Ka Nupepa Kuokoa, Volume LXI, Number 6, 10 February 1922 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, HONOLULU, T. H. POALIMA, FEBERUARI 10, 1922.

NUPEPA KUOKOA

SOLOMON HANOHANO LUNAHOOF HOOPUKAIA I NA KAKAHIAAKA POALIMA APAU

POALIMA FEBERUARI 10, 1922

 

KA MANAO KANAWAI

O KA LOIO KUHINA

 

            Ua lilo ka manao uilani o na wahine e holo no na kulana kohoia e na makaainana koho baloka o keia Teritore, i kumu e hoalaia mai ai ka ninau no ke kuleana o na wahine e paa i ua kulala kohoia, aole paha.

            No ka hoopakele ana iaia iho, mai ka ili ana aku o na koʻikoʻi maluna ona, i ninau okoa aku ai ke Kakaulelo Raymond C. Brown i ka Loio Kuhina Irwin, e hoakaka mai oia i koua manao kanawai, maluna o ke kuleana o na wahine, e holo ai, a e paa ai paha i ke kulana elele lahui i Wakinekona, ke kohoia a puke.

            O konela C.P. laukea no kekahi i waiho ae i keia ninau hookahi, i kona manawa e noho kakauolelo ana no ke Teritore, I ka manawa e holo moho ana he mau wahine, no ko kakou ahaolelo kuloko; a o ka manao kanawai hookahi no ia i hoopukaia ae e ka Loio Kuhina Irwin, me ke kikoo ana aku nae, i ka olelo hooholo a ka aha kiekie, i hooholo ai maluna o keia ninau.

            O ke kuleana holo moho o na wahine, no kekahi kulana oihana kohoia e ka lehulehu, he kekahi kulana oihana johoia e ka lehulehu, he kuleaua hiki ole ia ke hooleia aku, no ka mea aole o kakou mau kanawai i hooholoia e pili ana i ke kama o ka moho, o ke kumu wale no e hooleia ai ka holo moho ana o kekahi, me ka nana ole ia, ina paha he kane a he wahine oia, o ka lawa ole o na inoa he iwakalua-kumamalin@a, i kakauinoa kona palapala holo moho, pela hoi ka waiho ole ia ae o ka uka i kauohaia e ke kanawai no ka holo moho ana, a i ole o ka haule hope o ka waihoia ana ae o ka palapala holo moho, o keia wale no na kumu e kapaeia ai ka inoa o ka mohoa mau moho paha, mai ke paʻiia aku maluna o ka baloka.

            No ke kuleana paa oihana o na wahine, ua hoole loa ae ka Loio Kauhina Irwin, i ka loaa ana o ia kuleana i na wahine, malalo o ko kakou kanawai kumu e ku nei i keia wa, ke kanawai a ka ahaolelo lahui, i hooholo ai, no ke kukulu ana i aupuni Teritore no kakou, malalo o ka malu o Amerika Huipuia.

            Me kela manao leanawai nae ua kukulu mai oia i kekahi hihia, i kulike me ka ninau i waihoia aku imua on a, no ke kuleana paa pihana o na wahine, o ia ka hihia, e ku-e ana ia August Dreier, no kona kuleana e noho ai i hoa no ka ahaolelo kuloko, mamuli o ke kumu@aole i lawa kona mau makahiku e noho ai ma Hawaii nei, mamua o ka hiki ana iaia ke holo moho, a i ole kohoia paha i hoa no ka ahaolelo. Ua hoopuka ka aha kiekie i ka@a olelo hooholo, me ka maopopo loa no nae, no ka hiki ole ia Mr. Dreier ke lilo i hoa no ka ahalelo, mamuli o ke ku-e o kona holo moho ana i ke kanawai, e waiho ana na ka ahaolelo ponoi, e hooholo i kela ninau, a ma kekahi olelo ana ae hoi, na ka ahaolelo e hoole, a e apono i kona lilo ana i hoa no ka ahaolelo.

            Ma kei manao kanawai, ame keia olelo hooholo a ka aha kiekie, e loaa ia kakou keia mau mea oiaio.

