Ka Nupepa Kuokoa, Volume LXI, Number 8, 24 Pepeluali 1922 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HANA HOIKEIKE KAU LIO MA AALA PAKA.

 

            Ma ka weheia ana o na hana hoike@ a ka Ahahui Elks ma Aala Paka ma kela Poaono aku nei, ua pihaku'i ae @ kahua i na kanaka o na lahui like @. He nui na mea hoikeike o ke ano @ loa i ike mua ole ia ma keia kukanekauhale, i na wa i hala ae nei, a ka oi loa aku o kahi piha mau ia, o @ no kahi hoikeike kau lio ame bipi.

            Maloko o kela wahi hoikeike i hoikeike mai ai kekahi mau laeula o Hawaii nei i ko lakou makaukau ma ia @ana, eia nae ua pau wale no ka hapanui o lakou i ka hoohokaia e kekahi o kela mau lio. O na laeula mai ku ana makua mai ka poe hiki ole ke hoopahiliia e kela mau lio.

            No na keiki Hawaii, he hookahi wale no keiki Hawaii i hahani aku mahope o na laeula o ka aina makua, a o ka Lapanui. ua pau wale no i ke kiolaia mailuna aku o ke kua o kela mau lio a palahuli ana ke alo iluna o ka honua, @@@ ka lehulehu e hooho kupinai ana, @ ku maoli no i ka aka ke nana aku.

            Eia i ke kulanakauhale nei kekani keiki Hawaii mai Kona mai, a ma ka moku o ke kakahiaka Poakolu nei i kona mai ai kekahi mau keiki Hawaii @ Kauai mai, a ma na mea i hoikeia @ e hoea ae ana laua ma kela kahua # keia po me ka po o ka la apopo, hoikeike mai i ka lehulehu i ko laua@ ma ia hana.

            O kekahi o na wahi piha mau ia, o ia la kahi hoikeike o na ilio, a he ku maoli no i ka naauao kela mau ilio, i ike aku me ko ke kanaka. I ka wa ninau aku ai ke kahi i ka nui o kona mau makahiki, e hele ana ia e hookani ka hele no elima manawa, he hoailona @ no ka nui o kona mau makahiki. Ua @popo iaia ka nui o na la hana o ka @, a pela hoi ka nui o na la iloko o a pule hookahi.

            O ka po o ka la apopo ka manawa @ope loa e ike ai i kela mau hana aiwawa, nolaila mai noho i kauhale, aka hele ae e ikemaka, he ole ka lohe pepei@.

 

E HOIHOIIA MAI ANA NA KINO MAKE O NA KOA HAWAII I MAKE AI MALUNA O KE KAHUA KAUA.

 

            Maluna o ka moky lawekoa Logan e haalele aku ana ia Kapalakiko ma ka la 5 o Maraki a e ku mai ana hoi @ maloko o ewalu la ma ia hope akum a kino make o kekahi mau keiki Hawaii i make ai maluna o ke kahua kaua ma Europa e hoihoiia mai ana i Honolulu nei.

            Mai ke keena oihana mai o ka Akulana e Hawaii keia lono o ka hoikeia ana ae i ka American Legion Post No. @ a e noi mai ana e huli aku ka Legi on a ma Hawaii nei i na ohana o keia mau keiki i make.

            Ua loaa io aku ka ohana o kekahi o na koa Hawaii i make i ka Legion kuloko mahope o ka huli ana aku. O ka inoa o ke koa i make oia e Kakiana B. Kau, a o kona ohana o A En Sang Kau, e noho mai nei ma ke alanui Beritania maloko o keia kulanakauhale.

            O kekahi Kino oia ko Anthony Matos a o kona pilikoko elke me ka hoakaka a ka me i make oia o Pedro Ramos, o Paia, Maui. Ua hoikeia aku e ka Legion o Honolulu nei i ka legion lala ma Maui e huli aku ia Pedro Ramos a e hoike aku iaia e hoomakaukau no ke kanu ana aku i ke kino o A. Mtos ke hoea mai.

            Ua hoomaopopoia i ka manawa e hoea mai ai o kela mau kino make ia nei e kua ae ana malalo o na hooponopono ame ka hoohanohano ana a ka oihana koa ua kino make.

