Ka Nupepa Kuokoa, Volume LXI, Number 11, 17 March 1922 — KUAI LAULAU MA KA MAKEKE AALA. [ARTICLE]

KUAI LAULAU MA KA MAKEKE AALA.

Ma keia Poaono iho, Maraki 18, o kuai ae ana na lala o ka Ahahui Kokua ame Manawalea o na Poola o na Kane, i na laulau puaa momona me ka ono, ma ka Makeke Aala, o hoomaka ana mai ka hora 7 aku o ke kakahiaka, ahiki i ka hora 2 o ka auwina la. Mamuli o na hoohalahala i loaa ae. i na komite kuai laulaii o kela ahahui, no ke ano o na laulau, i kimiia ma ka Poaono aku nei i hala, Maraki 11, ua hoea kino mai kekahi lala o ke komite kuai laulau i keia keena, a hoike mai, aole i lihi kuleana aku ka Ahahui Kokua ame Manawalea o na Poola Kane, ma na mea ē pili ana i kela mau laulau i kuaiia, nolaila o kaawale loa ahahui, mai ke kau ana aku o na ahewa ana a ka lehulehu maluna 0 kona mau lala, a o ke komite kuai lnulau paha. 0 ka poe i kuai i na laulau mai keia ahahui mai o na poola, ma ka la 11 o ka mahina aku nei o Feberuari i halp, o lakou ko poe i īko maoli i ka ono ame kā maikai, o na laulau i hanaia, a i kuaiia aku e keia ahahui, aka nae, ma na mea 1 hoikeia mai i keia keena, e oi loa aku ana ka ono o na laulau e kuaiia ana ma keia Ponono iho, a o ka lanakila mau no, o ia ka hoea ae i ka wa kupono, o nele auonei, ke ulolohi ka hoea ana ae.