Ka Nupepa Kuokoa, Volume LXI, Number 3, 20 January 1922 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

 

He Moolelo no

Na Puuwai Elua

A I Ole

Ka Hewa o ka Wahine---He moolelo i Owiliia me na Haawina Hoopihoihoi

Noonoo o ke Au o ka Manawa

 

Hookuu mai la o Bela Kalani i kana paa ana ma ka a-i o ka haku opio, me ke ku mamao ana aku ihope, a o ia ka ka Haku Fanadale i hoomau hou aku ai i ke kamailio ana:

            "mawaena ou âme a'u, o oe hookahi ale no e Bela ka mea a kuu puuwai e hiipoi nei i ka Loio Malo i enemi uo'u. Ua ike aku nei au i kona helehelena ma ka puka aniani o ke keena buke, me ka pii maoli o ka lia maeele iloo o ko'u kino, no kela kanaka. Ina e manao ana kela kanaka e hoopakele ae ia'u, aka ua like pu au me kekahi kanaka makilo. Pehea, aole anei oia kekahi o na kahuwaiwai o Sr. Leonada?"

            "Aohe mea maopopo ia'u, nona aka nae, ke makemake nei au e pane mai oe i keia ninau: Ina owau ana ka haku holo-okoa o na waiwai apau o Sr. Leonada me kekahi loaa maka no, aole i kekahi kanaka okoa ae, a ua makaukau hoi au e hoolilo aku i ka'u dala, i mea e loaa mai ai kou aloha ame kou inoa, heaha iho la kay mea e pane mai ai?"

            "hookahi no pane ma ko'u aoao, o ia ko kaua mare koke aku, me ka hakalia ole," me ka huki ana mai ia Bela Kalani, a honi hoomaumau aku la ma kona ihu, a iaia i hookuu ae ai i kana aloha, kamailio hou aku la: "Aole o'u manaoio, e loaa ana ia'u kekahi pomaikai nui o keia ano!"

            Aole he pane ma ka aoao o ka wahine opio, aka ua hiki loa i ka Haku Fanadale ke heluhelu aku ma ka helehelena o ua kaikamahine nei aia ka olioli ame ka hialaai ma kona mau maka kahi i haimu ai, no ka pane a kana ipo aloha e mare koke ia laua a i ka mao ana ae o kela haawina o ka haouli, akahi no oia a hiki ke pane mai:

            "E hoike mai oe i ka nui o kou aloha no'u, ma kou honi hou ana mai ia'u," o ka huli hou mai la no ia o ka haku opio i kama aloha iloko o kona umauma a hooko iho la elike me ka makemake o ka wahine opio. "O ko kaua halawai ana no keia aole he manawa hou aku e hui ai,a hala kekahi wa mahope aku o ka heluheluia ana o ka palapala kauoha hooilina."

            “Mahope aku o kela Manawa, heaha kau mea I manao ai?” I ninau aku ai ka haku opio ma ke ano hoomaoe.

            “Heaha auanei ka hana aku I koe, o ko kaua hoolilo wale aku no ia kaua iho I hookahi, e kaawale ole ai kekahi mai kekahi aku, ahiki I ka make ana, me ka nana ole ae I ka mea a ke ao holookoa e kamailio mai ai no kaua.”

 

Mokuna III.

            Ma kela wahi I huhui hou ae ai na ipo I kahi hookahi, a I ke kaawale ana ae, huli hoi mai la ke kaikamahine opio no kona hale, a hoi aku la no hoi ka Haku Fanadale no kona home, me ka hele o ko laua mau puuwai pakahi a piha I na haawina laahia o ka hauoli.

            A’ole loa he mea nana I haawi aku I ka hauoli I’o iloko o ka Haku Fanadale, elike la me ka Manawa I heluheluia  ae ai ka palapala kauoha hooilina hope loa a Sr. Leonada, e hooili ana I kona mau waiwai apau maluna o Bela Kalani, I hooi aku ia hauoli, o ia no ka hoakaka ole ia ana o kekahi mea maloko o kela kauoha, e haawi ana I ka mana hooponoua lilo holookoa o Bela Kalani I hau maluna o na waiwai apau, a ua hiki hoi i kela kaikamahine ke hana, elike me kona makemake iho.