 

OLELO HOALOHALOHA

 

            No Ka Mea, ua oluolu no i ke Akua Kiekie Loa ka lawe ana alu i ka uhane makamae mai ke kino aku o William Werner, ke Kahu Kula Sabati Nui o Kauai Hikina, Kalana o Kauai. T. H., ma ke kakahiaka poniponi wale o ka Poalua, Ianuari 3, 1922, me ka emoole loa, a waiho iho la i na mea aloha he wahine ame na leialoha, o na keikim @ ka ohana e ae apau e u aku none;

            Nolaila E Hoohoholoia, ke hoike nei @ Kula Sabati o Kapaa, kekahi o na kula malalo o ke Kahu Kula Sabai Nui o Kauai Hikina ae la i kona aloha paumako no ka hoapaakaua i haalele mai, he minamina nui ko keia Kula Sabati no ka hoapaahana i hal,a,a a no na haawina oluolu waipahe, ka lokomaikai ame ka oiaio o ka launa aloha @ i hoike mauia mai e ia i na wa apau a hele wale aku la no; a ke hoike pu nei no hoi ka mahelo kiekie e keia Kula Sabati, no ka mea aloha i hala no kona kulana makaala a eleu, a no kana mau hooikaika pauaho ole ana, no ka holomua o na Kula Sabati malalo ona; a no kana mau hoonaauao ana no ka pomaikai ame ka holomua ne o na Kula Sabati malao on a; a he pouhana oiaio maoli no oia no na hana Kula Sabati, nole wale ma Kauai Hikina, aka, no Kauai holookoa no.

            E Hooholo Hou Ia, ke komo pu nei keia Kula Sabati me ka wahinekane make ame ka ohana apau iloko o ka a, ke kumakena ame ke kanikau pu ana ao a hoapaahana i hala, a ke pule nei i ke Akua Mana Loa, nona i hookauwa ai ka hoopaahana me ka pauaho ole a @ wale aku la, e hoomaha mai i na kaumaha ame na luuluu o ka wahinekanemake, na lei momi, o na keiki, i hooneleia i ka makuakane aloha, ame ka ohana a ae apau, a e hoopomaikai mai no ia lakou apau.

            E hooholo hou ia, e hoopaaia keia Olelo Hoalohaloha ma ka Buke Moolelo o keia Kula Sabati, a e haawiia aku kekahi Kope ia Mea, Waioli Werner,, ka wahine-kanemake, nona ame na lei momi a lava a no ka ohana no apau a e hoolahaia aku hoi keia Olelo Hoalohaloha maloko o na Nupepa hawaii e hiki ana.

 

            Kapaa, Kauai, Inauari 8, 1922, Kula Sabati Apana, o ka Ekalesia Hawaii Mua o Kapaa, Ma o kona Ko@ la:

                                    J MAHTAI KANEAKUA

                                    J.B. CUMMINGS

                                    FLAINE KAAUWAI

                                    IK. KAAUWAI

 

            Paris, Feb. 22, ua hoikeia aku e ke Keena Oihana o ko na aina e i ke aupuni o Helena aia wale no a hookuu mai ia i ka Mokuahi Palani Espoir me ka piha lanahum i hopuia ai ma ke ano he pio e ka moku hahai topido Helena mawaho o ke kapakai o Asia Uuku ma ka la 12 o Feberuari, e hana aku ana ke aupuni o Palani i ka hana elike me ia. ma ka hoakaka a ke aupuni o Helena e lawe ana ka mokuahi Palani Espoir i kekahi mau ukane i kue i ke kanawai i na koa Tureko ma ka manawa o kona hopuia ana.

 

 

NA MARE

 

E.C. Chong ia Annie H. Davis, Feb. 14.

E.P. Doang ia Maria A. M. Niulii, Feb. 21.

 

NA HANAU

 

Na C. P. Spencer ame Camilla Duschalsky, he kaikamahine, Jan. 27.

Na F. Ah Toon Ching ame Johanna Baker, he kaikamahine, Feb. 3.

Na Jos. Akau âme Nuuhiwa Holualoa, he kaikamahine, Feb. 4.

Na John De Lima ame Kaimi Keola, he keikikane, Feb 4.

Na Peter Josiah ame Katherine Clark, he keikikane, Feb. 10.

Na C. Pedrina âme Sarah Naeole, he keikikane, Feb. 13

Na Adam Wong âme Margret 'Ahu, he kaikamahine, Feb. 17.

Na W.K. Houghtailing ame Lily Ab Sing, he keikikane, Feb 17

 

NA MAKE

 

Albert H. Davis, ma ke Alanui Moi, Feb. 16.

John K. White, ma ke Alanui Kauluwela, Feb 18.

A. Kealohanui, ma ke Halema'i Moiwahine, Feb.18.

William Kekoa, ma ka Home Leahi, Feb. 19.

Kaimi Keola, ma ke Kuea Makuna, Feb. 20.

Bernice A. Kahalewai, ma ke Alanui Pahoa, Feb 20.

