Ka Nupepa Kuokoa, Volume LIX, Number 52, 30 Kekemapa 1921 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

MAHELE                                                                                                                   MAHELE

  ELUA                                                                                                                          ELUA

 

HE WANANA NO KA HOI HOU AE O KA EMEPERA CARL

 

            CHICAGO, Dec.  18—Ua wanana no ke Keikialii Rene de Bourbon, ke kaikunane o ka Emepera wahine Zita mua a Auseturia oiai oia maanei no ka ike ana ia Edward F. Hines, onamiliona a kanaka kuai papa waiwai, ma kana hoike o ka hoopuka ana ae e hoihoi koke hou ia ae ana ka Emepera Carl ame ka Emepera wahine Zita ma ka nohoalii o Auseturia oiai he kanawalu pakeneka o ka lahui o Auseturia i makemake ia laua e noho hoomalu hou i ke aupuni.  He mau mahina i hala aku nei ka mareia ana o ke Keiki alii Rene i ke Kamalaiiwahne Margarta o Denemaka.

            PUNCHAL, Dec. –Ke noho mai nei ka Emepera wahine mua iZta me ka maluhia loa maloko o ko laua home kuewa.  O ko laua kiai wale no nana e hoomalu ia laua maloko o ke kulana kauhale Vitoria, kahi a laua e noho mai nei, he makai me ka paalole makaainona, a oia ka mea hele pu me laua ma na wahi a pau a laua e hele aku ai maloko o ka mokupnni no ke keakea aku i ka poe makilo mai ka hele ana mai e hoopilikia ia laua ame na hana hoouluhua noonoo e ae.

            Ua lilo ka Emepera Charles ame ka emepera wahine Zita i mau malihini koikoi na ke kiaoina hou, ka Maj. Aeaeio Correa Pinto, ame kekahi mau luna aupun pukiki e ae.  Ke hele mau nei laua i ka halawai ma na la sabati a uo hoopaa hoi ia Canon Antonio Homen do Gouveia i kahunapule pilikino na laua.  Mahopt o ka pau ana o ka halawai haipule ma kekahi manahine kakaikahi ka i hele mai i ka Manawa i puka aku ai na emepara mawaho o ka halepule, e honi i ka lima o ka emepera wahine Zita, ma ia ano e hoike mai ai lakou i ko lakou aloha i ka ohana o Don Miguel de Braganza, ka mea i iini e lilo i moi no na Pukiki.

            O ka hookukeia ana o na alii mua imi hoohaunaele maloko o Hunegari i no mokupuni iwaena o ka moana i mamao loa mai k lauo mau aupuni aku i nohoalii ai ni kekahi Manawa he hana mana ia, aka nae o ka mta hikimua no kela hookuktia ana aku o ka Emepera mua Charles o Austturia ame Hunegari a noho ma ka mokupuni Madtira ma kea no kuewa ua iktia ma ka moolelo o Napoliona 1, ka emepera i noho ai ma kea no he pio maluna o ka mokupuni St. Helena, he mokupuni ku mamao maloko o ka Moana Atelanika Htma 700 mile ka mamao mai ka aina kokoke loa mai ia makupuni, ht paahao hoi i noho malaila aneane he kenekulia a oi i hala aku nei.

            Aole o ka uuku loa iho o ka makupuni St. Helent wale no malalo iho o ka mokupuni Madeira, aka, he hoohalike ia ae ma ka mokupuni Madeira ht mokupuni ano waoakua o St. Helena a he paredaiso o Madeira.  Elima hapa ono o kona iliaina aoht mea ulu, he oneanea wale no, a mawaho at o ka pakoa mau kulanakauhale nui a mau hiohiona hoi o ke ola, ht mehameha maoli o Funchal mana ano apau.

He Mokupuni Kihapai

            No ka Mokupuni Madeira, ua palimaia kona nui i ko St. Helena, he mokupuni nani o Madeira e ku ana iwaena moana i like me kekahi kihapai nani.  O Funchal kona kulanakauhale poo aupuni, he lahuikanaka kona i oi aku maluna o ka 20,000, a oia no hoi ka ha o na mokupuni i onaia e Potugala a maluna o ia mokupuni ua hoouluia na waina maikai loa a mau lihilihi nani loa ma kea ao a pela hoi mt na huaai, ka huita ame ke kopaa.  O na bipi kauo ka mea hoohanaia malaila no ka oihana mahiai ma kahi o na lio mea na mea paahana e ae.  Ua emi iho malalo o ka elua pakeneka o ka lahui i hiki ke htluhelu a kt kakau.

