Ka Nupepa Kuokoa, Volume LXI, Number 9, 3 Malaki 1922 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Makalei, ka Laau Pii Ona a ka I'a o Moaula-Nui-Akea i Kaulana

He Moolelo Kahiko no ka Huli Koolau o Kailua ame Waimanalo, ka Nanea o ke Au o ka Manawa

(Hoomauia mai kela pule mai.) 

            I ka hoi pono ana iho o ko lakou mau manao a ke ana iliwai kaulike olelo mai la o Ahiki:

            "Ke hoi nei au, a mahope ae nei no hoi oe; olelo aku oe ia mau hoa o kaua, ia Nuhi ame Nihiole, e pii pu ae oukou a paina ae kakou i o‘u la, mai nopa oe a awakea o ai e mai hoi auanei ko kana mau hoahele."

              I ka pau ana o ka Ahiki mau olelo, ku ae la oia a hoi aku la.  Iaia i hala aku ai, olelo aku la ka wahine ia Paku'i:

            "E pli ana oe me ko aikane i kahi o ke ‘lii, nolaila, noonoo a ka olelo maikai, alaila kamailio, mai haanui wale aku oe, a mai kahapuewai hoi, me kou manao o ko mea ia e mahaloia mai ai.  Nolaila ke hele la e ke kane i ke alo alii, a mai lomaloma, ua ike no oe, aohe kii kanaka noho wale o kahi alii.

            Pa@e mai la ke kane: "Ua ike au ia, ua a‘o mai ka‘u aikane i na mea apau; nolaila, ua maopopo ia‘u.

            "Ina pela, o hele, o kali mai aua nei kela ia oukou."

            A makaukau o Paku‘i, puka mai la oia hele no kahi o kona mau hoa, a hui o Paku‘i me laua, ha‘i aku la oia i ke kauoha a ke konohiki, o ko laua la eleu mai la no ia, hookahi ko lakou nei hele ana no kahi o ke konohiki ai aina. 

            Ahiki lakou nei i ka hale, pa no kahea a ke kamaaina puuwai palupalu, he ma-i. 

            Ei ae ka ua ke hele mai nei, Ka huaka'i pii mauna o Kaawili, I wilia e ka hau i moe ka makani, Ka nalu mai Kahiki mai, kaina ma-i, He ma-i.  Kaina mai ana iloko o Halekaimalumalu, O ku a ka hale o Kaikuahina.  Aloha ko-u, aloha oukou.  Aloha kou i na hoa haele, I ka makani apaapaa anu o Ahulua Moe iho nei au i ka po, Enaena mai ana ia'u ke a, o Kuanunu, I ia au e kui e lei i na akulikuli, I ka papa o Heeia la, e uwa-lo, Euwalo mai ana ia‘u ka lawakua, E hea peahi e hoi aku au, Ehoi aku au a ka poli o ke hoa, Hoi ma i.  He ma-i. 

            Ia lakou nei i hiki aku ai, kena ae la, o Ahiki i ka poe o kona alo, e hoomakaukau ka ai, a makaukau ka papaina, olelo mai ka oia i kana mau mali hini: 

            "E ai kakou, i kali aku nei au ia oukou, a hookahi ka ai ana, a moana ikaika na wawae ke hele, a hoihoi no na maka ke hiki aku i ke alo alii." 

            A lohe o Nuhi ame Nihiole i na olelo a Ahiki, i kahi ali, lou mai la o Nihi ole ia Nuh me ka hawanawana ana mai:  "E hele ana ka paha kakou i kahi o ke lii?" 

            Olelo aku la o Nuhi: "Aole kana e hele ana ilaila, he @aua okoa no paha ka kaua a ke konohiki i manao ai, a o laua no papa me‘ Paku‘i he hele ana ilaila." 

            "Ka, olelo mai la hoi, aia a maona kakou, alaila ikaika na wawae, a hoihoi na maka ke hiki aku i ke alo alii, heaha la hoi ko kaua ike aku ka hoi ia wahi anoai no hoi paha, he hauaka‘i no ka pomaikai, pono kaua, a loaa kahi puolo o ka hoina i ke alo o ka wahine." 

