Ka Nupepa Kuokoa, Volume LXI, Number 11, 17 March 1922 — HOOMAHA NO EKOLU PULE KA MAHIKO O KIPAHULU NEI. [ARTICLE]

HOOMAHA NO EKOLU PULE KA MAHIKO O KIPAHULU NEI.

Mr. Lunahoponopono o ka Nupepa Kuokoa, Aloha o«: —E oluolu 1 mai oe i kekahi mau kolamu kaawale o kau Nupepa Kukoa no ka'u mau itamu nona ke poomanao e kau ae la maluna. Ma ka Poakolu, la ekahi o Maraki nei, i kauoha mai ai ka haku hana o ka mahiko e hoomaha na limahana iloko o ekolu pule, a ua hookoia ia kauoha e na limahana o ka mahiko o Kipahulu nei. He mea hoopahaohao keia i ko Kipahulu nei poo; no ka mea, i na he poino kekahi mea paahana oloko o ka halewili o kolaila mau limahana no ke noho i kauhale, koe aku kowaho. Ka hiki mua paha keia o ka Mr. G. W. Kauhane mau itamu maloko o ka Nupepa Kukoa o na mahina i hala aku la, e hoike ana, he ma'i ahUlau no ka mahiko o Kipahulu nei, i fea nele i na limahana, mamuli o ka haalele awiwi ana mai o na limahana Pilipino ame kekahi mau lahui e ae ia Kipahulu nei no Honolulu, ame Manila. He mau mahina i hala ae nei, ua hoopaa aelike iho la ka mahiko o Kipahulu me kekahi Kepani Okinawa nona ka inoa o Mr. JJ. Yamaciro, no ehiku makahiki ka aelike; a no ka like ole o na kulana hoohana a ka mea paa aelike me ka makemake o na haku hana o ka mahiko o Kipahulu nei, nolaila, ua waiho aku la ka mea paa aelike i ka hana. Nolaila, he mau la lele uwaki wale no keia no lakou. Iloko no o kekahi mau la o keia pule, a'u e kakau nei i keia mau itamu, ua lele uwaki mua aku la kokahi mau auna nui o na Pilipino no ka mahiko o Hana ame Honolulu, a ua lohe hou mai kou meakakau nei, e pau loa aku ana ka nui o na limahana Pilipino ame na limahana Hawaii, no ka hele ana o huli i ola no lakou ma na mahiko e ae, iloko o ke Teritore nei.

No ka nele mai no ia i ka laiki ame na hemahema e ae o keia mahiko o na limahana i makemake ai. A ua lohe hou mai / no kou meakakau, he kula hanai pipi aku ana ka mahiko o Kipahulu nei. Nolaila, aohe manaolana ana no ka pono o na kamaaina o keia hope aku. He hiki no ke kalo ke kanu aku i ka loaa o ka wai. I holo pono no hoi ka mahiai uwala ame na meakanu e ae, i ka loaa o ka poe na lakou e ai mai. Ike ka maka o ka mahiai i kahi kenikeni, manao ae ke ole o ko kuaaina nei noho ana. I ka manawa i hala aku mamua, ua nui no kahi pono i loaa mai i na kupa o Kipahulu nei, mailoko mai o kahi hanai puaa, hanai moa, lawai'a, ame ka mahiai pu no hoi kekahi. I keia manawa, e aneane aku ana e huli ke alo o ka aina ilalo. Aloha wale no ka makani kaili aloha o Kipahulu nei. Me keia mau mea, kc hoomama nei ka'u makapeni i ka inu ana i ka wai eleele o ka inika. A oili hou aku no. Me ke aloha i ka Lunahooponopono o ke Kuokoa amo kou mau keiki limahei o ka papapa'i. Owau iho no, aOLOiMON KEAUPUNI, Kipahulu, Maui, Maraki, 8, 1922.