            O ka pualikoa Pukiki nana e hoomalu ia mokupuni he uuku loa e hiki ai no i ka emtpera Charles ame ka emepera Zita ke imi i ko laua wahi e lanakila ai kea e main a aupuni nui koe walt no ko laua alaiia mai e ka moana nui akta.  No Napoliona ua kiai mauia oia i ka poe amt kea o e na koa, no keia mau alii he makai wale no ko laua mea nana e kiai.

 

I MAU MAKAI WAHINE KA I NOI IA AE NO HONOLULU

 

            “He mea pono e loaa i mau makai wahine no Honolulu, elike me ka Miss Alice Brown o ka hoakaka ana ae i ka Advertiser ma ka Poakolu o ka pule aku la i hala.

            “E lilo ana na makai wahine i poe imi a ninaninau i ka mea e pili ana i na kaikamahine ma kekahi ano, oiai he oi aku ka maikai ame ka holopono o ka na wahine haua ana me na kaikamahine mamua o ka na kune.  Ina e loaa ana kekahi mau makai wahine ua hiki ia lakou ke hele aku maloko o na paka ma ka po a i ole maloko o na hale hulahula a maloko hoi o na hale hoikeike kii onioni maloko o na apana mawaho aku o ke kulanakauhale a iua e loaa aku ana ia lakou kekahi mau kaikamahine liilii maloko o ia mau wahi e kauohaia aku ana lakou e hoi i ko lakou mau hale a i ole hoihoi aku paha ia lakou i ko lakou mau home, a i ole hopu aku ia lakou, a i ole hoike aku i ka aha hookolokolo o na opio.”

            I kulike me ia a Miss Brown o ka hoike ana ae he nui a lehulehu na opio hooipoipo maloko o ka Paka ma Moanalua i ka po, a pela me na paka e ae, a wahi aua, ina he mau makai wahine kekahi e hele aku ana lakou maloko o na wahi elike me ia a nana aku i ka hana a na kaikamahine, aole oia wale he lehulehu pu aku kekahi mau hana lapuwale e kinaiia aku ana ma ia mau wahi.

            “He nui ka like ole mawaena o na hana a na makai wahine ame ka luna (probation officer),” wahi a Miss Brown, “o ka hana a na maikai wahine o ia ka hoike ana ae i ka poe opio i manaoia ua hana i ka hewa ia lakou a o ka hana a na probation officer o ia no ka noii a ninaninau pono ana i ke ku i ka hewa a hewa ole paha o ka opio a mau opio paha i hoikeia ae ia lakou.  E hoakaka piha ia aku ana imua o lakou ka moolelo o kela ame keia mea i manaoia ua hana hewa elike me ka ike i loaa mai i na makai wahine, e huliia aku ana na mea apau e pili ana i ko na kaikamahine o’a ana ma kona home, ka maikai o kona noho ana a pela me kea no o kona noho ana me kona mau makua a ohana paha.  E ninaninauia ana kona mau ano apau, kona kulana maloko o ke kula ame kona mau ano i maa ia ma kea no laula.  O ka hana a na makai wahine o ia no ka hopu ana i na kaikamahine auwana hoihoi aku ia lakou i ko lakou mau home a i ole hoihoi aku paha e hoopaa ia lakou ma ko lakou wahi e maluhia ai.

            Maloko o ke kulanakauhale nui o Ladana he mau makai wahine kona, a pela no me na kulanakauhale nui o Amorika, a ina no ka holopono o keia manao o Miss Brown o ka hoakaka  ana ae e pau i’o ana ka ikeia o na kaikamahine maaupo a pela no me na keikikane maloko o Honolulu ma nei mua aku.

            “O kekahi mea kupono loa o hookoia o ia ke kanawai hookapu o ka po, he mea kokua mai ia i ka hoomalu ana i na keiki ma kekahi ano, o ia hoi, na keiki malalo o ka 15 makahiki, oiai nae o ka hapanui o na keiki kolohe e ikeia pei o ia ka poe i oi aku maluna o ka 15 makahiki, a no ia poe aohe mana hookolokolo o ka aha o na opio maluna o lakou, o na aha hookolokolo e ae ka mea kuleana e hookolokolo a e kau aku i na hoopa’i maluna o lakou ina no ke ku o ka hewa ia lakou, a no ka poe o ia nao o ka oihana makai o ke aupuni kulanakauhale ka mea kuleana e hopu.

 

O MRS. LUCY PUALI KEAWE UA HALA.

 

            Ma ke ahiahi Poakolu, Dec. 7, 1921, ma Nuuanu, Laimi Rd., i kipa mai ai ka anela o ka make, a lawe aku la i ka hanu ola o ka’u wahine aloha, Mrs. Lucy Puali Keawe, a hoonele pu ia iho la na keiki, amen a moopuna he lehulehu, i ka mama, am eke kuku.

            Hanauia oia ma Kekaha Kauai, i ka makahiki 1869, i Nov. 14, a ua piha iaia he 52 makahiki me 23 la o kona hanu ana i keia ola honua ana, a make aku la oia.