            "Ae," wahi a Nihiole, a elike no me kona ane mau o ka hoomaauea, pela no oia i ae mai ai i ka Nuhi mau olelo, me ke kamailio ana mai nae i keia mau olelo: "Manao au e hele pu i‘o ana kaua i keia huaka‘i hele a ke konohiki, ilalo o Waialee, i mea nana e pii i ka niu o Kawela, i wai inu no Olomana, lohe wale no au o ka wai inu iho la no ka ia o kela alii, a me ae mea la, o ko kaua inea ia e laweia ai e pii uiu.  O koluna hui niu, o kolalo hui niu, hookahi ka lewa pu ana i ka makani." 

            Mamuli o nei mau olelo ai Nihiole, ua kunana iho la o Nuhi me ka pane ole mai, me ka ulu ana ae o ka mauao iloko on a, ke hoapahene aku nei paha kona hoa iaia, a na ka leo hea o Ahiki i hoo pau ae i ko laua kulolou ana, a nee aku la imua o ka papaaina a ke konohiki, e nuu i na kohi kelekele a ka puukolu, i hoomakaukauia e ke konohiki puuwai oluolu nui wale, aole hoi o ke konohiki hookaumaha i ke kai o ka pua mana.  owau mai no ka kau akua e pule mau ai.  (Pua mana) he huaolelo hoopili ano keia, no ka huaolelo namu (poor man), aole keia he olelo Hawaii kumu. 

            Ia lakou nei e ai ana, me na olelo hoohoihoi mai ke kamaaina mai, ua lilo na olelo hookuau a Ahiki i mea hoohauoli i na ho au, o ka papaaina, a pau ka ai ana, liuliu ka huakai hele no ke alo alii.  Ia lakou nei i ke alahele, olelo mai la o Nihiole: "Pehea kau apana hana e Paku‘i o keia po @" 

            "I keaha kau ninau!" wahi a Paku‘i I mai la o Nihiole:  "I ninau ia aku la hoi paha ia oe i ka pono o kan hana, a makeponohoi ko mana mau wawae luhi" 

            I keaha hoi ka mea e makepono ole ai o ko olua mau wawae!" wahi a Paku‘i, "oiai ua ai ke akua i ka olua loaa, a ka-ha i ke kino, a oole'a na lima a maua i kupapa ai ka po nei, na ka nui o kuu mama i aha'i ia'u a poholo i ka poli o ka wahine, he na-na akua wale ae nei ho hoi au, a o ka oi keia, he lohe olelo hoi i keia mea he akua, akahi hoi a ikemaka , kau ka weli!" 

            Oiai o Paku‘i e hoakakahele nei i kana mau olelo hoohunahuna, pane mai la o Nuhi: 

            "Auwe no hoi ka mea maka‘u e, ka, o ka loaa iho la ka hoi a ke akua, o ka hanai ia aku ka hoi, o ia iho la ka wa e lapu mai ai, a mai hooluhi hou oe ia maua e hele i ai na ia akua hoomaka'uka‘u."

             Olelo mai la o Ahiki: "Aohe waiwai ka huaolelo akua i ka huakaihele, ano ai he mea paoa ia, kamailio kakou, eia no ka olelo ia‘u e na hoahele, a e hoolohe mai: 

            "I hele kakou a hiki imua o ke alo o ke ‘lii, a pau-ka ike alii ana, i hoopuka auanei au i ka olelo, a i loaa ka ui a ke ‘lii ia oukou, alaila, na oukou e hooia i ka pololei o ka‘u olelo, a o ia ka mea e pono ai, e na hoahele.  Mai kamailio pualu nae oukou, o ke kahu loko ke kamailio me ke ‘lii, a i loaa ka u‘i i kekahi o olua, noonoo a ka olelo maikai, alaila kamailio me ka pololei, a mai hopohopo, a hoopepe, he haua kua@ina ia."  

            O kahi o ke alii e noho nei, aia ilalo o Waial@, ma kahi i panaia inoa o Keanalehua, aole nae i maopopo ia wahi i keia la, anoai o kahi e ku nei na hale o ke kula hoopololei, aka, he manao koho wale ia, oiai ua mamao a koli'uli‘u ka manawa, mai ka hoomaka ana o keia laau e ikeia, ahiki keia la. 

