Ka Nupepa Kuokoa, Volume LXI, Number 5, 3 February 1922 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
NA ANOAI O KA MAKANI KAILIALOHA
---
He mau la hoolele lupe no na Pili i ka @ ame na Hawaii ko ka mahina aku @ kahi. He lele uwaki hoi ko keia @ iwaena no o na Pilipino no Honolulu ame Manila, He ma'i ahu la i keia no ka mahika o Kipahulu nei.
---
He awa la nune aku a nune mai kai a @ ke kuaaina nei, no ka pua alii Kamehameha i hala aku la ma kahi na mea apau. Eia ka he kapuai me keia no Kalauialii Kuhio i iha nei iluna o ko makou mau anela o na la i aui aku la.
---
'O Hana mai kekahi ha'eae'a ma mahili ana i na uhani ino, me ke a ka lei Korona. Eia ka mea apikika maka no ko ke kii (kanaka) aohe i ke akua eepa. He pepeiao ke kii kanaka, he puni wale i a na kino eepa. Hu ae la ka.
---
A e ka opio mai o Kaupo, aia no he huluhulu ua piha i ke akua ma na lakou apana. E hoao ana laua ma a apau apau e kinai i kela kapuino. O ka pono ia e na opio, o pau loa anei la kane ame na wahine o Kauka i ka lele iluna, me he kino anela mai ia, elike me ko Laia mau anoai.
---
Haawawa aku a hauwawa mai, owai ke kanaka kupono ma kahi o ke Na Kahio i hoa lala no ke Komisina na Aina Hoopulapula, o ka Honi a ka H. Wise no hoi ke kanaka ua ala na maka i ka uwahi o ka aoao kaaina no na aina hoopulapula, owai ka ana la ka ke komite Kuwaena a aoao Repubalika e apono mai ai mai mai ana la ka ka aoao Demokali.
---
Ma kekahi la o ka mahina i hala ua loa aku nei, ua manaoia he hawai "lei Korona" maluna o ka he kapapau o kekahi lio make, i hoopuni ia i na poke pua. Oiai ua ikeia he pohaku Kuula maluna o ua he kupapau la. He elua hoi ka Mokumaia mau pohaku, he hookahi no hoi keia, me a manaoia na waho mai ka make o ka lio. Eia ka mea apiki, mai kahi e mai no hoi kekahi ka'eae'a o lakou a eia ana ua he kupapau la i ka uhiia ke kapa koa heleua, a pahua ka ana o ka lei Korona, i ka mana o ka papa koa hele ua.
---
He malatia naaupo ka i olelo ae, in a nai oia i ka palaoa ame ka meono, na haleinu kope, alaila ua hapai ka luahine wahine ana, oiai nae, he mai makahiki loihi ka make ana o keia wahine. Ina e nui loa kona aloha i ka luahine, hele a ka puka pa o ke kaai wahine, puliki i ka pohaku me ka awe ana, aia apau ka uwe ana, alaila pule i ke akua mano o ka luahine, a ma hope hoi i kauhale. I ka wa i ike ai o ka wahine nona kela pukapa pohaku loa ia oia aole e hele hou malaika. He nui aku no na Galatia naaupo, honihoni lolewawae, papale, ili kamea, a nui aku, aohe Lapule i keia i ka lahui.
---
Ma kekahi mau pule i hala ae nei, na olu ae la he mau papa olelo mawaena o kekahi keonimana ame elua mau hele, no ua mea no e pili ana i ke Akua; wahi a ke keonimana, aohe o'u malama akua, o kuu wahine male ka a ea i piha ke eke huluhulu i ke akua a na'u ponoi no i lawe e kiloi iloko o ke kai. Poweko ka waha o ka wahine pepa i ko kuhikuhi i make ia ha'i, eia ko ka hoi iloko o ke eke huluhulu ke poo o ke akua kahi i okuku ae ai. I hoomanao ae la kou meakakau i ka moolelo o kekahi kahu akua mano e ai'a ana me kona kokoolua i ka moana oku ae la ke poo o ka mano no ka manawa mua, kaomi malie iho ko ke kahu akua me kona mau lima ia ke poo o ka mano i ole e ike mai mua kokoolua, emi liilii no ka mano oku hou no ka elua o ka manawa moni hou no na lima o ke kahu mano ia ka ekolu o ka manawa, ahuwale loa no kino o ka mano iluna o ka 'ilikai, a wa i nui ae ai ka leo o ua kahu paao la, aohe ka hoi ou lohe, he maia ka hala! Pela paha me keia!
