Ka Nupepa Kuokoa, Volume LXI, Number 11, 17 March 1922 — LILO HE HANERI DALA A OI I KA PIKO PAU IOLE. [ARTICLE]

LILO HE HANERI DALA A OI I KA PIKO PAU IOLE.

Oiai e nanea loa aoa i ka hiamoe, ma ka po o ka Poaha, o ka pule aku nei i liala, i komo ae ai ka piko pau iole iloko o ka home o Emcst S. Van Tassel, a lawe aihue aku la i ka huina o hookahi haneri mo umi dala mailoko aku o ko eke dala a ka ona nona kela home. I ka manawa a ka mea aihue i komo aku ai iloko o ka rumi moe o Mr. Yan ,Tassel, ua hele aku la oia e huli, ahiki i ka loaa ana o ke eke dala, ia wa i oili aku ai oia, a komo aku la iloko o ka rumi auau, inalaila i wehe ae ai oia e nana i kela eke dala, a o na bi]a dala ame na dala maoli, wale no kana mea i lawe a waiho aku la no i kekahi kikoo dala, iloko o ko eko dala, me kekahi mau mea o ae. Ma ke kakahiaka ana ae o kekahi la mai, i ka puoho ana ae o Van Tassel, akahi no oia a maopopo, na komoia ka kona hale e ka mea aihue, ma ka po mamua aku, mamuli o ka loaa ana aku o eke dala, e waiho mai ana iluna o ka papahele o ka rumi auau, a no kela poino i kau aku maJuna ona, i hoike okoa mai ai oia i ka oihana makai. Oiai nae, aole he mau mea maopopo loa e hiki ai i na kanaka o ke aupuni ke hookolo aku mahope o ka mea aihue, ua lilo i hana paakiki loa, ka huli ana e loaa ai ka mea I komo aihue o ka po.