 

 

MAKAUKAU NA DEMOKARATA ME KE KAHUAHANA (Mai ka soso ekahi mai)

 

Hoaie i ka Poe Mahiai

            Ke apono nei makou i ka pahola ana mai i ke kanawai hoaie i ka poe mahiai i ke Teritore o Hawaii nei, e hooia hou ana i ko makou mahaoio, no kona waiwai, aka nae, e hoakeaia ae kona mau manao, a e hoomahuahuaia ae kona mau waihona e loaa ana.

 

Na Wahine no na Oihana Aupuni.

            Ke manaoio nei makou i ka haawiia ana mai o ka pono koho baloka i na wahine, e komo pu ke kuleana e paa oiahana, a ke hoopaa nei makou i ka makou moho. e hooikaika aku no kekahi hoololi i ke Kanawai Kumu, e kukulu ana i ke Teritore o Hawaii, e hoolilo ana i n a makaainana apau, me ke nana ole ia ma ke kama, o kuleana e paa i na kulana oihana aupuni, ma ka lokomikai o na mana koho o ke teritore.

 

Hoonaauao

            Oiai ua hookupu mau aku o Hawaii nei i kona mahele piha o na papa, apau o na auhau federala, me ke komo ole aku ma kekahi manawa, i loko o ke kokua fereala no na kula aupuni, a oiai o ke kau ana i pa auhau, me ka loaa ole mai o na pomaikai kau like, he mea hoowahawahaia ia, elike me ka auhau me kekahi mea maopopo ole, ke koi nei makou, e haawaiia mai ia Hawaii i mahele kupono o ke kokua federala i, kona mau kula aupuni.

 

Na Alanui

         Ke hoopaa nei makoa i ka makou moho e hooikaika aku no ke kokua federala ame ka hana ana i ke alanui inaloko o ke Teritore o Hawaii, a ke apono nei makou i na haawina e hookaawaleia ana o ke keena kaua, no ka malama ame ka maemale o na alanui ma Oahu, i hoohana kaawale ia no na  na halihali kaumaha e ka Oihana Koa Amerika.

         Ke apono nei makou i ka manao, e hoomamaia ae ke teritore, mai ka auamo ana i ka haawe kaumaha, o ka hana ana i alanui kameki mai Hilo aku ahiki i ka Paka Lahui Kilauea, a e lawelaweia keia hana e ke aupuni federeala.

 

Hana Aupuni

            Ke lue nei makou i ka hana hoopilimeaai a ke aupuni federala, e kue ana i na limahana kuloko, ma kana hana nui a hoakea ma Puuloa (Pearl Harbor), a ke hoopaa nei makou i ka makou moho, e kue aku i keia loina, he hana kaulike ole ia ia Hawaii, a kue i ka pono o kona lahui kanaka.

 

Limahana

         O ka aoao Demokarata ka hoalaoha kupaa i keia wa, a mau loa aku, no na limahana hoopono, a o ka mea hoeueu i ka oihana mikiala holomua. Nana i kukulu i ke keena o na limahana ma Wakinekona, a he Peresidena Demokarata, ka i hookipa aku iloko o kona papa kuka o na luna oihana, i ke kanaka limahana mua loa, i paa i kekahi kulana lala no ka aha kuhina. Ua kukuluia na buro limahana lahui malalo o ke kuhikuhi pili lahui, malalo o ka hookele aupuni Demokarata ana, a ua aponoia ma o ka hooikaika ana a ke aupuni malalo o ka hoomalu Demokarata, ke Kanawai Limahana Keiki, ke Kauawai Uku Panai Limahana, ke Kanawai Ewalu-Hora-ame ke kanawai a'o ike hanalima.

         Iloko o kona paa loihi ana i na kaula kaohi o ke aupuni, aole e hiki i ka aoao Repubalika ke hoike mai, i kekahi mea i noonooia no na limahana, aole hoi he mau hooikaika ana no ko lakou pono.

 

NEW PALAMA THEATER

 

"KA HALEKEAKA NANI MAWAHO AKU O HONOLULU

SABATI_ "THE GIRL FROM GOD'S COUNTRY

POALUA_LOIUS WEBER Production, "THE BRAT."

POAKAHI_OLARA KIMBALL YOUNG iloko o "HUSH"

POAKOLU_ "THE MARCH HARE."

UKUKOMO: 5 a 50 keneka

 

EMPIRE

 

Hoikeike mau, 12m. a 10:15 p.m. Poaono, 10 a.m. a 10:15 p.m.

Elua hoikeike Sabati, 6:30 âme 8:30

Ke Paani Nei- GERALDINE FARRAR iloko o "THE WOMAN AND THE PUPPET."

Hoomaka Sabati_ "THE SKYWAYMAN."

Hoomaka Poaha_ "BABE" RUTH iloko o "HEADIN' HOME."

UKUKOMO: 15, 25, 40 Keneka; Ukuia ka auhau kaua.