He nui na manawa a ka Lunaolelo Pauolo e a'o ana i keia ano kanaka paakiki aohe nae he maliuia mai.
Me ke aloha i ka Lunahooponopono a me kou mau hoa paahana o ka papa ka'i.
GEO. W. KAUHANE
Kipahulu, Jan. 20, 1922
---
AE OKOA HE KOA NO KA PILI O KA HEWA IALA
---
Mamua o ka aha hookolokolo fede a'a apana ma ke kakahiaka Poakolu i hala i hookomo ae ai o William Clifford McLacklin, he koa o ka Pakoa o Leilehua i hoopiiia ae ai no ka hewa pepenikanaka no ke ki ana a make ia L. C. Sprague ame F. W. Barnard me ka pu panapana, he mau koa no ka Papu o Kahauiki, he noi e hoololi ana i kana pane mua e hoole ana i ka pili o ka hewa iaia no ke kumuhoopii e ku e ana iaia, a hookomo ae la he pane hou e ae ana ua hewa oia, a no ia paoe ana ua kauia mai ka hoopa'i maluna on a e hoopaahaoia oia a pau ke ola.
Na ka Lunakanawai Vaughan i kau ai i ka hoopa'i hoopaahao iaia apau ke ola, in a nei no kona malama i na rula o ka halepaahao a hala na makahiki he ia e hookuuia mai ana oia malalo o ka hoomalu ana.
O keia ke koa i ki ai i kona mau hoakoa maloko o ka Papu Kahauiki ma ka hora 10:30 o ke kakahiaka Sabati o ka la 23 o Okatoba i hala, kahi o keia mau koa i hoonohoia aku ai no ka hana. Mahope o ka loaa ana o kekahi pu panapana ia McLacklin ua ki aku oia i na koa elua a lilo kela ku ana o lana i kumu make no laua mahope iho.
---
LILO IA CURRY NA HANA H PILI ANA IA HAWAII.
---
O na hana e pili ana ia Hawaii nei ma Wakinekona ua kaa aku malalo o ka Charles F. Curry, ka lunamakaainana mai ka mokuaina aku o Kaleponi, a o ka lunahoomalu hoi o ke komite o ka hale o na lunamakaainana maluna o na hana e pili ana i na teritore, ahiki i ka loaa ana o ke paui ma kahi o ke Keikialii Kalanianaole a hookuponoia mahope iho o ke kohoia ana o ia kanaka oia ke koho baloka kuikawa e malamaia ana ma ka la 25 o Maraki e hiki mai ana.
O keia ka nuhou i hoikeia ae ma ka manawa o ka nohona o ka halawai a ka Oihana Kalepa o Honolulu, a e hoakaka ana penei: Mamuli o kekahi olelo hooholo i hookomoia ae i ka hale o na lunamakaainana e hoopau ana i ka hoomauia aku o ke keena oihana o ka Elele Kuhio mamua ae o ke koho baloka e hiki mai ana, i haawiia aku ai na hana e pili ana ia Hawaii i ka Lunamakaainana Curry ame kekahi mau hoaloha e ae o ke teritore maloko o ka ahaolelo.
Ma ka manawa o ka make ana o ka Elele Kuhio ua pau iho la ko Chas. B. Dwight, ke kakauolelo pilikino a ka elele, hana ana ma ke ano he kakauolelo, aka nae, ua loaa mai kekahi ike maopopo ua hookohuia aku no oia i kakauolelo e Chas. F. Curry no ka malama ana i na kaha e pili ana ia Hawaii, he oihana i hoolakoia ae e ka olelo hooholo i hookomoia ae ai iloko o ka hale o ua lunamakaainana a i aponoia.
Ua hoolala ke Keikialii Kuhio i kekahi papahana no ka hoohanaia ana aku, a o ia papahana ana i hoomakaukau ai a i hoakakaia paloko o ka leka i hoounaia aku i ke Kakauolelo Dwight, ua loaa aku iaia i ka la ma mua iho o ka make aha o ka Elele Kuhio.