            Ia lakou nei e hele nei, me ka hauoli wale no ia, ua hele no hoi a kaha ka la, hiki i ke alo alii.  I ka ike ana mai o Olomana i kana punahele, ua lilo ia i mea hauoli iaia, a hui laua, honi iho la o Ahiki i na lima o ke aikane, me ka helelei ana iho o na waimaka, no ke aloha i ke ‘lii naua i hoolilo iaia i mea nui, imua o kona alo. 

            A pau ka ike ana, kauoha ae la ke ‘li i kona aipuupuu e hoomakaukau mai i ai na kana aikane, ka punahele hookahi wale no imua o kona alo alii.  A makauakau na mea o ka papaaina, alaila i mai la o Olomana: 

            "E ai pu ana no kaua i keia papaaina au, ame na ‘lii o ko kaua alo, a piha ka houpo le'a ka ha'iha'i olelo ana."  I mai la o Ahiki," ua pono ia manao o ke lii, a hookahi mea a‘u e noi aku ia oe, e Kalani." 

            "Heaha ia mea!" wahi a Olomana, "in a eia ia mea imua o ko kaua alo, ua loaa, aka, in a aia ia makemake ou i kahi mamao, he kanaka ka mea nana e kii a lawe mai, aka, ina @ i ka mokupuni okoa, hakalia i ko leo e ke aikane, uolaila, haina ka huaolelo." 

            Pane mai la a Ahiki, me ke ano haahaa o kona leo:  "Lokomaikai wale oe e Kalani, o ka haawi no hoi a ka mea hale la, koe ole aku ma ke kuono, a eia iki wale no ka'u wahi leo imua ou e kuu lani, o oe no hoi me na ‘lii o ko kaua alo, iluna o keia papaaina, a e hoomakaukauia mai, i wahi papaaina iki na'u ame na kanaka ou e ke lii, i hele pu mai nei me a‘u i keia huakai, a o‘u mau hoe ukali hoi o ke ala." 

            Olelo mai la o Olomana:  "Aole paha ia he mai ui mai e ke aikane, oiui nau keia papaaina, a he mau hoa ai makou, i ono ka ai ana ou e ke 'lii." 

            "Aole pela," wahi a Ahiki, "no ka mea he menemene au i kou kapu e kuu lani aikane, a o ia ke kumu o ko‘u noi ia oe, i papaaina okoa ka‘u me kuu mau kamaaina, hookipa o kela aina malihini, a o ka maikai a lakou i hana mai ai ia‘u, pela no hoi au e pulama ai ia lakou imua o ko kaua alo, ahiki i ko makou hoi ana, no ka mea, he nui no na mea i koe e pono ai ke hanaia, no ko kaua mau kanaka." 

            Akaaka iho la ke alii i keia mau olelo a kana punahele, a i mai la: "Maikai no kou manao e ka punahele a ke 'lii, a auhea mai oe e ke aikane, e eu ae oe a noho ma kuu aono @ema, a o na ‘lii o ke alo o kaua ma kuu aoao akau, a o na hoahele no hoi o kaua ma kou aoao, pehea ia!" 

            "He hoole aku anei hoi kekahi i ka leo ou e Kalani, o kau paha e pane mai ai, malaila aku kaua, ma ke kala mehana," wahi a Ahiki. 

            Eu ae la oia me ke kahea ana aku i kona mau hoa, "eu ae iluna, mai hoomalihiui, a noho mai no oukou ma kuu aoao hema nei, i huli pono aku ke alo imua o kamaaina, ono ka ai ana." 

            Eu ae la o Ahiki ame kona mau noa hele, a noho ma ka aoao hema o ke ‘lii, a o na ‘lii no hoi apau o ke alo o Olomana ma ka aoao akau. 

            A makaukau na hoaai o ka papaaina, kulou iho la na mea apau i ka pule a ke kahuna, a noa ka pule, pau ke kanawai o ka ai aua, aia na mea apau ke haupa la i na ono like ole, oiai aohe hua kii i Kahiki aia ka huihui o ka waina me ka umiumi no, ke kokolo mai la ma kekahi aoao o Enegeti, a eia hoi ka laau Sikima o Nuwela, ma kekahi aoao o Babulona, i ka halawai ana ae o na lala (lima) iloko o ka umeke, hapala ka poi, na ka huaka‘e ka ai, ua ikeia aku, he alo alii ka olelo ana. 

