Ka Nupepa Kuokoa, Volume LXI, Number 5, 3 Pepeluali 1922 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no ko

Helena Simoa Lanakila Ana

A I OLE

Ka Hoowalewaleia Ana o Halebatona

 

 "O, he kanaka maikai maoli ka o Mr. Lanakasa!" Wahi ana iaia iho, ia manawa ke ike iho la oia nona iho i kona hewa no kona manao ana he kanaka maikai ole o Mr. Lanakasa, kona makuakane, a ke ike pu iho la no hoi oia. I ka hoopili mau ia aku o kona naau ia Lanakasa ana i hoawahawaha ai mamua aku.

            No ko Mr. Lanakasa ike ana iho i ke koikoi loa o ka hana e kau mai ana maluna on a, ma ka mea e pili ana, i kana oihana, e hiki ole ai iaia ke nana maka wale aku, no ia kumu ua hopohopo oia no kona hoi koke aku i loko o kekahi mau la pokole no Kolorado, elike me ia na o ka hoolala ana mamua o ko lakou hoea ana mai elike no hoi me ia ana i hooholo ai aole e paa loihi i kana wahine ma Nu Loka ahiki i ka hoea ana mai o na la anu loa ma ka Hikina, nolaila, noi aku la oia i ka wahine in a paha e hiki ana i ka wahine ke hana mai i kekahi misiona maikai nona ma o kona hele ana aku e ike i ka poe ilihune a e hana aku i kekahi hana maikai ia lakou.

            I kona hoike ana aku ia manao on a i ka wahine pane mai la oia: "He hana makemake loa ia na'u, in a no o kou makemake ia ua makaukau au i na manawa apau e hooko aku ia manao maikai ou."

            No keia ae maikai ana mao o Makaleka e hooko aku ia hana, alaila haawi aku la o Mr. Lanakasa i ka papainoa o ka poe ilihune ana e kokua mau ana mai kinohi mai, he poe ana i haawi mau aku ai i na uku hoomau i na mahina apau , a i ka wahine i heluhelu iho ai i ka papainoa o ka poe a ke kane e kokua mau ana, lamalama ae la kona mau maka i ka hauoli no keia hana maikai loa a kana kane i hana ai.

            "Ina pela, e lawe pu ana au ia Helena me a'u ma keia misiona," nolaila i kela ame keia la no ka aneane ekolu pule, e ike mauia mai ana ko laua kaalio e holo ana ma o a maanei, a e ku ana hoi mamua o na hale o ka poe ilihune ma na wahi e noho nui ia ana e na poe o'ia ano.

            Ma ka laua mau mea o ka ike ana aku a i lohe mai hoi mai ka poe mai a Mr. Lanakasa e haawi mau ana i na kokua manawaela i kela ame keia manawa, ua lilo i i kumu na Helena e noonoo nui ai me ka mahalo nui i ka hana a kona makuakane, ana i hoowahawaha ai i na manawa aku mamua, a ke ike pu iho la no hoi oia i ka mahuahua mau ae o ka makemake ame ka pipili o kona naau i knoa makuakane, me ka haawi i kana hoomaikai nui iaia.

            Maloko o na home, ka hapanui, a laua o ke komo ana aku he poe lakou i hoopakeleia mai na haawe like ole o keia ola ana, ua komo kuhohonu loa kekahi o ia poe iloko o ka hune ame ka nele, a ua hoopakele waleia mai no nae lakou mailoko mai o ia mau pilikia mamuli o ka Mr. Lanakasa mau kokua o ka haawi ana aku ia lakou, nolaila, o kela ame keia mea o lakou i loaa aku na kokua mai a Lanakasa aku, na nui ko lakou mahalo iaia, a ia manawa ua loaa iki kekahi mau pomaikai kekahi poe, ua loaa ka lakou mau hana paa mau, a ua lako maoli kekahi poe ma na mea e pili ana i keia ola ana, a ua hauoli pu hoi no ka loaa ana ia lakou o na hana e loaa ai ka pomaikai ia lakou.

            Ma cela âme keia wahi a Mrs. Lanakasa ma i kipa aku ai he mau leo mahalo wake no no Mr. Lanakasa ka laua o ka lohe ana aku, a i kekahi manawa, mamuli o na moolelo walohia a ia poe e hoike mai ai ia laua, ua kulu maoli ko Helena ma mau waimaka i ka lohe aku i na wahine i ke kamailio mai i ko lakou mau moolelo walohia.