            Ma ka Manawa a Sr. Leonada i hana ai I kana palapala kauoha hooilina, a kakau aku hoi I kona inoa ma ua palapala kauoha nei, ua hooili aku oia I na waiwai apau maluna o kana keiki o Kapena Ivana, a I ka wa e make aku ai o Kapena Ivana, e holo aku no na waiwai apau maluna o Bela Kalani, mamuli keia o kona manaoio mau, e niareia ana na opio, elike me kana I makemake ai I kinohi loa, a I hoike aku ai no hoi ia manao ona, imua o na opio.

            No ka make ana o Kapena Ivana, aole loa he wahi kanalua iki. Malalo iho la o kela kumu, ua holo pololei aku la na waiwai o Sr. Leonada maluna o Bela Kalani, me ka hoopaapaa ole.

            Ua malamaia ka hoolewa o Sr. Leonada, elike me kona makemake ponoi maloko o kana kauoha, me ka nui ole o n hana hoohiwahiwa, no ka mea he kanaka oia I maa ole, I na hana hoikeike o kea no hooio ahookelakela. Ua nui na ohana hanohano I hele mai ma lela anaina hoolewa, mamuli kekahi o ke komo pu ana mai iloko o ke kaumaha no ko lakou hoaloha kahiko, I haalele mai I keia ola ana, a mamuli ho kekahi o ko lakou makemake, e ike I ka hooilina hou o na waiwai.

            Ma ka hoomoeia ana aku o Sr. Leonada ma kona home lua, haawi aku la kela poe hanohano I ko lakou aloha I ka hooilina hou, aole nae me na manao maikai, aka me na manao o kea no hoowahawaha, no ka mea hoala mai la lakou I na ninau lehulehu iloko o ko lakou noonoo, no kahi I oili mai ai o keia kaikamahine, a me ke kumu o ka hookama ana o Sr. Leonanda iaia I kaikamahine nana.

            Ua kamailio pinepine o Sr. Leonada he Kaikamahine kela na kekahi o kona mau hoaloha, o keia wale no ka mea I maopopo I kekahi poe, mao aku olaila, ua noho pouliuli loa lakou I ka ohana o keia kaikamahine, a no ia maopopo ole, I nana mai ai kela poe hanohano me ka hoihoi ole, no keila kaikamahine inoa ole, o ke kau pono ana ae la iluna o kekahi waiwai mui.

            Ke hoomaopopo la no o Bela Kalani I kea no oiaio maoli o ka poe I hele mai e ike iaia me ka hoihoi ole a o ki ka ua kaikamahine nei o ka hoohiki ana iho iloko ona, no ka hiki mai o kekahi la, ana e kechi aku ai I kela poe hookano, malalo o kona mau kapuai wawae, ke lilo aku oia I wahine na kekahi haku hanohano loa o Enelani.

            I ka huli hoi ana aku hoi o na mea apau no ko lakou mau home, mahope mai o ka hoolewa, hele mai la o Kauka Lolena, no ka ike ana ia Bela hookahi wale no, me ka hookahahaia ana aku hoi o kona manao, iaia I ike mai ai I ka hele o na maka o ua kaikamahine nei a almalama I ka hauoli, aole he wahi hoailona iki o ke kaumaha iloko ona, no kela make ana o kona makuakane.

            “Ke hauoli loa nei au I ka hoike ana aku ia oe e Miss Kalani, aole he mau mea I hanaia, e hoonui hana ai, ma na mea pili I na waiwai. He kanaka makaala loa kou makua kane ua pau kana mau buke moohelu waiwai I ka hooponoponoia, ahiki I ka la hope o ka mahina aku la I hala. E noho ana no ka Loio Malo maloko nei o keia home, ahiki I ka la apopo, nolaila ina he mau hana kekahi I makemakeia, ua hiki loa ke ui aku imua ona, no ka lawelae ana mai.

            “He loio o Mr. Malo no kou makuakane, no na makahiki he kanaha a oi aku, a ma ko’u manao, e makemake ana no oe e hoomauia aku ka noho ana mai o kela kanaka I loio nou, aia no nae ia I kou manao, aole o’u kuleana e hooholo ai ma kela ninau.”

 

“Ke manao nei au , aia no he Manawa nui kupono, no ka noonoo ana I kena ninau; a ke haawi aku nei au I ka’u mau mahalo ana he nui ia oe am eke Loio Malo, no ka olua mau mea apau I hanamai ai no’u. Ua ike no oe, he hana hoolewa, a ke manaoio nei au, o oe wale no ko’u hoaloha oiaio, a ina oe e ae mai ana, alaila e hoomau ia aku ia ano mawaena o kaua, no keia nee aku o ko kaua ola ana.”