            Iwaena o ka ai ana, huli mai la o Olopana a paue mai la i ke aikane: "E kuu punahele, ua ike oe i ka manao o kuu ho‘iho‘i ana ia oe ma kuu aoao hema!"

            Olelo mai la ke aikane, "Aole la, e kuu Lani."

            Kani iho la ke uhu, a ke alii, pane mai la: "Ka, noonoo ole iho no ka hoi oe ia kaua."

            "Aole a‘u mea nui e ae, o oe wale no, a ua hoi mai la no oe, noho iho ka ua, waiho aku ka aina o kaua i ko mau hoahele."

            Pane mai la o Ahiki:  "Hoomanawanui ka olelo a paa aku ka houpo, no ka olelo hoi, i hiki mai la i ko alo e ke alii, aole @ olelo uuku, aka, he olelo nui."

            A pau ka ai ana, hookahi hana o ka hookaakaa i ka maona, ia wa i kamailio aku ai o Ahiki i kana huakai o ka hiki ana aku, a lohe ke alii ia mau olelo i mai la oia kana punahele:

            "O na mea apau aano ia ia oe, heaha kau mea o ka ui hou ana mai ihope nei, oiai o oe aku la no ka i ike i na mea apau, a o kou ai alii ana i ka momona o ka aina, o ko kaua ai like ana no ia, a he mea kupanaha i‘o no hoi ka loaa ana o ia haawina, nolaila, hookahi no alanui e ke aikane, e ike ai kaua, o ke kahuna, a e pono e kii iaia, ahiki mai."

            Kena ae la ke alii i kana kukini mama, e kii ia Popolo, ke kahuna, e noho ana i Waimea a e hele mai imua o ke alii.

            Ahiki o Kapuaikahi imua o ke kahuna haha‘i aku la i na olelo apau a ke alii, olelo mai la o Popolo, "ua lohe iho la i ka olelo, o hoi a ha‘i aku i ka haku o kaua, eia au ahiki aku."

            Huli mai la o Kapuaikahi, k@ kukini, a Olomana, ahiki oia imua o ke ali, ole lo aku la, "in a aku ke @ahuna a hiki mai."

            Ua liu wale ia noho ana iho, hiki mai la o Popolo imua o ke alo alii.

            A hui ke kahuna me ke alii, ninau mai la o Popolo: "Heaha keia hana nui a kuu haku i kauoha ae nei i ke kanaha!"

            Pune mai la kea alii, "i kanoha aku nei au ia oe e hele mai e nana ae i ka pilikia o kuu aikane, aole ke pilikia ma'i, aka o ka momona o Kawainui."

            Pane mai la ke kahuna: "Ae, ua nalo i'o ka i‘a o ko loko e ke alii, aia la iawai ka hewa, eia paha i ko aikane a i ole, eia paha i na hoahele on a!"

            Kauoha ae la ke kahuna e lawe mai i po‘i me ke olo (@uewai), ahiki keia mau mea imua o ke alo o ke kahuna, ninini iho la oia i ka wai iloko ke po‘i a piha, huli mai la a olelo i ke alii:

            "Ianei kaua e ike ai i ka hoike a ke akua, nolaila a malu ka aha ou e ke alii, no‘u no ke kahuna, a e pule ae au i ke akua o kaua, a na ka po nui hoolakolako ia e ha‘i mai."

            Kalele iho la na lima o Popolo ma ka aoao o ke po'iwai, kulou iho la oia me ka hoopuka ana i keia mau huaolelo:

            Kanai kau ae nei Olopana,

            Aloha ino no ka makua,

            E noho i ke ao malama,

            Aloha ino no hoi au,

            I hele hookahi mai nei;

            Aohe lua aohe kolu,

            Aohe kanaka e pono ai,

            Lehulehu aku i ke alanui,

            Ke alakahi i pa-ki-wai.