            Ua mareia maua ma ka la 30 o Augate, 1887, na ka Rev. Paikuli maua i hoolilo i hookahi, iloko o ka berita maemae o ka mare, ma Waikane, Koolaupoko.

            No na makahiki ehiku, ko maua noho ana ma Kahana, me ka oluolu ame ka maikai, alaila hoi mai la a noho ma Laimi, Nuuanu, kahi a maua i noho pu iho la, ahiki wale no i kona haalele ana mai la ia’u, iloko o ke kaumaha ame ka luuluu nona.

            Ua hanauia mailoko aku o ko maua mau puhaka he elua mau keiki, oia o Lambert Kanakaole Keawe ame Waialoha Keawe Hanohano, a mailoko mai o laua na moopuna lehulehu e ola nei, i hookaumahaia, mamuli o ka haalele ana mai la o ko lakou tutu i keia ola ana.

            He makuahine oluolu, he akahi, he hookipa i na makamaka amen a hoaloha e kipa mai ana i ko maua home, a he makee i kona ohana, o kana mau hana maikai i waiho iho ai mahope nei, he mau kiahoomanao poina ole ia na’u e noonoo mau ai nona.

            Ke haawi aku nei makou ka ohana, i na hoomaikai ana i ka Ahahui ka Hale o na Alii, ame ka Ahahui Pueo, no ko lakou ku kiai ana am eke ka’i pu ana no ka ilina.

            Ke haawi pu aku nei ka ohana i ka hoomaikai i ka poe apau i haawi makaua mai i ka pua i mea hoohiwahiwa no kona kino lepo.

            Owau no me ka oiaio,

 

KOKUA KE KALAPU OTO NO KA HOONUIIA AE O NA MAKAI

 

            Ua hoike ae ka Ahahui o na Kaa Otomobile i ko lakou kokua nui i ke noi a ka makani nui ame ka Meia ma o ka oihana makai la e hoonui hou ia ae na makai mai ka eiwa a i ka unikumamawalu.

            Mamuli o ka nele i kekahi makai nana e kiai i na kaa otomobile ma ke alanui mai Honolulu aku a i Leilehua ua hoolimalima ka ahahui kaa otomobile i kekahi kanaka a ua uku aku iaia me ko lakou mau dala ponoi, no ke kiai ana i ka poe holo nui a nana ole i ka pono o kekahi poe e holo ana maluna o ia alanui ma na la Sabati a ma na la e ae o ka pule, ka Manawa Jehulehu o na kaa o holo ana maluna o ia alanui, o ka pilikia ua nele ia ahahui i kekahi waihona e hiki ai ke uku aku i ke kanaka a lakou i hoolimalima ai, no ia kumu ua nele ia alanui i kekahi kanaka kupono nana e malama i ka maluhia o ka poe e holo ana maluna o ia alanui i nei Manawa.

            Ma ka hoakaka a J.  T.  Warren ka peresidena o ka ahahui kaa otomobile o ka hoike ana ao i kona manao ma ka Poakahi nei, no kekahi Manawa loihi i hala ke kakoo ana o ka ahahui e hookohuia i mau makai kiai i na kaa e holo ana ma ke alanui Honolulu Leilehua, aohe nae he hana i ikeia ke hookoia ana ae o ia manao.  Ma kona ano he makaainana no keia kulanakauhale ua hoike ae oia i kona makemake e kiaiia ke alanui holookoa me ka malamaia o ka pono o ka poe e holo ana maluna o kela alanui, a o ke alahele wale no e hiki ai o ia ka hoonui ana ae i na makai, i hiki ai ke hoonohoia aku kekahi mau makai lehulehu maluna o ia alanui.

            O Petrie, kekahi hoa o ka papa lunakiai kekahi i hoke ae i kona manao e apono ana i ka hoomahuahuaia ae o na makai, a ua makemake oia i ka lehulehu e kakoo aku ia manao.

 

HE MANAO HOLOPUNI APUNI KA AINA O LAIE

 

            Hohono pelapela, maeele ka aina haipule o Laie i keia e kamailio mau ia ana ma ka waha o ka poe, pehea la kea no, a komo pu me kekahi o na luna, hiki ole ke hooponoponoia keia hoonohonoho akua hoopunipuni, mai kekahi kaikamahine i aloha i kuu moopuna, a hoololiloli i kona kulana i kino laau, a paakiki, a hoolaha ae la imua o kekahi anaina nui i hele mai o makaikai.

            Mai Kahuku aku kela uhane i hele aku i Laie, a noho iluna o kela kaikamahine.  A olelo hou ae la he mau kanaka ike o Kahiona ame Apuakehau i ka anaana, iloko hou no o keia anaina, he wahine ua lele ae la oia iluna me kona anela manu, e hooia ana, hemo mai la hoi ke kuka o ke kane a hookahi ka lele like ana.