            “Ua hiki ia o eke nana mau mai maluna o’u, ma kea no he hoaloha nou, a na makaukau mau au e haawi aku I na a’o ana ia oe no kou pono. Ke makemake nei au e ninau aku ia oe e Miss Kalani, heaha kau mea I noonoo ai e pili ana no Mr. Ropa, ke kakauolelo a kou makuakane? No na makahiki lehulehu I kaahope ae nei knoa noho hana ana malalo o kou makuakane, a ma ko’u kamaaina I kela kakauolelo, ua lawelawe oia I kana mau hana, me ka hoopono, a ua imi wale aku no oia I na mea apau e pono ai kona haku.”

            “Ma ko’u manao, ua loaa aku ka uku kupono loa, no kea no o kana mau haha,” ua loaa aku ka uku kupono loa, no kea no o kana mau hana,” wahi a Bela Kalani, ine ka hoihoi ole.

            He kumukula o Mr. Ropa na Kapena Ivana mamua o kona hoounaia ana aku no ke kula kiekie, a I ka hala ana aku o ke kanaka opio, ua mau no kona noho ana ma kea no he kakauolelo na Sr. Leonada, a oia no hoi ka hahele pili loa aku I kou makuakane, ma kana mau wahi apau e hele ai, a ma ka’u koho aku aole I nana aku o Sr. Leonada I kela kanaka, ma ka ano ua like oia me na kauwa e ae, malalo ona aka ua lawe mai iaia he hoaloha nona. Ina no kou hoomau aku I kela kanaka ma kana oihana e ike auanei oe, nana no e haawi mai I na oleleo a’o no kau mau mea pono e hana aku ai me kou mau waiwai.”

            “Pehea, eia anei maluna o’u ka hooholo ana I keia mau mea ka kaua e kamaililo nei?” wahi a Bela Kalani, me kona hele mai la a hoonaukikuki I na kanaka I kamaaina ma ka lakou mau haha pakahi malalo o Sr. Leonada.

            “Ae, o o eke kuleana ma na mea apau, aka nae no keia mau la e hookaawale loa oe I kou noonoo main a hana aku I pili I ka waiwai e waiho mai oe ia hana iloko o ko’u lima ame Mr. Ropa. No ka mahina hookahi a no na mahina elua paha, e kaa ai ka hoopnonpono ana I kou mau waiwai iloko o ko maua mau lima: aia oe a kamaaina aku I kea no o ka hoohana ana, ame ka lawelawe ana I na hana like ole ia wa oe e lawe ponoi aku ai I ka hoohana ana I kou mau waiwai, ke manao oe e hana pela.”

            Noho hamau loa iho la o Bela Kalani no kekahi mau minuke, aia hoi ke eueu wale la no kona mau ku’emaka, a o ia ka ua kaikamahine nei o ka pane ana mai:

            “Aole loa he wahi lihi hoihoi iki iloko o’u, no Mr. Ropa, a ke manao’ nei au aole e hiki ia’u ke hoomau hou aku I kona noho hana ana mai maanei. Ke manaoio loa nei au ua uku pono ia oia no kona mau hana, a ua pomaikai maoli kela kanaka, I ka hookaawale ana ae o kuu makuakana I ka huina o elima haneri dala, ma kea no he makana iaia. Ua hoowahawaha loa au I na kauwa kahiko no I ka hookano ke nana ae ma kekahi ano.”

            Nana pono loa mai la ke kauka ma na maka o Bela me ka piha I ke kahaha, no ka mea ma kahi ana I kamaaina ai, he kaikamahina noho malie loa kela ua loli ano e ae ia a o ka uahoa ka mea e nohoalii la maluna ona.

            “He oiaio aole o’u makemake e hoopau koke aku ia Mr. Ropa I keia Manawa aka e loaa kekahi Manawa nui kupono nona e huli ai I hana hou nana: a ke manaoio nei au aole o’u makemake e noho mai oia I kakauolelo na’u.” I hoomau mai ai no ua o Bela Kalani I ke kamailio ana. “No ka nui ae o na kauwa ua pau ko lakou waiwai o ka noho hana ana mai malalo o’u he keu lakou a ka poe paakiki ma ke a’o ana aku I na rula hou: a no Mr. Ropa hoi ma kuu nanao ina e haawiia aku ana kekahi huina dala iaia aole no e lilo ana kona hoopauia aku, I mea maikai ole I kona noonoo.”