            Mahope o ko laua haalele ana iho i kahi hope loa o ka poe i hoakanaia maloko o ka papainoa a laua e paa ana ia manawa, kahi hoi i loaa aku ai o kekahi kaikamahine muumuu ia laua, he kaikamahine i halawai me na ulia poino o ka manawa a i malamaia hoi e Mr. Lanakasa i kona manawa i loaa aku ai ia Lanakasa, auku aku la i kekahi huina dala nui no ke oki ana a ke kauka i ka wawae o ia kaikamahine i poino, he hana hoi i pakele ai ke ola o ia kaikamahine mai ka make mai mamuli o ke koko ino, a oiai o Helena e noho ana maluna o ka noho o ke kaa, ua hiki ole iaia ke @uini kona waimaka, mamuli o ka moolelo walohia ana o ka lohe ana mai ke kaikamahine poino mai, me he mea la he kaikaina ponoi ia kaikamahine nona, a ua naha maoli kona puuwai no ka nui o knoa aloha nona.

            Aohe hana wale aku o ka makuahine iaia, hookuu aku la no iaia e uwe elike me kona makemake, no ka mea, ua ike iho oia o ka haawina a Helena i manao ai e a'o ia aku iaia i kona manawa i makemake mai ai e hele pu me ia ma keia mau hana ku i ke aloha ua lilo he mau hana e koi mai ana iaia e hana aku i na hana aloha, o ia ano i kona mau hoakanaka.

            I ko laua hoea ana aku i ka hokele a lakou e noho ana, hoi pololei loa aku la o Helena iloko o kona rumi, a aole no hoi oia ike hou ia ahiki i ko lakou halawai like ana maloko o ko lakou rumi hookipa mamua iki iho o ko lakou iho ana e ai i ka aina ahiahi.

            E hele ana lakou i ka hale keaka e haawiia ana he ahamele ia po, nolaila ua kahiko mau oia iaia iho me kona aahu keokeo, ka makana a ka makuakane o ka haawi ana aku iaia ma ko laua la i mareia ai, me kona lei momi no hoi ma kona a-i, me kekahi omau daimana mamua o kona umauma, a e paa ana ma kona lima hema he mau komo daimana, a ma kona lima akau he komo o na pohaku momi like ole, a ke nana aku iaia he anapa wale no ma kona kino ma na wahi a pau ana e huli ae ai, a o ka lua iho la no hoi ia o kona kau ana maluna on a i na pohaku momi kumukua nui, o ka mua ma kona la i mae ai, a o ka luna iho la keia.

            He heleaha o ka mahina aku i hala ua nalowale mai iaia aku, a ua hoike mai kona mau ano ia manawa me he mea la aole ana mea kaumaha i koe o ka hauoli wale no.

            I ke komo ana mai o ka makuakane, hele pololei aku la oia a hui me ia, a kau aku la i kekahi lima on a maluna o ka lima o ka makuakane, a i aku la me ka leo oluolu loa:

            "E kuu makuakane, e ae mai ana anei oe e lawe aku i ke aloha oiaio o kau kaikamahine nei, He makana keia i houlolohi loaia ka haawi ana aku ia oe a hiki iho lai nei manawa. aka hookahi no kumu a oia no keia, ua laua kila oe, aole o ia wale, aka, ua hoomaopopo au a hooiaio pu iho hoi o ke aloha o ia ke kanawai o kou naau. Ua hakilo au ia oe no na la i hala ae nei, a ua hoike mai ka hana au i hana ai i kou ano oiaio maoli e hiki hou ole iho ai ia'u ke kanalua aku nou no kou mau ano iaio."

            Hopu mai la ka makuakane a hoopili aku la iaia i kona umauma no kekahi manawa, me he mea la e haawi iho ana i kana hoomaikai no na olelo a ke kaikamahine o ka hoakaka ana aku, a i ka hala ana o kekahi manawa hookuu mai la me ka pane ana iho.

            "Ua loihi no hoi na la i hala akahi no a loaa ka pane o kena ano, e kuu keiki, a elike me kau i makemake ai pela no e hanaia aku ana; ke lawe mai nei au i kou aloha oiai nae, aole no au e kala i hookipa mai ai iloko o'u o kuu hoahiuhiu mau no hoi ia'u" alaila honi iho la makuakane ma na lae a hookuu mai la.