            Auhea oe e Geo. W. Kauhane o Kipahulu, Maui, o kau i hoolaha mai la ua kulike loa no ia me keia o Laie nei.

            Ua mare koke keia kaikamahine hoonohonoho  akua mahope keke iho no, he mau la me kuu moopuna.  Ua mahu’i mai, na kiiia kekahi luna, a nana i kona ame ka uhane hoonohonoho e kii i kuu pokii Apuakehau, o ka’u e ha’oha’o nei, mai ka wa opio loa keia poe, a hanau i Laie nei, ua luahine ua elemakule, o Kahiona o Apuakehau, ka po am eke ao, ke maalo ae ka makou poe moopuna, nui ka waha i ka hamama i ke kahea me ka leo nui e olelo ana i ka ohana anaana; o na kumu manaoio e lohe mau ana i na olelo, aole i laweia i ka aha hooponopono.

            Ua koho au, ua komo pu lakou i keia lono hauwalaau apuni ka aina, a hala loa i Waialua, a na Koolau a Honolulu imua o Mrs. Kainana, kuu hoaloha, o ia wa opio;  ke nana mai la ke akua i ka anaana ame ka ana ana ole.  E holoi no maua i ko maua mau lima a maemae imua o na kuhihewa, ke hoopaa nei maua imua o ke Akua, aole mea nana e kala i ko lakou kuhihewa ame hoopunipuni ma keia honua a ma ka lani, oiai ua mihi mai kekahi poe.  Eia ke mau nei no ka hooia hou Ana, a ua like ia me ka mihi ole, he nui ka poe aole mihi mai.  E moe ana lakou me ko lakou hewa i hoopaaia.  Ka hewa i mihi ole ia amene.

            O kau hoolaha e Geo. W. Kauhane, i kuu heluhelu ana i kau hoolaha he mea pono no ke hoolahaia na hana kolohe apau, i pili i na hanaino amen a hana kolohe e Iaipila ana i ka inoa maemae, e hiki ole ke onioni mai oiai, ua puni ka aina i na olelo mai ko oukou mau waha mai, e hiki mai ana ka aha hookolokolo nui o kea o nei, o na uhane a uhane ole paha:  Kolo@a II: 8; Roma XVI:  17.  Mat. XXIV: 4-5, ina e manao lakou e hana, ua makaukau ke aupuni imua o na ah eke pau ole keia hana.

 

KE  ANO  O  KE  KALAIAINA

(Kakauia e Z. P. K. Kawaikaumaiikamakaokaopua)

(Hoomauia mai.)

 

            Ina kii aku kekahi kanaka ia laau, a kua ilalo, a kalai a lilo ia i waa, a kauo mai oia ahiki i kai, alaila ua makemake nui ia kela laau.  O ke kanaka i hana pela, ua hoonui waiwai oia.  Ua nui wale na mea i makemake ole ia, a makemake uuku ia i ka wa e waiho wale ana, a pili aku ko ke kanaka lima a hooponopono, alaila, ua makemake nui ia.

            O na mea hoonui waiwai apau, kii no lakou i kekahi mea hana; kii aku no kekahi ma ka ke Akua wale no.   Ke kai paha o ka moana, i mea paakai, ke one paha, i mea aniani, ka pohaku paha e waiho wale ana, i mea hale; a kii aku no kekahi poe hoonui waiwai ma ka ke kanaka, a uku aku iaia; kii no ke kamana i ka papa a ha’i i olo.

            Kii no ka poe o kohola a ha’i i hana; kii no ka mea ulana lole i ka huluhulu a ha’i i kanu, a hana oia ia huluhulu, a lilo ia i lole; a kii aku no kela i ka lole a ha’i i ulana ai, a hana oia i puliki, i wawae, a i kela mea komo keia mea komo, a malaila mai kona waiwai.  O kela mea mua i loaa i ke kanaka, i kumu no ka hana, ua kapaia he kumuwaiwai, a loaa hou mai ka waiwai ma kana hana ana, ua kapaia kela waiwai hou he waiwai loaa.  O ka waa, o ka upena, o kea ho, ka makau, o ia mau mea ke kumuwaiwai o ka lawai’a.

            Ina holo oia i kai a hana i kana oihana, o ka i’a i loaa iaia, o ia kona kumu waiwai loaa.  Eia ke kumuwaiwai o ka amara.  O ka upamakani, o ka auka hao, o ka lauahu, o ka hamare, ke apuapu, ka upa, a hana oia i kana oihana; o ked ala i loaa iaia, o ia kona waiwai loaa.