            Ua nele iʻo na wahine, i ke kuleana e paa ai i na oihana kohoia e ka lehulehu; aka o ka manaolana no ko lakou lilo i mau hoa no ka ahaolelo, a no ke kulana elele lahui pa@a, aia iloko o ka ahaolelo, ina no e hoole mai ana ka ahaolelo, o ka nele iho la no ia i ke kuleana a ina e ae mai an@, o ka pau@ana iho la ia malaila; ʻo ka manao maoli ana iho na wahine, he kuleana ko lakou elike me ia i loaa i na kane, he manao kuhihewa loa kela; koe wale no a hoololi maoli ia ke kanawai kumu o Hawaii nei; ma kahi e pili ana i ke kama o ke makaainana, o ia hoi, e haawi like ana i kela pono paa oihana, i na makaainana kane ame na makaainana wahine.

            Nolaila e ike mai kakou e na mana koho, i@a penei iho la ke kulana oiaio o na wahine, ma keia ninau kuleana paa oihana, alaila he kulana ano pohihihi maoli, me ka maopopo pono ole ko na wahine e holo baloka, iloko o keia manawa, aole no ke ku=e ana aku i ko lakou holo moho ana, aka he oi aju ka hoololiia ana mai o ke kan@wai kumu, mamua o ko kakou koho ana aku ma ke ano pohihihi.

 

E HOOMAU E NA HAWAII

MA KA HANA HOAHU

            Ma ka pule aku nei i hala, i hookomoi mai ai he hoolaha iloko o keia pepa, a ke puka hou aku nei no ua hoolaha la, no ke kukulu@ana ae o ka banako Bank of Commerce, Ltd., he keena hoahu liilii mai ka umi keneka aku no ka pule ahiki i ka elua dala no ka pule; o ka hopena i ikeia ma o kela hoolaha la, ua holomoku na Hawaii, ma ke komo ana iloko o kela hana hoahu.

            O ka Banako@o Bihopa ma, ka banako nana i hoomaka mau i kelya hana hoahu liilii ma ka pule, a @a nui maoli na Hawaii i komo ma kela hoahu ana; eia hoi keia banako ke hoohalike aku nei. me he mea la, aole he loihi o ka manawa ma keia mua aku, e ike aku ana kakou, i ka ukali mai o na banako e ae, ma ka wehe ana i mau keena hoahu liilii o keia ano.

            Ke mahalo nui nei makou i na Hawaii, no ka @omahuʻi ana ma keia hana, pela wale no e loaa ai he waihona iakakou, ma ka hoahu liilii ana, o ka manao ana a e, aia a loaa mahuahua mai ke dala. a@aila hoahu aku, aole he manawa e hoea @naii ai ka hookoia ana o kela manao, aka e pili mau ana ka nele ame ka hoaa ia kakou.

            Ua maikai maoli keia hana a na banako, e haawi ana i kela ame keia i manawa e noonoo ai, @ @ hoahu ana ma ke ano hoomakaulii, mai ka h@na liilii loa ma@ ahiki i ka huina mahuahua.

            Ma keia hoahi liilii ana ma ka Bank of Commerce, Ltd., ua hiki loa i na Hawaii apau ke hoahu, mai na makua a na keiki, in a no ia he Kenikeni no ka pule, a oi loa aku hoi ka pono, in a ma ka hapaha, a ma ka hapalua paha o ka pule. He uuku no kela ke nana iho, e kaniuku ole ai, aka i ka piha ana nae o @a pule he kanalima, e loaa ana kekahi huina dala mahuahua, ke mea i loaa ole i ka hapanui o na Hawaii e noho mai nei, no kekahi mau makahiku lehulehu i kaahope aku, i ka wa aole i kukuluia ae keia ano o ka hoahu ana, ma ke ano hoomakaulii.

            E hoomaka kakou e na Hawaii i ka hoomakaulii ana, e a'o aku i na keiki e hoomakaulii, ma ka hoahu ana i ka lakou mau kenikeni liilii e loaa nei, aole e luwale, a kuai wale paha i kekahi mau mea kupono ole ; o ka maa ana o ke keiki i keia hana hoomakaulii i kona wa opio loa, e @ auanei ia, i pohaku paepae, no ka hapai ana ae aia ahiki i ke kau ana ma na anuu kiekie, o ka noho lako a @ ana, i kona wa e kanaka makua ai.