            Ninau na lii apau,

            Na wai keia keiki@

            Na Ha-lulu na Kiwaa,

            Na ka manu eia i ka hulu,

            Hoohonua piele ka,

            I noho i ka i aea,

            Noho ulukou i ka hanohano,

            Ua lilo mai la kalani paa,

            Pau pu me kanawai,

            He ihi lain la @e kalaihi,

            O ke anomeha la ua pau,

            Ka walania o kuu akua,

            Haawina mai ke aka o Kane,

            I ku iluna o ka honua aina,

            I ke alo o'u nei la,

                        Amama.

            Hookakaaaa lani i loli ka honua,

            Kau mai ka ahuula ke ewe ka piko o ke akua,

            Iluna i Halulu ke-lani,

            I ka hale mahina poepoe,

            I ka puka haiki pilikia,

            Puka ki-ke-ke a ke akua,

            Ka wai hiona a Kanaloa,

            A ke aka i malu o hu ‘ahu'akai,

            O Lono i ka o'u alii,

            O ku ioio moa,

            Owau keia o Pouliuli,

            O Powehiwehi,

            O ka popolo ku mai a Kane la.

            Hone ka ike i ike nui,

            Elieli kapu, noa ia‘u, Amama.

            I ka pau ana o ka pule a ke kahuna, nana iho la oia i ke kahoaka iloko o ke po‘iwai, a pane mai la i ke alii:

            "Eia ke aka o ka aina la o Kailua, me keia huaka‘i kanaka nui e hoi nei i ke ala, na kane, na wahine, na kama lii, me ka huihui o ka i‘ai me ke eke o ka i‘a, moe kaoo o keia huakai kanaka, a eia keia wahi keiki ehu o ka lauoho, ke hele nei me keia huaka‘i, aohe wahi mea i ka lima."

            Ka iho la ke kahuna a hoopuka mai la i ka olelo i ke alii:

            "Haawi ia ae nei ka i‘a i na mea apau, a koe hoi keia wahi keiki, aohe wahi puolo o ka lima e hoi nei, he keu no hoi ka lokono, u, aia la hoi i ka mole kamalii he haawi ku‘eku‘e, o ia paha kou mea i nele ai."

            I ka lohe aua o Ahiki i keai mau olelo a ke kahuna, ninau aku la oia i Paku'i:

            "Ea, ua haawi oe i ka i'a i na mea apau, i hana i ka hana a ke alii!"

            "Ae," wahi a Paku'i.

            "Pehea ka hoi i nele ai keia keiki, a ke kahuna e hoike mai nei!"

            "Anoai paha he alo ae no hoi i ko‘u maka, a pela i nele ai ia kanaka o olua e na alii, i kahi hoina,"  wahi a Paku'i, "aole no ka ma-ua, a a no e ae hoi, aka he hala paha i ka ika a kuu maka."

            Nana hou iho la ke kahuna iloko o ke po‘iwai, a pane hou mai la i ke alii: "Eia na loko o Kaelepulu ame Kawainui, ke waiho nei aohe wahi i‘a oloko, aia iwaena o Kawanui, he mea aiai keokeo, eia keia kaikamahina u'i lauoho mu‘anu‘a, k@ noho nei i ka maka-ha o ka loko o Kawainui, a he hana ka keia kaikamahina, me he mea la oia nei ke kumu nele o ka loko i ka i‘a.  anoai he pili keia kaikamahine u‘i no kela keiki a nana e hoeepa nei i ka loko o olua."

            Ia manawa i pane mai ai o Paku'i: "Auhea olua @ kuu mau alii, ua pololei ka ike a ke kahuna, o kena kaikamahina u‘i, au e ike la, nohe ia he mea e ae, o Hauwahine kena, a ia‘u i pa kele ai i ka po nei, a mamuli o ka hana a kena ino nui moe pu ana au me ka lepo i ka poli o ka'u wahine, a hoea ae nei ke konohiki i keia kakahiaka, a hele mai la makou, ia oe i hoike mai la i kena kaikamahina eeu ae la ko'u ili, no ko‘u kau pono ana iluna o ke kino o kena moo."

