku, a no ka mea ke lalau nei kakou i kela a hookuu i keia. He mea pono e paa mai i na ike apAu, me ka hookuu ole aku i kekahi.