E HELE AE E UKU

@ NA AUHAU WAI

            Ua hala aku nei ka manawa hookaa o ka auhau wai, ma ka la hope o ka mahina o @, e uku ole ai i ka ukupanee, aka aole no keia i haule hope loa, in a no e hele ae ana ka poe i uku ole i ko lakou mau auhau wai, a hookaa aku i ko lakou mau aie, e lilo ana no ia i mea e palekana ai lakou, me ka hoon@ole ia i ka wai e pono ai ka noho ana.

            Eia ke keena wai, ke hoomakaukau mai nei e oki aku i na paipuwai, o ka poe e hoohemahema ana i ka uku ana ae i ko lakou mau aie, ua hoohemahema maoli no kekahi poe i ka uku ana i ko lakou auhau wai; nolaila i mea no lakou e nele ole ai i ka wai, o ke alahele wale no o ka palekana o ia ka hele koke ana ae e uku, aole o ke kakali me ka hoopalaeha, o hoea mai auanei i ka wa e mihi ai, he mihi make nae. no ka mea ua hala ka wa kupono.

            Me he mea la. he heluna uuku loa o ua Hawaii e noho aie nei ka wai, aia iwaena o ka poe nunui o ka ukumahina, ka poe e paa ana i na kulana oihana kiekie, ame ka poe kuonoono, ka nui o ka aie e waiho nei me ka uku ole ia, o ke alahele nae no lakou e uku koke ae ai, o ia no ke pani ana aku i ka wai.

            Ma keia hooikaika ana a ka oihana wai, o ke Kulanakauhale a Kalana o Honolulu nei, e loaa mai iloko o ka waihona o ke aupuni na dala apau i ukuia no ka wai, o kekahi ia o na hana a kakou e haawi aku ai i na mahalo ana ; a e hookoia aku hoi ia hana me ke kui'o, me ka nana ole i ka poe aie, ma ko lakou kulana, ame ka ili.

            Ma keia manao nae o ke keena wai, e lilo ka poe aie i ka auhau wai, i poe hookaa pololei, i ko lakou aie i ke aupuni, o ka ke Kuokoa e iini nei, e hooko like ia ia koi ana, mai ka poe keikie mai ahiki i ka poe haahaa, ma kekahi olelo ana ae hoi, e hookoia ke kanawai ma ke ano kaulike, me ka nana ole ia ma ka ili a ma ke kulana paha.

 

E WAE I KA MOHO ELELE KUPONO.

            Ma ka Poalua ae nei e hoea mai ana e noho mai ai ka ahaelele Repubalika, no ka wae ana ae i ka moho elele lahui, no ke kukulu ana aku imua o na mana koho, ma ke kau koho baloka kuikawa, e malamain ana ma ka la 25 o ka mahina o Maraki. E akoakoa ae ana maloko o kela ahaelele, ma kahi o ka haneri a oi mau elele mai na wahi like ole mai o keia Teritore, a aia iloko o ka poho o ko lakou lima, ke kau ana aku a ka leh@lehu, ma ka aoao Repubalika. Aole he hana maala@i ka wae ana ae i ka moho elele kupono, o kekahi ia o na ninau pohihihi loa, e aneane hiki pono ole ai no ke loaa ke waeia o ka moho. me ka manao lokahi.

            No ke kokua ana aku nae i na elele, maluna o keia ninau ano nui, he mea pono e hoomaopopoia keia mea ano nui loa, o ia no ka hiki ana e loaa ka lanakila i ka moho i waeia, ma ke kau koho baloka kuikawa e hoea mai ana.

            O ka wae ana ae i kekahi moho elele, maiwaena mai o ka nui o na moho e loheloheia aku nei iloko o keia mau la, no ka waihoia ae o ko lakou mau inoa iloko o ka ahaelele e noho mai ana, he pono, e nanaia ae kona mau ano kupono apau, no kela kulana ; e nana pu ia hoi. ka lilo ana o ka moho, he mea i makemake nui ia e na mea apua, he mea e hiki ai ke kauia aku na hilinai ana, no ka hookoia o na hooponopono ahaolelo, no ka pono holomua o Hawaii nei.