            "Pela no, ua loihi io no ko'u manawa o ke kali ana, a eia no ke kumu. ua koho hewa au ia oe," i pane ae ai o Helena, me ka lele ana ae e honi i ka papalina o ka makuakane. "Ua hoahewa nui au ia oe, a ua noonoo nui no hoi au no kekahi hoopai e pono e kauia aku maluna ou, no keia kumu, no kau mau hana kuhihewa a hemahema no o ka hana ana iloko o kou mau la o ke ola ana mamua aku nei, o no ia hana hewa nae a'u ke noi aku nei au ia oe e huikala mai, no ka mea ua hewa au."

            Ua pono kau hoahewa ana mai ia'u, a ua pono no e kauia mai kekahi hoopa'i maluna o'u, o na hoopai apau i manaoia e kau mai maluna o'u aohe a'u ku-e ana aku, ua pono au e hoopaiia, aka nae, e kuu lei, e ninau aku ana au ia oe heaha ke kumu o kou loli koke ana ae nei a hoike mai la oe i keia manao ou ia'u?

            No na kumu lehulehu no, wahi a ka Helena pane, a ke hiolo pu iho la kona mau waimaka ma kona papalina ia manawa," o kekahi o ia mau kumu o ia ka'u mea i ike maka i keia la, oia hoi hoi ko'u hele ana aku nei me mama e ike ia ane kapena, kela kaikamahine wawae muumuu ma ka la aku la i nehinei ua hele aku maua e ike ia Wahie Kalani ame ka ohana wala, a e hoike aku au ia oe i keia manawa ua piha loa au i ka hauoli a oi aku mamua o ka mea a'u i manao mua ole ai pela oe i hana aku ai i kela poe. O ka maikai au i hana aku ai i kela mau ohana ilihune a iloko o ka pilikia ua oi loa aku ke ko'iko'i mamua o ka'u mea i koho wale aku ai nou ma ke ano alunu a maikai ole."

            A, akahi no a maopopo ia'u," me ka huli ana ae o Lanakasa a nana i ka noho mai o ka wahine;" ke ike nei au nau keia mau hana, e kuu aloha."

            "Kahaha." I pane mai ai ka wahine me ka helelei mai la o na waimaka ma kona mau lihilihi;" ua kokua wale no au no ka hooiaio ana i ka mea i wananaia, oia hoi, "E hoolei i kau berena maluna o ka wai a hala na la he nui e hoi hou mai no ia ia oe."

            "Ua loihi io no na la a ua lehulehu pu; aka aole i emi iho ko'u mahalo no ka loaa ana mai o ke aloha o nei kai kamahine a kaua ia'u ke aloha hoi a'u i iini nui mau ai e haawiia mai ia'u a i keia la akahi no a haawiia mai la," oiai no oia e nana iho ana i ka helehelena o Helena an ao, ka hapai ana ae i ka auwae o ke kaikamahine iluna, a honi iho la no kekahi mau manawa lehulehu ma ko Helena mau lehelehe.

            O ke ahiahi mahope iho he ahiahi hauoli loa ia no Mr. Lanakasa, a ua loaa no hoi ka manao ia Helena ua ukuia oia a oi aku no ka mea ana i hana ai i ka makuakane, in a aole ma kekahi ano e ae, ma o ka ike ana i ke ao hakumakuma i poipu ai maluna o lakou iloko o na la i hala aku, ua hookaawaleia aku.

            Mahope o ka hala ana o na pule elima o ka noho ana maloko o Nu Ioka me ka hauoli, ua hoi hou aku la lakou i Kolarado, a malaila i kuai ai o Mr. Lanakasa i kekahi hale nani aole no i manao loa mai ko Robaka ma hale aku, a malaila no hoi laua o ka noho ana me ka hoohauoli ia laua iho i ke koena o ko laua mau la o ke ola ana.

            Ua noiia aku laua e hoi mai a noho pu e na keiki, eia nae, ua pane aku o Mr. Lanakasa aohe hale i lawa ke akea no elua ohana e noho pu ai; a o kekahi no hoi ua makemake oia e kaawale no kona hale me kana wahine mahope o ko laua kaawale ana no na makahiki lehlehu i kaahope aku.

            Ua hoi aku na makua ma kekahi hale nui a nani ma kekahi wahi kokoke mai no malaila, a i kela ame keia la no ke kokoke loa o ko lakou mau hale o ka noho ana ua hele aku a hele mai lakou iloko o ia mau la o ka noho ana me ka hauoli, me ka mamao loa o na mea hookaumaha i ko Helena ame ko kona makuahine mau noonoo elike me ia a laua i auamo ai i na la inea i hala aku.