            Eia ke kumuwaiwai o ke kanaka kuai:  O ka mea i paa i kona lima i kona wa e hoomaka ai i ke kuai; ina hookahi tausani ana mau dala, a hele aku oia i ka haole, a kuai i ka lole a loaa mai, a kuai hou aku oia i ua lole la, a loaa mai elua tausani dala, alaila o kona waiwai loaa, hookahi tausani dala.  I kona hoomaka ana hookahi ona tausani dala, o ia kona kumuwaiwai.  Malaila e loaa hou mai ai iaia ka waiwai;  a ina loaa iaia elua tausani, alaila, hoolawe i ke tausani mua mailoko mai o na tausani i loaa, a koe hookahi tausani.  O kela tausani i koe, o ia kona waiwai loaa.  No ke kuai ana, he mea nui no i kanaka ke hana, o kela mea keia mea ma ke hana ana e makemake ai.  Makemake kekahi i ka mahiai, a hana oia melaila; a makemake kekahi i ke kalaiwaa, a hana oia malaila; makemake kekahi i ke kamana, a hana oia malaila; makemake kekahi i ka amara, a hana oia malaila.

            O keia hana ana a ke kanaka, pakahi lakou i ka hana, o ia ke kumu o ke kuai.  Ina i hana ke kanaka hookahi i kela mau mea apau, ina ua lako oia me ke kuai ole; i keia wa aole lako me ke kuai ole.  Ina makemake ka mahiai i ka i’a, hele aku no oia i ka lawai’a, a kuai; ina makemake oia i ka waa, hele no oia i ke kalaiwaa, a o ka ae kana e haawi aku.

            Ina manao ka lawai’a e kuai, o ka i’a kona kumu.  Hele aku no oia i ka mahiai a loaa ka ai; hele i ke kalaiwaa a loaa ka waa; hele i ke kamana a loaa ka pahu; hele no i ka amara a loaa na meahao ana e makemake ai.  Ike kuai ana i keia mau mea, o ka i’a ka mea lilo aku.

            No ka nui loa o ke kuai ana, ua lllo loa kekahi poe ma kela hana, ma ke kuai, o ia ka lakou hana puunaue waiwai; ina hui pun a kanaka he nui, hikiwawe ia lakou ke hoonui i ka waiwai, aole hikiwawe ke hana pakahi na kanaka; iua manao na kanaka elima e hoonui waiwai, eia ka hikiwawe, e hui lakou a haawi na keia mea keia mea o lakou i kana hana iho.  Ina ma ka lole ka hana ana; penei lakou e hana ai.

            Hookahi mea kanu i ka huluhulu, hookahi mea hemo i ka anoano, a kahi i ka huluhulu, hookahi mea nana e hilo, hookahi mea nana e ulana, a hookahi mea nana e hooluu.  O ka hana pela ka hikiwawe; he lohi ke kanu lakou apau, a hilo lakou apau, a ulana lakou apau.  Ina hana pu na kanaka a loaa ke waiwai, alaila pono e haawiia kela waiwai loaa na kela mea, ke’a mea, i hooikaika e hana.

            O ia haawi ana, ua kapaia ia o ka puunaue waiwai.

 

HAKOKO  ILOKO  O  KA  INO  MA  KA  MOANA

 

            Mahope o ka alo ana mai i ke ehuehu me ka uhi o na ale kawehewaha maluna ona i hapaiia mai e ka mukani heleuluulu o ka moana no kekahi Manawa a aneane e holoaia i ka moana, ua hoea mai la i keia awa me ka palekana, ka mokuahi Helena Polyktor ma ke ahiahi o ka Poakahi nei, me ka haki o ka lima o kona kapena mamuli o ke poiia ana mai e ka ale a hooku’i oia i kekahi wahi o ka moku oiai oia e ku ana maluna o ka halelana o ka moku.

            Ua hoihoiia aku ke kapena Corelos i poino no ka a Halema’i Moiwahine, no ka lapaau ia ana mai, a elike me ka loihi o kona noho ana maloko o ka halema’i ahiki i ke ola ana o kona lima haki, pela ka loihi o ka mokuahi e pili ai ma ka Uwapo 26.

            Mai Portland keia mokuahi o ka holo ana mai no Inia me ka piha ukana he palaoa.  Ua holo mai oia ma ke alanui pokole eia nae he alahele moana poino i ka manawa ino elike me keia manawa.  No hookahi mahina kona alo ana iloko o ka ino, a e pii mai ana ua ale a uhi maluna ona, a e palukuluku mauia ana kona mau oneki, e na ale huhu o ka moana a he mau tona lehulehu o na ale e uhi ana maluna ona i ka po am eke ao.  Ua ikeia ke emi mai o kona waihona lanahu a ua hopohopoia e halawai ana ia me ka poino, eia nae, ua kamau mai no kona mau wahi lanahu i koe ahiki i kona komo ana mai i keia awa lulu o Kou ma ka Poakahi nei, a e hoomau aku ana kona holo ana no ka Hikina loa, ke ola mai ka haki o ka lima o ke kapena.