            He kulana ano nui loa keia, ke kulana a ka Elele Kalanianaole i paa ai no na makahiki he iwakalua, me ka hanohano ame ka mahalo nui ia, e na hoa o ka ahaolelo makua, a e na makaainana o Hawaii nei, nolaila, o ka moho a na Republika e wae ae ai, i kanaka oia i iki e @alama i kela kulana me ka hiipoi, i kanaka e hiki ana ke ukali aku mahope o ka meheu o na hana a ko kakou elele lahui, i hala, a i kanaka hoi, e kiai mau ana i na mea apau e haaheo ai keia Teritore ma on a la.

            Ua hoca mai i ka manawa e kaiehuia aku ai ka poe epa apau mailoko aku o na kalapu Repubalika, a mai ka aoao Repubalia aku paha, pela wale no e hiki ai i ka poe kupono a maikai, ke komo mai, e hooikaika no ka lanakila o ka aoao kalaiaina, ame kana moho a mau moho paha ma na kau koho baloka o kakou!

 

Nuhou @

 

            Ua makemakeia ua laia o ka Aba@ Kokua a Manakalea o na Poola ame ka Ahahui a na Wahine Poola e akoakoa ae ma ke anaina haipule ma Kaumakapili ma ka hora 9 a. m. o ke Sa@ati, Feberuari 26.

            Ma ka la @ o ka mahina ae nei o Aperila, e n@ mai ai na hana o ka oihana leka, iloko o ka hale aupuni feberala hou, i aneana e pau na hemahema i keia manawa.

O na lala o ka Ahahui Kokua a Manawalea o na Poola i Haalele mai i ka ahahui, ua hiki ia lakou ke hoi hou mai ke hui ae me ke komite a kukakuko no ka uku komo a pela aku. Ua hamama ka puka o ka ahahui no lakou.

            Eia no ke Kuokoa ke oili aku nei me ka hele o kona mau ku ineki a piha i na meahou like ole, ame na manao i kakauia mai e na makamaka, no ka pomaikai o ko ke Kuokoa poe heluhelu.

            Ma ka hora 2:30 p. m., o ka la aku la i nehinei i hoolaaia ai ka Paka Kamamalu ma ke kihi o na alanui Pa pu ame Kula, o ka Lunakiai M. C. Pachecco ka mea haiolelo ma ia manawa.

            Ma ka poalua ae nei, ka la 14 o keia mahina, e noho mai ai ka ahaelele Repubalika, no ka wae ana ae i ka moho elele lahui na kela aoao kalaiaina, o ke koho baloka kuikawa e malamaia aku ana ma ka la 25 o keia mahina ae.

            Eia ke liuliu hoomakaukau mai nei ka Hui Malu Elks, i na hana hoikeike a hoopihoihoi noonoo, e malamaia aku ana ma Aala Paka, e hoomaka ana mai ka Poaono, ka la 18 o keia mahina, no ka manawa o hookahi pule.

            Ma ka noho ana o ka halawai a ke komite kuwaena o ka aoao Repubalika, ma ka Poalua nei, i haawi ae ai kela komite, i na kakoo ana ia William T. Carden, no ke kulana loio Amerika, ma kahi e paaia nei e ka Loio Amerika Huber.

            He o ia mau ka paa o ko Mrs. Mary Ateherley manao e holo moho elele lahui kuokoa ma keia kau koho baloka, me ka nana ole i ka manao kanawai o ka Loio Kuhina Irwin, a he manaoio kona, oia ana ka moho e kohoia a puka.

            Ua hoea mai na hoike i Horolulu nei e holo mai ana o Normau K. Lyman no Maui no ka hui pu ana me Harry Baldwin, kekahi o na moho e loheloheia nei, no ke kukakuka ana maluna o ko laua kulana holo moho, mamua o ka holo loa ana mai no Honolulu nei.