            Mahope koke iho o ko Helena huli hoi ana mai ka Hikina mai. halawai iho l a oia me Makoli ma ke ano ulia i kekahi la, he alo a he alo, maluna o ke alanui, a ia Helena i ike aku ai ia Makoli ua hiki koke no iaia ke ike aku he helehelena kaumaha ko Makoli, aole hoi kela helehelena hoihoi a laiwale on a mamua aku.

            Ia ike ana aku ana, hele koke aku la oia e hui me ia a haawi aku la i kona aloha me ka oluolu loa, me he mea la aohe manao awahua iloko on a, elike me ka Makoli i hana mai ai iaia, a pela hoi me ka kona makuahine, a iaia i hopu aku ai i ka lima o Makoli kulou koke iho la o Makoli ilalo me ka hauhau uwe ana iho.

            "E Makoli ka hoaloha, heaha keia pilikia nui ou?" I ninau aku ai o Helena; he helehelena ma'i maoli kou me ke kaumaha i ka'u nana aku, aole hoi kela ano hoihoi ou mamua.

            "E Helena, elike me ia au i hoike mai la oia maoli no ko'u ano i nei manawa," i pane mai ai o Makoli. "O ka'u e makemake nei i nei manawa o ia ko'u make koke iho.

            "Kahaha! Mai kamailio oe me kela, e Makoli; hele mai kaua iloko o ka paka, he makemake au e hoike mai oe i na kumu o kou kaumaha ana, a mai huna aku no hoi oe i kekahi mea nana i hokaumaha i kou noonoo."

            Hookomo aku la o Helena i kona lima i kekahi lima o Makoli a u haele kuiee aku la ahiki i ka hoea an iloko o ka paka ma kekahi wahi mamao loa mai ka ike ana aku a kekahi poe a maluna o kekahi noho laau i u noho iho ai.

            Ia laua i u hoea aku ai ma ia wahi aia mau ka manaoio iloko o Helena aole o Makoli i ma'i maoli aka, ma kona koho iho aia kekahi mea iloko o kona noonoo nana i hooluuluu i kna noonoo, oiai nae, o ke kaikamahine no keia i hoohuli mai ai i konna kua iaia, a i hana mai ai hoi i kekahi hewa e hiki ole ai ke manaoia aku oia i na ino a pau a makoli ame kona makuahine i hana mai ai iaia ame kona makuahine, a ua nana aku hoi iaia ma ke ano menemene.

            Ia laua i u noho pono iho ai maluna o ka noho, i aku la o Helena, oiai hoi o kaua wale no ma keia wahi, aohe mea e lohe mai ana i ka kaua kamailio ana, nolaila ea, e ka hoaloha, e huai mai i na mea apau imua o'u nana i hooluuluu i kou noonoo, a no ka mea, e ike mai oe oia mau no ko'u aloha nou, a owau no hoi kouhoaloha, a me ka hauoli au e hana aku ana i kekahi mea nou e pono ai, elike me ka mana i loaa ia'u"

            "E hiki ana anei ia oe ke hana mai i kekahi mea e pono ai no'u mahope o ko'u hana ana aku i kekahi mea pono ole ia oe? He oiaio ua ike oe i na mea apau a'u i hana aku ai, aka----

            "Ae, ua maopopo ia'u na mea apau, aka aohe a'u nana aku ia mau hemahema au i hana mai ai maluna o'u i nei manawa. O kou pilikia ka'u i makemake ai e hoopau ae in a he hana hiki ia ia'u ke hana aku. O ka'u wale no e makemake nei a e noi aku nei hoi ia oe, e hoike mai oe me ka oiaio loa i ke kumu o kou mau pilikia, malia he hana hiki no hoi paha ia ia'u ke hoopau aku." I pane aku ai o Helena me ka oluolu loa ke ano o ka hoaloha oiaio e haawi aku ana i ke kokua i ka mea pilikia iloko o na hora o ka luuluu.