            “Auhea oe e kuu kaikamahine, aole loa au I ike ia oe mamua e kamailio mai ana elike me keia a no na mea e pili ana I ka ukuia aku o Mr. Ropa me kekahi huina dala ke manao nei au o kekahi ia o  na hana koohaahaa loa e ae ole ai oia e laweaku I hookahi keneka o kau mau dala I nano ai e uku aku iaia.

            “Ma na ano apau he keonimana maoli o Mr. Ropa ua lawe aku kou makuakane iaia ma kea no hoaloha nona a ina o keia iho la kau mau mea I makemake ai e hanaia aku aole loa au e ae ana e hana aku I kekahi mea e pono ai oe e holoi no au I ko’u mau lima mai ka lilo ana owau ka mea nana e hoopau aku I na kauwa kahiko a Sr. Leonada.”

            “Ke mahalo aku nei au I kena mau olelo e Kauka Lolena ua hiki no ia o eke hookaawale ia oe iho mai ka hui kau wale ana mai iloko o na hooponopono ana I ko’u mau waiwai no ka mea aole loa o’u wahi lihi kanalua iki no ka hiki no ia’u ke hooponopono I na mea apau me ka pilikia ole.

            “Oiai hoi nap au loan a mea apau I ka hooponoponoia a ke waiho nein a buke moohelu waiwai me ka maikai e hoopau aku ana au ia Mr. Ropa ma ka la apopo no ka mea o kona hoomau ana mai I ka noho hana ana malalo o’u he mea hoouluhua mai no ia I ko’u noonoo aole ana e nele ke kue mai o kela kanaka I kekahi o ka’u mau mea I makemake ai e hooko aku ua oi aku kuu hookaawale ana aku na hoaloha kahiko mamua o ka hoohokaia mai o ko’u mau makemake apau.”

            Me he mea la aole loa he wahi hopohopo a hoopepe iho paha iloko o kela kaikamahina opio ke nana mai la oia maluna o ke kauka me na maka uahoa a iloko o ka noonoo o ke kauka me he mea la o kela kaikamahine hoopepe o kea no lolo a ihepa ana no hoi e milimili ai I knoa mau lima ua like loa oia me kekahi liona ka hele a eena kona mau maka ke nana aku.

            “Ke hauoli loa nei au no ka loaa aha ia kaua o ka hoomaupopo no ko kaua mau kulana pakahi iho,” I pane aku ai o Kauka Lolena. “Aole au e hoouluhua hou aku ana ia oe a ma ko’u Manawa e haalele iho ai I keia rumi e hoike aku ana au ia Mr. Ropa I kau mea I manao ai nona ake no ka Loio Malo o oe no ke kuleana e haha’I aku ai I kau mea I makemake ai e pili ana aia.” 
          I ka pau ana no o kela mau olelo I ke kamailioia aku e Kauka Lolena o kona huli mai la no ia hele no kahi o ka puka me ka haawi ole aku I kona aloha I ke kaikamahine opio no ka mea ua hele mai la oia a piha I ka huhu no na hana a Bela Kalani ka mea ana I noeuhane mua ole ai pela kela kaikamahine e hana mai ai I na kauwa a kona makuakane.

            He hookahi hora mai kela Manawa mai o ke kamailio pu ana o Kauka Lolena me Bela Kalani ua loaa mai la ke kahi palapala I ke kaikamahine opio a iaia I wehe ae ai a heluhelu iho la I na manao I kakauia maloko eia ka ho palapala waiho oihana mai ia Mr. ropa mai ia wa I pii koke ae ai ka inaina ame ka huhu I loko o ua kaikamahine nei me ka hoopuka ana ae I keia mau olelo:

            “Ua manao hoi au e lilo ana la na’u e hoopau maoli aku I keia kanaka eia ka e hooko ole ia ana ia manao o’u ua hiki nae hoi aole loa au e hoopoina ana I keia mau hana e Kauka Lolena!”

            Ma kela waiho ana mai o Mr. Ropa I kona noho ana hekakauolelo ua ka waiwai o Sr. Leonada aole loa ona noonoo iki e haalele I kela wahi oiai he nui no kaua dala ua hookomo aku oia iloko o kekahi mau oihana hoopuka puka e pilikia ole ai kona noho ana ina no e loaa ole ke kahi hana nana e lawelawe ai.

            Ma kekahi la ae hoi ua huli hoi aku la ka Loio Malo no Ladana me kona hele ole mai e ike Ia Bela Kalani no ka mea ua piha pu oia I ka hoowahawaha mahope iho o kona lohe ana aku I na mea I kamailioia mawaena o Kauka Lolena ame Miss Kalani a oiai he nui kana mau hana aole ena makemake e hoopau Manawa wale ma ka noho hou ana iho he hookahi la ma kela wahi.