            O ka poe he mau pono wai ko lakou i noho aie i ka auhau wai no na mahina eono e nee aku nei, e hele koke ae lakou, e uku ia mau auhau wai, mamua o ke okiia ana aku o ko lakou mau paipu, e oi loa aku ai ka pulukua ame ka poino.

            Eia ke nee nei na hana o ua alanui o ka apana o Kakaako imua me ka hikiwawe, a ma ka manao o ka poe i lilo ai ka aelike no kela hana, e pau ana na alanui i ka hanaia, he mau mahina mamua ae o ka manawa o ka aelike.

            Ua loaa mai ka lohe i keia keena, ma ka halawai a ke komite kuwaena Demokarata i wae ai i ka moho elele lahi a kela aoao kalaiaina, i hooholoia ai e hoopuka hou aku i ka nupepa Aloha Aina. o ka mea wale no e hakalia nei no ka loan ole o ka mea kupono nana e hooponopono i ua nupepa la.

            Eia no ka Lunakiai Kumalae ke paa nei kona manao e holo moho elele lahui ma ke ano kuokoa, ma ka aoao Demokarata, aka nae ua hoike ae ka poe iloko o na hana kaiaiaina i ko lakou manao, e haalele ana oia i kona holo ana, ke wae ae ka aoao Repubalika i Hawaii k moho a na Repubalika.

            Ua hoikeia mai ka lohe i keia keena i ka nui maoli o na Hawaii i hele ae e hoahu i ka lakou mau dala, ma ke ano hoahu liilii, maloko o ka Banako Bank of Commerce. Ltd., mamuli o ka ikeia ana o ka hoolaha maloko o ke Kuokoa, o ka pule aku nei i hala, a malia he poe Hawaii kekahi i ike ole, ke oili hou aku nei no ka hoolaha no keia pule.

            Ua hoea mai na hoike i keia keena mai na kupa Hawaii mai, no ko lakou makemake nui e hoouna i ke Kamaliiwahine Kahanu Kalanianaole i elele lahui i Wakinekona mai Hawaii aku nei, a in a no kona waeia i moho elele ma ka aoao Repubalika, e huliamahi ana na Repubalika, e huliamahi ana na Repubalika ame na Demokarata e koho iaia a puka, mai Hawaii a Kauai.

            E malamaia ana he anaina haipule hoomanao no kalani alii Jonah Kuhio Kalanianaole maloko o ka Luakini o Kawaiahao. i ka la Ahahui Hooulu a Hoola Lahui a i apono loa ia e ke Kamaliiwahine Elizabeth Kahana Kalanianaole, ka hope peresidena o kela aha hui.

 

Nuhou

            Kuwaho

mau kanaka @ 38 ke emi loa a ka poe i @ muli o kekahi ahi o ka @ ana ae i ka Hokele Lexington ame kekahi mau hale e ku kokoke mai ana maanei ma na hora kakahiaka o keia 18. Ua manaoia he lehulehu ka poe i paa malalo o na paia o ka hale i hiolo ai. Lehulehu na malihini i noho ai maloko o ia hokele i eha kukonukonu ma muli o ka lakou lele ana ma na puka aniani mai ka papahele iho oluna loa. O ke poho i kohoia he $150,600. He kakini a oi aku poe nalowale.

            WAKNEKONA, Feb. 7. Ua Kauoha ae ka Peresidena Haeding i ke kakauolelo Herbert Hoover o ka oihana kalepa e kahea ae i kokahi ahakukakuka a na kanaka loea o na oihana kaua aina ame moana ame ko ka oihana kalepa no ke kuka ana maluna o ke kelepona uwaole a e lawelawe aku i ka hana ma ka huli a noii ana me ka manao e hoohaiki mai a i ole hookapu loa i ka hoohanaia o na kelepona uweaole kuokoa. O ka hoohanaia ana o na uweolelo kelepona no ka hoopakele ana i ka lahui a no na hana pili kalepa ma ka oleloia ua hoopilikiaia mamuli o ka hoohanaia ma ke akea o na kelepona uweaole kuokoa.

 

KAKAUINOA AE EK KIAAINA W.