---
O MRS. HATTIE PILIALOHA KA AINA, UA HALA
---
E Mr. Lunahooponapono o ka Lamaku o ka malamalama, ka ipukukui nana e hoolele aku i ka malamalama puni na moku: E ae oluolu mai i kekahi wahi kaawale o na kolamu o ka hiwahiwa a ka lahui e hookau aku hoi i ka'u wahi puolo waimaka nui maluna o kona oneki, a nana hoi ia e laie hele aku ma na kaiaulu o Hawaii kuauli mai ka mahiki ana a ka la ma Kumukahi a ka poo ana a ka la, i ike mai na kini makamaka ame na hoaloha o Mrs. Hattie Pilialoha Kaaina, ua hoi aku ka uhane i ka Mea Naua i hana a o ka lepo ua hoi aku i ka lepo, a nona hoi makou e uumi ae nei i ka lihaliha i ke aloha nona, a no ka mea, oia kekahi o na wahine opio oluolu, noho malie a he makuahine maikai hoi no ka home.
Ua hanauia oia ma Heeia, Koolaupoko, Oahu, ma ka la 11 o Feberuari 1901 mai ka puhaka mai o Mele Bishop Pahia ame Bishop Pahia, a iaia i make aku la aneane loa e piha iaia na makahiki he 20. He hoahanau oia no ka ekalesia o Kawaiahao.
Ua hoonauaoia oia ma kekahi o na kula aupuni ma ka apana o Heeia, Koolaupoko, a ua puka maikai mai ia kula mai. Ma ka la 31 o Dekemaba o ka 1917 i hoohuiia ae ai oia ma ka mare me Mr. Kaaina e Sam K. Kamaiopili, a mailoko mai o laua ekolu mau keiki e ola nei no ke pani ana ma kona hakahaka, oia hoi he aha mau keikikane a hookahi kaikamahine.
No kekahi mau mahina loihi kona hoomailoia ana e aku ma'i, ua imiia ke ola ma na ano apau, a oiai ua oi aku no ka ikaika o ka ma'i mamua o ka ike o ke kanaka, ua pauaho mai la oia i keia ola ana ma ka la 19 o Dekemaba 1921, i hala, a maloko o ka ilina o Kawaiaahao i hoomoeia aku ai kona kino lepo no na kau a kau.
O kekahi oia o na wahine Hawaii opio i ikeia na ano maikai, o ia ka noho malie ka oluolu, ka lokomaikai ame ke aloha ohana, aole nae i lilo ia mau ano maikai on a i mea e hooloihila ai kona mau la ma keia ao i ka manawa i kii mai ai ka make. Ua haalele iho oia ma keia ao he ohana nui e kumakena mau aku nona, oia hoi kona kaikuaana Susan Lahilahi Pahia ame elua mau kaikunane Frank Pahia ame Bishop Haupu Pahia, ua make mua kona makuahine he mau makahiki lehulehu i hala aku nei.
Ke haawi aku nei makua i na hoomaika'i i na makamaka ame na hoaloha i komo pu mai me makou iloko o na hora lihaliha a kumakena no ka mea i haalele mai i keia no a no na makana pua hoi i haawiia mai no ka hoohiwahiwa ana iho i kona kino wailoa.
Na makou no me ka luuluu,
MR. KAAINA,
MRS. MELE MAHOE,
me ka ohana.
KE ANO O KE KALALAINA
---
(Kakauia e Z. P. K. Kawaikaumaiikamakaekaopua.)
(Hoomauia mai.)
He pomaikai key no ka poe home hookuonoono, hoopulapula ame ka lahui hookoa; no ke ano e loaa ai ka waiwai, mahele no lakou no kela mea keia mea o lakou elike me kona haawi ana i ke dala; in a hookahi tausani ko kekahi kanaka mau dala maloko o ia moku, alaila, nona no kekahi hapa kanakolu o ka waiwai loaa.
Ina ekolu tausani dala ana i haawi ai, alaila, nona no kekahi hapaumi o ka waiwai loaa. Pola no ka poe hana lele, ame ka poe hana aniani, ame ka poe hana alanuihao, ame ka poe eli muliwai, ame na mea hana i na hana nui loa apau. Aole hiki pono ia mau hana i ke kanaka hookahi, no ka nui o ke kumuwaiwai.