            “Ke hoomanao nei au I kela moolelo kahiko: “Ka mea makilo maluna o ke kua o ka lio” I hooho e ai ka Loio Malo iaia o ke kau ana aku iluna o ke kaaaahi ma kona alahele no Ladana. “He keu maoli keia a ka wahine opio a ka piha me na manao lalau e hoea mai ana I ka la ana e mihi ai no kana mau hana pupuahulu. Ua ili mai maluna o’u ke ko’iko’I o ka hooiaio ana I ka palapala kauoha hooilina ma kea no maamau a e hoouna mai ana au I ka’u koi no ko’u uku amen a hoolilo o ka hooiaio ana I ke kauoha. He oiaio aole o’u makemake iki no keia kailiia ana aku la o kekahi hana nui mailoko aku o ko’u mau lima aka nae ua ahona ia mamua o ko’u hooliloia mai I mea paani iloko o ka lima o kekahi wahine naaupo!”

            Hoko o na pule elua mai kela Manawa mai I naao aku  ai o Sr. Leonada ua pau loa aku la na kauwa kahiko I ka hoopauia a o ka olelo hookahi e loheia ana ma ka waha o ne kanaka apau o ia no ke opulepule o Miss Kalani me ka maopopo ole I kana mea e hana la.

            Iloko o keia wa I noho hookahi iho ai o Bela Kalani ma kona home I loaa mai ai he leka iaia mai kana ipo aloha mai Hale Fanadale a penei na manao o na leka nei:

            “E kuu Bela  aloha: Me na hoomaikai he mau kaukani no kau leka I kakau mai nei na’u o ke kumu wale no o ko’u hoea koke ana aku imua ou mamuli noia o ko’u home nei me ka hele ole no kekahi mau wahi I kamaaina ia’u no ke kumu ua hopohopo loa au I kekahi kanaka I makaukau e hookomo aku ia’u iloko o ka pilikia. Ua pau loa ko’u  mau waiwai I ka paa malalao o ka moraki nolaila aole e hiki ia’u kea lo aem mai ke kudalaia aku o ko’u mau waiwai. Ke hoomaikai aku nei au ia oe e Bela no ka ili ana mai o kekahi pomaikai nui maluna ou; pehea la, e hiki ana anei ia o eke kokua mai ia’u?”

            I pane no kela leka a Hale Fanadale, kakau awiwi iho la o Miss Kalani I kekahi leka a hoouna aku la I kekahi elele no ka lawe ana aku a haawi I kana aloha a iloko o na hora elua wale no aia ua haku nei imua o kea lo o ka wahine opio, a mahope o ka hui ana ae o na ipo I kahi hookahi nana aku la o Hale Fanadale maluna o na maka o Miss Kalani a pane mai la:

            “Eia ke kumu nui o ko’u pilikia ia’u I makemake ai e loaa mai kekahi huina dala mahuahua ua moraki palua aku la au I ko’u mau waiwai a no ia hana a’u ke ku mau mai nei ke kanawai, no ka hookau ana mai I ka hoopa’I maluna o’u, no ka’u hana karaima, a o keia ka mea nana e hoehaeha mau nei I ko’unoonoo I na la apau o ko’u ola ana.”

            “Aw, ke ike I’o aku la au I ka nui o kou pilikia e Hale, aku ehia ka huina au I makemake ai, no ka hoopau ana ae I keia pilikia?”

            “Ina no ka loaa ia’u o na kaukani dala eono, e hiki ana ia’u ke hoopau aku I ko’u mau aie apau, a hoomamaia ae no hoi ko’u noonoo. Aole he enemi ino e ae o’u, aka o ka Loio Malo no ia, aia iloko o ka pono o ka lima o kela kanaka kuu ola I keia la!”

            “E hoopakele no au ia oe e kuu Hale aloha, “ I kulou mai ai o Bela imua, me ka puliki ana mai o kona mau lima, ina ka ai o ke kanaka ana I aloha ai. “Aole no a’u dala I keia Manawa, aka nae ua lawa keia mau olelo a’u e hooia aku nei, I kumu nou e hilinai mai ai maluna o’u. Aia a pau ka palapala kauoha hooilina I ka hoohikiia, alaila mahope aku o kela Manawa, e hoopauia ae ai kou mau pilikia apau. Ua makaukau au e molia ia’u iho, ame ko’u mau waiwai apau, no kou pono wale no e ka mea hookahi a kuu puuwai I aloha ai.”