R. RARRINGTON

Elua kauoha no ka hooko ana aku i kakauinoaia e ke Kiaaina W. R. Farrington ma ka Poakolu nei no elua mau paka maluna o ka mokupuni o Oahu nei, ka mua, no ka Paka Kawailoa, ma ke kapakai o Kailua, Koolaupoko, a o ka lua, no ka Pake in a Kaneohe, ma ka apana no o Koolaupoko. No ka paka ma Kawailoa he 25 eka, a no ka paka ma Kaneohe 7. 68 eka. Ua @ maloko o na kaueha i kakauinoaia e ke Kiaaina in a e hooko ole ana ke aupuni kulanakauhale i ke kauoha e malama a e hoohana i na apana i hoakakaia ae la i mau paka me ke kupono a maikai, a in a e hoohanaia aku ana ia mau apana no kekahi mau hana e ae, e hoopauia ana ia mau kauoha, a e hoi hou ae ana ia mau apana aina i ke aupuni Teritore.

            Ua kakauinoa pu ia e ke Kiaaina kekahi kauoha no elua eka pakui no ka Paka ma Ualapue, Molokai, a no ka hookaawale ana hei i kekahi kahua no ka hale hookolokolo ma kaueohe, a no kekahi hale ma ke alanui ma Waio@ Kau, Hawaii.

            No ke kahua o ka hale hookolokoio he 29,760 kapuai kuea ka nui a no ka hale ma ke alanui o Waiohinu he 41,635 kapuai kuea ka nui.

 

NA KA AILAOLELO LAHUI E HOOHOLO MAI

(Mai ka 2020 Ekahi Mai).

           

            Ua lawe mai nae ka Loio Kuhina Irwin i ka olelo hooholo a ka aha kiekie, i hoopuka ai ma ka hoopii e ku e @ ia August Dreier, iaia i holo ai he hoa noloko o ka ahaolelo kuloko, ma ke ano he kumu hoohalike, no na mea e banaia mai ana maluna o keia ninau, pili i ke kuleana pa@ oihana e na wahine.

            Ma kela hoopii e kue ana ia Mr. Dreier, ua hiki ole iaia ke paa i ke kulana oihana kohoia, no ke kumu, aoe i lawa kona man makahiki e noho ai ma Hawaii nei, mamua o ka hiki ana iaia ke paa i kekabi kulana oihana ko hoia o ka mea oiaio maoli no ia i ikeia eia nae, ua hoopuka ae ka aha kiekie i kana olelo hooholo, e waiho ana, na ka ahaolelo kuloko ponoi no e hoo puka i ka olelo hooholo, maluna o kela ninau.

            No keia olelo hoohoo ae la e ku nei a ka aha kiekie i hoopuka ai, ma ka manao o ka Loio Kuhina Irwin, o ke alahele hookahi no ia e @ mai ana e ka ahaolelo lahui, in a e puka ana he wahine, no ke kulaua elele lahui anai Hawaii aku nei.

            Me ka nana ole nae i ka manao kanawai o ka Loio Kuhina Irwin, e holo aku ana no o Mrs. Mary Haaheo At@ he moho elele kuokoa, a e wa iho aku ana oia iaia iho imua o na mana koho baloka, na lakou e haawi mai i ka olelo hooholo kaulike, ma ka paliu baloka.

 

            Eia na hana a ke Komisina Home Hawaii ke nee nei imua, no ka waele ana ae i ke alahele, a malaeine no @ Hawaii e hoi aku ai a noho ma Molokai, i keia makahiki ap.

 

            He mau laulau puaa womona ke loaa ana i na lala o ka Ahahui Kokua a Manawalea o na Poola o na Kane ame na Wahine ke hele ae i ka Makeke Aala ma ka hora 6 a. m. o ke kakahiaka Poaono, Feberuari 18.

 

OLELO HOOLAHA

LEIHULU KUAI.

            E loaa no na LEIHULU me ke kumukuai haahoa loa, ma ka hele kino ana mai a i ole, ma ke kelepona ana mai i ka Helu 5293, 1440 Kauluwela Lane.

6490 - Feb. 10, 17, 24; Mar. 3.