            Ua hoea mai la au ma keia wahi, kahi a'u e ike iho ai aohe mea e lohe mai ana i ko'u manao ame ko'u hopena. a oiai hoi ke makemake mai nei oe e hoike aku au i ke kumu o ko'u kaumaha ana nolaila, e lohe aku ana oe. No kekahi manawa i hala ae nei ua like ko mama ola ana a pela hoi me ke ola ana o ka popoki ame ka ilio, oia hoi, na hai e hanai mai, mai ko maua manawa o ka hoea ana mai i keia wahi ahiki i keia la, aole no nae i oi loa aku ke ino oia mau ano mamua o kekahi mau pilikia hou i halawai me maua i na la hope mai nei o ko maua noho ana ma keia wahi.

            Mamuli o ka lehulehu o na pilikia i halawai mai me mama ua kuahehena maoli oia me ka loli o kona mau ano mai ko ka manawa mai a maua o ka noho ana maanei, oiai he pihamau no kana hale hoolimalima mai, eia nae, no kona makee a piha alunu, me ke koikoi mau aku e haawi mai i dala ahiki i ke peni hope loa a kekahi poe he hana hilahila maoli ana i hana ai.

            I na manawa a pau e hiki ana iaia ke hana pela, ua hookomo mau aku oia iaia iloko o ka aie, a i nei manawa ua loaa ka ike i ka poe malama halekuai he wahine epa oia, a ua hoopau mai lakou i ka hilinai ana maluea on a, me ka loaa ole mai o na waiwai ana e makemake aku ai e aie mai ia poe mai. I na manawa a pau a lakou e lawe mai ai i na mea ana e kauoha aku ai i ka hale e koi pu mai ana lakou e hookaaia aku na kumukuai o ia inau waiwai i laweia mai, a in a e uku oleia aku ana, e hoihoi hou ia aku ana na waiwai i laweia mai ai, no ke kumu aohe oia maloko o ka hale, a oiai aohe au dala e uku aku ai no ia mau waiwai ua ku maoli au i kahi o ka hoka, me kou piha ukiuki loa i ka hana epa a kuu makuahine.

            O kekahi hana epa ino loa ana o ia ka uku ole i ka ukuhana o na kauwa, e paa mau ana oia i ko lakou mau ukuhana ahiki i ka huhu ana o na kauwa a haalele mai i ka hana, alaila huli aku la maua i mau kauwa hou no ke pani ana ma ko lakou mau hakahaka me ke ao pu aku ia lakou i ke ano o ka hana ana, he hana nui maoli, ua ike oe, aole elike me ka poe i maa i ka hana he kokua mai lakou ma na mea apau e kauohaia aku ai lakou e hana mai a  e nui ole ai hoi ka hana e ao aku ai ia poe."

            "A pehea, aole anei oia i uku aku i kela poe i ko lakou manawa i haalele mai ai i ka hana?" i ninau aku ai o Helena me ke kahaha nui iloko on a.

            Aohe; i ka manawa a na kauwa e koi mai ai i kuu makuahine no ko lakou ukuhana he hoopaapaa nui ma ia manawa a no ka hiki ole i na kauwa ke koi hou mai iaia ua hele aku lakou me ka piha i ka ukiuki, ma ia ano iho la e lanakila ai kuu makuahine piha epa. O, e Helena he mea ku maoli i ka hilahila ka hoakaka ana aku i ka moolelo holookoa a kuu makuahine i hana ai a pau ia oe, aka no ka hiki ole ia'u ke uumi iho i ke koikoi o kana mau hana lapuwale pela au e huai pau aku nei ia oe.

O kekahi hana kolohe ana o ia ke koikoi wale aku i ka poe e noho mai ana maloko o ka hale ma ka hoolimalima na lkou e uku i ke gas o ke kapuahi ame na kukui. Aia he mikini maloko o ka hale i nei manawa na ka ui i hoo komo ia mea maloko o ka hale no ke kumu aohe on a uku pololei i kana mau bila, a i nei manawa aia a hookomo i hapaha iloko o ke kapuahi alaila hiki e loaa ke gas, a e lilo mau ana ka hapaha i kela ame keia la i hiki ai e a ke ahi o ke kapuahi kuke.

            Aole oia wale kana hana epa e kakali mau ana oia, aia a poeleele alaila hele mai la a olelo mai: "Ea ua poina  au la i ka hookomo ana i ka hapaha iloko o ka mikini Owai o oukou ka mea hapaha? Aia hoi a loaa ae kau hapaha hoihoi aku kau, ua pau loa aku nei hoi kau mau wahi apana dala liilii i ka hooliloia.