            Hopu mai la o Hale Fanadale ia Bela Kalani, a hoopili aku la ma kona umauma, me ka noke ana iho I ka honi, e hoike ami ana imua o kela wahine opio no ka hoomamaia ana ae o kona mau manao kaumaha. Ke ike maoli la no ua haku opio nei, I ka nui o kona laki ame ka pomaikai ma o ka lilo ana o Miss Kalani I mea kokua aku iaia; ke ike pu mai la oia I ka nui ame ka hohonu o ke aloha o kela wahine opio iaia, aka nae ilokoo kona puuwai ke ike la no oia, aole ke aloha oiaio iloko ona no kela wahine a aole no hoi ke aloha o Miss Kalani he aloha maemae I piha me ka oiaio elike me kana I moeuhane mau ai, e loaa iaia kekahi wahine, nana e hoolilo mai iaia I kanaka maikai, a I kanaka aloha I kana wahine.

            “He nani ia, ua olokaaia aku na mea ake’ake’a apau mai ia kaua aku, nolaila he hookahi kaua iloko o keia Manawa ma ko kaua mau noonoo, a imua ou e ku’u ipo,e hoike aku ai au, I ko’u kulana oiaio maoli e noho nei I keia la.

            “Aole no na kaukani dala eono, au I olelo mai nei e kokua mai ana oe ia’u aka, o ka huna nui o ko’u mau aie apau ua hiki aku no ia ma kahi o ke kanakolu kaukani dala, ina e hiki ana ia’u ke uku aku I kela aie, aole loa au e ae e komo hou iloko o kekahi aie, elike me keia. Ma kea no he kane nau ma keia mua aku, e hoopau loa au I ko’u hui pu ana me na kanaka ino, am eke anaina o ka poe unauha a e noho no au imua ou ka’u wahine, me ka hoao ma na ano apau, e hooko aku I kou mau makemake. Malia paha, he hana kupono ole loa keia a’u o ka hele kino ana mai nei e hui pu me oe e ke aloha ua ike no oe I kea no o na kanaka, e lilo ana ia I mea kamailio na lakou, aka nae o ka pilikia wale no ka mea nana I kono mai ia’u e pale ae I ka noonoo ana, no ka lakou mau mea e hana mai ana.”

            “Aole o’u nana I ka lakou mea e kamailio mai ai no’u a nou paha e Hale,” I pane ae ai o Miss Kalani, me ka noke up ana I ka akaaka, me ka nana ana ae ma na maka o Hale Fanadale, a pane hou aela:

            “Ina aole he mau kumu ake’ake’a, alaila e hoike koke aku oe imua o kea kea, no ko kaua hoopalauia ana, a iloko o na mahina eono mai keia Manawa aku, e hoohuiia ai kaua iloko o ka berita o ka mare. Oiai e kakali ana o ka hoea mai o kela Manawa, e hele mau mai oe no ka ike ana ia’u I kela ame keia Manawa, aohe no hoi he hewa o ko kaua moe pu iho ma ko’u home nei, no kekahi mau po; a ua hiki ia o eke kouoha aku I kou kaikuahine, e hoi mai a noho maanei, me kea no e lilo oia I malihini hano hano na’u.”

            Aole ka Haku Hale Fanadela I pane koke aku, hookomo iho la oia I kona mau lima iloko o na pakeke o kona ‘olewawae, a nana aku la iwaho o ka puka aniani, alaila mahope o ka noho mumule ana no kekahi mau sekona, ia wa I pane ae ai:

            “Ina no ka hoi mai o ka Lede Kalala a noho pu me oe, aole ana e nele kona piha me ka olioli loa. Aole no he kuikahi o ko’u noho ana me ia.

            “He oi ae kona mau makahiki I ko’u a e noke mau mai  ana no hoi oia I ke kamailio ia’u, I na mea lehulehu, I ku ole I ka hoihoi, aole mae o’u wahi mea a hoolohe iki aku I kana mau olelo. He wahi loaa makahiki uuku no kona a o kana hana makemake loa, o ia no ka hele ana e haiolelo iwaena o no kanak noho pouliuli.  E kakau aku ana u I kekahi leka na ua kaikuahine nei o’u me ka hoakaka ou aku imua ona no ko’u mihi ana he mea hoohauoli loa oku keia I kona manao a malia o ke kumu ia e hoohakalia ole aku ai kona hoi ana mai a noho pu me oe e Bela.