            O na hiohiona apau o ka moku i halawai me ka ino ma ka moana ke ikeia aku ana maluna ona, aole ona wahi i makemake ole ia ke pena hou ana ae.  O kona mau mea hao i hanaia ai ua paa i ka lepo hao me he mea la he mau makahiki kona o ka hoopaeia ana i kula a waiho waleia.  He hiohiona kahiko wale no ke nana aku ma na wahi apau o ia moku, a he mau hiona hoike maopopo no hoi uo kona halawai ana me ka enemi ino o ka moana oia ka makani amen a ale ahiu o ka moana, e hiki oke hoi ke hoomalielie aku.

 

HE  MANAO  HOAKAKA  MALUNA  O  KA  POOMANAO  NA  ANOAI

 

            E Mr. Lunahooponopono o ka Nupepa Kuokoa, me ka mahalo;--Ma ka Nupepa Kuokoa o ka la 16 o Dec., ua ike i keia poomanao:  Na Anoai, a ma ke kukulumanao mua o ia poomanao; o ia keia:

            Ua kuleana i na wahine Hawaii, i mare i na lahui e, e lawe i na aina hoopulapula.

            Ma keia kukulumanao, ua loaa he mea e hookuia mai ai i ko’u mauao.  Aole no ka wahine Hawaii k’u kuia ana; ma keia ninau, no ka mea, nou ia mau aina i hookaawalela e ke kanawai Hoopulapula; a e hoi aku oe e ka wahine Hawaii, a noho maluna o ua mau aina la; aka, no ke kanaka o na lahui e, i mare i ka wahine Hawaii.

            E kuu lahui aloha; aole paha owau no ka i halawai me keia kuia, o kakou pu no paha apau loa.  Eia ko’u manao hoakaka, no keia ninau:  Ina paha he 500 wahine Hawaii i mare i ka Pake, a 300 hoi wahine Hawaii i mare i ke Kepani, a he mau haneri paha o na wahine Hawaii, i mare i kekahi mau lahui e ae, alaila e manao ia he 1 tausani a oi aku ia mau kane o na lahui e ae e noho pu ai iluna o keia mau aina hopulapula me na Hawaii piha, amen a hapa Hawaii, aole anei e lilo ana i mea hoopilikia mai i ka noho hoopulapula aua o na Hawaii, ka noho huikau pu ana me keia mau lahui e ae!

            Ke manao nei au he mea hoopilikia nui keia, elike no me na pilikia a kakou e ike maka nei i keia manawa a kakou e noho huikau pu nei me na lahui e ae; a ua lilo hoi ia mau pilikia o ka lahui i mea hoeueu i ka manao o ke Keikialii a kakou; e hana i kanawai e hookaawale ana i kona lahui aloha; mai keia noho huikau pu ana me na lahui e ae.

            Ina o ia iho la ka manao o ke kanawai hoopulapula; alaila i mau 500 Pake aha ka keia mau wahine Hawaii e lawe pu ai a noho i na aina hoopulapula o Molokai, ame Panaewa, Keaukaha ma Hawaii; a i mau 300 Kepani aha ka ia mau wahine Hawaii e lawe pu ai, a pela hoi kekahi mau lahui e ae i mare i na wahine Hawaii!  I mau mea hoopilikia hou no anei i ka lahui Hawaii!  O ia maoli no ka manao ke noonoo iho.

            E kuu lahui aloha i mare i na kanaka o na lahui e; ua ikaika loa anei keia mau manao ia oe e kuu lahui aloha!  Ina pela, alaila e opu alii iho no, a e noonoo me ke akahele, malia paha e pane mai ana oe, e kuu io ame kuu koko:  Ua mare ia hoi makou me keia mau lahui kanaka e, alaila ina ua aloha i ke kane, noho iho no me ke kane a ina ua manao oe, e hooko i ka manao o ke kanawai hoopulapula, alaila e waiho iho no i ko kane Pake, Kepani, Pilipino, ame na lahui e ae, alaila ku ae a maloeloe; hoi ana i na aina nani o Hoolehu Palaau, ame Kalamaula, ma Molokai.

            Anoai paha, o olelo iho oukou e kuu lahui aloha, pehea iho la ka makou mau kane!  E lilo ia i ninau kanawai imua o ka aha kaapuni; ma ka lawe ana mai i mau palapala hoopii oki mare, a ina e apono ka aha kaapuni apau ae Ia ka pilikia, a ina aole, noho iho no me ke kane, o lilo auanei ko oukou hoi pu ana me na kane o na lahui e i mea hoopilikia i ka lahui Hawaii, nia keia ninau hoopulapula.