Eia ke ano o ke kumuwaiwai hoolewa: He meaai ia, he mea inu, he mea komo, a he mea hoi e ko ai ka makemake o ke kanaka; aole pela ke aue o ke kumuwaiwai paa; o ke kumuwaiwai paa he mea ia e loaa hou mai ai ka waiwai;pela ka aina; pela na mea paahana, pela ke alanuihao, ame na muliwai i eliia, ame na moku, ame na kumuwaiwai paa apau loa. O ke kumuwaiwai hoolewa, e pau no ka nui o ia i ka pau ana o ka makahiki. O ka waiwai i pau i na kanaka i kela makahiki i keia makahiki, he waiwai hoolewa ia, aole nui ka waiwai paa i pau; ua pau no kekahi hale, a ua pau no kekahi mau mea hana; a ka poe paahana. He uuku nae ia mau waiwai i pau.
He mea mau no i kanaka ke hoolilo i ka waiwai hoolewa i kumuwaiwai hoolewa, a i kumuwaiwai paa. No ka nui loa o ka waiwai hoolewa i hoohanaia i kela makahiki i keia makahiki, in a aole i na paniia kona hakahaka, pau koke na kanaka i ka make. O ka ai hou o ka aina ame na mea i ulu hou, ame na mea i hana hou ia e na kanaka, o ia na mea i hana hou ia e ma kanaka, o ia na mea i paa ai ka hakahaka o na mea i lilo.
A ina pono ka hana, ua koe no kekahi waiwai mahope iho o ka pani ana i ka hakahaka o na mea i hoopauia, ua nui hoi ka waiwai o keia makahiki i ko kela makahiki i hala. Penei ke ano o ka hana ana o na aina naaupo, i ka wa e naauao ai lakou: Hoonui mau lakou i ka waiwai hoolewa; a in a loaa ia waiwai, alaila hoolilo lakou i kekahi o ia waiwai i kumuwaiwai paa. Ina ike ka mea mahiai, ua nui loa kana ai, aole pau i ka aiia, alaila hoolimalima no oia a haawi aku i ka ai i loaa iaia kekahi waiwai paa, a i ole pela, haalole oia i ke kanu nui loa ana i ka ai, a kanu i mea e loaa ai ka waiwai paa, a imi oia i hale maikai, a i pa paha no ka aina, a kuai no noi i mau bipi nana, a imi no hoi i kaa bipi, a i halepapaa; pela no kona imi ana i ke kumuwaiwai paa, i mea e mahuahua hou mai ai ka waiwai.
A in a hiki ke kuai lilo hou mai ka aina, kuai no; a manao kekahi no ka nui o kona kumuwaiwai hoolewa, e kukulu i hale hana lole, a manao kekahi i hale hana papale, a manao kekahi i hale pa'ipalapala; a i ka wa i makaukau pono ai, alaila hikiwawe na hana apau; hikiwawe na hana o ka aina, no ka mea, na ka bipi ame ka lio ame ka hoki e hana.
Hikiwawe ka hana ana i ka lole, no ka mea, na ka wai e hana, a na ka mahu; a pela no na hana nui apau, kokua ke ahu ame ka makani ame ka waikane ame ka mahu ame na holoholona mamuli o ke kanaka; nolaila, hikiwawe ka lakou hana, aole hikiwawe ka hana ma na aina naaupo. No keia hikiwawe ana a no ikaika ame ka molowa ole o na kanaka i ka hana nolaila, piha ia aina naauao i ka waiwai, i ka lole, i ka pahi, i ka lipi, a i kela mea keia mea kuai, a no ka nui loa, laweia ua mau mea la i na aina e e kuai, i na aina hoi i ike ole i ka hana ia mau mea; a i ke kuai ana, e ia ka ka naaupo e haawi ai i ka mea naauao; o na mea i hana ole ia e ka lima kamaka.
Eia ke ano o ke kuai mau ana o na aina naauao me na aina naaupo; o na waiwai i laweia mai e kuai, he waiwai i hanaia e ka lima kanaka; a o ka waiwai a na kanaka i haawi aku ai he waiwai na ke Akua, uuku ka pili ana o ka lima kanaka; ka lole ko lakou, ka mea i hanaia e ka lima; ka ai maka koonei, ka mea a ke Akua i hana ai.
