Ka Nupepa Kuokoa, Volume LXI, Number 11, 17 March 1922 — No H. A. Baldwin o Hawaii ame Kauai o Mano Hoopaa ko Hawaii ame ko Kauai Mau Mana Koho Baloka e Koho Ia Baldwin AOHE KANALUA ANA NO MAUI NO KA OI Lilo ka Ekolu Ana o na Moho Demokarata i Kumu Wawahi i ko Lakou Ikaika [ARTICLE]

No H. A. Baldwin o Hawaii ame Kauai o Mano

Hoopaa ko Hawaii ame ko Kauai Mau Mana Koho Baloka e Koho Ia Baldwin

AOHE KANALUA ANA NO MAUI NO KA OI

Lilo ka Ekolu Ana o na Moho Demokarata i Kumu Wawahi i ko Lakou Ikaika

I nie ka Rev. Steven L. Desha o ka hoike ana ae i ka Advertiser ma ka Poakahi nei, 2 ia 1 ka oi aku ana o ko Baldwin mau baloka ma Hawaii Komohana. mamua o na moho Demokarata e ae apau. Nani maoli ina e hookoia ana keia wanana ana. I kulike hoi me ka hoike mai ko keena kikowaena ae o ka aoao Repubalika o ka Poakahi nei mamuli o kekahi leka o ka loaa ana ae mai kekahi Rcpubalika ko'iko'i mai o Kauai, mawaena o ka 300 ame ka 500 ka oi aku ana o na bafc)ka o Baldwin ma ia mokupuni. O na like ole mawaena o na mahele Repubalika o Hawaii Hikina ua hookuikahiia, i kulike me ka L. M. Judd o ka hoike ana ae, a ke holopono mai la ka ke kaa ana a ka mikini a ka aoao Repubalika. Ma Maui hoi, o ka Judd mea o ka ike ana aku, o ia no ka hanaia ana o kekahi hana maikai e kela ame keia kanaka pakahi no ka hoftynua o ka hana, koe wale no kekahi mau hoo(ponopono hou kupono i manaoia. O ka mahae ana o ka ikaika o na mana koho ma Hawaii mawena o na Demokarata e lilo ana ia i mea e eha ai no pela ko Senatoa Desha manaoio. '