            E ninau hou iho ana paha oukou.  Owai iho la ko makou man kokua o ka noho ana aku o ka aina hoopulapula!  E loaa ana ia mau kokua, oiai he hookahi makahiki okoa i koe alaila hookoia keia kanawai; o ka loaa no paha ia o kahi palaka hou, eliko no me kahi muumuu au e kuu koko e aahu la, o ka pau no ia o ka pilikia, loaa ke kokoolua o ka noho ana o na kula palahalaha, o Hoolehua Palaau ame Kalamaula.

            E kuu lahui aloha; ka i no hoi ua hala na la o na olelo hailuku o ka hoino, eia ka aole!  Ke pa’e hou mai nei no na leo kanikauiaula, he poe ike oke ka lahui Hawaii:  he poe hupo, a ua hookohu okoa ia i kumu a’o mahiai i keia la, no ke a’o ana mai i na Hawaii i ka mahiai ana.  He kupanaha nui keia!

            Ke aui ae kakou ihope i na la o na kupuna, e ike maopopo ana no kakou, he poe loea lakou ma ka oihana mahiai, a ua kappa aku lakou ia oihana o ka makuakane iho la no ia aka nae ua pomaikai hoi kakou e ka lahui ua loaa ke kumuao; nolaila mai lilo keia mau hailuku ana mai i mea e kuihe ai, aka e hoi ma na aina i hookaawaleia, a hana aku me kou ikaika ame ka noonoo maikai, a ke Akua i haawi mai ai ia oe.

            Ke hooki me ka hoomaikai i kuu lahui aloha, a me ka Lunahoopoopono ko’u lululima pu ana.

            Kou no,

                                    JOSEPH   MAKALEI

 

E  MALAMA  ANA  KA  AHAHUI  POOLA  HE  HALAWAI  HAIPULE

 

            Ma ka halawai kumau o keia malama iho nei, Dekemaba 19, 1921, i hooholola ai, e malama ka Ahahui Kokua ame Manawalea o na Poola he halawoi hoomaikai aku i ke Akua ma ke Sabati mua loa o keia makahiki ae e hiki mai ona, Ianuari 1, 1922, hora 2 p.m., ma ko lakou hale halawai ma Holokahana Lane, Alanui Liliha mauka iho o ke Alanui Kula.

            He halawai keia e hoomaikai aku ana i ke Akua no na pomaikai ame ia mau mea like, no ka makahiki i hala, a pela me ke noi pu ana aku i na Mana Lani e hoopomaikai mai no i keia makahiki ae e hiki mai ana i kona maul ala apau.

            Ke nonoiia aku nei ka oluolu o na lala apau e hiki ae ma keia halawai, e malamala ana ma ka la ame ka manawa i hoikeia ae la maluna, no ka mea, aole nou kou ola ana amen a mea apau, aka, no ke Akua wale mai no ia mau mea, nolaila, i manao ai na lunanui, he mea pono, e hookaawaleia ka la i hoikeia ae la maluna, i la e hoomaikai aku ai Iaia, no na pomaikai i manawaleaia mai ia oe ame ka Ahahui.

            Ke kono pu ia aku nei ka oluolu, o ka Ahahui Poola o na wahine e komo ae ma keia hoomanao ana, ma ka manawa ame ka la i hoikeia ae la maluna.

                        Me ka haahaa,

                                                WM.  F.  BUSH,

                                                                        Kakauolelo,

 

KUU  LEI  MOKIHANA

            Mahalo i ka nani a o  Kahului,

            Hookahi no hewa a e wahanui.

            Kaulana ae nei puni ke kaona,

            Kauai hooio hilahila ole.

            Aole pela ka oiaio,

            Ka manao o ka pua Katinia.

            Olelo i ka mea waiwai ole,

            Aohe hua pala e loaa mai,

            Kaulana o Maui no e ka oi.

I oi wale no ia Haleakala

            Hookuku au puni Kahului,

            Kauai ka oi o na Ailana.

            Aina i ka nani me ka maluhia,

            Lei hanohano ana i ka Mokihana.

            Aala i ka waha o ka nui manu,

            E kani mau nei i ke awakea.

            I lohe pono oe i kao'u kulana,

            Ka nohea au o ka Waiiliahi

            I hookumuia mai Waialeale,

            Ia wai kihene pua a ka manu.

            Lawa ai kuu hema kuu akau,

            Ke ui ae au pili wale mai.

            Puana ae au i kuu lei mau,

            Kuu lei Mokihana lei onaona.

 

HULI HOI HOU AKU NO KAPALAKIKO IWAENA MOANA.