 

HAWAII

 

Hoikeike mau i na la apau. koe ka Poaono ame Sabati

KA POE HANA KEAKA A DICK WILBUR

Ke Paani Nei-"CAPTAIN KIDD, JR."

         E Hoea Mai Ana- "UNCLE TOM'S CABIN."

Ukukomo- 55 Keneka; Noho i Hookaawaleia. 85 Keneka.

Kiionioni i na auwina la apau koe ka Poaono ame Sabati, hora 12 m. a 5:30 p.m.

 

LIBERTY

Hoikeike i na la apau, koe ke Sabai, hora 2:45.

Elua Hoikeike, Poaono âme Sabati, 6:30 ame 8:30.

Ke Paani Nei- William S. hart iloko o "THREE WORD BRAND."

Hoomaka Sabati- MARION DAVIES iloko o "ENCHANTMENT."

Hoomaka Poaha- LOUISE GLAUM  iloko o "GREATER THAN LOVE."

Ukukomo: 25, 40 keneka, Noho i hookaawaleia 60c. Kelepona 5060.

 

O HARRY A. BALDWIN KEIA

Ka Moho Repubalika i ka Ahaolelo

Amerika Mai Hawaii Aku Nei

E koho iaia ma ka La 25 o Maraki i Elele Nau.

AKA- aole e hiki ia oe ke koho aia wale no a hoopaa oe i kou inoa ma ke Keena o ke Kakauolelo Kalena mamua ae o ka la 8 o Maraki.

Ina ua hoopaa mua ae oe i kou inoa, aole nae i koho ma ke koho baloka laula i hala, e pono oe e hele hou ae e hoopaa i kou inoa a i ole pela, aole oe e aeia ana e koho baloka ma ka la 25 o Maraki.

Ina ua koho baloka oe ma ke kau koho baloka laula i hala a ua nee aku oe ma kekahi wahi okoa mai ia manawa mai, e noi aku i ke Kakauolelo Kalana e hooololi ae ia oe i ka mahele koho kupono kahi au e noho nei i nei manawa. Ina aole e hooponopono mua ia ana keia hemahema, alaila e koho ana no oe ma ka mahele mua kahi au i hoopaa ai i kou inoa ma ka manawa aku la i hala.

O ka makaaianana i hiki ole iaia ke hele kino ae e hoopaa i kona inoa ma ka buke hoopaainoa a ke Kakauolelo Kalan mamuli o ka ma'i, ka eha paha o kekahi lala o ke kino, a pela aku, ua hiki no ke hoopaaia kou inoa ma o kau palapala hoike la i hookikiia maloko o ka hale o ka mea noi (kane a wahine paha), ma o ke noi ana ae i ke Keena Oihana o ka Republika e ku nei ma ka Hale Makinikaea, Rumi 2, maluna ae o ka Halekuai Kamaa o Makanani.

O ka makaainana e hoopalaleha wale ana aole e hele ae e hoopaa i kona inoa a aole hoi e koho ua hoohemahema wale oia i kona "pono kivila." ua hoohemahema wale oia i ke ko'iko'i o ka hana i kau iho maluna on a no ka pono o ka lehulehu ame ke Teritore holookoa.

 

E HELE AE E HOOPAA I KOU INOA MAMUA O KA LA 8 O MARAKI.

 

E HOOMAKAULII MA O KE KUAI ANA I KAU MAU MEAI MA KA BAILEY'S GROCETERIA MA KA MAKEKE AALA

 

Pia Hapuu Hawaii- 6 Puolo no…………$1.05

      Kopa Keokeo Holoi, Crystal-20 Auka no……1.00

     Kopaa Keokeo, Honolulu-17 Paona no………1.00

 

WAIU

Carnation. a i ole Alpine.

Na Kini Nunui- No ke Kakini…….$1.30

Na Kini Liilii- No ke Kakini……… .65

Kini Waiukia Eagle- No ke Kakini… 2.50

 

WAIUBATA NU KILANI- No ka Paona………. .45

 

 O NA MEAAI E AE APAU UA LIKE NO KE EMI. O KE KIPA ANA MAI HE MEA IA NANA E HOOEMI MAI I KOU LILO.

 

O NA HAWAII

 

i makemake i ka pomaikai o ke Kanawai Hoopulapula o Molokai, e hoolako ia lakou iho no ka holomua ma ka loaa ana ia lakou o na lako Mahiai me Hanai Holoholona ma keia hui kamaaina.

Ke malama nei maou i na lako hana maikai loa pela hoi me ke Pena Sherwin-Williams, ka mikini uwi waiu De Leval ame na lako pili i ka home o na ano apau.

Maloko o ko makou Keena o na Lako Paani e loaa no he ahua o na pu liilii ame na raifela maikai.

 

E. O. HALL & SON, LTD.