Ka lipi, ka pahi, ke ko'i ka olo, ka ipuhao, ke apuapu, ko lakou ka mea i hanaia e na lima; ka iliahi koonei, ka mea a ke Akua i hana ai. Ke pa, ke kiaha, ke aniani, ka lopi, ke pine, ke kahi, ko lakou, na mea i hauaia a maikai e ka lima kanaka. O ka wahie ka ili, ka momi, ka leho ka pu; o ia koonei, o na mea a ke Akua i hana ai. Ua oi aku ke akamai o Beritania i ka hana ana i kekahi mau mea mamua o ke akamai o Amerika nolaila, eia ke ano o ke kuai ana ma ia mau aina: O na mea i hanaia e ka lima kanaka, o ia ko Beritania lilo; eia ko Beritania mea lawe i Amerika e kuai, o kekahi lole he pa, he pahi, he pahiolo, he apuapu, he panana, he oheuana, ame kekahi mau mea iho.
He mau mea i hanaia e ka lima. Eia ko Amerika mau mea lawe i Beritania e kuai, o ka laau hale o ka papa, o ke kepau, o ka palaloa, o ka raiki, o ka huluhulu, ame kekahi mau mea iho, o na mea wale no a ke Akua i hana, aole i pili nui kau ka lima kanaka. O ia hoi ke ano o ke kuai ma na aina apau. Ina he aina akamai i ka hana, o na mea i hanaia, o ia ka lakou e kuai aku.
I na he aina naaupo, o ka ke Akua mea i hana, o ia ka lakou e kuai aku. Ua makepono no hoi ka waiwai i kuaiia; no ke kokua ana o ka wai ame ke ahe ame ka makani ame ka mahu ame na holoholona, hikiwawe loa na kanaka o Amerika ke hana i ka lipi ame ke ku'ihao.
(Aole i pau.)
---
HE HOALOHALOHA
---
Mr. Lunahoopono, Aloha nui: I ka Wahine Kane Make ame ka Ohana, Mrs. William Werner, Aloha nui: Ma muli o ka hiki ana mai o ka lono i laweia mai e ke ea mama o ka Ipu Olelo Kamahao Wireless, a holopuni ae ia ma ko makou nei ekalesia, e hoike mai ana o Win. Werner o ka Ekalesia o Hanalei ame Waioli Huiia, ua pauaho mai la i keia ola ana.
Nolaila, e ka Makuahine Kristiano maikai e, e oluolu oe e hookipa aku i keia wahi leo aloha na na hoahanau, na luna, na haiolelo, ke kahu, ke Kula Sabati, ka Ahahui C. E. Sr., ka Ahahui C. E. Jr. ame ka Ahahui C. E. Kuwaena o na Opio o ka Ekalesia o Paia, Maui, e auamo pu aku me oe i na kaumaha ame na luuluu, i kau iho maluna o kou mau poohiwi, no kau mea aloha i hala.
Ua au pu i na kai ewalu o Hawaii nei, hoa uhaiaholo, i na hana no ka pono Kristiano, hoa hooikaika pu no keia noho honua ana. O kou ehaeha
---
KEENA HAWAII no na LAKO HANA MAHIKO
---
Hapuku Kila Oliver
Chilled âme na Palau.
Na Katapila Cleveland.
Na Katapila Fordson.
Na Kaa Kalaka White.
Na Kaa Kalaka Federal.
Na Kaa Kalaka Ford.
---
Hana i na Kino o na kaa Ukana me Kalaka me ka Hana Hou Ana.
---
Na Hana Pili Amala
---
Schuman Carriage Co., Ltd.
Na Paionia o na Hana Halihali o Hawaii nei.
---
Papa Na Lako Kukulu Hale
---
No ka Hoahu Ana i Kou Wai ma na Pahu Wai Papa Ulaula o 5000 a 10000 Galani.
E hoolakoia aku no na kumukuai ame na hoakaka ia oe ke noi mai.
---
ALLEN & ROBINSON, LTD.
Honolulu, T. H.
---
aua, o makou pu kekahi; o kou kanikau ana, o makou pu ilaila, a ke pule nei makou i ke Akua nona ka maluhia, e lawe ae i na kaumaha ame na luuluu mai ia kakou ae, a nana no, ma koaa lokomaikai e holoi ae i na waimaka o ka walohia, mai o kakou ae, no ka mea, Nana no i haawi mai a Nana no i lawe aku. Ehoomaikaiia Kona inoa.
Hooholoia, hookahi kope i ka wahine kape make, Mrs. Wm. Werner, ame ka ohana, hookahi i ka Nupepa Kuokoa.
O makou iho no ma o ke komite la.
JAMES N. L. FAUFATA,
J. H. KEALOHA,
---
CITY MILL CO.