            I ka lohe ana o Ahiki i na olelo a Paku‘i huli ae la oia a olelo aku la: "E kuu halekipa, keu no hoi oe a ka piha i ke kalohe, eia ka hoi he okoa ke kumu o kou moepu me ka lepo, hoopunipuni oe i ka wahine, he lima iki, a pau pu maua i kau mau hana, a o ke kumu no ia o kaua i nele ai i ka momona o Kaailua, he kalohe oe!"

(Aole i pau.)

E HOOUNALA AKU ANA I KE KULA AO KOA O WEST POINT

            O ka Hawaii moho koa no ka loaa ana o ka hanohano @ komo aku ai i oia o Samuel K. Poepoe, ke keikikane a Rev. Herny K. Poepoe, kahunapule o Kaumakapili, elike me ka hoike ma ke kelekalapa o ka loaa ana ae i ka oihana kaua Hawaii mai ke keena kaua ma Wakinekona ma ka Poakahi nei no ka hookohuia ana mai la o ia keiki Hawaii, he inoa hoi i waihoia aku e ke Keikialii Kuhio, ka elele i ka ahaolelo, imua o ka oihana kaua ma Wakinekona.  O kekahi keia o na @aua makaala a ke Keikialii Kuhio i hana ai ma kona aoao no ka hoonaauao ana i ua keiki Hawaii ma ka oihana koa a kekahi poe hoi i hoomaopopo ole ai i ka Kuhio hana ko 'iko'i i haua ai iloko o kona mau la e ola ana.

            VENICE Cal., Feb. 22-Ke kukulu mai nei o Benjamin Brodsky i kekahi mau halenoho, a wahi ana, e hoolimalima wale ia aku ana no ia mau ano hale i na ohana mena keiki.  Ua hoike pu ae oia e haawi ana oia hookahi mahina noho wale me ka uku hoolimalima ole i na makua o kela ame keia keiki e hanauia ana maloko o ia ano hale.

OLELO HOOLAHA.

LEIHULU KUAI.

            E loaa no na LEIHULU me ke kumukuai haahaa loa, ma ka hele kino ana mai, a i ole, ma ke kelepona ana mai i ka Helu 5293, 1440 Kauluwela Lane.

6490-Feb. 10, 17, 24; Mar.3:

Kakela & Kuke

(KAUPALENAIA)

Poe Kalepa ma ke

Komisina

A HE

Poe Agena no na Mahiko Lehulehu

TERITORE O HAWAII.

Keena o ka Puuku, Honolulu, Oahu.

            Ma ka hana e hoopau ana i ka HAWAIIAN FTBRE COMPANY, LIMITED.

            OIAI, o ka HAWAIIAN FIBRE COMPANY, LIMITED, he hui ia i kukuluia a e ku ana malalo a ma ka mana a o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei kak hoolaha i kekahi mea, a i na kanaka apau, he mau kuleana.  mamua a e kuleana nei paha i keia manawa, ma kekahi ano iloko o ka hui i oleloia e pono e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka ho@a 12 awakea o ka la 1 o Nei, 1922, a o kela ame keia mea @ makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka ho@a 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

A. LEWIS, JR.,

Puuku, Teritore o Hawaii.

            Honolulu, Feberuari 23. 1922.

6492-Feb. 24; Mar.3, 10, 17, 24, 31;

Apr. 7, 14, 21, 28.

TERITORE O HAWAII.

Keena o ka Puuku, Honolulu, Oahu.

            Ma ka hana e hoopau ana i ka PACIFIC PRODUCT COMPANY, LIMITED.

Oiai, o ka PACIFIC PRODUCT COMPANY, LIMITED, he hui i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.  NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Aperila, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia.  a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.

A. LEWIS, JR.,

Puuku, Teritore o Hawaii.

Honolulu, Ianauari 31, 1921.

6489-Feb. 3, 10, 17, 24; Mar. 3, 10, 17, 24, 31; Apr. 7.

TERITORE O HAWAII.

            Keena o ka Puuku, Honolulu, Oahu.

            Ma ka hana e hoopau ana i ke TOYO SHOKWAI, LIMITED.

            OIAI, o ke TOYO SHOKWAI, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena, he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ka kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue aua no ka aeia aku o ka palapala noi i oleloia maloko @ keia keena, mamua ae o ka hora 12 awakea o ka la 10 o Aperila, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.