 

KI IAIA ME KA PU NO KA AE OLE

IA E IKE I KANA IPO

(Mai ka aoao @ mai).

ko iaua launa mau ana he mau hoapaaui like laua iloko o na la opio a ua hele like no hoi laua i ke kula ahiki mau keiki @ ana i ke kula a ka mare ua hoole na makua @ hou ana mai ia Victor e hele aku i ko lakou hale. No kekahi manawa ka hololeka ana o nei mau opio, a ma ka puka aniani laua e kiei aku ai a hoolei i ka laua mau leka a ua manaoia o ke kumu paha o ko ke keiki hana naaupo ana iaia iho mamuli ia o ka loaa ana o kekahi leka a ke kaikamahine o ke kakau ana mai i loaa aku hoi maloko o ka pakeke o Victor. E hoakaka ana ka manson aloko o ka leka a ke kaikamahine o ke kakau ana mai i ke kamaikio ana o na makua i ka @ kaikamahine he keiki o Victor i hoonaau@o maikai olo ia @ e pono i ke kaikamhine e huli aku i kane okoa. O keia molalo nei ka manao maloko o ka leka:

            "E Victor, aole hiki ia' u ke ike hou aku ia oe, e hoihoi mai oe i kuu kii a'u i haawi aku ai ia oe, a e hoihoi aku no hoi au i kou kii. Aole o'u makemake ai oe e kakau hou mai ia'u, o ka hope loa no hoi keia o ka ka'u manawa e kakau aku nei ia oe. E hele ana au i kahi e. Ua olelo mai kuu makuahine ia'u aohe i lawa kou hoonaauaoia ana a i kona manawa i ka mailio mai ai ia'u ia mea ua pika loa au i ka hilahila. Kau Trinidad," Wahi a ke kaikamahine ma ka hope loa o ka leka.

            I kulike me ka hoakaka a na makua o Victor he keiki paa mau me ka hooikaika i ka hana o Victor, a he mae kokua nui loa hoi oia ma ka malama ana i na mea e pono ai ka ohana aohe no hoi laua i ike iki i kekahi mau hana ano e a ka laua keiki ahiki wale no i ka make ana.

 

NA MARE

            Lum Kim in Rebecca Kualii. Jan. 28.

            Au Quan Yau ia Hattie Nuhi, Jan. 31.

            Frank P. Andrade ia Clara H. Keiki, Feb. 4.

            Frank B. Wrigley ia Hannah Kapela, Feb. 4.

            Jacob Fernandez ia Maryann Nobriga, Feb. 4.

            Nicholas Bellea ia Lydia Kaili, Feb. 6.

NA HANAU

            Na Mr. and Mrs. William Kekoa, he kaikamahine, Nov. 25, 1921.

            Na Benj. Colburn âme Martha Poai, he keikikane, Jan. 27.

            Na C. Francisco âme Helen Kekuhaupio, ke keikikane, Jan 28.

            Na D. Kekuewa âme Hannah Lincoln he keikikane, Feb. 2.

            Na Albert Kauwe, Jr. ame Matilda leleo, he keikikane, Feb. 3.

            Na Robert Naone âme Julia Kalehua he keikikane, Feb. 3.

            Na Mr. âme Mrs. Moses He@ he keikikane. Feb. 3

NA MAKE

            He @ na Robert Kaipo, ma Honolulu, Feb. 7.

            Mrs. Jane Me@ Walker, ma Honolulu, Feb. 8.

 

NEW PALAMA THEATER

"KA HALEKEAKA NANI MAWAHO AKU O HONOLULU"

SABATI - "THE GREAT MOMENT."

POAKAHI - "LOVE WIHOUT QUESTION."

POALUA - "THE DAUGHTER OF DEVIL DAN."

POAKOLU - "SHORT SKIRTS."

UKUKOMO: 5 a 20 Keneka.

 

EMPIRE

Hoikeike mau, 12 m. a 10:15 p. m. Poaono, 10 a. m. a 10:15 p. m.

Elua hoikeike Sabati, 6:30 âme 8:30.

Ke Paani Nei - WILLIIAM RUSSEL iloko o "THE CHALLENGE OF THE LAW.