 

            He mau haneri o na kanaka e kau ana maluna o na makuahi Maui ame ka Maisonia i ku maluna o na oneki a nana mai i ka holo o kekahi waapa me ekolu mau ohua e kau ana maluna, no ka mea maluna o ka waapa elua mau ohua holo malu mawaho ae o Mrs. Elizabeth Linnard mahope o kona holo ana mai maluna o ka makuahi no kokahi kaukani mile mai ka Ipuka Gula mai o Kapalakiko a hooholo ae la oia i kona manao o hoi hou aku no Kapalakiko iwaena moana.

            He wahine o Mrs. Linnard i okiia mai kana kane mua mai ma kekahi manawa i hala aku a e holo mai ana oia i Honolulu nei noo ka mare ana mo ke Kapena koa Eberle o ka Pakoa o Leilehua.  He wahine mare o Mrs. Linnard na ke keikikane a D. M. Linard, ke poo o ka Hokele Fairmont o Kapalakiko a ua oki nae laua ma kekahi manawa aku nei i hala.

            I ka loaa ana o ka lohe i ke Kapena Eberle ma ke kelekalapa uweaole ua hoi hou aku ka wahine ana i manao ai e mare i Kapalakiko, ua kau aku la oia maluna o ka mokuahi Manoa ma ke kakahiaka o ka Poakolu nei, a holo aku la no Kapalakiko a malaila oia e halawai aku ai me Mrs. Linard, kahi  a laua e hoohuiia mai ana ma ka mare.

            He ohua o Mrs. Linnard maluna o ka mokuahi Maui e holo mai ana no Honolulu nei, i ka hala ana elua la o ka moku ma ka moana mai ka haalele ana aku i ka Ipuka Gula, ua loaa mai la he lono ma ke kelekalapa uwea ole e hoakaka ana he ma'i loa ko ka makuahine o Mrs. Linnard, a ua makomake loa ia oia e hoi hou aku i Kapalakiko.

            I ka loaa ana o ka ike i ke kapena o ka mokuahi Maui no ko Mrs. Linnard makemake loa ia e hoi hou aku i Kapalakiko, a oiai he kapena oluolu oia, a ua loaa pu no hoi iaia ka ike ina e lawe loa ia mai ana o Mrs. Linnard i Honolulu nei alaila kakali a loaa kekahi mokuahi hou aku e holo ana i aKpalakiko alaila kau aku, a aole no e nele ana ka hoehaeha nui ia o kona noonoo no kona noonoo nui no ka pilikia i loaa i kona makuahine, nolaila hooholo iho la ke kapona o ka mokuahi Maui e hookau iaia maluna o ka mokuahi Mataonia e holo aku ana no Kapalakiko ma ka hui ana ma ka moana.

 

HE PUOLO NA KA WAIMAKA

 

            Mr. Lunahooponopono, o ka Nupepa Kuokoa, Aloha oe:--E oluolu mai oe ia'u, no ka'u wahi puolo waimaka a ke aloha, lei moopuna, ka opuu hoi i pua ae, a maewa aku la i ka poli mau o na mea apau, oiai no kona mau la he opio loa.

            Ua oili mai oia mai ka puhaka mai o ka'u mau keiki John David Kahelena me Mrs. Kikilia, he momi hoi na maua, na na kupuna o keia mau la olemakule e nee aku nai, eia nae, ua ako koke ia ae la no keia pua me ka pokole o kona hanu ana i keia ao.

            O Rokena D. Kahelena, ua haanauia i Aug. 21, 1921, a moe aku la i ka moe kau a moe hooilo, i Dec. 5, 1921, no ekolu malama 14 la, auwe kuu lei moopuna.

            Nolaila ke haawi aku nei makou apau i na hoomaikai i ka poe i u pu mai me makou, a ao ka po, pela no hoi ko makou hoomaikai palena ole i na mea apau i makana mai i na boke pua e luhiehu ana maluna o kuu lei moopuna aloha.

            Ke haawi ae nei i na hoomaikai ana i ka Haku, Nana no i haawi mai a Nana no e lawe aku, e hoomaikaila no Kona inoa.

            E haawi aku ana i ka'u hoomaikai hope, i na keiki hoonohohua o kou papapa'i, no ko oukou ahonui.

            Owau iho no me ka luuluu, na keiki me ka ohana apau.

                                                P. D. KAHELENA,

 

OLELO HOOLAHA

 

            Ke kauohaia aku  nei ka poe apau he kuleana ko lakou iloko o ka Pa Ilina Kupapau o Kalaepohaku e hele ae lakou i kekahi halawai kuikawa o malamaia aku ana ma ka Ilina o Kalaepohaku, Jan. 15, 1922, hora 2:00 p.m.

                                                L.  KALEIOPU,

                                                            Kakauolelo

6484--Dec. 30, 1921;  Jan. 6, 21, 1922