A. LEWIS, JR.,

Puuku, Teritore o Hawaii.

Honolulu, Ianuari 31, 1922.

6489-Feb. 3, 10, 17, 24; Mar. 3, 10, 17, 24; Apr. 7.

TERITORE O HAWAII.

            Keena o ka Puuku, Honolulu, Oahu.

            Ma ka hana e hoopau ana i ka AMERICAN JAPANESE AMUSEMENT COMPANY, LIMITED.

            OIAI, o ka AMERICAN JAPANESE AMUSEMENT COMPANY, LIMITED, h hui ia i kukuluia a e ku ana malalo a ma ka m@na o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, na keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 10 o Aperila, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.

A. LEWIS, JR.,

Puuku, Teritore o Hawaii.

Honolulu, Ianuari 30, 1922.

6489-Feb. 3, 10, 17, 24; Mar. 3, 10, 17, 24 31; Apr. 7.

TERITORE O HAWAII.

            Keena o ka Puuku, Honolulu, Oahu.

            Ma ka hana e hoopau aua i ka HONOULU PACKING COMPANY, LIMITED.

            OIAI, o ka HONOLULU PACKING COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha, i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua @e o ka hora 12 awakea o ka la 1 o Mei, 1922, a o kela ame keia mea e makemake ana e hooloheia aku maluna o ia mea he pono e hoea kino ae ma ke keena o ka mea uona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.

A. LEWIS. JR.,

Puuku, Teritore o Hawaii,

Honolulu, Feberuari 23, 1922.

6492-Feb. 24; Mar. 3, 10, 17, 24, 31; Apr. 7, 14, 21, 28.

 

Hoomakaukau no Mua Aku Nei

E Hoao e Hoomakaulii Ano-E Malama i ke Dala a wehe i Buke Banako Hoahu me ke

Chinese-American Bank

A NANA AKU I KA ULU O KAU DALA.

Na Pahu Dala no ka Hoolimalima. $1.00 no ka wehe ana i ka Hoahu.

Kihi o Alanui Moi me Nuuanu.

 

LUAU LUAU

Na PA, NOHO, PAKAUKAU ame na HALELOLE no ka Hoolimalima

People's Hardware Store

453 Alanui Moi Akau, Kokoke i Palama Settlement

KELEPONA 2670.

TERITORE O HAWAII.

            Keena o ka Puuku, Honolulu, Oahu.

            Ma ka hana e hoopau ana i ka HAWAII ICE COMPANY, LIMITED.

            OIAI, o ka HAWAII ICE COMPANY, LIMITED, he hui ia i kukuluia a @ ku ana malalo a ma ka manu o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, @ pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 21 o Maraki, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ike kumu, in a he kumu kekahi, i wahi e ae ole ia aku ai ka pelapela noi i oleloia.

A. LEWIS, JR.,

Puuku, Teritore o Hawaii.

Honolulu, Ianuari 10, 1922.

64@6-Jan. 13, 20, 27; Feb. 3, 10, 17, 24; Mar. 3 10 17.

TERITORE O HAWAII.

            Keena o ka Puuku, Honolulu, Oahu.

            Ma ka hana e hoopau ana i ka OAHU FIREWOOD COMPANY, LIMITED.

            OIAI, o ka OAHU FIREWOOD COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hooakaukauia ma na hana o keia ano, na waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaoia i hoohui pu ia me ia, elike me ia i koiia ai ma ke kanawai.

            NOLAIL, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 21 o Maraki, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu.  in a he kumu kekahi, i wahi e ae ole ia aku ai ka palapala noi i oleloia.

A. LEWIS. JR.,

Puuku, Teritore o Hawaii.

Honolulu, Ianuari 10, 1922.

6486-Jan. 13, 20, 27; Feb. 3, 10, 17, 24; Mar. 3, 10, 17.

TERITORE O HAWAII.

            Keena o ka Puuku, Honolulu, Oahu

            Ma ka hana e hoopau ana i ka PIONEER STORE, LIMITED.

            OIAI, o ka PIONEER STORE LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoo hui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena mamua ae o ka hora 12 awakea o ka la 6 o Maraki, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

A. LEWIS, JR.,

Puuku o ke Teritore o Hawaii.