Kekahi O Na Hui Kahiko Loa Ma Honolulu Nei
Poe kuai Papa, Pilihale, Pena, na lako Paipu, na Laau Puka Aniani me Pahipuka, lako Pili Hao; na mea no apau no ka home ma ke kumukuai oluolu loa.
Kukulu makou i na hale ma ka uku liilii aua, me na hookaa liilii.
O ka oi loa aku no ka poe hookuonoono.
MAI POINA - HELE MAI IA MAKOU.
Kihi o na Alanui Moiwahine me Kekainake. Honolulu, T. H.
---
Ke Makemake Oukou i na Lako---
E ka Poe Hookuonoono
no ka home a no ka aina mania paha e kipa ae ma ke Keena o na Lako Pili Hao o ka
AMERICAN FACTORS, LTD.
No na mea elike me keia:
Kapuahi Meahana Mahiai Uwea Pa moa me Pa.
Lako Halekuai me Pa. Meahaa Kamana Pena me na Palaki
Lako Mahiai Pili Hao a Ano e Ae Aila me Vaniki
---
O ke Kanaka Kuai i na Lako Hana Maikai ua Lanakila e no Oia i ka Hapa o ka Hakaka
Aolehiki ia oe ke lawelawe i na hana maikai me na meahana inoino. Oke kanaka e hoao ana e hana me na meahana inoino, e hoeamai ana i kona wa e kiola ai, a kuai i na mea kupono, ina he noonoo oia. Aka nae ua poho wale ka manawa ame ke dala ma ka hana ana pela. Ke kuai nei o Lewers & Cooke, Ltd., i na lako hana maikai wale no.
Ke malama nei makou he ahua piha pono laula o na
Lako Mahiai âme na Lako Kukulu Hale
HE MAKEMAKE PAHA KOU I
Ko'i, Kipikua, Kopala, Ho, Hamare, Pahiolo, Ko'i Liilii, na Lako Kamana piha pono, Hoana Hookala, Pakeke.
Papa, na Lako Hao, Pena, Aniani
Kakau mai a i ole kipa mai no na hoakaka. E hookoia no na kauoha apau ma ka leka me ke akahele ame ka hikiwawe.
LEWERS & COOKE, LTD.
Honolulu
---
Kumukuai o ka I'o Bipi
---
Hoopukaia e ka Makeke Kuai Bipi Kulanakauhale
KELEPONA 1840.
---
BIPI KEIKI
E'o opi bipi keiki 1 lb. $.30 cts. I'o uha bipi keiki, 1lb .30 cts.
I'o ku, bipi keiki, 1 lb. 17.5 cts.
IʻO BIPI
Iwiaoao koala 1lb. $.25 cts. I'o ai, 1lb. .15 "
I'o kupa, 1 lb. .25 " I'o bipi paakai, 1lb. .15 "
I'o ku, 1lb. .15 " Akepaa, 1lb. .15 "
I'o bipi no ka oma, 1lb.28 " Alelo bipi, 1 paona .50 "
I'o opi palupalu, 1lb. .28 " I'o bipi i wiliia, 1lb. .25 "
I'o puhaka, 1lb. .28 " Puaa kalua, 1lb. .65 "
I'o uha, 1lb. .25 " I'o puaa palai, 1lb. .40 "
I'o kikale, 1lb. .15 "
IʻO PUAA
I'o puaa paakai, 1lb. .40 " Na i'o e ae, 1lb. .25 "
Ku'eku'e wawae, 1lb. .35 " Naaukake, 1lb. .25 "
I'o kulana aoao, 1lb. $.35 cts.
IʻO HIPA
I'o uha, 1lb. $.28 cts. I'o kua, 1lb. $.28 cts.
I'o ku, 1lb. $.125 cts.
IʻA
Na amaama Loko hou loa no ke kuaiia i kela ame keia la ma ke 40 keneka o ka paona.
MOA
Moa, mai ka 55c a 60c no ka paona; Pelehu, 65c no ka paona; Kaka, 40c no ka paona.
PUAA KEIKIE i ka wa ola, he 35c no ka paona. E loaa pu maanei ka Poi, Huamoa, na Launahele Aiia, na Hua o ka Honua, ka Onoono Palaoa, na Meaono.
Aohe auhau hoa ana iho a na kaa otomobile maluna o na kumakuai haahaa ma ke kuai ana i na i'o puaa Hame, Koala ame Pipi a ka oihana koa ma keia pule.