            I kahi manawa hoikeike mai la i kekahi bila iwakalua dala a i mai la aouhe ana apana dala liilii me ia ia manawa a e kokua aku kekahi ahiki i ka loaa ana o kana alaila hoi hoi mai eia nae o ka ike hope ana ia o ia mea nana ka hapaha aole e hoihoi iki ia aku ana. E ike mai oe i nei hana epa a kuu makuahine aoiai aohe makemake o ka mea nana ka hapaha i haawi aku iaia e hoihoi hou aku oia ia hapaha aohe no hoi he makemake o ka mea nana ia hapahapa e wawahi ia bila no kahi hapaha. wale no nolaila ua lilo loa ia hapaha i kuu makuahine. Aole hookahi wale ana manawa e hana ai me ia. lehulehu wale aku na manawa a lehulehu wale no hoi ka poe i epaia elike me ia oiai aole o lakou makemake e noho poeleele iloko o ka ha aohe no hoi he hoomanao ae o kuu makuahine e hoihoi hou aku ia hapaha.

            No na wahine he pinepine na manawa a lakou o ka namunamu ana no ka hoihoi ole ia aku o ka lakou mau hapaha o ka haawi ana i kuu makuahine aka nae no na kane aohe au i lohe i ko lakou namunamu malia paha he manao no aia iloko o lakou e hoahewa ana i kuu makuahnie eia nae aohe ou lkohe aku a ua manao au aohe no paha o lakou manao mai no ia wahi apana dala liilii loa nolaila aohe o lakou koi a hoomanao pu mai no ia mea.

            "Aia ke manao nei au e ike ana no paha lakou ia mau hemahema makona aoao mahope o ka hala ana o kekahi manawa eia nae, aohe o lakou kamailio wale ae," wahi a Helena.

            Pela no kou manao aka nae e hoomau mai ana no na kanaka i ka hele ana mai a hele ana aku nolaila ua hooikaika mau no kuu makuahine e hookele aku i kana hana elike me ia mamua, wahi a Makoli a i hou mai la"

            He haneri mau hana epa e ae a kuu makuahine i hana ai elike me kela aole nae e hiki iau ke hoakaka aku apau loa ia oe a ua lilo no hoi ia mau hana ana i mea hookaunaha nui i kou noonoo a ua lilo hoi i mau mea nau e noonoo iho ai e aho kou make mamua o ke ola ana a ike mau aku i kana mau hana epa o kela ame keia ano.

            Nou iho i nei manawa ua piha loa au i ka hoowahawaha iaia a pela no me kekahi poe e ae ka poe i noho aloha me ia mamua i nei manawa kakaikahi loa kona mau hoaloha hookahi wale no kumu o ka noho anoa o na malihini maloko o kela hale no ko lakou ike he maemae na rumi a he lawa loa no hoi na mea a lakou e ai ai.

            He mea maikai ole na kekahi kaikamahine elike me au ke kamailio ana i na kee o kona makuahine ponoi aka he mau mea hoohilahila oiaio loa keia au i hoike aku la aole he mau mea hakupea wale no. E hoouluhua mau mai ana oia iau i na manawa apau a i ka hiki ole ana iau ke hoomanawanui i kou inaina oia ko maua manawa e hoopaapaa ai a he ku a haāaka maoli.

            Maluna o ka lanai ma ka po aku la i hala ua nui ko maua hopaapaa ana a oiai ua piha ka hale ua nui ko maua hoopaapaa ana a oiai ua piha ka hale i na malihini a pela no hoi me na hoaloha e noho kokoke mai ana ua hiki loa ia lakou ke lohe mai i ka nunui o ko maua mau leo a ua loaa iau ka manao i keia kakahiaka e holo malu i kina a i ole i kekahi aupuni mamao loa i mea e kaawale ai au mai kuu makuahine mai.

            Ua maopopo iau in a no kou holo a hana aku paha i kekahe haha o ia ano e lilo ana au i mea hookahaha aku i ka manao o ka lehulehu a i ole i mea hema a kamailio ino ia mai paha a e oleoia mai ana au i ke kaikamahine kupapaha. aka nae i hoike aku au ia oe ua hele au a uluhua maoli me ka hoihoi ole e noho loihi iho imua o ke alo o kuu makuahine me kela ano hana lapuwale mau ana.