Honolulu, @ekema@a 23, 1921.

6484-Dec. 30, 1921; Jan. 6, 13, 20, 27, Feb. 3, 10, 17, 24, Mar.3, 1922.

Honolulu Planing Mill, Limited.

POE HANA I NA PUKA LAAU ANIAINI, LAAU HALE, OLEPELEPE, MOLINA, WAHI KAU.

Alanui Papu, Esplanad@.

HOOLAHA I KA POE PAA AIE.

            Me keia ke haawiia aku nei ka h@laha he kauoha no ka hoopau a@ i ka Hawaii Seishu Kwaisha, Limited ka i hookomo a waihoia maloko o @ keena o ka Puuku o ke Teritore o @ waii, ma ka la 24 o Ianuari, 1922, a @ hookohuia o M. Hashimoto ma kekahi kauoha i hookomo a waihoia maloko o ke keena o ka Puuku o ke Teritore o Hawaii i oleloia, ma ka la 24 o @nuari, 1922, i kahu maluna o ka hopau ana, no ka poe paa aie ame ka poe paa mahele o ka hui i oleloia, me k@ mana piha e hooponopono i na ha@ o ka hui i oleloia i kulike ai me ka mana piha e hooponopono i na @na o ka hui i oleloia i kulike ai me ke kanawai.

            O ka poe paa @pa@ o ka HAWAII SEISHU KWAISHA, LIMITED, ma keia ke hoikeia aku nei ka lohe e waiho mai i ka lakou mau koi kue i oleloia, ke kahu ma kona keena me ka Seiseids Shoten, Helu 193 Alanui Hokele Akau, Honolulu, Teritore of Hawaii, iloko o kanaiwa (90( la mai ka hoopuka mua ia ana o keia hoolaha; o na koi apau e waiho ole ia mai ana pela e hoole mau loa ia aku no.

            Hanaia, Honolulu, T. H., Februari 3, 1922.

M. HASHIMOTO,

            Kahu maluna o ka hoopauia ana o ka Hawaii Seishu Kwaisha, Limited.  6889-Feb. 3, 10, 17, 24; Mar. 3.

Mau Apana Aina Kuai

Kuu Ocean View Tract Kaimuku Ave.

$300-Na Apana 50x100 %20 ukumua $10 o kamahina.

$500- Na Apana 50x200 $300 ukumua $10 o ka mahina.

$525-Na Apana 5277 sq. ft. Meyer St. Kalihi $20 ukumua $10 o ka mahina.

$500-Na Apana 50x100 Kalihi Road Mauka o School St. $25 ukumua $10 o ka mahina.

Paulo Kalauka

(P. E. R. STRAUCH)

Alanui Moi, Helu 74, Mawaena o na Alanui Papu ame Betela.

 

Keena Hawaii no na Lako Hana Mahiko

            Hapuku Kila Oliver

            Chilled âme na Palau.

            Na Katapila Cleveland.

            Na Katapila Fordson.

            Na Kaa Kalaka White.

            Na Kaa Kalaka Federal.

            Na Kaa Kalaka Ford.

Hana i na Kino o na kaa Ukana me Kalaka me ka Hana Hou Ana.

Na Hana Pili Amala

 

Schuman Carriage Co., Ltd.

Na Paionia o na Hana Halihali o Hawaii nei.

 

T O Murala Furniture Store

(Na noho hoolimalima m@ lako p@ maanei.)

Na Lako Hale Hou me Kahiko.

Hoolimalima me Kuai Hoo@la

715 Alanui Hema, Honolulu, T. H.,

Kelepona 1695.

 

Nupepa Kuokoa

            No ka makahiki (one year)……$@ No eon mahina (six months)…. @

            O na Dala ame na Hoolaha apau @ hoouna pololei mai i ka ADVERTI@E@ PUBLISHING COMPANY, LTD., wale uo, P. O. Box 208, Honolulu, T. @.

217 Alanui Moi, ma ke keena o k@ Nupepa Advetiser.

            Entered at the Posted Office at Honolulu, T. H., as Second Class Matter.

CHARLES, S. O@E, @ @