            “No na mea e pili ana I ka hoike akea ana ae no ko kaua hoopalauia ana, aole ia he mea maikai I ko’u noonoo e waiho malie ia hana a uo kekahi wa okoa aku o ike mai auanei ka poe a’u I aie ai, aole ana e nele ko lakou koi ikaika mai e hookaa aku au I ko’u mau aie. O ka hana mua loa a’u I noonoo ai, o’ia no ko’u hoomamao ana ia’u iho mai ka poe ino mai.”

            Ua lilo kela mau olelo a ka Haku Fanadale I kamailio aku ai, I mea e hookahahaia ai ka manao o Bela me ka pupuku ana ae o kona mau ku’emaka a pane mai la:

            “He hookahi a’u mea I makemake ai e ninau aku ia oe e kuu aloha, a e  pane mai no hoi oe me ka oiaio loa. Ua ike no au, aole he ikaika loa o kou aloha ia’u elike me ko’u aloha e paila mau nei nou, mamuli paha ia o ka like ole o kea no o na wahine me ko na kane; aka ke makemake loa nei au e ike, ina paha no’u wale no kou noonoo aole no kekahi mea e ae. Pehea, owau wale no anei kau wahine I aloha ai, aole he wahine e aku?”

            Noke okoa ae la ka Haku Fanadale I ka akaaka, me ka leo nui, me ka hele hoi a pii ka ula ma kona helehelena a o ia ka ua haku nei o ka pane ana aku:

            “Ua nui wale ka’u mau wahine I kamaaina ai ma ka’u mau wahi apau o ka hele ana a ua kamailio aku  I na olelo hoomakeaka imua o lakou me ke komo ole o kekahi manao hoohihi iloko o’u no kekahi o kela poe wahine aka e kuu aloha heaha ka mea nana I hookom aku iloko o kou poo I hoala mai ai oe I kekahi ninau o keia ano?”

            “Aole oe I pane pololei mai nei I ka haina o ka’u ninau uolaila ken oho aku nei no au me ka pohihihi no kou ano maoli e Hale.”

            “Ina au e hole aku ana alaila heaha iho la kou manao e Bela no ia mea?” wahi a ka Haku Fanadale, me ka moimo ana iho o kona mau maka.  “Ua hoike mua aku au ia oe e Bela no ke kuhihewa o kou koho ana mai ia’u no ka imea owau ke kanaka hope loa ma ka honua nei e hookikina wale ia mai e kekeahi mea; ua hiki ia o eke alaka’I ia’u, aole nae e hookikinaia mai; nolaila ua maopopo aku la ia oe e Bela ko’u ano, aole keia I lohi loa no kou hoopau ana I kou noonoo no’u nei, a huli aku I mea okoa ma ko’u wahi.”

            He mau’olelo hoonuinui wale no keia a ka Haku Fanadale no ka mea ua ike oia I ka nui maoli o ke aloha o Bela iaia a I kela hooki ana iho no o kana kamailio ana aku puliki loa mai la o Bela iaia, me ka wikiwiki ana mai I ke kamailio:

            “Aole, aole loa e Hale! Aole oe e haalele mai ia’u! Mai manao oe, he wahi mea liilii wale no keia ina oe e haalele mai ana ia’u, ua like pu ia me ke kaili okoa ia ana ae o ke ola mailoko ae o ku kino.  Aole I maopopo iki ia oe e Hale ka nui ame ka holoku o kuu aloha nou; ua aloha aku au ia oe me kuu puuwai apau, no ka mea, he kanaka oe I hoowahawahia e na mea apau. Ua hiki ia’u ke molia aku I ka waiwi ka hanohano ame ka inoa aka aole loa ui e ae I kekahi mea okoa aku, e komo mai mawaena ou ame a’u,” alaila hoomaka okoa iho la ua o Bela Kalani e uwe me ka ehaeha maoli o kona naau.

            No ka ‘ike iho o ka Haku Fanadale I ka ehaeha maoli o kana ipo honi iho la oia ma na lehelehe, me ka hamohamo ana iho hoi o kona mau lima ma ka lae, alaila kamailio iho la I na olelo hoomalielie, me ka hooi loa ia aku hoi o kauwe o ua kaikamahine nei, na kela hana a ka Haku Fanadale.

            “E kakau aku au I leka I ka Leda Kalala I keia po,” I pane iho ai ua haku nei. “I loko o keia mau la aku, malia he mea maikai I’o no ka hoike ana ae I ko kaua hoopalauia ana, aole nae imua o ka lehulehu, aka iwaena o ko’u mau hoaloha wale no; nolaila ke waiho aku nei au I kuu home, malalo o kou malu, a nau e hoopakele ae ia’u mailoko mai o ka poino.”