            Ma ka mama olelo i kela ame keia mea o ka poe e noho ana maluna o ka hale aohe nui o ke dala iaia ma kana hana e lawelawe ana eia nae ua ike au i kona hoihoi mau i ke dala i ka banako e hoahu ai kela ame keia pule; o kona manao i kau noonoo iho o ia kona hapuku ana mai i na keneka apau a kela ame keia mea e loaa ana iaia a hoopau i kona hana ana a hele aku i kekhi wahi e hoomaha ai a me na dala i loaa iaia ma ke ano kupono ole me ia mau dala oia e ola ai i ke koena aku o kona mau la elike me ka hiki iaia ke loaa i ka manawa pokole.

            Auhea ko Anate Mrs. Satevana aole anei e hiki ia oe ke hoi aku e noho pu me ia i ninau aku ai o Helena.

            Aohe; ua kauoha hikiwawe loa ia mai oia e hoi aku i ka home ke mau pule lehulehu aku nei i hala ua mai loa ia kona kaikaina a in a no no kona makemake mai ia e hoi aku e noho pu me ia aole no mama e ae ana.

            Ina hoi ha no kona noho nei ma keia wahi aohe au makau ana a kaumaha iho hoi ma kekahi ano O kau hana a mama i makemake mau mai ai iau e noho mau aku me ia o ia ka makaala ana i na hana maloko o ka hale a he hana koikoi maoli no ia nau e hana ai aka aole hiki iau ke alo ae o ka hooko wale aku no i kona makemake.

            Aohe au i hoomaka i ka hoike ana aku ia oe i kou moolelo ame kou pilikia koikoi loa a hooki iho la ka makaikamailio ana me ka pii ae la o ka ula ma kona mau papai na me ka hapai pu o kona umauma ia manawa.

            Aloha ino no k hoi oe! I pane aku ai o Helena me kona piha maoli iho la i ke kaikamahine i hoao e hoolilo mai iaia i enemi nona aka aohe nae ia mea iloko o Helena e panai aku i ka ino no ka ino i hanaia mai iaia. Ina hoa ha he mau pilikia hoihoi loa kou e oluolu oe e hoike mai a malia e lilo ana ia hoike ana mai ou i mea e hoomaia ae ai kou naau kaumaha in a no he hana hiki ole kekahi iau ke hoonana aku i kou noonoo.

            Ua lilo keia mau olelo a Helena o ke kamailio ana aku la ma ke ano hoaloha i mea nui i ko Makoli noonoo no ia kumu no ka hiki ole iaia ke uumi iho i kona loha @@@@@ iho la kona mau waimaka a no kekahi anau minuke wale kona hauhau uwe ana.

            A hala ia minuke ikiiki loa o ka ehaeha ame ke kaumaha aea ae la o Makoli iluna a i mai la mahope o knoa holoi ana ae i na waimaka e kiheahea ana ma kona mau papalina:

            E Miss simoa, aole au i manao ua kupono kou haawi ana mai i kou aloha iau aka nae he mea pono no iau e hoike aku ia oe no ka mea aohe ou hoaloha e ae ma keia ao au e hiki ai ke hilinai a e hoike aku ai hoi i kau mau mea huna i mea e hoomamaia ae ai ka luuluu mailoko ae o kou naau o oe wale no.

 

Mokuna L.--Ko Helena Lanakila Ana.

 

            Ke manzo nei au wahi a Makoli mahope o ka hala ana o kekahi minuke iaia o ka noonoo ana aole paha oe i mahui iki la ua hoopalauia au mai ko maua manawa mai mai o ka hoea ana mai ianei?

            Aole la; ia wai hoi auanei au e lohe ai koe wale no keia ua pinepine na manawa au o ka ike ana aku ia oe e holokaa pu ana me kekahi keonimana i pane aku ai o Helena ma ke ano pahaohao.

            Ae oia kanaka au o ka ike ana mai e kau pu ana me au o Mr. Balaki ia ke kanaka au i manao ai e mare. He kanaka maikai oia i kinohi i kou manao i ka manawa mua loa ana o ka hoopilipili ana mai iau he kauka oia a ma ka nana aku he kauka oia i makemake nui ia e na kanaka a nona hoi ka loaa mahina he eha haneri dala a e pii mahuahua mau aku ana kona loaa mahina.

            O ka põe i kamaaina iaia ua nui ko lakou mahalo nona a o ua poe la o ia no kana poe mai e lawelawe mau ana ia mau la a no ia manaoia he maikai io ia kanaka ua hooholo maua me mama i ko maua mau manao e mare au me ia a e pono ana la hoi maua iaia ma ia hope aku ae kaawale aku ana hoi ka hana mai a maua aku.