Hoomaka Sabati - "THE THIRTEENTH CHAIR."

Hoomaka Poakolu - WILLIAM FARNUM iloko o "IF I WERE KING

UKUKOMO: 15, 25, 40 Keneka ; Ukuia ka auhau kaua.

 

HAWAII

Hoikeike mau i na la apau koe ka Poaono ame Sabati.

KA POE HANA KEAKA A DICK WILBUR

Ke Paani Nei - "OUT YOUNDER."

Poakahi - "HIT THE TRAIL HOLLIDAY."

Hoikeike Ao, 2:15 Poaono. Ukukomo, 25 ame 55 Keneka.

Ahiahi, Ukukomo, 65 âme 85 Keneka.

Kiionioni i na auwina la apau koe ka Poaono ame Sabati, hora 5:30 p. m.

 

LIBERTY

Hoikeike i na la apau, koe ke Sabati, hora 2:45.

Elua Hoikeike, Poaono âme Sabati, 6;30 âme 8;30.

Ke Paani Nei - DAVID POWELL iloko o "DANGEROUS LIES"

Keia Sabati - RICHARD BARTHELMESS iloko o "ECPERIANCE"

Poana - ETHEL CLAYTON iloko o "BEYOND"

Ukukono: 25, 40 keneka. Neho i hookaawaleia 60c. Kelepono @

 

 

LILO HE WAHIN@ I

KE KAI A @

            Ma keia mana@ hoi ka nalu i po'i mai @ o @ mau kumukula, aia @ in a kahi kokoke i Koko @ iko @ lak@ i kela poino, @ mai la la@ aku ia @ o ku ana o ka

            Ua hoike loa ia @ holo ana o ka wahine ! o ke kai i ka oihana mak @ o na hooikaika ana i loaa @ kino make o Miss Schurrer a @ noluna o ka aina maloo.

            Ua maura maoli aku o Henry @. lolii, kekahi o na paahao o ka @ ana aku me ka Makai Ma@ kona @ ma ka @ ana @ kai @ kahi kiekie aku @ 75 @ kapuai ke kiekie a @ la ahiki i ka @ lona ana o ke @ o kela kumukula, me ka @ ke kaula i ke kino, a hoomaka @ e kolo iaia no kahi e loaa aku @ poe mauka o ka aina.

            No ka hora hookahi me ka @ hooikaika ana e pae ae ke @ iuka, ua loaa mai la ke kaula i @ ku aku ana maluna o ka aina @ lakou i huki ae a kau ilun@.

            Ua hoihoiia mai kela kino @ ke kulanakauhale nei, ma ka @ ne i malamaia ai he anaina @ hoomanao nona e na @ haumana o ke kula o Pohuk@.

            E hoihoi loa ia aku ana ke @ lua o Miss Schurrer no @ me ke kauoha i loan mai @ mau makua @.

 

KAUOHA KE AUPUNI E HUL@A

KE KINO O NA WAHINE

 

            LADANA, Jan. 30 Ua @ aupuni Belekiuma e @ Kahi mau wahine i poe huli @ mau aku lakou ma ua hale@ kaaahi ma ka mokuna aina @ aku i na wahine ohua @ kaaahi e holo mai ana mai @ mai e huliia ko lakou kino.

            He liana keia i hooholoia @ ka mahuahua loa o ke komo @ cocaine @ ka heroin. @ hoomalule kino) iloko o ke @ ke kanawai i hooholoia a @ 1919, o ka hookomo ana mai @ ame ke kuai ana i na @ malue kino o keia ano @ he laau no ku lapaau ana, a @ hoi na na kauka hoohana @ kapu loa ia.

            O keia mau ano lanu ua @ loko o Kelemania, ka hap@ laweia mai iloko o Beleguma @ hine opio ma ke ano ma lu. @ wahine e @ ana me na @ he @ @ na @ @ huli ana aku. O na lole i @ ke ano e hiki ai ke hook@ o keia mau laau he haawi @ @ nanawa kupono loa i na @ ai ka huna ana i na @ maloko @ o ia mau ano laau @ o Belegiuma.