            No keia mau olelo a Hale, ua auhee loa aku la ke kaumaha mai kana ipo aloha aku a he hapalua hora paha mahope iho o kela Manawa I huli hoi aku ai ka Haku Fanadale no kona home, me ka haalele ana iho ia Bela Kalani, me na manao hauoli, no ka hoea mai I ka la e lilo holookoa aku ai kela kanaka nana.

            I ka haku opio hoi, e hele la ma ke alanui e hoea aku ai no kona home, kamailio wale ae la no oia I keia mau olelo, I ka pane ana ae:

            “He hookahi a’u mea e hauoli loa nei, o ia no ko’u pakele ana mai ka hopuia mai, no ka’u hana kolohe mamuli o ka hiki ana ia’u ke uku  aku I ko’u mau aie, eia nae aole ia me ka hana maalahi aka me kekahi hopena awahia loa a’u e hiki ole ai kea lo ae, ma keia mua aku.

            “Akahi au a ike maoli, ua like loa o Bela me kekahi diabolo. Ina no ka hoololiia ae o keia aloha ona ia’u, a lilo I mea hoowahawaha, e hookau okoa mai ana oia I kekahi poino nui maluna o’u; a ua hookomo e ia mai no ka maka’u iloko o’u nona I keia wa.

            “Ua aloha I’o anei au I kela wahine? He ninau paakiki loa keia a’u e pane ai aka nae, malia paha e hoea I’o mai ana no ka la, e hooliloia aku ai au ame bela I hookahi iloko o ke apo o ka mare, na keia maua aku nae ia e hoike mai.

 

MOKUNA IV

E hoihoi aku ana ka mea kakau moolelo ia oe e kuu makamaka heluhelu, no kekeahi hokele maloko o ke kulanakauhale o Nu Loka, nona ka inoa o Adele; he hokele keia, no na kanaka kaahele honua e hoolulu mai ai, oiai e kakali ana o ke ka mai o na mokuahi e holo ana no na awa like ole o ka honua nei.

            He kakahiaka kalae malie kela, iloko o ke kupulau, ua hele no hoi ka hokele a piha I na malihini aia ka hapanui o lakou, ke kamailio la, no kekahi huaka’I makaikai no Europa, a o na kanaka I kamaaiana mua ole kekahi I kekahi, ua hookamaaina ia ae la lakou.

            Aia iwaena o kela poe malihini na kanaka Amerika me na kanaka Pelekane, a ma ka nana aku, o ka hapanui o kela mau malihini, e kakali ana lakou, o ke ku mai o ka mokuahi Nu Loka n+oka holo ana aku I Kaukemakona.

            Aia maloko o ke keena hookipa kahi I waiho ai o ka buke inoa, aia malaila kekahi kanaka Pelekane opio, e heluhelu malie ana I na inoa, o ka poe e noho ana ma ka hokele me kona hokilo pono ana I kea no o ka limakakau o kela ame keia I hoopaa I kona inoa maloko o ka buke.  O ke kakau koke ana aku no ia o ua kanaka nei I kona inoa oia o Keoni Piliop Mebure, a o Ladana, Enelani kona wahi a iloko nae o kona nanea I ka nana ua puiwa hikilele ae la oia me kahaule ana aku o ka buke mailoko aku o kona mau lima ka mea hoi nana I kono aku I na malihini e ae e nana mai iaia.

            “Ke lana nei kuu manao, aole oe I ma’I,” I pane mai ai kekahi kahunapule Amerika.”

            Uo kokoke loa keia kahunapule I ke kanaka opio Pelekane, a ua ike mai hoi oia I ka hele o ka helehelena o kela kanaka a haikea maoli pela oia I ninau okoa mai ai ina paha ua loohia oia I ka ma’i.

            “Aole au I ma’i,” I pane aku ai o Mebure, me ka lalau hou ana aku I ka buke I hoopaaia ai na inoa a wehe ae la i kela wahi mua no ana I nana ai.

            “Ina hoi ha aole oe I ma’I alaila heaha keia pilikia I loaa ia oe?  E kii ae nae paha au I wai nou ea?”

            “Aole I naopopo ia’u ke kumu o ko’u ano e, ua nanea loa au I ka nana I keia mau inoa maloko o ka buke o ka wa ia I huikau ae ai ka’u nana ana.”

(Aole I pau.)