            Ua hauoli loa o Anate Eliza i kuu manawa i kakau aku ai i kekahi leka iaia e hoakaka aku ana no kou hoopalau ana me ia kanaka a no kou hoike pu ana aku no hoi kekahi i na ano maikai apau o Mr. Balaki a maua i hilinai kuhihewa ai a ua pane mai oia no kona hoolako mai i hale no maua e noho ai me ka hoolako ia hale me na mea nani apau ma ke ano o kana makana ia ia maua no ko maua la mare no ia kumu ua hoolala maua me mama ma ka la hope o Okatoba e mareia ai maua.

            I ka hoea ana mai o Anate oia no kela manawa a Lanakaha ma o ka hoi like ana mai ua hoomaka koke maua i ka hele ana e nana no kekahi hale, eia nae, aohe loaa o ka hale i kupono i ko kauka Balaki makmake; o ka makemake o ke Kauka Balaki i hale nui a nani eia nae he hale pii loa hoi ia ka hoolimalima mamua o ka hale a Anate Eliza i manao ai ua kupono no maua ame mama he hale kupono loa no na opio elike me maua no ka hoomaka ana e huli i ko maua pono o keia ola ana.

            No ka ae ole o anate i ko Kauka Balaki manao ua lilo ia i mea na ke kauka e huhu ai a hoomaha koke oia e hoike mai i kona mau manao kue ma na ano apau. Mahope mai o ia manawa ua kmailio mai oia i na mea hoouluhua noonoo lehulehu a ua lilo no hoi i mea e mokuahana ai no maua.

            Mamuli o keia ike o Anate Eliza i keia mau ano kupono ole o ke kauka opio ua hoomaka koke akuoia e ninaninau i kekahi poe no na ano apau e pili ana i ke Kauka Balaki me ma malu loa nae a i ka loaa ana o ka ike iaia aohe nui o na mai a ke kauka opio i lapaau ai elike me ia i hoikeia mai ai a he mau haneri dala k aie on a a o na ano hana a ua kauka Balaki he nui ke kanalua o kehkahi poe no ka holopono o kana lapaau ana a he mau hana karaima maoli ma kekahi mau manawa ana o ka lapaau ana a no kona mau no hoi o ke ola ana o na lai hala aku he kanaka lapuwale loa oia ma na ano apau he nui kana mau hana epa a kolohe kiekie loa.

            I ka hoike ana mai o anate iau i keia moolelo e pili ana i ke kane au i makmake kuhihewa ua piha loa au i ka makau. Mahope mai ua hoohuoi ke kauka no ka noii ia ana aku o kona mau ano apau a no ia kumu ua lilo ia i mea nona i hoopiha ia ai i ka inaina.

            Ua hoomaka mai la oia e hoopuka i kekahi mau olelo ino a kuamuamu me na olelo hooweliweli lehulehu mamua o kou alo a t hikiwawe ana no hoi kona huhu in a no he mau wahi olelo liilii loa ke kamailio iaaku e kue ana iaia a e ike mau aku ana no hoi au ua inu oia i kekahi waiona eia nae no kekahi manawa loihi kona uhi ana iaia me ka uhimaka o ka hookamani imua ou mamua aku ua hoike mai oia he kanaka inu rama ole a mahope akunae o ke kua ht inu rama. Ia manawa ua loaa iau ka ike in a no kou mare aku iaia e lilo ana au i wahine hoehaeha mau ia iloko o na la a pau o kou noho mare ana no ia kumu ua hoopau koke au i ka hooalau ana o maua.

            Ua naauao maoli oe e Makoli ma kou hoopauana i ko ohia hoopalau a ke manao nei au aohe no he makmake io nui maoli iloko ou nona i pant aku ai o Helena.

            Aohe ua makemake au iaia mamua aka i nei manawa ke ike nei au i kou hauoli loa i ke kaawale ana mai iaia mai i kinohi he kanaka maikai oia he oluolu iau a pela hoi ia mama a manao au in a me ia mau kona maikai ahiki i ko maua mareia ana a mahope aku hana lapuwale mai elike mt ia ana o ka hana ana mai iau i kekahi manawa aku nei in a la ua oi loa aku kou poino. Ua wikiwiki loa kou ae ana e hoopalau me ia wahi a Makoli o ke kmailio ana mai me ka pii ae la o ka ula ma kona helehelena.

(Aole i pau.)